ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ການບັນຍາຍກ່ຽວກັບສາທາລະນະປະໂຫຍດຄືແບບນີ້ ຂ້າພະເຈົ້າໄດ້ເຂົ້າຮ່ວມເປັນຫລາຍສິບຄັ້ງແລ້ວ.
ຂ້າພະເຈົ້າໄດ້ນຳພາຜູ້ຊົມທັງຫລາຍຮັບຮູ້ລີບັງ ແລະ ຊີຣີ, ນຳເອົາເລື່ອງລາວກ່ຽວກັບຊາວອົບພະຍົບກັບມາຈີນ.
ວຽກປະຈຳຂອງຂ້າພະເຈົ້າກໍຄືປະສານງານເຄື່ອງອຸປະກອນ, ຕິດຕໍ່ພົວພັນກັບຜູ້ໄດ້ຮັບການຊ່ວຍເຫລືອ ແລະຊ່ວຍເຫລືອຄົນທີ່ມີຄວາມຕ້ອງການ.
ໃນຖານເປັນຜູ້ຈັດການໂຄງການ, ຂ້າພະເຈົ້າໄດ້ສຳຜັດກັບຄວາມມ່ວນຊື່ນທີ່ເຮັດວຽກຢູ່ແນວໜ້າ.
ຫລາຍຄົນຖາມຂ້າພະເຈົ້າວ່າ, ໃນຮ່າງກາຍໂຕນ້ອຍໆນີ້, ເປັນຫຍັງຄືມີພະລັງແຮງອັນໄພສານ, ຂ້າພະເຈົ້າຄຶດວ່າ, ອາດຍ້ອນວ່າຄວາມຮັກຫອມຕໍ່ວຽກງານນີ້.
ວຽກງານທີ່ປະຈຳການຢູ່ແນວໜ້າໄດ້ເຮັດໃຫ້ຂ້າພະເຈົ້າມີປະສົບການພິເສດ, ຄື: ສົງຄາມ, ການອົບພະຍົບ, ບໍ່ມີທີ່ຢູ່ອາໄສ ແລະອື່ນໆ ເຊິ່ງເປັນສະພາບຊີວິດຂອງຊາວອົບພະຍົບລີບັງ.
ຂ້າພະເຈົ້າໄດ້ເປັນໝູ່ກັນກັບຄົນຢູ່ນັ້ນ, ໄດ້ຮັບຟັງເລື່ອງລາວກ່ຽວກັບເຂົາເຈົ້າ, ເຂົ້າສູ່ຊີວິດການເປັນຢູ່ຂອງເຂົາເຈົ້າ. ເຂົາເຈົ້າໄດ້ກາຍເປັນຄົນທີ່ເພິ່ງຕົນເອງ, ເປີດກວ້າງ ແລະກ້າຫານ. ຂ້າພະເຈົ້າກະຊື່ນຊົມກັບມິດຕະພາບຂ້າມຊາດທີ່ພິເສດແບບນີ້.
ຂ້າພະເຈົ້າຈະຈື່ຈຳ ວັນທີ 4 ເດືອນ ສິງຫາ ປີ 2020 ຕະຫລອດ.
ເຫດການລະເບີດຢູ່ທ່າກຳປັ່ນເບຣຸດທີ່ເຮັດໃຫ້ໂລກແຕກຕື່ນ, ຫ່າງຈາກຂ້າພະເຈົ້າພຽງແຕ່ 3 ກິໂລແມັດ.
ບໍ່ມີເວລາຢ້ານກົວ ແລະລັ່ງເລໃຈ, ວຽກງານເຮັດໃຫ້ຂ້າພະເຈົ້າຈຳເປັນຕ້ອງໄປຮອດສະຖານທີ່ເກີດເຫດຢ່າງທັນການ ເພື່ອຢືນຢັນສະພາບການປະສົບເຄາະຮ້າຍຂອງຄ້າຍຊາວອົບພະຍົບ.
ກັບຄືນສູ່ຊີວິດທີ່ງຽບສະຫງົບເປັນເວລາສັ້ນໆ, ແລ້ວມ້ຽນເຄື່ອງອີກຄັ້ງ ເພື່ອໄປຈຸດໝາຍປາຍທາງອັນໃໝ່ຕໍ່.
ຜູ້ອາສາສະໝັກຈີນຫລາຍກວ່າເກົ່າໄດ້ມີສ່ວນຮ່ວມນຳ, ການອອກເດີນທາງແຕ່ລະຄັ້ງຂອງຂ້າພະເຈົ້າກໍຍິ່ງມີກຳລັງໃຈຫລາຍກວ່າເກົ່າ.
ພວກເຮົາຮ່ວມກັນສົ່ງຕໍ່ພະລັງແຮງຈີນ, ຮ່ວມກັນສ້າງຄວາມຫວັງຂອງມວນມະນຸດ, ສົ່ງແສງສະຫວ່າງດ້ວຍຄວາມອົບອຸ່ນໃຫ້ແກ່ທຸກມູມທີ່ຕ້ອງການພວກເຮົາໃນໂລກ.
ນີ້ຄືໄວໜຸ່ມຂອງຂ້າພະເຈົ້າ, ຂ້າພະເຈົ້າ ຈ່ານເວີ້ຍເຈີ່ນ ຜູ້ອາສາສະໝັກດ້ານສາທາລະນະປະໂຫຍດ.
ຄຳເຫັນ
0