ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ເນື່ອງໃນໂອກາດວັນກຳມະກອນສາກົນ 1 ພຶດສະພາໄດ້ໝູນວຽນມາເຖິງ, ທ່ານ ສີຈິ້ນຜິງ ເລຂາທິການໃຫຍ່ຄະນະກຳມະການສູນກາງພັກກອມມູນິດຈີນ, ປະທານປະເທດຈີນ ປະທານຄະນະກຳມະການການທະຫານສູນກາງຈີນໄດ້ຕາງໜ້າໃຫ້ສູນກາງພັກກ່າວພອນໄຊອັນປະເສີດ ແລະ ສົ່ງຄວາມຢື້ຢາມຖາມຂ່າວຢ່າງຈິງໃຈເຖິງປະຊາຊົນຜູ້ອອກແຮງງານອັນໄພສານໃນທົ່ວປະເທດຈີນ.
ທ່ານສີຈິ້ນຜິງກ່າວວ່າ: ປີນີ້ເປັນປີທຳອິດຂອງການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມແຫ່ງຊາດ 5 ປີຄັ້ງທີ14 ແລະ ເປັນການເປີດຂະບວນການເດີນທາງຄັ້ງໃໝ່ເພື່ອສ້າງປະເທດສັງຄົມນິຍົມທີ່ທັນສະໄໝຮອບດ້ານທັງເປັນປີສ້າງຕັ້ງພັກກອມມູນິດຈີນຄົບຮອບ 100 ປີ. ປະຊາຊົນຜູ້ອອກແຮງງານອັນໄພສານໄດ້ສູ້ຊົນກັບຄວາມຫຍຸ້ງຍາກລຳບາກຕ່າງໆນາໆຢ່າງກ້າຫານ,ບຸກບືນສູ້ຊົນ ແລະ ອຸດທິຕົນ, ຈົນສາມາດຜ່ານຜ່າຜົນກະທົບຈາກການແຜ່ລະບາດຂອງພະຍາດໂຄວິດ-19ແລະຜົນກະທົບອື່ນໆໄດ້, ອັນໄດ້ປະກອບສ່ວນສຳຄັນເຂົ້າໃນການພັດທະນາພາລະກິດລວມຂອງພັກ ແລະ ລັດ.
ທ່ານສີຈິ້ນຜິງກ່າວເນັ້ນວ່າ: ການອອກແຮງງານພາໃຫ້ມີຄວາມຜາສຸກ, ການເຮັດແທ້ທຳຈິງສາມາດສ້າງພາລະກິດອັນຍິ່ງໃຫຍ່ໃຫ້ສຳເລັດໄດ້. ຫວັງວ່າປະຊາຊົນຜູ້ອອກແຮງງານອັນໄພສານຈະອອກແຮງເສີມຂະຫຍາຍນ້ຳໃຈແຮງງານແບບຢ່າງ, ນ້ຳໃຈອອກແຮງງານ, ນ້ຳໃຈຊ່າງສີມື, ດຸໝັ່ນປະດິດສ້າງ,ກ້າສູ້ຊົນ ແລະ ເສີມຂະຫຍາຍບົດບາດສຳຄັນໃນຖານະເປັນກຳລັງຫຼັກແຫຼ່ງ, ປະກອບສ່ວນເຂົ້າໃນພາລະກິດອັນຍິ່ງໃຫຍ່ໃນການສ້າງປະເທດສັງຄົມນິຍົມທີ່ທັນສະໄໝຮອບດ້ານ ແລະ ບັນລຸຄວາມໃຝ່ຝັນໃນການຟື້ນຟູຄວາມຈະເລີນຮຸ່ງເຮືອງອັນຍິ່ງໃຫຍ່ຂອງຊາດຈີນດ້ວຍຄວາມໝັ້ນໃຈຢ່າງເຕັມປ່ຽມ. ຄະນະພັກ ແລະ ອົງການປົກຄອງທຸກຂັ້ນຕ້ອງປຸກລະດົມຄວາມຫ້າວຫັນ,ຄວາມເປັນເຈົ້າການ ແລະ ຫົວຄິດປະດິດສ້າງຂອງປະຊາຊົນຜູ້ອອກແຮງງານອັນໄພສານ, ປົກປ້ອງສິດຜົນປະໂຫຍດທີ່ຊອບດ້ວຍກົດໝາຍຂອງປະຊາຊົນຜູ້ອອອກແຮງງານອັນໄພສານຢ່າງແທ້ຈິງ, ສະໜັບສະໜູນ ແລະ ກະຕຸກຊຸກຍູ້ໃຫ້ເຂົາເຈົ້າສ້າງຄຸນງາມຄວາມດີໃນຍຸກໃໝ່ໃຫ້ມີປະສິດທິຜົນຫຼາຍກວ່າເກົ່າ.
ຄຳເຫັນ
0