ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ບ້ານເກີດຂອງຂ້ອຍຢູ່ເມືອງປົກຄອງຕົນເອງເຜົ່າຕົ້ງຊານຈ່ຽງເຂດກວາງຊີ
ເພື່ອໃຫ້ຄົນຮູ້ຈັກກັບເມືອງນີ້ນັບມື້ນັບຫຼາຍຂຶ້ນ, ພາຍຫຼັງຮຽນຈົບຈາກມະຫາວິທະຍາໄລແລ້ວ, ຂ້ອຍໄດ້ກັບບ້ານເກີດເປັນຜູ້ອະທິບາຍແລະແນະນຳວັດທະນະທຳເຜົ່າຕົ້ງຢູ່ຫໍພິພິທະພັນເຜົ່າຕົ້ງຊານຈ່ຽງ
ຂ້ອຍມັກພານັກທ່ອງທ່ຽວໄປທ່ຽວບ້ານຕ່າງໆ, ແຕ່ລະບ້ານຂອງເຜົ່າຕົ້ງລ້ວນແຕ່ເປັນຫໍພິພິທະພັນທຳມະຊາດທີ່ຄົບຖ້ວນແຫ່ງໜຶ່ງ
ຂ້ອຍມັກເບິ່ງຊາວບ້ານທັງຫຼາຍພັກຜ່ອນຄາຍຄວາມຮ້ອນ, ລົມກັນແບບສະບາຍ, ຖັກແສ່ວ ແລະ ຮ້ອງເພງຕໍ່ແຍກັບນັກທ່ອງທ່ຽວ
ຂ້ອຍມັກນຸ່ງຊຸດເຜົ່າຕົ້ງ, ມັກພານັກທ່ອງທ່ຽວຊອກຮູ້ວັດທະນະທຳການນຸ່ງຖືຂອງເຜົ່າຕົ້ງ, ຍັງຊ່ວຍເຂົາເຈົ້າຕິດຕໍ່ຫາຊ່າງຖັກແສ່ວເຜົ່າຕົ້ງເພດຍິງ ເພື່ອຕັດເຄື່ອງນຸ່ງສ່ວນຕົວ
ລູກສາວຂ້ອຍຫາກໍ່ມີອາຍຸໄດ້ໜຶ່ງປີປາຍ, ໃນໄລຍະທີ່ລູກຍັງຍ່າງບໍ່ທັນເປັນ, ຂ້ອຍກໍເລີ່ມຕັດຊຸດເຜົ່າຕົ້ງໃຫ້ລູກແລ້ວ
ຫວັງວ່າ ໃນເວລາລາວແຕ່ງດອງ, ຈະສາມາດນຸ່ງຊຸດເຜົ່າຕົ້ງທີ່ແມ່ຕັດໃຫ້ສະເພາະລາວ
ຂ້ອຍຍັງໄປສອນວິທີແຕ້ມຮູບເຜົ່າຕົ້ງຢູ່ໂຮງຮຽນອີກ. ນັກຮຽນທັງຫຼາຍສາມາດສຳຜັດກັບຄວາມງາມ ແລະ ການປ່ຽນແປງແບບໜ້າມືເປັນຫຼັງມືຂອງບ້ານເກີດຈາກຮູບແຕ້ມ
ເພື່ອອະນຸລັກແລະພັດທະນາວັດທະນະທຳຊົນເຜົ່າສ່ວນໜ້ອຍ, ລັດຖະບານຈີນໄດ້ປະຕິບັດມາດຕະການທີ່ມີລັກສະນະສົ່ງເສີມຫຼາຍຢ່າງຫຼາຍແນວ. ປັດຈຸບັນ, ຊາວໜຸ່ມໃນບ້ານເກີດຂອງຂ້ອຍໄດ້ເຂົ້າຮ່ວມການສືບທອດວັດທະນະທຳນັບມື້ນັບຫຼາຍຂຶ້ນ
ເຊື່ອວ່າ ພາຍໃຕ້ຄວາມພະຍາຍາມຮ່ວມຂອງພວກເຮົາ, ມູນເຊື້ອວັດທະນະທຳທີ່ດີເດັ່ນຂອງເຜົ່າຕົ້ງຈະສາມາດສືບທອດຕະຫຼອດໄປ
ຂ້ອຍມັກບ້ານເກີດຂອງຂ້ອຍ, ຂ້ອຍຊື່ຫຼີຈ່ວນ ຜູ້ອະທິບາຍໃນຫໍພິພິທະພັນເຜົ່າຕົ້ງເມືອງຊານຈ່ຽງ
ຄຳເຫັນ
0