尚艳波

ຕາລາງລາຍການ FM93Mhz

ດາວໂຫຼດ App CRI-FM93 ລະບົບ IOS

ດາວໂຫຼດ App CRI-FM93 ລະບົບ Android

FM93

ການ​ຊຸກ​ຍູ້​ການ​ຮ່ວມ​ມື​​ອາ​ຊີແບບ​ຕ່າງຝ່າຍ​ຕ່າງ​​ໄດ້​ຮັບຜົນ​ປະ​ໂຫຍດ​ຮ່ວມ​ກັນ​ ສະ​ແດງ​ໃຫ້​ເຫັນ​ເຖິງ​ການ​ແບກ​ຫາບ​ໜ້າ​ທີ່​ຮັບ​ຜິດ​ຊອບ​ຂອງ​ປະ​ເທດ​ໃຫຍ່​ຂອງ​ຈີນ

2021-04-22 17:49:50 cri

ການ​ຊຸກ​ຍູ້​ການ​ຮ່ວມ​ມື​​ອາ​ຊີແບບ​ຕ່າງຝ່າຍ​ຕ່າງ​​ໄດ້​ຮັບຜົນ​ປະ​ໂຫຍດ​ຮ່ວມ​ກັນ​ ສະ​ແດງ​ໃຫ້​ເຫັນ​ເຖິງ​ການ​ແບກ​ຫາບ​ໜ້າ​ທີ່​ຮັບ​ຜິດ​ຊອບ​ຂອງ​ປະ​ເທດ​ໃຫຍ່​ຂອງ​ຈີນ_fororder_1c031a69d6b54d91a2bd595cf89ffc2d.JPG

      ວັນ​ທີ 20 ເມ​ສາ​ນີ້, ທ່ານ ສີ​ຈິ້ນ​ຜິງ ປະ​ທານ​ປະ​ເທດ​ຈີນ​ໄດ້​ກ່າວ​ຄຳ​ປາ​ໄສ​ທີ່​ສຳ​ຄັນຜ່ານ​ທາງວິ​ດີ​ໂອ​ພາ​ຍ​ໃຕ້​ຫົວ​ຂໍ້ “ຮ່ວມ​ແຮງ​ຮ່ວມ​ໃຈ​ກັນ​ຜ່ານ​ຜ່າ​ຄວາມ​ຫຍຸ້ງ​ຍາກ​ຕ່າງໆ, ​ຮ່ວມຊາ​ຕາ​ກຳ​ແລະ​ຮ່ວມ​ກັນ​ສ້າງ​ອະ​ນາ​ຄົດ”​ໃນ​ກອງ​ປະ​ຊຸມ​ເວ​ທີ​ປຶກ​ສາ​ຫາ​ລື​ອາ​ຊີ​ໂປ​ອາວ ໂດຍ​ໄດ້​​ສະ​ເໜີ​ຂໍ້ລິ​ເລີ່ມ​ໃຫ້​ບັນ​ດາ​ປະ​ເທດ​ອາ​ຊີ​ແລະ​ໂລກ​ຄວນ​ຕອບ​ສະ​ໜອງ​ຄວາມ​ຮຽກ​ຮ້ອງ​ຕ້ອງ​ການ​ຂອງ​ຍຸກ​ສະ​ໄໝ, ຮ່ວມ​ມື​ກັນ​ຕ້ານ​ກັບ​ພະ​ຍາດ​ໂຄວິດ-19, ເພີ່ມ​ທະ​ວີ​ການ​ບໍ​ລິ​ຫານ​ໂລກ, ​ສ້າງ​ປະ​ຊາ​ຄົມ​​ຮ່ວມຊາ​ຕາ​ກຳ​ຂອງ​ມວນ​ມະ​ນຸດ​ໃຫ້​ໄດ້​ຮັບ​ຄວາມຄືບ​ໜ້າ​ຢ່າງ​ບໍ່​ຢຸດ​ຢັ້ງ. ຄຳ​ປາ​ໄສ​ຂອງ​ທ່ານ ສີ​ຈິ້ນ​ຜິງ ມີ​ເນື້ອ​ໃນ​ທີ່​ອຸ​ດົມ​ສົມ​ບູນ​ຫຼາຍແລະ​ມີ​ຄວາມ​ໝາຍ​ທີ່​ເລິກ​ເຊິ່ງ​ຍາວ​ໄກ.

ການ​ຊຸກ​ຍູ້​ການ​ຮ່ວມ​ມື​​ອາ​ຊີແບບ​ຕ່າງຝ່າຍ​ຕ່າງ​​ໄດ້​ຮັບຜົນ​ປະ​ໂຫຍດ​ຮ່ວມ​ກັນ​ ສະ​ແດງ​ໃຫ້​ເຫັນ​ເຖິງ​ການ​ແບກ​ຫາບ​ໜ້າ​ທີ່​ຮັບ​ຜິດ​ຊອບ​ຂອງ​ປະ​ເທດ​ໃຫຍ່​ຂອງ​ຈີນ_fororder_aa29a7e9c0be460898bc21da1ba2e6c3.JPG

      ປັດ​ຈຸ​ບັນ, ​ພາຍ​ໃຕ້​ສະ​ພາບ​ການ​ທີ່​ເກີດ​ມີ​ການ​ປ່ຽນ​ແປງ​ແບບ​ບໍ່​ເຄີຍ​ມີ​ມາ​ກ່ອນ​ໃນ​ຮອບ​ຮ້ອຍ​ປີ​ທັງ​ໄດ້​ພົບ​ກັບ​ການ​ແຜ່​ລະ​ບາດ​ຂອງ​ພະ​ຍາດ​ໂຄວິດ-19 ອີກ, ທົ່ວ​ໂລກ​ໄດ້​ເຂົ້າ​ສູ່​ໄລ​ຍະ​​ສັບ​ສົນ​ຂອງການ​ປ່ຽນ​ແປງ​ແລະ​ປະ​ຕິ​ຮູບ​, ຄວາມ​ບໍ່​ໝັ້ນ​ທ່ຽງ​ແລະ​ຄວາມ​ບໍ່​ແນ່ນອນ​ໄດ້​ເພີ່ມ​ຂຶ້ນ​ຢ່າງ​ຈະ​ແຈ້ງ. ສັງ​ຄົມ​ມະ​ນຸດ​ຄວນ​ກ້າວ​ເດີນ​ໄປ​ໃນ​ທິດ​ທາງ​ໃດ? ພວກ​​ເຮົາ​ຄວນ​ສ້າງ​ອະ​ນາ​ຄົດ​​ໃຫ້​ກັບ​ຄົນ​ລຸ້ນ​ຫຼັງ​ແນວ​ໃດ? ພວກ​​ເຮົາ​ຄວນ​ຕັ້​ງ​ຢູ່​ບົນ​ພື້ນ​ຖານ​​ທີ່​ຖືຜົນ​ປະ​ໂຫຍດ​ຮ່ວມ​​ຂອງ​ມວນ​ມະ​ນຸດເປັນ​ຫຼັກ, ​ຄຽງ​ບ່າ​ຄຽງ​ໄຫຼ່ກັນ​,ສາ​ມັກ​ຄີ​ແລະ​ຮ່ວມ​ມື​ກັນ. ​ກ້າວ​ໜ້າ​ຮ່ວມ​ກັບ​ອາ​ຊີ, ​ພັດ​ທະ​ນາຮ່ວມ​ກັບ​ໂລກ,​ນີ້​ແມ່ນ​ທາງ​ເລືອກ​ທີ່​ເຕັມ​ໄປ​ດ້ວຍ​ທ່າ​ທີ​ທີ່​ມີ​ຄວາມ​ຮັບ​ຜິດ​ຊອບ​ຂອງ​ຈີນ​ໃນ​ຖາ​ນະ​ເປັນ​ປະ​ເທດ​ໃຫຍ່​ທັງແມ່ນ​ຄຳ​ຕອບ​ຂອງ​ຈີນ​ຕໍ່​ກັບ​ຄຳ​ຖາມ​ທີ່​ສຳ​ຄັນ​ຄື: “ສັງ​ຄົມ​ມະ​ນຸດ​ຄວນກ້າວ​ເດີນ​ໄປ​ໃນ​ທິດ​ທາງ​ໃດ” “ພວກ​ເຮົາ​ຄວນ​ສ້າງ​ອະ​ນາ​ຄົດ​​ໃຫ້​ແກ່​ຄົນ​ລຸ້ນ​ຫຼັງແນວ​ໃດ?”
 

      ນີ້​ເປັນ​ການ​ກ່າວ​ຄຳ​ປາ​ໄສ​ຄັ້ງ​ທີ 5 ຂອງ​ທ່ານ​ປະ​ທານ ສີ​ຈິ້ນ​ຜິງ ໃນ​ກອງ​ປະ​ຊຸມປະ​ຈຳ​ປີ​ຂອງ​ເວ​ທີ​ປຶກ​ສາ​ຫາ​ລື​ອາ​ຊີ​ໂປ​ອາວ​. ​ເມື່ອເບິ່ງ​ຈາກ​ເນື້ອ​ໃນ​ຄຳ​ປາ​ໄສໃນ 5 ຄັ້ງ​ຜ່ານ​ມາ​ແລ້ວ​ຈະ​ເຫັນ​ໄດ້​ວ່າ: ການ​ຊຸກ​ຍູ້​ການ​ຮ່ວມ​ມື​ອາ​ຊີ​ແບບ​ຕ່າງ​ຝ່າຍ​ຕ່າງ​​ໄດ້​ຮັບ​ຜົນ​ປະ​ໂຫຍດ​ຮ່ວມ​ກັນ​ແມ່ນ​ຄຳ​ສັບ​ສຳ​ຄັນ​ທີ່​ບໍ່​ເຄີຍປ່ຽນ​ແປງ​​ຕະ​ຫຼອດ​ໄລ​ຍະ​ຜ່ານ​ມາ ເຊິ່ງ​ໄດ້​ສະ​ແດງ​ໃຫ້​ເຫັນວ່າ:​​ຈີນ​ໄດ້​ແບກ​ຫາບ​ໜ້າ​ທີ່​ຮັບ​ຜິດ​ຊອບໃນ​ຖາ​ນະ​ເປັນປະ​ເທດ​ໃຫຍ່​ໃນ​ການ​ເສີມ​ສ້າງ​ຄວາມ​ສາ​ມັກ​ຄີ​ແລະ​ການ​ປະ​ສານ​ງານ​ລະ​ຫວ່າງ​ບັນ​ດາ​ປະ​ເທດ​ໃນ​ພາກ​ພື້ນ.

ການ​ຊຸກ​ຍູ້​ການ​ຮ່ວມ​ມື​​ອາ​ຊີແບບ​ຕ່າງຝ່າຍ​ຕ່າງ​​ໄດ້​ຮັບຜົນ​ປະ​ໂຫຍດ​ຮ່ວມ​ກັນ​ ສະ​ແດງ​ໃຫ້​ເຫັນ​ເຖິງ​ການ​ແບກ​ຫາບ​ໜ້າ​ທີ່​ຮັບ​ຜິດ​ຊອບ​ຂອງ​ປະ​ເທດ​ໃຫຍ່​ຂອງ​ຈີນ_fororder_72049fd6ca9f49df97934e10c5f37efa.JPG

      ຍ້ອນ​ໄດ້​ຮັບ​ຜົນ​ກະ​ທົບ​ຈາກ​ການ​ແຜ່​ລະ​ບາດ​ຂອງ​ພະ​ຍາດ​ໂຄວິດ-19, ຈັງ​ຫວະ​ການ​ເຕີບ​ໂຕ​ດ້ານເສດ​ຖະ​ກິດ​​ຂອງ​ອາ​ຊີ​ໃນ​ປີ​ກາຍ​ນີ້​ແມ່ນ​ລົບ 1,7%, ເປັນ​ຈັງ​ຫວະ​ການ​ເຕີບ​ໂຕ​​ທີ່​ເປັນ​ຕົວ​ເລກ​ລົບ​ຄັ້ງ​ທຳ​ອິດ​ໃນ​ຮອບ 60 ປີ​ຜ່ານ​ມາ, ແຕ່​ສະ​ພາບ​ການສັງ​ລວມ​ຍັງ​ດີກວ່າ​ເຂດ​ແຄວ້ນ​ອື່ນໆ​ໃນ​ໂລກ​​ທີ່​ເຫັນ​ໄດ້ຢ່າ​ງ​ຈະ​ແຈ້ງ. ທ່ານ​ປະ​ທານ ສີ​ຈິ້ນ​ຜິງ ກ່າວ​ວ່າ: ໃນ​ໄລ​ຍະ 20 ປີ​ຜ່ານ​ມາ, ປະ​ເທດ​ອາ​ຊີ​ໄດ້​ລົງ​ເລິກ​ການ​ຊຸກ​ຍູ້​ການ​ເຊື່ອມ​ໂຍງດ້ານ​ເສດ​ຖະ​ກິດ​ຂອງ​ພາກ​ພື້ນໃຫ້​ເປັນ​ອັນ​ໜຶ່ງ​ອັນ​ດຽວ​ກັນ, ຊຸກ​ຍູ້​ການ​ພັດ​ທະ​ນາ​ເສດ​ຖະ​ກິດ​ສັງ​ຄົມ​​ດ້ວຍ​ການ​ປະ​ສານ​ງານ​ກັນ,ຊຸກ​ຍູ້​ໃຫ້​ອາ​ຊີ​ກາຍ​ເປັນ​ພາກ​ພື້ນ​ທີ່​ມີ​ຊີ​ວິດ​ຊີ​ວາ​​ທີ່​ສຸດແລະ​​ມີຄວາມ​ສາ​ມາດ​ບົ່ມ​ຊ້ອນ​ດ້ານ​ການ​ເຕີບ​ໂຕ​ທາງ​ດ້ານເສດ​ຖະ​ກິດ​​ຫຼາຍ​ທີ່​ສຸດ​ໃນໂລກ. ອາດ​ເຫັນ​ໄດ້​ວ່າ: ພາຍ​ໃຕ້​​ເງື່ອນ​ໄຂ​ທີ່​ການ​ເຕີບ​ໂຕ​ດ້ານເສດ​ຖະ​ກິດ​ໂລກ​ມີພະ​ລັງ​ແຮງ​ບໍ່​ພຽງ​ພໍ, ບົດ​ບາດ​​ທີ່​ເປັນ​ແຮງຊຸກ​ດັນ​ຂອງ​ເສດ​ຖະ​ກິດ​ອາ​ຊີ​​ພັດນັບ​ມື້​ນັບ​ພົ້ນ​ເດັ່ນ​ຂຶ້ນ​,ການ​ທີ່​ສືບ​ຕໍ່​ຊຸກ​ຍູ້​ຂະ​ບວນ​ການ​ເຊື່ອມ​ໂຍງ​ເສດ​ຖະ​ກິດ​ອາ​ຊີໃຫ້​ເປັນ​ອັນ​ໜຶ່ງ​ອັນ​ດຽວ​ກັນ​ເປັນ​ກ້າວໆ​ຢ່າງ​ໝັ້ນ​ທ່ຽງ,ເພີ່ມ​ທະ​ວີ​ລະ​ດັບ​​ການເພິ່ງ​ພາ​ອາ​ໄສ​ກັນ​ລະ​ຫວ່າງ​ກຸ່ມ​ເສດ​ຖະ​ກິດ​ຕ່າງໆ,​ແລະສ້າງ​ຄວາມ​ສະ​ດວກ​ໃຫ້​ແກ່​ການ​ໄປ​ມາ​ຫາ​ສູ່​ກັນ​ລະ​ຫວ່າງ​ບຸກ​ຄົນ​ແລະ​ການ​ໄຫຼວຽນ​ຂອງ​ເງິນ​ທຶນ, ​ຈະມີ​ຜົນ​ດີ​ຕໍ່​ການ​ພັດ​ທະ​ນາ​ເສດ​ຖະ​ກິດ​ຂອງ​ບັນ​ດາ​ປະ​ເທດ​ໃນ​ອາ​ຊີ​​ໃນ​ໄລ​ຍະ​ຍາວແລະ​ປອດ​ໃສ,ຍິ່ງ​ມີ​ຜົນ​ດີ​ຕໍ່​ການ​ຟື້ນ​ຟູ​ເສດ​ຖະ​ກິດ​ໂລກ​ຄືນ​ໃໝ່​ໂດຍ​ໄວ.

ການ​ຊຸກ​ຍູ້​ການ​ຮ່ວມ​ມື​​ອາ​ຊີແບບ​ຕ່າງຝ່າຍ​ຕ່າງ​​ໄດ້​ຮັບຜົນ​ປະ​ໂຫຍດ​ຮ່ວມ​ກັນ​ ສະ​ແດງ​ໃຫ້​ເຫັນ​ເຖິງ​ການ​ແບກ​ຫາບ​ໜ້າ​ທີ່​ຮັບ​ຜິດ​ຊອບ​ຂອງ​ປະ​ເທດ​ໃຫຍ່​ຂອງ​ຈີນ_fororder_840aa762e9ec49dc9b0f536d44ed8bb8.JPG

      ຈາກ​ການ​ຍຶດ​ໝັ້ນ​​ໃນ​ຫຼັກ​ການ​ປຶກ​ສາ​ຫາ​ລື​ຮ່ວມ​ກັນ,ສ້າງ​ສາ​ຮ່ວມ​ກັນ​ແລະ​ຊົມ​ໃຊ້​ຮ່ວມ​ກັນ, ຮ່ວມ​ກັບ​ບັນ​ດາ​ປະ​ເທດ​ໃນ​ໂລກ​ສ້າງ “ໜຶ່ງ​ແລວ​ໜຶ່ງ​ເສັ້ນ​ທາງ” ຢ່າງ​ມີ​ຄຸນ​ນະ​ພາບ​ສູງ ຈົນ​ຮອດ​ການ​ລິ​ເລີ່ມ​ແລະ​ຊຸກ​ຍູ້​ການ​ສ້າງ​ທະ​ນາ​ຄານ​ລົງ​ທຶນ​ພື້ນ​ຖານ​ໂຄງ​ລ່າງ​ອາ​ຊີ​ຢ່າງ​ຕັ້ງ​ໜ້າ; ຈາກ​ການ​ຊຸກ​ຍູ້​ການ​ສ້າງ​ເຂດ​ການ​ຄ້າ​ເສ​ລີ​ຈີນ,ຍີ່​ປຸ່ນ​ແລະ​ສ.ເກົາ​ຫຼີ​​​ໃຫ້​ໄວ​ຂຶ້ນຢ່າງ​ຕັ້ງ​ໜ້າ​, ​ຈົນ​ຮອດການ​ເຊັນ “ສັນ​ຍາ​ວ່າ​ດ້ວຍ​ການ​ພົວ​ພັນ​ຄູ່​ຮ່ວມ​ເສດ​ຖະ​ກິດ​ຮອບ​ດ້ານ​ຂອງ​ພາກ​ພື້ນ”​ຫຼື RCEP . ໃນ​ໄລ​ຍະ​ດົນ​ນານ​ມາ​ນີ້, ຈີນ​ໄດ້​ສຸມ​ໃສ່​ຊຸກ​ຍູ້​ການ​ຄ້າ​ແລະ​ການ​ລົງ​ທຶນ​ຂອງ​ອາ​ຊີ​ກໍ​ຄື​ຂອງ​ໂລກ​ໃຫ້​ມີ​ຄວາມ​ສະ​ດວກ​ແລະ​ເສ​ລີ​,ລົງ​ເລິກ​ການ​ເຊື່ອມ​ໂຍງ​ດ້ານ​ເສດ​ຖະ​ກິດ​ຂອງ​ພາກ​ພື້ນໃຫ້​ເປັນ​ອັນ​ໜຶ່ງ​ອັນ​ດຽວ​ກັນ.
 

      ຈາກ​ການ​ຮ່ວມ​ກັບ​ບັນ​ດາ​ປະ​ເທດ​ອາ​ຊຽນຍຶດ​ໝັ້ນ​ເນື້ອ​ໃນຈິດ​ໃຈຂອງ“ຖະ​ແຫຼງ​ການ​ແຫ່ງ​ການ​ປະ​ພຶດ​​ໃນ​ທະ​ເລ​ຈີນ​ໃຕ້​ຫຼື DOC”, ການຊຸກ​ຍູ້​ການ​ປຶກ​ສາ​ຫາ​ລື​ກ່ຽວ​ກັບ​ “ກົດ​ແຫ່ງ​ການ​ປະ​ພຶດ​​​ໃນທະ​ເລ​ຈີນ​ໃຕ້​ຫຼື COC” ຢ່າງ​ຕັ້ງ​ໜ້າ, ການຊຸກ​ຍູ້​​ໃຫ້ສະ​ຖາ​ນະ​ການ​​ຢູ່ທະ​ເລ​ຈີນ​ໃຕ້​ພັດ​ທະ​ນາ​ໄປ​ຕາມ​ທິດ​ທາງ​ທີ່​ມີ​ສັນ​ຕິ​ພາບ​ແລະ​ສະ​ຖຽນ​ລະ​ພາບກວ່າ​ເກົ່າຈົນ​ຮອດ​ການ​ຮ່ວມ​ກັບ​ອາ​ຊີ​ແລະ​ຄູ່​ຮ່ວມ​ມື​ສາ​ກົນ​ຮ່ວມ​ກັນ​ຜະ​ລິດວັກ​ຊີນ​ໂຄວິດ-19 ​ແລະ​ການ​ຊ່ວຍ​ເຫຼືອ​ລ້າ​ດ້ານວັກ​ຊີນ​ໂຄວິດ-19 ໃຫ້​ແກ່​ປະ​ເທດ​ທຸກ​ຍາກ​​ແລະ​ຈົນ​ຮອດ​ການ​ສະ​ເໜີ​ການ​ລະ​ບາຍ​ກາກບອນ​ດີ​ອອກ​ຊິດ​ໃຫ້​ເຖິງ​ຈຸດ​ສູງ​ສຸດ​ເມື່ອ​ຮອດ​ປີ 2030,ພະ​ຍາ​ຍາມ​ຢ່າງສຸດ​ຂີດເພື່ອ​ບັນ​ລຸ​ເປົ້າ​ໝາຍ​ປອດ​ກາກບອນ​ດີ​ອອກ​ຊິດ​​ເມື່ອ​ຮອດ​ປີ 2060 ທີ່​ຍິ່ງ​ໃຫຍ່. ທາງເລືອກ​ແລະ​ຄຳ​ຕອບ​ແບບ​ນີ້​ໄດ້​ສະ​ແດງ​ໃຫ້​ເຫັນ​​ເຖິງຈິດ​ໃຈ​ປະ​ເທດ​ໃຫຍ່. “ປະ​ເທດ​ໃຫຍ່​ກໍ​ຄວນ​ມີ​​ປະ​ພຶດ​ແບບປະ​ເທດ​ໃຫຍ່,ຄວນ​ສະ​ແດງ​ໃຫ້​ເຫັນ​ຈິດ​ໃຈ​ຂອງ​ການ​ແບກ​ຫາບ​ໜ້າ​ທີ່​ຮັບ​ຜິດ​ຊອບ​ໃຫ້​ຫຼາຍກວ່າ​ເກົ່າ.”
 

      ເມື່ອ​ມຸ່ງໜ້າ​ສູ່​ອະ​ນ​າ​ຄົດ, ຈີນ​ຈະ​ຊູ​ຄັນທຸງ​ແຫ່ງ​ສັນ​ຕິ​ພາບ,ການ​ພັດ​ທະ​ນາ,ການ​ຮ່ວມ​ມື​ແລະ​ຕ່າງ​ຝ່າຍ​ຕ່າງ​ໄດ້​ຮັບ​ຜົນ​ປະ​ໂຫຍດ​ຮ່ວ​ມ​ກັນ​ຢ່າງ​ສະ​ເໝີ​ຕົ້ນ​ສະ​ເໝີ​ປາຍ,ສືບ​ຕໍ່​ເປັນ​ຜູ້​​ສ້າງ​ສັນ​ຕິ​ພາບ​ໂລກ​ແລະ​ຜູ້​ປະ​ກອບ​ສ່ວນ​ໃນ​ການ​ພັດ​ທະ​ນາ​ຂອງ​ໂລກ, ຈີນ​ຈະ​ຮ່ວ​ມ​ມື​ກັບ​ປະ​ເທດ​ໃນອາ​ຊີ​ແລະ​ບັນ​ດາ​ປະ​ເທດ​ໃນ​ໂລກ, ປະ​ກອບ​ສ່ວນ​ອັນ​ໃໝ່​​ໃຫຍ່​ຫຼວງກວ່າ​ເກົ່າ​ເຂົ້າ​ໃນ​ການ​ເຕົ້າ​ໂຮມ​ຄວາມ​ຮັບ​ຮູ້​​ທີ່​ເປັນ​ເອ​ກະ​ພາບ, ຊຸກ​ຍູ້​ການ​ຮ່ວມ​ມື, ຊຸກ​ຍູ້​ເສດ​ຖະ​ກິດ​ໂລ​ກາ​ພິ​ວັດແລະ​ຊຸກ​ຍູ້​ການ​ສ້າງ​ປະ​ຊາ​ຄົມ​ຮ່ວມ​ຊາ​ຕາ​ກຳ​​ຂອງມວນ​ມະ​ນຸດ.

ຄຳ​ເຫັນ

0