ຕອນ​ຄໍ່າ​ວັນ​ທີ 22 ​ເມສາ​ນີ້, ທ່ານ​ສີ​ຈິ້ນ​ຜິ​ງປະທານ​ປະ​ເທດ​ຈີນ​ໄດ້​ເຂົ້າ​ຮ່ວມ​ກອງ​ປະຊຸມ​ສຸດ​ຍອດ​ຜູ້ນຳກ່ຽວກັບ​ດິນ​ຟ້າ​ອາກາດ​ຜ່ານ​ທາງ​ວີ​ດີ​ໂອທັງ​ກ່າວ​ຄຳ​ປາ​ໄສ​ທີ່​ສຳຄັນ​ຢູ່​ນະ​ຄອນຫຼວງ​ປັກ​ກິ່ງ.

ທ່ານ​ສີ​ຈິ້ນ​ຜິ​ງຊີ້​ອອກ​ວ່າ, ​ເມື່ອ​ຜະ​ເຊີນ​ໜ້າ​ກັບ​ຄວາມ​ຫຍຸ້ງຍາກ​ທີ່​ບໍ່​ເຄີຍ​ມີ​ມາ​ກ່ອນ​ໃນ​ການ​ຄຸ້ມ​ຄອງ​ສິ່ງ​ແວດ​ລ້ອມ​ຂອງ​ທົ່ວ​ໂລກ, ປະຊາ​ຄົມ​ໂລກ​ຕ້ອງມີ​ອຸດົມ​ການ​ທີ່​ຍິ່ງ​ໃຫຍ່ ​ແລະ​ ມີການ​ກະທຳ​ທີ່​ບໍ່​ເຄີຍ​ເຮັດມາ​ກ່ອນ, ກ້າ​ແບກ​ຫາບ​ຄວາມ​ຮັບຜິດຊອບ, ຮ່ວມ​ແຮງ​ຮ່ວມ​ໃຈກັນ​, ຮ່ວມ​ກັນ​ສ້າງ​ປະ​ຊາ​ຄົມ​ຮ່ວມ​ຊີວິດ​ລະຫວ່າງຄົນ​ກັບ​ທຳ​ມະ​ຊາດ.