ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຢູ່ເມືອງຊວນໂຈ່ ພາກຕາເວັນອອກສຽງເໜືອຂອງເຂດປົກຄອງຕົນເອງເຜົ່າຈ້ວງກວາງຊີສປງຈີນ, ມີບ້ານໜຶ່ງຊື່ວ່າບ້ານພູໄມ້ໄຜ່ທີ່ມີຊື່ສຽງຍ້ອນມີໄມ້ໄຜ່ຫຼາຍ, ແຕ່ສິ່ງທີ່ໜ້າແປກກໍຄື, ສິ່ງທີ່ມີຊື່ສຽງທີ່ສຸດຂອງບ້ານນີ້ພັດແມ່ນອຸດສາຫະກຳປູກໝາກລາແຊ້ງ.
ຢູ່ບ້ານພູໄມ້ໄຜ່ມີ 46 ຄອບຄົວ ມີປະຊາກອນທັງໝົດ 156 ຄົນ, ມີເນື້ອທີ່ທັງໝົດ 0,6 ກິໂລຕາແມັດ, ໃນເມື່ອກ່ອນ, ປະຊາຊົນຢູ່ແຫ່ງນີ້ມີຄວາມທຸກຍາກທີ່ສຸດ. ແຕ່ຊຸມປີມໍ່ໆມານີ້, ບ້ານນີ້ໄດ້ສຸມໃສ່ການພັດທະນາອຸດສາຫະກຳປູກໝາກລາແຊ້ງ, ປະລິມານການຜະລິດໄດ້ເຖິງ 500 ໂຕນຕໍ່ປີ, ລາຍຮັບສະເລ່ຍຕໍ່ຫົວຄົນກໍມີເຖິງ 3 ໝື່ນຢວນຕໍ່ປີ.
“ໝາກລາແຊ້ງສີຂຽວ” ກາຍເປັນ “ທະນາຄານສີຂຽວ” ຂອງບ້ານພູໄມ້ໄຜ່. ຄວາມຈະເລີນຂອງອຸດສາຫະກຳປູກໝາກລາແຊ້ງໄດ້ຊຸກຍູ້ການສ້າງສາຊົນນະບົດໃຫ້ສວຍງາມ, ໃນຊຸມປີຜ່ານມາ, ຢູ່ໃນບ້ານແຫ່ງນີ້ປະຊາຊົນໄດ້ສ້າງເຮືອນ 24 ຫຼັງທີ່ມີເອກະລັກພິເສດຂອງທ້ອງຖິ່ນ, ຈຶ່ງເຮັດໃຫ້ບ້ານມີໂສມໜ້າທີ່ໃໝ່ອ່ຽມ, ສະພາບແວດລ້ອມດ້ານການດຳລົງຊີວິດກໍໄດ້ຮັບການປັບປຸງໃຫ້ດີຂຶ້ນຢ່າງຫຼວງຫຼາຍ.
ໃນເດືອນທັນວາປີ 2020, ທ່ານສີຈິ້ນຜິງ ປະທານປະເທດຈີນໄດ້ກ່າວເນັ້ນໃນກອງປະຊຸມວຽກງານຊົນນະບົດຂັ້ນສູນກາງວ່າ, ຫຼັງຈາກບັ້ນລຶບລ້າງຄວາມທຸກຍາກໄດ້ຮັບໄຊຊະນະແລ້ວ, ຕ້ອງຊຸກຍູ້ການພັດທະນາຊົນນະບົດໃຫ້ຈະເລີນຮຸ່ງເຮືອງຢ່າງຮອບດ້ານ. ວັນທີ 25 ເມສານີ້, ທ່ານສີຈິ້ນຜິງໄດ້ເດີນທາງໄປ ບ້ານພູໄມ້ໄຜ່ ເພື່ອ ສຳຫຼວດກວດກາວຽກງານຊຸກຍູ້ການພັດທະນາຊົນນະບົດ, ການຄຸ້ມຄອງຮາກຖານ ແລະ ວຽກງານອື່ນໆ.
ໃນເດືອນກຸມພາປີນີ້, ທ່ານສີຈິ້ນຜິງໄດ້ໄປສຳຫຼວດກວດກາຫັດຖະກຳປັກແສ່ວເຜົ່າມົ້ງຢູ່ບ້ານຮວ້າອູ່ແຂວງກຸ້ຍໂຈ່, ເດືອນມີນາທ່ານໄດ້ໄປກວດເບິ່ງອຸດສາຫະກຳປູກຊາຢູ່ພູອູອີ ກວດເບິ່ງຂະແໜງການຮ້ານອາຫານພື້ນເມືອງຢູ່ເມືອງຊ່າຊ້ຽນຂອງແຂວງຟູຈ້ຽນ, ໃນໄລຍະທີ່ເດີນທາງໄປສຳຫຼວດກວດກາວຽກງານຢູ່ເຂດກວາງຊີເທື່ອນີ້ ທ່ານໄດ້ໄປກວດເບິ່ງອຸດສາຫະກຳປູກໝາກລາແຊ້ງ, ເຊິ່ງສະແດງໃຫ້ເຫັນວ່າ ທ່ານສີຈິ້ນຜິງໄດ້ເອົາໃຈໃສ່ວຽກງານສ້າງອຸດສາຫະກຳທີ່ມີທ່າແຮງພິເສດມາໂດຍຕະຫຼອດ. ທ່ານເຫັນວ່າ, ຖ້າຢາກພັດທະນາຊົນນະບົດໃຫ້ຈະເລີນຮຸ່ງເຮືອງຂຶ້ນ, ຂໍກຸນແຈສຳຄັນແມ່ນຂຶ້ນຢູ່ກັບການເລືອກເຟັ້ນອຸດສາສາຫະກຳທີ່ສອດຄ່ອງກັບເງື່ອນໄຂເອື້ອອຳນວຍຂອງທ້ອງຖິ່ນ.
ຄຳເຫັນ
0