尚艳波

ຕາລາງລາຍການ FM93Mhz

ດາວໂຫຼດ App CRI-FM93 ລະບົບ IOS

ດາວໂຫຼດ App CRI-FM93 ລະບົບ Android

FM93

ເຖິງເວລາ​ແລ້ວ​ທີ່​ຈະ​ຕ້ອງແກ້ໄຂບັນຫາສິດທິມະນຸດຂອງອາເມຣິກາເອງ!

2021-05-26 18:10:37 cri

ເຖິງເວລາ​ແລ້ວ​ທີ່​ຈະ​ຕ້ອງແກ້ໄຂບັນຫາສິດທິມະນຸດຂອງອາເມຣິກາເອງ!_fororder_微信图片_20210526180534

       ທ່ານ ລີຄຳ ​ທີ່​​ຖື​ວ່າເປັນ​ນັກ​ສະ​ແດງ​ໃນ​ລາຍ​ການທອກ​ໂຊ​ຫຼື talk show ​ທີ່​ມີ​ຊື່​ສຽງ​ຂອງອາເມຣິກາ​ໄດ້ສະແດງ​​ຈຸດ​ຢືນຂອງ​ຕົນ​ກາງ​ລາຍ​ການ​​ນີ້ອີກແລ້ວ! ວັນທີ 21 ພຶດສະພານີ້ຕາມເວລາທ້ອງຖິ່ນ, ທ່ານ ລີຄຳ ໄດ້​ມີ​ຄຳ​ເຫັນອີກໃນລາຍການ Redacted Tonight ທີ່​ຕົນ​ເປັນ​ຜູ້​ດຳ​ເນີນ​ລາຍ​ການ​ໂດຍ​ໄດ້​ເວົ້າ​ສຽດ​ສີ​ວ່າ: ອາ​ເມ​ຣິ​ກາ​ໄດ້​ເວົ້າ​ນີ້​ເວົ້າ​ນັ້ນ​ແບບ​ໂລ​ເລ​ກ່ຽວ​ກັບ​ສິດ​ທິ​ມະ​ນຸດ​​ຢູ່​ເຂດຊິ່ນ​ຈ່ຽງ​ຂອງ​ຈີນ, ​ແຕ່ພັດ​ບໍ່​ມີ​ຫຼັກ​ຖານ​ອ້າງ​ອີງ​ໃດໆ.

ເຖິງເວລາ​ແລ້ວ​ທີ່​ຈະ​ຕ້ອງແກ້ໄຂບັນຫາສິດທິມະນຸດຂອງອາເມຣິກາເອງ!_fororder_微信图片_20210526180548

      ໃນ​ລາຍ​ການ, ​ກ່ອນ​ອື່ນ, ທ່ານ ລີ​ຄຳ ​ໄດ້​ເວົ້າ​ເຖິງ​ຂ່າວ​ທີ່​ສື່ມວນ​ຊົນ​ເຄີຍ​ໄດ້ລາຍ​ງານ​​ວ່າຈີນ​ໄດ້​ບີບ​ບັງ​ຄັບປະ​ຊາ​ຊົນ​ເຜົ່າ​ອຸຍ​ເກີ​ອອກ​ແຮງ​ງານ​,ແລ້ວ​ຮ້ອງ​ດ້ວຍ​ສຽງ​ຕົກ​ໃຈ​​ວ່າ: ໂອຍ!ລືມ​ຄິດ​ເຖິງ​ເຄື່ອງ​ນຸ່ງ​ທີ່​ຕົນ​ເອງ​ໃສ່​ແມ່ນ “​​ຜູ້​ອອກ​ແຮງ​ງານ​ຂ້າ​ທາດ” ເຜົ່າ​ອຸຍ​ເກີ​ເປັນ​ຜູ້​ຜະ​ລິດ, ແລະ​ເວົ້າ​​ວ່າ “ຫຼາຍ​ປີ​ມາ​ນີ້, ຂ້ອຍ​ເຫັນ​ມາ​ໂດຍ​ຕະ​ຫຼອດ​ວ່າ​ແມ່ນ​ຜູ້​ອອກ​ແຮງ​ງານ​ຂ້າ​ທາດ​ຢູ່​ປະ​ເທດ​ອື່ນ​ເປັນ​ຜູ້​ເຮັດ, ຫາກ​ບໍ່​ແມ່ນ​ຜູ້​ອອກ​ແຮງ​ງານ​ຂ້າ​ທາດ​ອຸຍ​ເກີ. ” ແລ້ວ​ທ່ານ ລີ​ຄຳ ເວົ້າ​ຕື່ມ​ໃສ່​ວ່າ “ຂ້ອຍ​ຮູ້​ຈັກ​ເກີບ​ຍີ່​ຫໍ້​ໄນ​ກີ (nike) ຂອງ​ຂ້ອຍໄດ້​​ຜະ​ລິດ​ໂດຍໂຮງ​ງານ​ຫວຽດ​ນາມ, ກຳ​ມະ​ກອນ​ຢູ່​ຫວຽດ​ນາມ​ມີ​ເງິນ​ເດືອນ 73,94 ໂດ​ລາ​ຕໍ່​ເດືອນ, ມື​ຖື​ແອັບ​ເປີ້ນ​ຂອງ​ຂ້ອຍ​ແມ່ນ​ເຮັດ​ດ້ວຍ​ໂລ​ຫະ​ທີ່​ເດັກ​ນ້ອຍ​ທີ່​ມີ​ອາ​ຍຸ​ພຽງ 6 ປີເປັນ​ຜູ້​ຂຸດ​ຄົ້ນ, ໂສ້ງ​ລີ​ວາຍ Levis ​ຫຍິບ​ແລະ​ເຮັດ​ໂດຍ​ຄົນ​ບັງ​ກ​ລາ​ເດັດ. ” ທ່ານ ລີ​ຄຳ ເວົ້າ​ວ່າ: “ແຕ່​ທັງ​ໝົດ​ເຫຼົ່າ​ນີ້​ບໍ່​ມີ​ຫຍັງ​ຈະ​ເປັນ​ສິ່ງ​ທີ່ໜ້າ​ສົນ​ໃຈ​ເລີຍ! ມີ​ແຕ່​ຜູ້​ອອກ​ແຮງ​ງານ​ຢູ່​ເຂດ​ຊິ່ນ​ຈ່ຽງ​ຂອງ​ຈີນ​​ເທົ່າ​ນັ້ນຈຶ່ງ​​ໜ້າ​ສົນ​ໃຈ.” ​​ເປັນ​ຫຍັງ​ຈຶ່ງວ່າ​ຈັ່ງ​ຊີ້, ທ່ານ ຄຳ​ລີ ເວົ້າ​ແບບ​ສະ​ຫຼຸບ​ວ່າ, “ເພາະ​ວ່າ​ພວກ​ເຮົາ​ຕ້ອງ​ສະ​ກັດ​ກັ້ນ​ເຄື່ອງ​ທີ່​ຜະ​ລິດ​ໂດຍ​ປະ​ເທດ​ຈີນ!”

ເຖິງເວລາ​ແລ້ວ​ທີ່​ຈະ​ຕ້ອງແກ້ໄຂບັນຫາສິດທິມະນຸດຂອງອາເມຣິກາເອງ!_fororder_微信图片_20210526180552

      ສ່ວນ​ສະ​ພາບ​ການ​ຢູ່​​ອາ​ເມ​ຣິ​ກາ​ເປັນ​ຄື​ແນວ​ໃດ? ທ່ານ ລີ​ຄຳ ເວົ້າ​ຕໍ່​ອີກວ່າ: “ອາ​ເມ​ຣິ​ກາ​​ໄດ້ອະ​ນຸ​ຍາດ​ໃຫ້​ຜູ້​​ຖືກ​ໂທດ​ອອກ​ແຮງ​ງານ, ແລະ​​ມີ​ອີກ​ຊື່​ໜຶ່ງວ່າ​ຜູ້​ອອກແຮງ​ງານ​ຂ້າ​ທາດ, ​ແລະຍັງ​ໄດ້​ລະ​ບຸ​ເລື່ອງ​ນີ້ຢູ່​ໃນ​ລັດ​ຖະ​ທຳ​ມະ​​ນູນອີກ​, ອາ​ທິດ​ແລ້ວ​ນີ້​ຂ້ອຍ​ເຄີຍ​ໄດ້​ເວົ້າ​ມາ​ແລ້ວ. ແຕ່​ນີ້​ກໍ​ບໍ່​ມີ​ຫຍັງ​ເປັນ​ໜ້າ​ສົນ​ໃຈ, ເພາະ​ວ່າ​​ນີ້​ແມ່ນຜູ້​ອອກ​ແຮງ​ງານ​ຂອງ​ພວກ​ເຮົາ, ອີກ​ດ້ານ​ໜຶ່ງ, ພວກ​ເຈົ້າ(ຄົນ​ຈີນ)ແມ່ນ​ຄົນ​​ຊົ່ວ.”
 

      ກໍ​ຄື​ກັນ​ກັບ​ທ່ານ ລີ​ຄຳ ເວົ້າ​ໄປ​ແລ້ວ​ນັ້ນ, ປະ​ກົດ​ການ“ແຮງ​ງານ​ຂ້າ​ທາດ”ໄດ້​ເກີດ​​ຂຶ້ນ​ເລື້ອຍໆ​ຢູ່​ອາ​ເມ​ຣິ​ກາ. ສຳ​ນັກ​ຂ່າວ​ສານ​ລອຍ​ເຕີ​ລາຍ​ງານ​ໃນ​ເມື່ອ​ບໍ່​ດົນ​ມາ​ນີ້​ວ່າ, ກຳ​ມະ​ກອນ​ຈາກ​ອິນ​ເດຍ​ຫຼາຍ​ຮ້ອຍ​ຄົນ​ໄດ້​ຮັບ​ການ​​ຈັດ​ສົ່ງ​ໃຫ້ໄປ​ສ້າງວັດ​​ຂະ​ໜາດ​ໃຫຍ່​ຂອງສາ​ສະ​ໜາ​​ຮີນ​ດູ​ແຫ່ງໜຶ່ງ​ຢູ່​ລັດນິວ​ເຈີ​ຊີຂອງ​ອາ​ເມ​ຣິ​ກາ, ເຂົາ​ເຈົ້າ​ໄດ້​ຖືກ​ບັງ​ຄັບ​​ໃຫ້ເຮັດ​ວຽກ​ຫຼາຍກວ່າ 87 ຊົ່ວ​ໂມງ​ຕໍ່​ອາ​ທິດ, ມີ​ລາຍ​ຮັບ​ພຽງ​ແຕ່ 1,2 ໂດ​ລາ​ຕໍ່​ຊົ່ວ​ໂມງ. ​ແຕ່ອີງ​ຕາມ​ກົດ​ໝາຍ​ທ້ອງ​ຖິ່ນ, ເງິນ​ເດືອນ​ຂັ້ນ​ຕ່ຳ​ສຸດ​ຂອງ​ກຳ​ມະ​ກອນ​ອາ​ເມ​ຣິ​ກາ​ແມ່ນ 12 ໂດ​ລາ​ຕໍ່​​ຊົ່ວໂມງ, ກຳ​ມະ​ກອນ​ຊາວ​ອິນ​ເດຍ​ເຫຼົ່າ​ນີ້​​ມີລາຍ​ຮັບ​ພຽງ​ແຕ່ 1 ສ່ວນ 10 ​ຂອງ​ລາຍ​ຮັບ​ຂັ້ນ​ຕ່ຳ​ສຸດ​ຂອງ​ຄົນທ້ອງ​ຖິ່ນ, ເລື່ອງ​ແບບ​ນີ້​ໄດ້​ເກີດ​ຂຶ້ນ​ຢູ່​ອາ​ເມ​ຣິ​ກາ​ປະ​ເທດ​ທີ່​ຖື​ຕົນ​ເປັນ “​ໄຟ​ເຍືອງ​ທາງປະ​ຊາ​ທິ​ປະ​ໄຕ​ແລະ​ເສ​ລີ​ພາບ”, ​ຈຶ່ງເຮັດ​ໃຫ້​ຄົນ​​ຕົກ​ກະ​ລຶງ​ແທ້ໆ.

ເຖິງເວລາ​ແລ້ວ​ທີ່​ຈະ​ຕ້ອງແກ້ໄຂບັນຫາສິດທິມະນຸດຂອງອາເມຣິກາເອງ!_fororder_微信图片_20210526180556

     ເຖິງວ່າ​ອາ​ເມ​ຣິ​ກາ​ໄດ້​ຍົກ​ເລີກ​ລະ​ບອບ​ຂ້າ​ທາດ​​ມາເປັນ​ເວ​ລາ 100 ກວ່າ​ປີ​ແລ້ວ​ກໍ​ຕາມ, ແຕ່​ຈົນ​ມາ​ຮອດ​ປັດ​ຈຸ​ບັນ​ນີ້, ​ຄະ​ດີ​ທີ່ອາ​ເມ​ຣິ​ກາ​ບັງ​ຄັບ​​ຄົນ​ອອກ​ແຮງ​ງານ​ແລະ​ການ​ຄ້າ​ມະ​ນຸດ​ຍັງ​​ເກີດ​​ຂຶ້ນ​ເລື້ອຍໆ. ຕົວ​ເລກ​ຂໍ້​ມູນ​ສະ​ແດງ​ໃຫ້​ເຫັນ​ວ່າ: ແຕ່​ລະ​ປີ, ຄົນຕ່າງ​ດ້າວ​ທີ່​ຖືກ​ຂາຍ​ໄປ​ທົ່ວ​ອາ​ເມ​ຣິ​ກາ​ແລະ​ອອກ​ແຮງ​ງານແບບ​ບັງ​ຄັບ​ນັ້ນ​ມີ​ຈຳ​ນວນ​ຫຼາຍ​ເຖິງ 1 ແສນ​ຄົນ, ​ເມື່ອ​ປຽບ​ທຽບ​ກັບລະ​ບອບ​ຂ້າ​ທາດ​ໃນ​ຫຼາຍ​ຮ້ອຍ​ປີ​ກ່ອນ​ແລ້ວ, ຜູ້​ທີ່​ຖືກ​ບັງ​ຄັບ​ອອກ​ແຮງ​ງານ​ຢູ່ອາ​ເມ​ຣິ​ກາ​ໃນ​ປັດ​ຈຸ​ບັນ​ພຽງ​ແຕ່​​ປ່ຽນຈາກ​ຂ້າ​ທາດ​ຄົນ​ຜີວ​ດຳ​ເປັນ​ຊາວ​​ຕ່າງ​ດ້າວຍົກ​ຍ້າຍ​ຖິ່ນ​ຖານ​ເທົ່າ​ນັ້ນ.
 

      ທ່ານ ລີ​ຄຳ ເວົ້າ​​ປະ​ໂຫຍກ​ສຸດ​ທ້າຍ​ວ່າ: “ຂ້ອຍ​ຢາກ​ເບິ່ງ​ຫຼັກ​​ການອ້າງ​ອີງ​ແທ້ໆ​ເດ! ຂ້ອຍ​ຢາກ​ເບິ່ງວິ​ດີ​ໂອ​ທີ່​ຜູ້​ດັບ​ເພີງ​ຖືກ​​ບັງ​ຄັບ​ໃຫ້ເປັນ​ຜູ້​ອອກ​ແຮງ​ງານ​ຂ້າ​ທາດ! ຂ້ອຍ​ຢາກ​ເບິ່ງ​ຮູບ​ຖ່າຍ​ທີ່ກຳ​ມະ​ກອນ​ຜະ​ລິດ​ເຄື່ອງ​ນຸ່ງ​​ຖືກ​ຂັງ​ໄວ້ໃນ​ຄຸກ! ​ນີ້​ຄືຫຼັກ​ຖານ​ອ້າງ​ອີງ​ຂອງ​ແທ້​ໃນ​ກາ​ນ​ບີບ​ບັງ​ຄັບ​​ຄົນ​ອອກ​ແຮງ​ງານ! ” ທ່ານ ລີ​ຄຳ ​ທັງເວົ້າ​​ແລະ​ຂໍອະ​ໄພ​ວ່າ: “ຂໍ​ໂທດ​ເດີ, ຮູບ​​ຖ່າຍເຫຼົ່າ​ນີ້​​ລ້ວນ​ແຕ່ແມ່ນ​ສະ​ພາບ​ທີ່​ເກີດ​ຂຶ້ນ​ຢູ່​ອາ​ເມ​ຣິ​ກາ……”
 

      ​ໂອ​ກາດ​ນີ້, ຂໍ​ເຕືອນ​ໃຫ້​ລັດ​ຖະ​ບານ​ອາ​ເມ​ຣິ​ກາ​​ຈົ່ງ​ຢຸດ​ຕິ​ການ​ກະ​ທຳ​ທີ່​ຖື​ໂຕ​ເອງ​ເປັນ “​ປະ​ລະ​ມາ​ຈານ​ດ້ານ​ສິດ​ທິ​ມະ​ນຸດ”. ​ສິ່ງ​ທີ່​ຄວນ​ເຮັດ​ນັ້ນ​ຄືແກ້​ໄຂ​ປະ​ກົດ​ການ​ການ​ບີບ​ບັງ​ຄັບ​​ຄົນ​ອອກ​ແຮງ​ງານ​ພາຍ​ໃນ​ປະ​ເທດ​ຕົນ ​ຫາກ​ບໍ່​ແມ່ນ​ສິ້ນ​ເປືອງ​ເວ​ລາ​ໄປ​ເສກ​ສັນ​ປັ້ນ​ແຕ່ງ​ດອກ​ຝ້າຍຂາວ​ບໍ​ລິ​ສຸດ​ຢູ່​ຊິ່ນ​ຈ່ຽງ​​ໃຫ້​ເປັນ “ດອກ​ຝ້າຍ​ດຳ”.

ຄຳ​ເຫັນ

0