ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕອນບ່ອຍຂອງວັນທີ 25 ເມສານີ້, ທ່ານສີຈິ້ນຜິງ ປະທານປະເທດຈີນທີ່ພວມສຳຫຼວດກວດກາວຽກງານຢູ່ເຂດປົກຄອງຕົນເອງເຜົ່າຈ້ວງກວາງຊີຈີນໄດ້ເດີນທາງໄປຮອດທ່າເຮືອຢາງຕີ່ຢູ່ນ້ຳລີຈ່ຽງເມືອງຢາງຊົ້ວນະຄອນກຸ້ຍລີນ ເພື່ອຮັບຟັງການລາຍງານກ່ຽວກັບສະພາບການປົວແປງໂດຍສັງລວມ ແລະການອະນຸລັກສິ່ງແວດລ້ອມນິເວດຂອງລ້ອງນ້ຳລີຈ່ຽງ. ຜູ້ຮັບຜິດຊອບທ້ອງຖິ່ນໄດ້ລາຍງານຕໍ່ທ່ານສີຈິ້ນຜິງວ່າ: ໃນຊຸມປີຜ່ານມາ, ນະຄອນກຸ້ຍລີນໄດ້ອອກແຮງຊຸກຍູ້ການປົວແປງຄວາມບໍ່ເປັນລະບຽບຮຽບຮ້ອຍ, ສາຍນ້ຳ, ພູຜາ ແລະພື້ນຖານຂອງທ້ອງຖິ່ນ, ຍົກເລີກ ແລະຄຸ້ມຄອງໂຮງງານຂຸດຄົ້ນຫີນ, ການດູດແຮ່ດູດຊາຍທີ່ຜິດກົດໝາຍ ແລະອື່ນໆ.
ທ່ານສີຈິ້ນຜິງກ່າວວ່າ: ເລື່ອງທີ່ຮ້າຍແຮງທີ່ສຸດກໍແມ່ນການຂຸດຄົ້ນຫີນ. ເມື່ອທຳລາຍພູໜ່ວຍໃດກໍຈະສູນເສຍພູໜ່ວຍນັ້ນໄປຕະຫຼອດ. ໃນທົ່ວປະເທດຈີນ ແລະທົ່ວໂລກມີສິ່ງປະເສີດຄືແບບນີ້ອັນດຽວເທົ່ານັ້ນ, ສະນັ້ນ ຢ່າທຳລາຍ. ຖ້າມີຜູ້ຂຸດຄົ້ນຫີນທີ່ຜິດກົດໝາຍອີກຈຶ່ງບໍ່ພຽງແຕ່ໃຫ້ລົງໂທດເທົ່ານັ້ນ, ຍັງຕ້ອງດຳເນີນຄະດີອາຍາຕາມກົດໝາຍອີກດ້ວຍ.
ຄຳເຫັນ
0