尚艳波

ຕາລາງລາຍການ FM93Mhz

ດາວໂຫຼດ App CRI-FM93 ລະບົບ IOS

ດາວໂຫຼດ App CRI-FM93 ລະບົບ Android

FM93

ເວ​ລາ​ໃດການ​ໃຊ້​ສອງ​ມາດ​ຖານ​ຂອງ​ອາ​ເມ​ຣິ​ກາ​ຈະ​ສິ້ນ​ສຸດ​​ລົງ?

2021-05-28 17:18:36 cri

ເວ​ລາ​ໃດການ​ໃຊ້​ສອງ​ມາດ​ຖານ​ຂອງ​ອາ​ເມ​ຣິ​ກາ​ຈະ​ສິ້ນ​ສຸດ​​ລົງ?_fororder_微信图片_20210528171242

      ຫວ່າງ​ມໍ່ໆ​ມາ​ນີ້, ສະ​ຖານ​ທູດ​ແລະ​ສະ​ຖານ​ກົງ​ສຸນ​ອາ​ເມ​ຣິ​ກາ​ປະ​ຈຳ​ຈີນ​ໄດ້​ມີ “ແຜນ​ການມອບ​ເງິນ​ທາງ​ການ​ທູດ​ສາ​ທາ​ລະ​ນະໃນ​ບ້ວງ​ເງິນ​ຂະ​ໜາດ​ນ້ອຍ” ປະ​ຈຳ​ປີ 2021 ຢູ່​ເທິງ​ເວັບ​ໄຊ​ທາງ​ການ​ຂອງ​ຕົນ ໂດຍ​ມີ​ແຜນ​ຈະ​​ໃຫ້​ການຊ່ວຍ​ເຫຼືອ​ບຸກ​ຄົນ,ອົງ​ການ​ຈັດ​ຕັ້ງ​ທີ່​ບໍ່​ສັງ​ກັດລັດ​ຖະ​ບານ,ຄັງ​ປັນ​ຍາ,ອົງ​ການ​ວິ​ຊາ​ການ​ແລະ​ອື່ນໆ​ພາຍ​ໃນ​ດິນ​ແດນ​ຈີນ,ເພື່ອ​ນຳ​ໃຊ້​ເຂົ້າ​ໃນ​ການ​ຈັດ​ກິດ​ຈະ​ກຳ​ໂຄ​ສະ​ນາ​ແລະ​ແນະ​ນຳ​ສັງ​ຄົມ​ອາ​ເມ​ຣິ​ກາ,ປະ​ຫວັດ​ສາດ,ສິ​ລະ​ປະ​ວັດ​ທະ​ນະ​ທຳ​ແລະ​ຄ່າ​ນິ​ຍົມ​ແບບ​ອາ​ເມ​ຣິ​ກາ. ​ໃນ​ແຜນ​ດັ່ງ​ກ່າວ​ໄດ້​ລະ​ບຸ​ວ່າ: ຈະ​ໃຫ້​ເງິນ​ລາງວັນ​ທີ່​ມີ​ມູນ​ຄ່າ​ສູງ​ສຸດ​ເຖິງ 3 ໝື່ນ​ໂດ​ລາ​ສະ​ຫະ​ລັດ​ຕໍ່​ງວດ​ສຳ​ລັບ​ບຸກ​ຄົນ​ຫຼື​ອົງ​ການ​ຈັດ​ຕັ້ງ​ທີ່​ມີ​ຈຸດ​ປະ​ສົງ​ຮ້ອງ​ຂໍ​ບ້ວງ​ເງິນ​ນີ້.

ເວ​ລາ​ໃດການ​ໃຊ້​ສອງ​ມາດ​ຖານ​ຂອງ​ອາ​ເມ​ຣິ​ກາ​ຈະ​ສິ້ນ​ສຸດ​​ລົງ?_fororder_微信图片_20210528171305

      ທາດ​ແທ້​ຂອງ​ໂຄງ​ການ​ນີ້​ເຮັດ​ຂຶ້ນ​ເພື່ອ​ຈຸດ​ປະ​ສົງ​ຫຍັງ​ກັນ​ແທ້,ເງິນ​ 3 ໝື່ນ​ໂດ​ລາ​ຕໍ່ງວດ​ນີ້​ຈະ​ນຳໃຊ້​ໃນ​ການ​ຊອກ​ຫາ​ແລະ​ອົບ​ຮົມ​ຄົນ​ໃນ​ຮູບ​ແບບ​ໃດ​ຢູ່​ໃນ​ດິນແດນ​ປະ​ເທດ​ຈີນ? ທ່ານ ຫຼີ​ໄຫ​ຕົ່ງ ສາດ​ສະ​ດາ​ຈານ​ວິ​ທະ​ຍາ​ໄລ​ການ​ຕ່າງ​ປະ​ເທດ​ຈີນ​ຊີ້​ໃຫ້​ເຫັນໂດຍ​ກົງ​ວ່າ: ນີ້​ກໍ່​ແມ່ນ​ແຜນ​ການ​ທີ່​ກະ​ຊວງ​ການ​ຕ່າງ​ປະ​ເທດ​ອາ​ເມ​ຣິ​ກາ​ເປັນ​ຜູ້​​ສ້າງ​ຂຶ້ນ,​ເພື່ອດຳ​ເນີນ​ການ​ໂຄ​ສະ​ນາ​ເຜີຍ​ແຜ່​ແລະ​ແຊກ​ຊຶມ​ເຂົ້າ​​ຂົງ​ເຂດ​ຕ່າງໆ​​ຂອງ​ຈີນ​ເຊິ່ງ​ລວມ​ທັງ​ເຂດ​ພິ​ເສດ​ຮົງ​ກົງ​ແລະ​ເຂດ​ພິ​ເສດ​ມາ​ກາວ​ໃນ​ຂໍ້​ອ້າງ “ການ​ທູດ​ສາ​ທາ​ລະ​ນະ”,​ເປັນ​ການ​ປົກ​ປິດ​ອຳ​ພາງ​ຈຸດ​ປະ​ສົງ​ທີ່​ແທ້​ຈິງ​ດ້ວຍ​ກິດ​ຈະ​ກຳ​ວັດ​ທະ​ນະ​ທຳ​ແລະ​ການ​​ເຄື່ອນ​ໄຫວອື່ນໆ,ສະ​ໜອງ​ການ​ຊ່ວຍ​ເຫຼືອແລະ​​​ສົ່ງ​ຜົນ​ປະ​ໂຫຍດ​ໃຫ້​​ກັບ “ບຸກ​ຄົນ​ເປົ້າ​ໝາຍ​ສະ​ເພາະ”ຫຼື “ອົງ​ການ​ຈັດ​ຕັ້ງ​ສະ​ເພາະ”​, ຈົນ​​ກ້າວ​ເຖິງ​ການ​ກໍ່ “ການປະ​ຕິ​ວັດ​ສີ”.

ເວ​ລາ​ໃດການ​ໃຊ້​ສອງ​ມາດ​ຖານ​ຂອງ​ອາ​ເມ​ຣິ​ກາ​ຈະ​ສິ້ນ​ສຸດ​​ລົງ?_fororder_微信图片_20210528171308

      ​ເມື່ອເບິ່ງ​ຈາກ​ດ້ານ​ເອ​ກະ​ສານ​ແລ້ວ, ຫົວ​ຂໍ້​ທີ່​ໂຄງ​ການ​​ສົນ​ໃຈ​ເນັ້ນ​ໜັກ​ໃສ່​ນັ້ນແມ່ນ​ການ​ອະ​ນຸ​ລັກ​ສິ່ງ​ແວດ​ລ້ອມ, ສິດ​ທິ​ແມ່​ຍິງ,​ຊົນ​ເຜົ່າ​ສ່ວນ​ໜ້ອຍ​ແລະ​ຫົວ​ຂໍ້​ອື່ນໆ, ​ຫົວ​ຂໍ້ເຫຼົ່າ​ນີ້​ແມ່ນອາ​ເມ​ຣິ​ກາ​ໄດ້​ຫັນ​ເປັນ​ບັນ​ຫາການ​ເມືອງ​ໃນ​ລະ​ດັບ​ສູງ​ແລ້ວ, ​ເຖິງວ່າ​ເອ​ກະ​ສານ​ໂຄງ​ການ​​ໄດ້​ລະ​ບຸ​ໄວ້​ວ່າ: ​ບໍ່​ສະ​ໜັບ​ສະ​ໜູນ​ການ​ເຄື່ອນ​ໄຫວ​ທີ່​ກ່ຽວ​ຂ້ອງ​ກັບ​ການ​ເມືອງ​ຂອງ​ພັກຝ່າຍ​ຕ່າງໆ​,​ ​ນີ້​ໄດ້​ສະ​ທ້ອນ​ໃຫ້​ເຫັນ​ວ່າ,ແຮ່ງຢາກ​ປົກ​ປິດ​ຄວາມ​ຈິງຫຼາຍ​ເທົ່າ​ໃດ​ກໍ່​ແຮ່ງ​ເຜີຍ​ແບ​ຄວາມ​ຈິງ​ໃຫ້​ເຫັນ​ຢ່າງ​ຈະ​ແຈ້ງ​ຫຼາຍ​ເທົ່າ​ນັ້ນ. ເນື້ອ​ໃນ​ໂຄງ​ການ​ໄດ້​ເນັ້ນ​ໜັກ​​ວ່າ​ບໍ່​ກ່ຽວ​ຂ້ອງ​ກັບການ​ເມືອງແລະ​ສາ​ສະ​ໜາ,​ແຕ່​ໂຄງ​ການ​ນີ້​​ພັດແມ່ນ​ກະ​ຊວງ​ການ​ຕ່າງ​ປະ​ເທດ​ອາ​ເມ​ຣິ​ກາ​ເຊິ່ງ​ເປັນ​ອົງ​ການ​ການ​ເມືອງ​ເປັນ​ເຈົ້າ​ຂອງ​ໂຄງ​ການ,ຖ້າ​ເວົ້າ​​ແບບ​ເປີດ​ແປນແລ້ວ​ກໍ​ແມ່ນ​ການ​ຫຼິ້ນ​ກົນ​ອຸ​ບາຍ​ໃນ​ນາມ​ທາງ​ການ.

ເວ​ລາ​ໃດການ​ໃຊ້​ສອງ​ມາດ​ຖານ​ຂອງ​ອາ​ເມ​ຣິ​ກາ​ຈະ​ສິ້ນ​ສຸດ​​ລົງ?_fororder_微信图片_20210528171312

      ອີງ​ຕາມ​ບົດ​ລາຍ​ງານ “ໂຄງ​ການ​ຊ່ວຍ​ເຫຼືອ​ຂອງ​ອາ​ເມ​ຣິ​ກາ​ຢູ່​ຈີນ” ທີ່​ສະ​ຖາ​ບັນ​ຄົ້ນ​ຄວ້າ​​ທີ່​ລັດ​ຖະສະ​ພາ​ອາ​ເມ​ຣິ​ກາ​ເປີດ​ເຜີຍ​ໃນ​ປີ 2014, ໃນ​ນັ້ນ​ກໍ​ໄດ້​ມີ​ເນື້ອ​ໃນທີ່​ໄດ້​ລະ​ບຸ​ໄວ້​ຄື:ໂຄງ​ການ​ຊ່ວຍ​ເຫຼືອ​ຂອງ​ອາ​ເມ​ຣິ​ກາ​​ຢູ່​ຈີນ​ກໍ່​​ເພື່ອເພີ່ມ​ທະ​ວີ​ການ​ສະ​ໜັບ​ສະ​ໜູນ​​ຜູ້​ທີ່​ມີ​ແນວ​ຄິດ “ກໍ່​ການ​ປະ​ຕິ​​ຮູບ​ຢູ່​ຈີນ. ສ່ວນ​ບາງ​ໂຄງ​ການ​ແຮ່ງ​ໄດ້​ມີ​ເນື້ອ​ໃນ​ຕົ້ນ​ຕໍ​​ເຈາະ​ຈົງ​ໃສ່ນັກ​ຮຽນ​ຂອງ​ຈີນ​ໂດຍ​ກົງ​ຄື: ​ໃຫ້​ “ການ​ຝຶກ​ອົບ​ຮົມຄວາມ​ຮູ້​ທາງ​ດ້ານ​ກົດ​ໝາຍ” ໃຫ້​ແກ່​ເຂົາ​ເຈົ້າ, ອົບ​ຮົມ​ສ້າງ “​ຈິດ​ສຳ​ນຶກ​ຄວາມ​ເປັນພົນ​ລະ​ເມືອງ” ຂອງ​ເຂົາ​ເຈົ້າ. ​ໂຄງ​ການ​ໃນ​ປີ 2012 ແຮ່ງ​ໄດ້​​ມີ​ເນື້ອ​ໃນ​ຄ້າຍ​ຄື​ກັນ​ຫຼາຍ​ທີ່​ສຸດ​ກັບ​ເນື້ອ​ໃນ​ຂອງ​ໂຄງ​ການ​ແຜນ​ການມອບ​ເງິນ​ທາງ​ການ​ທູດ​ສາ​ທາ​ລະ​ນະ​ໃນ​ບ້ວງ​ເງິນ​ຂະ​ໜາດ​ນ້ອຍ​ສະ​ຖານ​ທູດ​ອາ​ເມ​ຣິ​ກາ​ປະ​ຈຳ​ຈີນ​ໃນ​ຄັ້ງ​ນີ້ຄື: ​ໃຫ້​ການ​ສະ​ໜັບ​ສະ​ໜູນ​ດ້ານ​ທຶນ​ຮອນ​ແກ່​​ປັນ​ຍາ​ຊົນ​ແລະ NGO ຂອງ​ຈີນ​ໃນ​ການ​ດຳ​ເນີນ​ການ​ເຄື່ອນ​ໄຫວ​ເພື່ອ​ປະ​ຊາ​ທິ​ປະ​ໄຕ. ພ້ອມ​ກັນ​ນັ້ນ, ໃນ​ນີ້​ຍັງ​ມີ​ເນື້ອ​ໃນ​ທີ່​ກ່ຽວ​ຂ້ອງ​ກັບ​ຈຸດ​ປະ​ສົງ​ຂອງ​ອາ​ເມ​ຣິ​ກາ​ທີ່​ຖື​ເຂດ​ຕິ​ເບດ​ຈີນ​ເປັນ​ເປົ້າ​ໝາຍ ເຊິ່ງ​ເປັນ​ຈຸດ​ປະ​ສົງ​ທີ່​ເຫັນ​ໄດ້​ຢ່າງ​ຈະ​ແຈ້ງ​ທີ່​ສຸດ.

ເວ​ລາ​ໃດການ​ໃຊ້​ສອງ​ມາດ​ຖານ​ຂອງ​ອາ​ເມ​ຣິ​ກາ​ຈະ​ສິ້ນ​ສຸດ​​ລົງ?_fororder_微信图片_20210528171318

      ໃນ​ຂະ​ນະ​ທີ່​ນຳ​ໃຊ້​ອົງ​ການ​ຈັດ​ຕັ້ງ​ທີ່​ບໍ່​ສັງ​ກັດ​ລັດ​ຖະ​ບານ​ຫຼື NGO ​ແລະ​ອື່ນໆ​ມາ​ເປັນ​ເຄື່ອງ​ມື​ແລະ​ເປັນເວ​ທີເຜີຍ​ແຜ່​ຄ່າ​ນິ​ຍົມ​ເສ​ລີ​ພາບ​ແລະ​ປະ​ຊາ​ທິ​ປະ​ໄຕ​ແບບ​ອາ​ເມ​ຣິ​ກາ​ແລະ​ສ້າງ​ໜໍ່​ແໜງ​ກໍ່​ການ​ປະ​ຕິ​ວັດ​ສີ​ໂດຍ​ຜ່ານ​ຮູບ​ແບບ​ຕ່າງໆ​ຢ່າງ​ເປີດ​ແປນ​ນັ້ນ, ​ອາ​ເມ​ຣິ​ກາ​ພັດ​ໄດ້​ໃສ່​ຮ້າຍ​ປ້າຍ​ສີ​ຈີນ​ຕາມໃຈ​ມັກວ່າ:ການ​ແລ​ກ​ປ່ຽນ​ດ້ານ​ວິ​ຊາ​ການ​ທີ່​ເປັນ​ປົກ​ກະ​ຕິ​ແລະ​ການ​ໄປ​ມາ​ຫາ​ສູ່​ກັນ​ດ້ານ​ວັດ​ທະ​ນະ​ທຳ​ຂອງ​ຈີນ​ຢູ່​ຕ່າງ​ປະ​ເທດແມ່ນ​ການ​ແຊກ​ຊຶມ,ການ​ແຊກ​ແຊງ​ແລະ​ເປັນ​ນັກ​ສືບ​ສອດ​ແນມ.

ເວ​ລາ​ໃດການ​ໃຊ້​ສອງ​ມາດ​ຖານ​ຂອງ​ອາ​ເມ​ຣິ​ກາ​ຈະ​ສິ້ນ​ສຸດ​​ລົງ?_fororder_微信图片_20210528171322

ເວ​ລາ​ໃດການ​ໃຊ້​ສອງ​ມາດ​ຖານ​ຂອງ​ອາ​ເມ​ຣິ​ກາ​ຈະ​ສິ້ນ​ສຸດ​​ລົງ?_fororder_微信图片_20210528171346

      ຕົວ​ຢ່າງ​ຄື: ໃນ​ຫຼາຍ​ປີ​ຜ່ານ​ມາ, ສະ​ຖາ​ບັນ​ຂົງ​ຈື້ຢູ່​ຕ່າງ​ປະ​ເທດ​ໄດ້​ຍຶດ​ຖື​ຈຸດ​ປະ​ສົງເປົ້າ​ໝາຍ​ຄື: ​ໃຫ້​ການ​ເຄົາ​ລົບແລະ​ປະ​ຕິ​ບັດ​ຕາມ​ກົດ​ໝາຍ​ແລະ​​ກົດ​ລະ​ບຽບ​ຂອງປະ​ເທດ​ທີ່​ສະ​ຖາ​ບັນ​ຕົນ​ຕັ້ງ​ຢູ່​ນັ້ນ, ​ແລະບໍ່​ເຄີຍ​ໄດ້​ເຂົ້າ​ຮ່ວມ​ການ​ເຄື່ອນ​ໄຫວ​ທີ່​ມີ​ສ່ວນ​ກ່ຽວ​ຂ້ອງ​ກັບ​ການ​ເມືອງ,ສາ​ສະ​ໜາແລະ​ເຊື້ອ​ຊາດໃດໆ​ຢູ່​ປະ​ເທດ​ທີ່​ຕົນ​ໄປ​ຕັ້ງ​ສະ​ຖາ​ບັນ​ນັ້ນຈັກ​ເທື່ອ. ແຕ່​ວ່າ, ພາຍ​ຫຼັງ​ການ​ພົວ​ພັນ​ລະ​ຫວ່າງ​ຈີນ-ອາ​ເມ​ຣິ​ກາ​ມີ​ບັນ​ຍາ​ກາດ​ເຄັ່ງ​ຕຶງ​ຂຶ້ນ​ແລະ​ຝ່າຍ​ອະ​ນຸ​ລັກ​ນິ​ຍົມ​ຂອງ​ອາ​ເມ​ຣິ​ກາ​ໄດ້​ມີ​ອິດ​ທິ​ພົນ​ສູງ​ຂຶ້ນ​ແລ້ວ, ນັກ​ການ​ເມືອງ​ແລະ​ນັກ​ວິ​ຊາ​ການ​ດ້ານ​ຄັງ​ປັນ​ຍາ​ຈຳ​ນວນ​ໜຶ່ງ​ໄດ້​ໂຈມ​ຕີແລະ​ໃສ່​ຮ້າຍ​ປ້າຍ​ສີ​ວ່າ:ສະ​ຖາ​ບັນ​ຂົງ​ຈື້​​ໄດ້​ຂັດ​ຂວາງ​ເສ​ລີ​ພາບທາງ​ດ້ານ​ວິ​ຊາ​ການ​ຂອງອ​າ​ເມ​ຣິ​ກາ,ມະ​ຫາ​ວິ​ທະ​ຍາ​ໄລ​ຫຼາຍ​ແຫ່ງ​ໄດ້​ຢຸດ​ຕິ​ການ​ຮ່ວມ​ມື​ກັບ​ສະ​ຖາ​ບັນ​ຂົງ​ຈື້​ພາຍ​ໃຕ້​ບັນ​ຍາ​ກາດ​ການ​ເມືອງ​ທີ່​ຊຸດ​ໂຊມ​ແບບ​ນີ້. ເດືອນ​ສິງ​ຫາ​ປີ 2020, ທ່ານ ໄມ ພົມ​ເພວ ອະ​ດີດ​ລັດ​ຖະ​ມົນ​ຕີ​ກະ​ຊວງ​ການ​ຕ່າງ​ປະ​ເທດ​ອາ​ເມ​ຣິ​ກາ​ຍັງ​ໄດ້​ໃສ່​ຮ້າຍ​ປ້າຍ​ສີ​ວ່າ: ​ສູນສະ​ຖາ​ບັນ​ຂົງ​ຈື້​ຢູ່​ອາ​ເມ​ຣິ​ກາ​ແມ່ນ​ອົງກອນ​ການ​ເຄື່ອນ​ໄຫວ​ຂອງ​ຈີນ​ທີ່​ດຳ​ເນີນ​ການ​ໂຄ​ສະ​ນາ​ເຜີຍ​ແຜ່​​​ຕໍ່​ສາ​ກົນແລະ​ສ້າງ​ຜົນ​ກະ​ທົບ​ທີ່​ມີ​ເຈດ​ຕະ​ນາ​ຮ້າຍ​ຢູ່​ໂຮງ​ຮຽນ​ກໍ​ຄື​ຄູ​ສອນ​ແຕ່​ໂຮງ​ຮຽນ​ອະ​ນຸ​ບານ​ຫາ​ມັດ​ທະ​ຍົມ​ປາຍຂອງ​ອາ​ເມ​ຣິ​ກາ.

ເວ​ລາ​ໃດການ​ໃຊ້​ສອງ​ມາດ​ຖານ​ຂອງ​ອາ​ເມ​ຣິ​ກາ​ຈະ​ສິ້ນ​ສຸດ​​ລົງ?_fororder_微信图片_20210528171325

ເວ​ລາ​ໃດການ​ໃຊ້​ສອງ​ມາດ​ຖານ​ຂອງ​ອາ​ເມ​ຣິ​ກາ​ຈະ​ສິ້ນ​ສຸດ​​ລົງ?_fororder_微信图片_20210528171336

      ນອກ​ຈາກ​ສະ​ຖາ​ບັນ​ຂົງ​ຈື້​ແລ້ວ, ອາ​ເມ​ຣິ​ກາ​ຍັງ​ໄດ້​ໃຊ້​ມາດ​ຕະ​ການຕ່າງໆ​ໃຊ້​ຄວາມ​ກົດ​ດັນ​ຕໍ່​ນັກ​ຂ່າວ​ຂອງ​ສື່​ຈີນ​ທີ່​ປະ​ຈຳ​ຢູ່ອາ​ເມ​ຣິ​ກາ. ແຕ່​ເດືອນ​ກຸມ​ພາ​ປີ 2020 ເປັນ​ຕົ້ນ​ມາ, ອາ​ເມ​ຣິ​ກາ​ໄດ້​ກຳ​ນົດ​ເອົ​າ​ສື່ມວນ​ຊົນ 15 ແຫ່ງ​ຂອງ​ຈີນ​ປະ​ຈຳ​ຢູ່​ອາ​ເມ​ຣິ​ກາ​ເປັນ​ຄະ​ນະ​ທູ​ຕາ​ນຸ​ທູດ​ຕ່າງ​ປະ​ເທດ​. ໃນ​ເດືອນ​ມີ​ນາ​ປີ 2020, ອາ​ເມ​ຣິ​ກາ​ໄດ້​ຂັບ​ໄລ່​ນັກ​ຂ່າວ​​ຈີນ 60 ກວ່າ​ຄົນ​ອອກ​ຈາກ​ອາ​ເມ​ຣິ​ກາ, ໃນ​ເດືອນ​ພຶດ​ສະ​ພາ​ປີ​ດຽວ​ກັນ, ອາ​ເມ​ຣິ​ກາ​ໄດ້​ຫຼຸດ​ວັນ​ໝົດ​ກຳ​ນົດ​ວີ​ຊາ​ຂອງ​ນັກ​ຂ່າວ​ຈີ​ນ​ປະ​ຈຳ​ຢູ່​ອາ​ເມ​ຣິ​ກາ​​ໃຫ້​ເຫຼືອ​ເວ​ລາ​ບໍ່​ເກີນ 3 ເດືອນ.

ເວ​ລາ​ໃດການ​ໃຊ້​ສອງ​ມາດ​ຖານ​ຂອງ​ອາ​ເມ​ຣິ​ກາ​ຈະ​ສິ້ນ​ສຸດ​​ລົງ?_fororder_微信图片_20210528171330

ເວ​ລາ​ໃດການ​ໃຊ້​ສອງ​ມາດ​ຖານ​ຂອງ​ອາ​ເມ​ຣິ​ກາ​ຈະ​ສິ້ນ​ສຸດ​​ລົງ?_fororder_微信图片_20210528171340

      ດ້ານ​ໜຶ່ງ, ອາ​ເມ​ຣິ​ກາ​ໄດ້ເອີ້ນ​ການ​ເຄື່ອນ​ໄຫວ​ແຊກ​ຊຶມ​ຂອງ​ຕົນ​ທີ່​ມີ​ຕໍ່​ປະ​ເທດ​ອື່ນ​​ເປັນ “ເສ​ລີ​ພາບ”, ແຕ່ອີກ​ດ້ານ​ໜຶ່ງ​ພັດ​ໄດ້​ໃສ່​ຮ້າຍ​ປ້າຍ​ສີ​ປະ​ເທດ​ອື່ນ​ວ່າ:ການ​ລາຍ​ງານ​ຂ່າວ​ແລະ​ການ​ແລກ​ປ່ຽນ​ດ້ານ​ວັດ​ທະ​ນະ​ທຳ​ທີ່​ເປັນ​ປົກ​ກະ​ຕິ​ຂອງ​ປະ​ເທດ​ອື່ນ​ນັ້ນເປັນ “ການ​ແຊກ​ຊຶມ”, ເວົ້າ​​ໃນ​ຄວາມ​ເປັນ​ຈິງ​ແລ້ວ, ນີ້​ກໍ​ແມ່ນ​ການ​ໃຊ້​ສອງ​ມາດ​ຖານ​ແທ້ໆ​ອີກ​ຢ່າງ​ໜຶ່ງ​ຂອງ​ອາ​ເມ​ຣິ​ກາ.

ເວ​ລາ​ໃດການ​ໃຊ້​ສອງ​ມາດ​ຖານ​ຂອງ​ອາ​ເມ​ຣິ​ກາ​ຈະ​ສິ້ນ​ສຸດ​​ລົງ?_fororder_微信图片_20210528171333

ເວ​ລາ​ໃດການ​ໃຊ້​ສອງ​ມາດ​ຖານ​ຂອງ​ອາ​ເມ​ຣິ​ກາ​ຈະ​ສິ້ນ​ສຸດ​​ລົງ?_fororder_微信图片_20210528171343

ຄຳ​ເຫັນ

0