ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຢູ່ຈີນມີສຳນວນບູຮານແບບອະມະຕະປະໂຫຍກໜຶ່ງເວົ້າວ່າ “ຕ້ອງປະຕິບັດຕາມຄຳໝັ້ນສັນຍາ ການກະທຳຕ້ອງໄດ້ຮັບຜົນໃນທີ່ສຸດ”, ຂັດມາຈາກ “ລຸນອີ” ທີ່ເປັນປື້ມຕຳລາອະມະຕະຂອງສຳນັກຂົງຈື້ເມື່ອ 2000 ກວ່າປີກ່ອນ. ເຊິ່ງກໍມີຄວາມໝາຍວ່າ ຄົນໃນໂລກນີ້ຄວນປະຕິບັດຕາມຄຳໝັ້ນສັນຍາ.
ເວົ້າສຳລັບບຸກຄົນແລ້ວ, ປາກເວົ້າຖືກໃຈ ແລະປະຕິບັດຕາມຄຳໝັ້ນສັນຍາແມ່ນພື້ນຖານໃນການສ້າງຄວາມໜ້າເຊື່ອຖື. ເມື່ອເວົ້າສຳລັບປະເທດໜຶ່ງແລ້ວ, ຈະສາມາດປະຕິບັດຕາມຄຳໝັ້ນສາຍາໄດ້ຫຼືບໍ່, ກໍເປັນການທົດສອບຕໍ່ກັບຄວາມສາມາດດ້ານການປົກຄອງຂອງລັດຖະບານປະເທດນັ້ນ. ຢູ່ປະເທດຈີນ, ແບບຢ່າງທີ່ພົ້ນເດັ່ນທີ່ລັດຖະບານປະຕິບັດຕາມຄຳໝັ້ນສັນຍາກໍຄື ກຳນົດແຜນພັດທະນາເສດຖະກິດສັງຄົມແຫ່ງຊາດ 5 ປີ ຫຼືເປົ້າໝາຍເປົ້າໝາຍຍາວໄກກວ່ານີ້ອີກ, ແລ້ວຮັກສາເປົ້າໝາຍຢ່າງຕໍ່ເນື່ອງຂອງນະໂຍບາຍ, ໃນທີ່ສຸດຈະບັນລຸເປົ້າໝາຍທັງໝົດທີ່ລະບຸໄວ້ໃນແຜນ. ສາມາດເວົ້າໄດ້ວ່າ, ນີ້ກໍແມ່ນຊັບສິນແບບນາມມະທຳຊະນິດໜຶ່ງ.
ໃນປີ 2020, ເມື່ອຜະເຊີນໜ້າກັບການແຜ່ລະບາດຂອງພະຍາດໂຄວິດ-19 ແລະ ໄພນ້ຳຖ້ວມທີ່ຮ້າຍແຮງທີ່ສຸດນັ້ນ, ຈີນຍັງສາມາດລຶບລ້າງຄວາມທຸກຍາກໄດ້ຢ່າງເດັດຖານຕາມເວລາກຳນົດ, ບັນລຸເປົ້າໝາຍສູ້ຊົນຮ້ອຍປີ, ນີ້ແມ່ນຜົນສຳເລັດທີ່ຍາດມາບໍ່ແມ່ນເລື່ອງງ່າຍ. ນີ້ແມ່ນຜົນໄດ້ຮັບຈາກໂຄງປະກອບຂອງລັດຖະບານ ຈີນ, ຄະນະນຳທຸກລຸ້ນໄດ້ມອບຮັບໜ້າທີ່ວຽກງານຢ່າງຕໍ່ເນື່ອງ ແລະເປັນລະບຽບຮຽບຮ້ອຍໂດຍແນໃສ່ເປົ້າໝາຍທີ່ເປັນເອກະພາບກັນ, ຈຶ່ງສາມາດປະຕິບັດແຜນການພັດທະນາໄລຍະຍາວຢ່າງຕໍ່ເນື່ອງ ແລະກໍໄດ້ສ່ອງແສງໃຫ້ເຫັນເຖິງແນວຄິດປັດຊະຍາບູຮານທີ່ສືບທອດກັນມາຮອດຍຸກປະຈຸບັນ. ເມື່ອກີ້ພວກເຮົາກໍແນະນຳມາແລ້ວວ່າ, “ປະຕິບັດຕາມຄຳໝັ້ນສັນຍາ, ການກະທຳຕ້ອງໄດ້ຮັບຜົນໃນທີ່ສຸດ”ແມ່ນຂົງຈື້ສະເໜີອອກມາເມື່ອ 2000 ກວ່າປີກ່ອນ. ຢູ່ປະເທດຈີນ, ແນວຄິດ ຂອງນັກປັດຊະຍາບູຮານໄດ້ຮັບການສືບທອດ ແລະເສີມຂະຫຍາຍສືບທອດຢ່າງຕໍ່ເນື່ອງໃນລະບົບແນວຄິດແຫ່ງການປົກຄອງບໍລິຫານລັດ.
ປະຈຸບັນ, ແຜນພັດທະນາເສດຖະກິດສັງຄົມແຫ່ງຊາດ 5 ປີຄັ້ງທີ່ 14 ໄດ້ເລີ່ມປະຕິບັດແລ້ວ,ຈາກການເຕີບໂຕແບບຍືນຍົງ ຮອດຄຳໝັ້ນສັນຍາໃນການລະບາຍກາກບອນດີອົກຊິດໄປເຖິງລະດັບສູງສຸດ ແລະ ປອດກາກບອນດີອົກຊິດ, ພ້ອມດ້ວຍຄວາມກ້າວໜ້າດ້ານວິທະຍາສາດເຕັກນິກ, ພວກເຮົາເຊື່ອໝັ້ນວ່າ ຈີນຈະສາມາດປະຕິບັດຕາມຄຳໝັ້ນສັນຍາຢ່າງແທ້ຈິງ. ນີ້ຈະບໍ່ພຽງແຕ່ແມ່ນຄວາມສຸກຂອງປະຊາຊົນຈີນເທົ່ານັ້ນ, ແຕ່ຍັງຈະປະກອບສ່ວນຢ່າງຕັ້ງໜ້າເຂົ້າໃນການພັດທະນາຂອງໂລກອີກດ້ວຍ.
ຄຳເຫັນ
0