ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ7ມິຖຸນານີ້, ທ່ານສີຈິ້ນຜິງປະທານປະເທດຈີນໄດ້ເດີນທາງໄປສຳຫຼວດກວດກາວຽກງານຢູ່ແຂວງຊິ່ງໄຫ. ຕອນບ່າຍມື້ດຽວກັນ, ທ່ານສີຈິ້ນຜິງໄດ້ໄປຢ້ຽມຢາມກຸ່ມບໍລິສັດຜ້າພົມເຊີ້ງຢວນຊິ່ງໄຫທີ່ຕັ້ງຢູ່ນະຄອນຊີ່ນິງເທສະບານແຂວງຊິ່ງໄຫເພື່ອຮັບຮູ້ສະພາບການຕ່າງໆຂອງວິສາຫະກິດນີ້ ເຊັ່ນ: ການອີງໃສ່ທ່າແຮງດ້ານຊັບພະຍາກອນວັດຖຸດິບຂອງທ້ອງຖິ່ນ, ການປະດິດສ້າງແນວຄວາມຄິດໃໝ່ໃນການອອກແບບ, ຍົກສູງກຳລັງແຂ່ງຂັນຂອງຜະລິດຕະພັນ, ນຳພາປະຊາຊົນປະກອບອາຊີບ ແລະສ້າງລາຍຮັບເພີ່ມຂຶ້ນ.
ຜ້າພົມຕິເບດກັບຜ້າພົມຕາເວັນອອກ ແລະ ຜ້າພົມເປີເຊຍແມ່ນ 3 ຜ້າພົມທີ່ມີຊື່ສຽງໂດ່ງດັງໃນໂລກ. ແຂວງຊິ່ງໄຫແມ່ນບ່ອນກຳເນີດຂອງຜ້າພົມຕິເບດເຊິ່ງມີປະຫວັດສາດ 3.000 ກວ່າປີມາແລ້ວ, ວັດຖຸດິບຕົ້ນຕໍແມ່ນຂົນແກະຕິເບດ ຫຼື ເອີ້ນວ່າ ຂົນຂາວຊີ່ນິງ ທີ່ມີເອກະລັກພິເສດຂອງແຂວງຊິ່ງໄຫ.
ຈາກການຜະລິດດ້ວຍມືຈົນຮອດການຜະລິດດ້ວຍມືບວກກັບເຄື່ອງຈັກ, ຈາກການຜະລິດຢ່າງຂະໜາດໃຫຍ່ຈົນຮອດການຜະລິດຕາມການສັ່ງຊື້, ຈາກຮູບແບບການຜະລິດຕາມການສັ່ງຊື້ຈົນຮອດການຜະລິດແບບອັດສະລິຍະ, ຜ້າພົມເຊີ້ງຢວນໄດ້ນຳເອົາວິທະຍາສາດເຕັກນິກແລະແນວຄວາມຄິດທີ່ກ້າວໜ້າທີ່ສຸດ ໃຫ້ສາມາດເຊື່ອມໂຍງເຂົ້າກັບອຸດສາຫະກຳດັ້ງເດີມໄດ້ຢ່າງບໍ່ຢຸດຢັ້ງ, ຜະລິດຕະພັນຂອງເຂົາເຈົ້າໄດ້ຂາຍໄປສູ່ 40 ກວ່າປະເທດແລະເຂດແຄ້ວນເຊັ່ນ: ອົສຕຼາລີ, ເອີຣົບ, ຕາເວັນອອກກາງ, ອາເມຣິກາເໜືອ ເປັນຕົ້ນ ແລະໄດ້ບັນລຸມູນຄ່າການຜະລິດເຖິງ42ລ້ານຢວນໃນປີ2020.
ເພື່ອໃຫ້ຜ້າພົມຕິເບດດັ້ງເດີມກ້າວໄປສູ່ສາກົນ, ບໍລິສັດຜ້າພົມເຊີ້ງຢວນໄດ້ພະຍາຍາມສູ້ຊົນສ້າງຖານຜະລິດຜ້າພົມຕິເບດທີ່ນຳໜ້າໂລກ, ຊຸກຍູ້ໃຫ້ອຸດສາຫະກຳທີ່ມີເອກະລັກພິເສດເທິງພູພຽງກາຍເປັນ “ສັນຍາລັກ” ທີ່ກ້າວໄປສູ່ທົ່ວໂລກ.
ຄຳເຫັນ
0