ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຂ້ອຍແມ່ນອາຈານຄົນໜຶ່ງ, ປີນີ້ຂ້ອຍມີອາຍຸ 28 ປີ
ຂ້ອຍແມ່ນນັກຟ້ອນຜູ້ໜຶ່ງ, ຊ່າງຟ້ອນແບບລາຕິນ
ຂ້ອຍເຄີຍເຂົ້າຊີງຮອບ 6 ຄົນສຸດທ້າຍໃນການແຂ່ງຂັນຟ້ອນມືອາຊີບແບບລາຕິນລະດັບສາກົນໃນພາກພື້ນອາຊີ
ເວົ້າສຳລັບຂ້ອຍແລ້ວ, ການຟ້ອນໄດ້ເພີ່ມພະລັງທາງດ້ານຈິດໃຈໃຫ້ກັບຂ້ອຍ
ເຮັດໃຫ້ຂ້ອຍມີຈິດໃຈອົດທົນ ແລະ ເຂັ້ມແຂງກວ່າເກົ່າ
ຕະຫຼອດໄລຍະການຟ້ອນ, ຂ້ອຍບໍ່ຍອມຮັບຄວາມສາມາດຂອງຕົນເອງ ແລະ ພິສູດຕົນເອງຢູ່ເລື້ອຍໆ
ເຮັດແບບນີ້ໄດ້ເປັນການເພີ່ມພະລັງທີ່ເຂັ້ມແຂງກວ່າເກົ່າໃຫ້ກັບຂ້ອຍ ເຮັດໃຫ້ຂ້ອຍສາມາດປັບປຸງຕົນເອງຢູ່ເລື້ອຍໆ
ປັດຈຸບັນ, ຂ້ອຍສອນວິຊາຟ້ອນຢູ່ມະຫາວິທະຍາໄລເຫີນານ
ເຂົາເຈົ້າລ້ວນແຕ່ເປັນນັກຮຽນຂອງຂ້ອຍ. ຂ້ອຍມັກຮ່ວມຊີວິດນຳເຂົາເຈົ້າທຸກນາທີ
ໃນໂມງສອນ, ຂ້ອຍຈະສອນຈົນສຸດຄວາມສາມາດ ເຊິ່ງກໍເປັນການແກ່ຍາວ “ຊີວິດຟ້ອນ”ຂອງຂ້ອຍ
ຫວັງວ່າມີມື້ໜຶ່ງ, ເຂົາເຈົ້າຈະສາມາດໄປສະແດງຢູ່ຕາມເວທີຂະໜາດໃຫຍ່ກວ່າ ແລະ ມີຜົນງານທີ່ດີກວ່າອີກ
ເພື່ອນຮ່ວມຮຽນຂອງຂ້ອຍຫຼາຍຄົນໄດ້ປະຖິ້ມຊີວິດຟ້ອນຂອງຕົນໃນໄລຍະຮຽນຢູ່ມະຫາວິທະຍາໄລ
ແຕ່ຂ້ອຍພັດມັກການຟ້ອນມາຕັ້ງແຕ່ນ້ອຍ, ຂ້ອຍໄດ້ຖືເອົາການຟ້ອນເປັນຊີວິດຈິດໃຈຂອງຂ້ອຍຕະຫຼອດມາ
ແຕ່ກ່ອນ, ຂ້ອຍຢາກເຂົ້າຮ່ວມການແຂ່ງຂັນຕະຫຼອດໄປ
ແຕ່ວ່າ, ພາຍຫຼັງຂ້ອຍເປັນອາຈານສອນແລ້ວ, ຄວາມໃຝ່ຝັນຂອງຂ້ອຍແມ່ນຢາກຊ່ວຍນັກຮຽນສ້າງຜົນງານໃຫ້ໄດ້ດີກວ່າເກົ່າ ໂດຍຜ່ານຄວາມພະຍາຍາມຮ່ວມກັນ, ແຕ່ກໍບໍ່ແມ່ນພຽງດ້ານການແຂ່ງຂັນເທົ່ານັ້ນ
ເວົ້າສຳລັບຂ້ອຍແລ້ວ, ການຟ້ອນແບບລາຕິນ, ເປັນການສະແຫວງຫາທາງດ້ານສິລະປະ ແລະ ກໍແມ່ນຊ່ອງທາງການແລກປ່ຽນວັດທະນະທຳກັບຕ່າງປະເທດ
ເດືອນເມສາປີນີ້, ທາງມະຫາວິທະຍາໄລໄດ້ຕົກລົງຈັດງານກິລາລະດູບານໃໝ່ຄັ້ງທຳອິດ ພາຍຫຼັງການແຜ່ລະບາດຂອງພະຍາດໂຄວິດ-19 ຜ່ານພົ້ນໄປ
ໜ້າທີ່ຂອງພວກເຮົາແມ່ນກຽມລາຍການຟ້ອນ 2 ລາຍການ ທີ່ມີສະມາຊິກທັງໝົດ 52 ຄົນ, ມີເວລາກະກຽມພຽງແຕ່ 2 ອາທິດ, ນີ້ເປັນໜ້າທີ່ໜັກຫຼາຍ
ຍາກທີ່ສຸດກໍແມ່ນຈັດຕັ້ງນັກສຶກສາ 52 ຄົນທີ່ມາຈາກຊັ້ນຮຽນຕ່າງກັນແລະຝຶກໃນໃນນອກໂມງຮຽນ
ທີ່ຈິງແລ້ວ, ຍາກຫຼາຍ, ແຕ່ໃຈຂ້ອຍກໍໄດ້ບອກຂ້ອຍວ່າ, ຈັ່ງໃດກໍຕ້ອງເຮັດໃຫ້ສຳເລັດຍາມທີ່ເປັນ
“ໄວໜຸ່ມ” ກໍເປັນໄວທີ່ກ້າເຮັດກ້າທຳ
ເຕົ້າໂຮມຄວາມພະຍາຍາມຂອງຝ່າຍຕ່າງໆ, ຈິ່ງຈະສາມາດເຮັດວຽກງານນີ້ໃຫ້ລຸລ່ວງໄປດ້ວຍດີ
ຂ້ອຍເຫັນວ່າ: ການຟ້ອນກໍເປັນພາສາຢ່າງໜຶ່ງແບບບໍ່ມີສຽງ, ສາມາດເພີ່ມຄວາມເຂົ້າໃຈກັນ ແລະ ສາມາດສ້າງມິດຕະພາບລະຫວ່າງເພື່ອນມິດປະເທດຕ່າງໆ, ທັງສາມາດເຮັດໃຫ້ວັດທະນະທຳຂອງພວກເຮົາອຸດົມສົມບູນຍິ່ງຂຶ້ນ
ຂ້ອຍຫວັງວ່າ, ຂ້ອຍບໍ່ພຽງແຕ່ເປັນອາຈານສອນການຟ້ອນເທົ່ານັ້ນ, ຂ້ອຍຍັງສາມາດເປັນທູດວັດທະນະທຳໄດ້ອີກ
ຂ້ອຍແມ່ນຈ່າງຊ້ຽວຊ້ຽວ ອາຈານສອນຟ້ອນຄົນໜຶ່ງ
ຄຳເຫັນ
0