ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕອນເຊົ້າວັນທີ 20 ເມສານີ້, ພິທີເປີດກອງປະຊຸມປະຈຳປີ 2021 ຂອງເວທີປຶກສາຫາລືອາຊີໂປອາວໄດ້ຈັດຂຶ້ນຢູ່ເມືອງໂປອາວແຂວງໄຫຫຼຳຈີນ, ທ່ານສີຈິ້ນຜິງ ປະທານປະເທດຈີນໄດ້ກ່າວຄຳປາໄສຜ່ານທາງວີດີໂອ.
ທ່ານສີຈິ້ນຜິງກ່າວເນັ້ນວ່າ, ໃນ 20 ປີທີ່ຜ່ານມາ, ບັນດາປະເທດໃນອາຊີໄດ້ລົງເລິກການຊຸກຍູ້ເສດຖະກິດຂອງພາກພື້ນໃຫ້ເຊື່ອມໂຍງເປັນອັນໜຶ່ງອັນດຽວກັນ, ຮ່ວມມືກັນຊຸກຍູ້ການພັດທະນາເສດຖະກິດສັງຄົມ, ຊຸກຍູ້ໃຫ້ອາຊີກາຍເປັນພາກພື້ນທີ່ມີພະລັງຊີວິດຫຼາຍທີ່ສຸດ ແລະ ມີກຳລັງບົ່ມຊ້ອນດ້ານການເຕີບໂຕຂອງເສດຖະກິດໂລກຫຼາຍທີ່ສຸດ. ໃນຖານະເປັນປະເທດສະມາຊິກສຳຄັນໃນວົງຄະນາຍາດອາຊີ, ຈີນໄດ້ລົງເລິກການປະຕິຮູບ ແລະ ເປີດປະຕູສູ່ພາຍນອກຢ່າງບໍ່ຢຸດຢັ້ງ, ຕັ້ງໜ້າຊຸກຍູ້ການຮ່ວມມືຂອງພາກພື້ນ, ກ້າວເດີນໄປໜ້າພ້ອມກັບປະເທດໃນອາຊີ ແລະພັດທະນາຮ່ວມກັນກັບທົ່ວໂລກ. ເວທີປຶກສາຫາລືອາຊີໂປອາວໄດ້ເປັນສັກຂີພິຍານໃຫ້ແກ່ຂະບວນການທີ່ບໍ່ທຳມະດາຂອງຈີນ ແລະ ອາຊີ ກໍຄືຂອງໂລກ, ໄດ້ເສີມຂະຫຍາຍບົດບາດ ແລະ ເປັນແຮງດັນທີ່ສຳຄັນເພື່ອຊຸກຍູ້ການພັດທະນາອາຊີ ແລະທົ່ວໂລກ.
ຄຳເຫັນ
0