ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ນັບແຕ່ເກີດມີການແຜ່ລະບາດຂອງພະຍາດໂຄວິດ-19 ເປັນຕົ້ນມາ, ປະເທດຕາເວັນຕົກທີ່ຖືອາເມຣິກາເປັນຜູ້ນຳກໍ່ບໍ່ໄດ້ຢຸດຕິການປ່າວຂ່າວ,ໂຈມຕີແລະໃສ່ຮ້າຍປ້າຍສີຈີນຈັກເທື່ອໃນບັນຫາພະຍາດໂຄວິດ-19.
ເຖິງວ່າໃນເດືອນມັງກອນປີນີ້, ໜ່ວຍງານຜູ້ຊ່ຽວຊານຂອງອົງການອະນາໄມໂລກຫຼື WHO ໄດ້ເດີນທາງໄປສຳຫຼວດຢູ່ນະຄອນອູຮັ້ນຂອງຈີນແລ້ວແລະມີຂໍ້ສະຫຼຸບວ່າ: “ເຊື້ອພະຍາດໂຄວິດ-19 ມີຄວາມເປັນໄປໄດ້ຫຼາຍທີ່ສຸດທີ່ບໍ່ແມ່ນຮົ່ວອອກມາຈາກຫ້ອງທົດລອງຂອງຈີນ.” ແຕ່ເນື່ອງຈາກຈຸດປະສົງທາງການເມືອງ, ອາເມຣິກາພັດໄດ້ສະແດງຄວາມລະແວງສົງໄສຕໍ່ຜົນການສຳຫຼວດຂອງໜ່ວຍງານຜູ້ຊ່ຽວຊານຂອງ WHO.
ໃນໄລຍະມໍ່ໆມານີ້, ຄຽງຄູ່ກັບການຜ່ອນຄາຍສະພາບການແຜ່ລະບາດຂອງພະຍາດໂຄວິດ-19 ໄດ້ຜ່ອນຄາຍລົງ, ອາເມຣິກາພັດມີຄວາມສົນໃຈປ່າວຂ່າວແລະຖິ້ມຄວາມຮັບຜິດຊອບໃຫ້ຈີນອີກເທື່ອໜຶ່ງ. ນັກການເມືອງທີ່ມີຈຸດປະສົງແອບແຝງອີກຕ່າງຫາກບາງຄົນຂອງອາເມຣິກາໄດ້ແຜ່ກະຈາຍຂ່າວປອມແລະມີຖ້ອຍທຳນອງກົນອຸບາຍ “ການຮົ່ວອອກຈາກຫ້ອງທົດລອງ” ແລະອື່ນໆອີກຄັ້ງໜຶ່ງ.
ວັນທີ 23 ພຶດສະພາຜ່ານມາ, ໜັງສືພິມ The Wall Street Journal ແລະສື່ມວນຊົນອາເມຣິກາແຫ່ງອື່ນໆໄດ້ອ້າງອີງຕາມບົດລາຍງານຂອງອົງການຂ່າວລັບອາເມຣິກາທີ່ຍັງບໍ່ທັນໄດ້ເປີດເຜີຍສະບັບໜຶ່ງມາລາຍງານໂດຍຊີ້ໃຫ້ເຫັນເປັນໄນໆວ່າ: ເຊື້ອພະຍາດໂຄວິດ-19 ອາດຈະແມ່ນຮົ່ວອອກມາຈາກຫ້ອງທົດລອງ. ຫຼັງຈາກນັ້ນ, ວັນທີ 26 ພຶດສະພາຜ່ານມາ, ທ່ານ ໂຈ ໄບເດັນ ປະທານາທິບໍດີອາເມຣິກາໄດ້ສັ່ງໃຫ້ພາກສ່ວນຂ່າວລັບຂອງອາເມຣິກາສືບສວນ-ສອບສວນແຫຼ່ງກຳເນີດຂອງເຊື້ອພະຍາດໂຄວິດ-19 ຄືນໃໝ່, ແລະໃຫ້ຍື່ນບົດລາຍງານພາຍໃນເວລາ 90 ວັນ.
ການກະທຳຂອງໜັງສືພິມ The Wall Street Journal ແລະລັດຖະບານອາເມຣິກາແມ່ນຄ້າຍຄືກັນກັບການກະທຳທີ່ຖິ້ມຄວາມຮັບຜິດຊອບໃຫ້ຈີນຂອງອາເມຣິກາໃນ 1 ປີກ່ອນນັ້ນທີ່ສຸດເລີຍຄື: ອ້າງຕາມບົດລາຍງານທີ່ວ່າບໍ່ທັນໄດ້ເປີດເຜີຍເຊິ່ງບໍ່ຮູ້ວ່າມີແທ້ຫຼືບໍ່ສະບັບໜຶ່ງມາສ້າງເລື່ອງ,ແລ້ວປະທານາທິບໍດີອາເມຣິກາກໍມີຄຳສັ່ງໃຫ້ດຳເນີນການສືບສວນ, ຫຼັງຈາກນັ້ນກໍ່ເຮັດຂໍ້ສະຫຼຸບສະບັບໜຶ່ງຂຶ້ນມາວ່າ: “ເຊື້ອພະຍາດແມ່ນມາຈາກຈີນ” ເຮັດແບບນີ້ຕາມລຳພັງໃຈໂດຍບໍ່ໄດ້ຜ່ານການສືບສວນຕາມຫຼັກວິທະຍາສາດ.
ໃນ 1 ປີກ່ອນ, Grayzone ເຊິ່ງເປັນເວັບໄຊຂ່າວອິດສະຫຼະຂອງອາເມຣິກາກໍ່ໄດ້ເຜີຍໃຫ້ເຫັນເຖິງການກະທຳຂອງອາເມຣິກາທີ່ຢາກປົກປິດຄວາມຊົ່ວຮ້າຍຂອງຕົນແຕ່ພັດແຮ່ງຖືກເຜີຍແບຄວາມຈິງຢ່າງຈະແຈ້ງໂດຍຜ່ານບົດຄວາມທີ່ມີຫົວຂໍ້ວ່າ “ລັດຖະບານອາເມຣິກາຫວັງເຮັດໃຫ້ຖ້ອຍທຳນອງກົນອຸບາຍກ່ຽວກັບການແຜ່ລະບາດຂອງພະຍາດໂຄວິດ-19 ກາຍເປັນກະແສຫຼັກຂອງການວິພາກວິຈານໂດຍຜ່ານການແຈກຢາຍເອກະສານໃຫ້ແກ່ສື່ມວນຊົນ”.
1 ປີກ່ອນ, ສື່ສັງຄົມອອນລາຍ ເຟັສບຸກຂອງອາເມຣິກາເຄີຍໄດ້ກ່າວວ່າ: ຈະລຶບຄິບທີ່ປຸກປັ່ນຄຳເວົ້າທີ່ວ່າເຊື້ອພະຍາດໂຄວິດ-19 ເປັນເຊື້ອພະຍາດທີ່ຜະລິດໂດຍຄົນ,ແຕ່ວ່າຫຼັງຈາກທ່ານ ໂຈ ໄບເດັນ ໄດ້ອອກຖະແຫຼງການວ່າຈະສືບສວນຫາແຫຼ່ງກຳເນີດຂອງເຊື້ອພະຍາດໂຄວິດ-19 ອີກເທື່ອໜຶ່ງ, ທາງເຟັສບຸກກໍ່ເລີຍໄດ້ກ່າວວ່າຈະບໍ່ເກືອດຫ້າມຄິບທີ່ມີເນື້ອໃນແບບນີ້ອີກ, ໃນຈຸດເວລາທີ່ພໍດີກັນແບບນີ້, ສື່ມວນຊົນອາເມຣິກາໄດ້ສະແດງທ່າທີທີ່ກົງກັນຂ້າມກັບ 1 ປີກ່ອນຈົນໝົດ,ສະນັ້ນຈຶ່ງເຫັນວ່ານີ້ບໍ່ແມ່ນເລື່ອງທີ່ເກີດຂຶ້ນໂດຍບັງເອີນຢ່າງເດັດຂາດ.
ແຕ່ວ່າການຄົ້ນຫາແຫຼ່ງກຳເນີດຂອງເຊື້ອພະຍາດໂຄວິດ-19 ແມ່ນບັນຫາທາງວິທະຍາສາດ,ຈີນກໍ່ຈະບໍ່ອະນຸຍາດໃຫ້ອາເມຣິກາປ່າວຂ່າວແລະໃສ່ຮ້າຍປ້າຍສີຈີນຊ້ຳແລ້ວຊ້ຳອີກກ່ຽວກັບບັນຫານີ້.
ອາເມຣິກາໄດ້ຮຽກຮ້ອງໃຫ້ດຳເນີນການກວດກາຈີນໃນລະດັບສາກົນ ຢ່າງຮອບດ້ານແລະໂປ່ງໃສມາໄດ້ຫຼາຍຄັ້ງແລ້ວ, ພັດປິດປາກງຽບໂດຍບໍ່ໄດ້ກ່າວເຖິງສະພາບການແຜ່ລະບາດຂອງພະຍາດໂຄວິດ-19 ກໍຄືຄວາມລະແວງສົງໄສຂອງຊາວໂລກທີ່ມີຕໍ່ຖານຊີວະພາບຟອດ ເດຕຣິກຂອງອາເມຣິກາເລີຍ. ພາຍຫຼັງຈີນໄດ້ຮັບການກວດກາແຫຼ່ງກຳເນີດຂອງເຊື້ອພະຍາດຈາກໜ່ວຍງານຜູ້ຊ່ຽວຊານຂອງ WHO ແລ້ວ, ຄັນຊັ້ນອາເມຣິກາກໍຄວນເປີດເຜີຍໃຫ້ຊາວໂລກຮູ້ວ່າຫ້ອງທົດລອງຊີວະພາບ 200 ແຫ່ງຂອງອາເມຣິກາທີ່ຢັ່ງຢາຍຢູ່ທົ່ວໂລກນັ້ນໄດ້ເຮັດຫຍັງແດ່ໃນຫຼາຍປີມານີ້, ແລະຄວນໃຫ້ໜ່ວຍງານຜູ້ຊ່ຽວຊານ WHO ໄປກວດກາຄົ້ນຫາແຫຼ່ງກຳເນີດຂອງເຊື້ອພະຍາດໂຄວິດ-19 ທາງວິທະຍາສາດຢູ່ອາເມຣິກາ.
ປັດຈຸບັນ, ຫາງສຽງຈາກປະຊາຄົມໂລກທີ່ຮຽກຮ້ອງໃຫ້ WHO ດຳເນີນການຄົ້ນຫາແຫຼ່ງກຳເນີດຂອງເຊື້ອພະຍາດໂຄວິດ-19 ໄລຍະທີສອງນັ້ນນັບມື້ນັບເພີ່ມຫຼາຍຂຶ້ນ. ອາເມຣິກາມີເຈດຕະນາຢາກສວຍໃຊ້ກົນອຸບາຍປັ້ນແຕ່ງຂ່າວທີ່ວ່າເຊື້ອພະຍາດມີແຫຼ່ງກຳເນີດມາຈາກຈີນອີກເທື່ອໜຶ່ງໂດຍມີຈຸດປະສົງເພື່ອຫຼີກລ່ຽງການກວດກາຈາກສາກົນເຊິ່ງເປັນເລື່ອງທີ່ຊາວໂລກໃຜໆກໍລ້ວນແຕ່ຮູ້ຈົນໝົດແລ້ວ.
ຄຳເຫັນ
0