ຕອນຄ່ຳວັນທີ 26 ພຶດສະພານີ້ ຕາມເວລາປັກກິ່ງ, ຢູ່ຫຼາຍແຫ່ງຂອງໂລກຈະເກີດ​ມີ​ປາກົດການຈັນທະຄາດ. ສິ່ງທີ່ໜ້າສົນໃຈແມ່ນ, ​ປາ​ກົດ​ການຈັນທະຄາດຄັ້ງນີ້ຍັງຈະ​ປາກົດຂຶ້ນໃນເວລາ “​ທີ່​ພະ​ຈັນ​ເຕັມ​ດວງ”. ສ່ວນໃນມື້ດັ່ງກ່າວ, ຈະມີ​ພະ​ຈັນ​ເຕັມ​ດວງໃຫຍ່ທີ່ສຸດໃນປີນີ້. “ພະ​ຈັນ​ເຕັມ​ດວງ​ຂະ​ໜາດ​ໃຫຍ່​ທີ່​ສຸດ” ບໍ່ແມ່ນ​ປາກົດການດາລາສາດທີ່​ພົບເຫັນຍາກຊະນິດໜຶ່ງ, ​ແຕ່​ປາ​ກົດ​ການຈັນທະຄາດ​ເກີດ​ຂຶ້ນ​ໃນ​ເວ​ລາ​ທີ່​ພະ​ຈັນ​ເຕັມ​ດວງ​ແມ່ນ ໂອກາດທີ່​ພົບເຫັນຍາກຫຼາຍ.

      ປາກົດການດາລາສາດທີ່​ພົບເຫັນຍາກຄັ້ງນີ້ລ້ວນແຕ່ສາມາດ​ເບິ່ງເຫັນ​ໄດ້ຢູ່​ປະ​ເທດຈີນ,ສ.ເກົາຫຼີ, ຍີ່ປຸ່ນ, ໄທແລະປະເທດອື່ນໆ​ໃນອາຊີ. ອີງຕາມການຄາດຄະເນລ່ວງໜ້າດ້ານດາລາສາດ, ເວລາຂອງການເກີດຈັນທະຄາດຄັ້ງນີ້ແມ່ນ 17 ໂມງ 45 ນາທີຂອງວັນທີ 26 ພຶດສະພານີ້ຕາມເວລາປັກກິ່ງ, ​ຈະ​ສິ້ນ​ສຸດ​ລົງໃນເວລາ 20 ໂມງ 53 ນາທີ.