尚艳波

ຕາລາງລາຍການ FM93Mhz

ດາວໂຫຼດ App CRI-FM93 ລະບົບ IOS

ດາວໂຫຼດ App CRI-FM93 ລະບົບ Android

FM93

ການ​ປິດ​ລ້ອມທາງດ້ານ​ເຕັກ​ນິ​ກ​ຈາກອາ​ເມ​ຣິ​ກາ​ແລະສະ​ຫະ​ພາບເອີ​ຣົບ​ມີ​ແຕ່​ຈະ​ເຮັດ​ໃຫ້​ຈີນ​ນັບ​ມື້​ນັບ​​ມີ​ຄວາມເຂັ້ມ​ແຂງ​ຂຶ້ນ​ຕື່ມ

2021-06-16 17:22:56 cri

ການ​ປິດ​ລ້ອມທາງດ້ານ​ເຕັກ​ນິ​ກ​ຈາກອາ​ເມ​ຣິ​ກາ​ແລະສະ​ຫະ​ພາບເອີ​ຣົບ​ມີ​ແຕ່​ຈະ​ເຮັດ​ໃຫ້​ຈີນ​ນັບ​ມື້​ນັບ​​ມີ​ຄວາມເຂັ້ມ​ແຂງ​ຂຶ້ນ​ຕື່ມ_fororder_3b77020d760e4cf4800a25dd3682929d

     ວັນ​ທີ 9 ມິ​ຖຸ​ນາ​ນີ້, ເວັບ​ໄຊ​ຂອງ​ໜັງ​ສື​ພິມ​ການ​ເມືອງ​ຂອງ​ອາ​ເມ​ຣິ​ກາ​​ໄດ້ລາຍ​ງານ​ວ່າ: ອີງ​ຕາມ​ຖະ​ແຫຼງ​ການ​ສະ​ບັບ​ຮ່າງ​ຂອງກອງ​ປະ​ຊຸມ​ສຸດຍອດ​ສະ​ຫະ​ພາບ​ເອີ​ຣົບ-ອາ​ເມ​ຣິ​ກາ​ແລະ​ຄຳ​ເວົ້າ​ຂອງ​ເຈົ້າ​ໜ້າ​ທີ່​ສະ​ຫະ​ພາບ​ເອີ​ຣົບ​ສອງ​ທ່ານ, ສະ​ຫະ​ພາບ​ເອີ​ຣົບ​ແລະ​ອາ​ເມ​ຣິ​ກາ​ຈະ​ປະ​ກາດ​ຮ່ວມ​ກຸ່ມ​ພັນ​ທະ​ມິດ​ດ້ານ​ເຕັກ​ນິກ​ແລະ​ການ​ຄ້າ​ໃນ​ອາ​ທິດ​ໜ້າ, ເພື່ອ​ຮັບ​ມື​ກັບ​ອິດ​ທິ​ພົນ​ຈາກ​ຈີນ​ໃນ​ດ້ານ​ວິ​ທະ​ຍາ​ສາດ​ເຕັກ​ນິກ​ທີ່​ນັບ​ມື້​ນັບ​ເພີ່ມ​​ຂຶ້ນ.

      ວິ​ທະ​ຍາ​ສາດ​ເຕັກ​ນິກ​ແມ່ນ​ກຳ​ລັງ​ການ​ຜະ​ລິດອັນ​ດັບ​ໜຶ່ງ. ປັດ​ຈຸ​ບັນ, ​​ການປະ​ຕິ​ຮູບ​ດ້ານ​ວິ​ທະ​ຍາ​ສາດ​ເຕັກ​ນິກ​ທີ່​ມີ​ການ​ປ່ຽນ​ແປງ​ໃໝ່​ທຸກ​ມື້​ທຸກ​ເດືອນພວມ​ເຮັດ​ໃຫ້​ການ​ເມືອງ​ສາ​ກົນ​ເຂົ້າ​ສູ່​ຍຸກ​ຫັນ​ເຕັກ​ນິກ​ເປັນ​ບັນ​ຫາ​ການ​ເມືອງ, ຜູ້​ໃດ​ມີ​ວິ​ທະ​ຍາ​ສາດ​ເຕັກ​ນິກ​​ຊັ້ນ​ຍອດ,ຜູ້​ນັ້ນ​ກໍ່​ສາ​ມາດ​ໄດ້​ຮັບ​ຜົນ​ປະ​ໂຫຍດ​ຈາ​ກ​ທົ່ວ​ໂລກ. ສະ​ຫະ​ພາບ​ວິ​ທະ​ຍາ​ສາດ​ເຕັກ​ນິກ​ໃໝ່​ທີ່​ສະ​ຫະ​ພາບ​ເອີ​ຣົບ​ແລະ​ອາ​ເມ​ຣິ​ກາ​ກຽມ​ຈະ​ສ້າງ​ຕັ້ງ​ຂຶ້ນ​ນັ້ນ​ແມ່ນ​ສະ​ຫະ​ພາບ​ທີ່​ປັດ​ປ່າຍ​ຝ່າຍ​ອື່ນ​ທີ່​ສ້າງ​ຂຶ້ນ​ໂດຍ​ແນ​ໃສ່​ປະ​ເທດ​ຈີນ, ໂດຍ​ມີ​ຈຸດ​ປະ​ສົງ​ເພື່ອ​ສ້າງ​ມະ​ຫາ​ອຳ​ນາດ​ດ້ານ​ວິ​ທະ​ຍາ​ສາດ​ເຕັກ​ນິກ​ໃນ​ໄລ​ຍະ​ໃໝ່​ໂດຍ​ຜ່ານ​ການ​ສ້າງ“ສະ​ຫະ​ພາບ​ເຕັກ​ນິກ”ໃໝ່.

ການ​ປິດ​ລ້ອມທາງດ້ານ​ເຕັກ​ນິ​ກ​ຈາກອາ​ເມ​ຣິ​ກາ​ແລະສະ​ຫະ​ພາບເອີ​ຣົບ​ມີ​ແຕ່​ຈະ​ເຮັດ​ໃຫ້​ຈີນ​ນັບ​ມື້​ນັບ​​ມີ​ຄວາມເຂັ້ມ​ແຂງ​ຂຶ້ນ​ຕື່ມ_fororder_a044ad345982b2b7287565673fadcbef77099baf

      ທີ່​ຈິງ​ແລ້ວ, ​ການ​ປິດ​ລ້ອມ​​ຈີນທາງ​ດ້ານ​ເຕັກ​ນິກ​​ຈາກ​ອາ​ເມ​ຣິ​ກາ​ແລະ​ສະ​ຫະ​ພາບ​ເອີ​ຣົບ​ບໍ່​ເຄີຍ​ໄດ້ໂຍະ​ຍານລົງ​ຈັກ​ເທື່ອ. ໃນ​ເດືອນ​ພະ​ຈິກ​ປີ 1949, ໃນ​ໄລ​ຍະ​ເວ​ລາ 1 ເດືອນ​ປາຍ​ຫຼັງ​ຈາກ​ສ​ະ​ຖາ​ປະ​ນາ​​ສາ​ທາ​ລະ​ນະ​ລັດ​ປະ​ຊາ​ຊົນ​ຈີນ, 17 ປະ​ເທດ​ເຊິ່ງ​ລວມ​ທັງ​ອາ​ເມ​ຣິ​ກາ​ກໍ່​ໄດ້​ສ້າງ​ຕັ້ງ “ຄະ​ນະ​ກຳ​ມະ​ການ​ການ​ປະ​ສານ​ງານ​ເພື່ອ​ຄວບ​ຄຸມ​ການ​ສົ່ງ​ອອກ” ຢູ່​ນະ​ຄອນ​ຫຼວງ​ປາ​ຣີ​ຂອງ​​ປະ​ເທດ​ຝ​ຣັ່ງ​ແບບ​ລັບໆ, ເພື່ອ​ຈຳ​ກັດ​ປະ​ເທດ​ສະ​ມາ​ຊິກ​ອື່ນ​ອື່ນ​ສົ່ງ​ອອກ​ວັດ​ຖຸ​ອຸ​ປະ​ກອນ​ແລະ​ເຕັກ​ນິກ​ກ້າວ​ໜ້າ​ແລະ​ທັນ​ສະ​ໄໝ​ທາງ​ຍຸດ​ທະ​ສາດ​​ໃຫ້​ກັບ​ປະ​ເທດ​ສັງ​ຄົມ​ນິ​ຍົມ. ຄຽງ​ຄູ່​ກັບສະ​ຖາ​ນະ​ການ​ສາ​ກົນ​ເກີດ​ມີ​ການ​ປ່ຽນ​ແປງ. ໃນ​ປີ 1994 ໄດ້​ປະ​ກາດ​ຍຸບຄະ​ນະ​ກຳ​ມະ​ການ​ດັ່ງ​ກ່າວ, ຫຼັງ​ຈາກ​ນັ້ນ​ໃນ​ເດືອນ​ກໍ​ລະ​ກົດ​ປີ 1996, 33 ປະ​ເທດ​ທີ່​ນຳ​ໂດຍ​ອາ​ເມ​ຣິ​ກາ​ໄດ້​ເຊັນ​ສັນ​ຍາ​ວາ​ສ​ເຊັນ​ນາກ່ຽວ​ກັບ​ການ​ຄວບ​ຄຸມ​ການ​ສົ່ງ​ອອກ​ອາ​ວຸດ​ທຳ​ມະ​ດາ​ແລະ​ວັດ​ຖຸ​ແລະ​ເຕັກ​ນິກ​ທີ່​ໃຊ້​ໄດ້​ທັງ​ດ້ານ​ການ​ທະ​ຫານ​ແລະ​ດ້ານ​ພົນ​ລະ​ເຮືອນ​ໃຫ້​ກັບ​ຈີນ​ຢູ່​ນະ​ຄອນ​ວຽນ​ຂອງ​​ປະ​ເທດໂອ​ຕ​ຣິ​ສ​ອີກ​. ສະ​ຫະ​ພາບ​ເຕັກ​ນິກ​ໃໝ່​ທີ່​ ອາ​ເມ​ຣິ​​ກາ​ແລະສະ​ຫະ​ພາບ​ເອີ​ຣົບ​ກ​ຽມ​ສ້າງ​ຂຶ້ນ​ນັ້ນ​ທີ່​ຈິງ​ແລ້ວ​ກໍ​​​ຄື​ກັນ​ກັບ​ການ​ເຊັນສັນ​ຍາວາ​ສ​ເຊັນ​ນາ​ອີກ​ຄັ້ງ​ໜຶ່ງ. ໃນ​ຊຸມ​ປີ​ຜ່ານ​ມາ, ​ອາ​ເມ​ຣິ​ກາ​ໂຈມ​ຕີ​ດ້ານ​ເຕັກ​ນິກ 5G ຂອງ​​ຈີນ, ​ຈຳ​ກັດ​ການ​ສົ່ງ​ອອກ Mask Aligner ​ໃຫ້​ກັບ​ຈີນ​ແລະ​ອື່ນໆ​ລ້ວນ​ແຕ່​ແມ່ນ​ຍ້ອນ​ສາ​ເຫດ​ດັ່ງ​ກ່າວ.

ການ​ປິດ​ລ້ອມທາງດ້ານ​ເຕັກ​ນິ​ກ​ຈາກອາ​ເມ​ຣິ​ກາ​ແລະສະ​ຫະ​ພາບເອີ​ຣົບ​ມີ​ແຕ່​ຈະ​ເຮັດ​ໃຫ້​ຈີນ​ນັບ​ມື້​ນັບ​​ມີ​ຄວາມເຂັ້ມ​ແຂງ​ຂຶ້ນ​ຕື່ມ_fororder_dd301fee1a7a40caaeb4b1105d93beaf

      ການ​ປິດ​ລ້ອມ​​ຈີນທາງ​ດ້ານ​ເຕັກ​ນິກ​​ຈາກ​ອາ​ເມ​ຣິ​ກາ​ແລະ​ສະ​ຫະ​ພາບ​ເອີ​ຣົບ​ໄດ້​ເຮັດ​ໃຫ້​ການ​ພັດ​ທະ​ນາ​ດ້ານ​ວິ​ທະ​ຍາ​ສາດ​ເຕັກ​ນິກຂອງ​ຈີນ​ຊ້າ​ລົງ​ໃນ​ລະ​ດັບ​ສູງ​ສົມ​ຄວນ,ແຕ່​ໃນ​ທາງ​ກົງ​ກັນ​ຂ້າມ​ກໍ​ໄດ້​ກາຍ​ເປັນ​ພະ​ລັງ​ແຮງ​ທີ່​ຊຸກ​ຍູ້​ໃຫ້​ຈີນ​ມີ​ຄວາມ​ກ້າວ​ໜ້າ​ຢ່າງ​ບໍ່​ຢຸດ​ຢັ້ງ, ເຊິ່ງ​ໄດ້​ກະ​ຕຸ້ນໃຫ້​ຈີນ​ພັດ​ທະ​ນາ​ເຕັກ​ນິ​ກ​ຂອງ​ຕົນ​ຢ່າງ​ແຂງ​ແຮງ.​ໂດຍ​ປະ​ເຊີນກັບ​ການ​ປິດ​ລ້ອມ​ທາງ​ດ້ານ​ເຕັກ​ນິກ​ຈາກ​ຕ່າງ​ປະ​ເທດ, ​ຈີນ​ໄດ້​ພະ​ຍາ​ຍາມ​ຄົ້ນ​ຄວ້າ​ຢ່າງ​ລຳ​ບາກ​ແລະສາ​ມາດ​ໄດ້​ຜ່ານ​ຜ່າ​ຄວາມ​ຫຍຸ້ງ​ຍາກ​​ຕ່າງໆ​ນາ​ນາ, ປັດ​ຈຸ​ບັນ, ທາງ​ລົດ​ໄຟ​​ຄວາມ​ໄວ​ສູງໄດ້​ກາຍ​ເປັນ​​ສັນ​ຍາ​ລັກ​ດ້ານ​ວິ​ທະ​ຍາ​ສາດ​ເຕັກ​ນິກ​​ຂອງ​ຈີນທີ່​ມີ​ຊັບ​ສິນ​ທາ​ງ​ປັນ​ຍາເປັນ​ຂອງ​ຕົນ​ເອງ​ຢ່າງ​ເຕັມ​ປ່ຽມ, ​ທັງຢືນ​ຢູ່​ແຖວ​ໜ້າ​ຂອງ​ໂລກ. ບາງ​ປະ​ເທດ​ເຊັ່ນ:ຍີ່​ປຸ່ນ​ແລະ​ເຢຍ​ລະ​ມັນ​ເປັນ​ຕົ້ນ​ໄດ້​ຜູກ​ຂາດເຕັກ​ນິກ​ແກນກາງ​ດ້ານ​ການ​ຜະ​ລິດ​ເຄື່ອງ​ຈັກ​ເຈາະ​ອຸ​ມົງ​ເປັນ​ເວ​ລາ​ດົນ​ນານ, ແຕ່​ກ່ອນ, ຈີນ​ຊື້​ເຄື່ອງ​ຈັກ​ດັ່ງ​ກ່າວ​ດ້ວຍ​ລາ​ຄາ​ແພງ​ພິ​ລຶກ​ແຕ່​ກໍ່​ໄດ້​ແຕ່​ເຄື່ອງ​ຈັກ​ທີ່​ມີ​ຄວາມ​ບົກ​ຜ່ອງ​ແລະ​ບໍ່​ໄດ້​ມາດ​ຕະ​ຖານ​ຈາກ​ປະ​ເທດ​ຕາ​ເວັນ​ຕົກ, ຜ່ານ​ຄວາມ​ພະ​ຍາ​ຍາມ​ຄົ້ນ​ຄວ້າ​ເປັນ​ເວ​ລາ​ຫຼາຍ​ປີ, ໃນ​ທີ່​ສຸດ, ຈີນ​ກໍ່​ສາ​ມາດ​ຄົ້ນ​ຄວ້າ​ແລະ​ຜະ​ລິດ​ເຄື່ອງ​ຈັກ​ເຈາະ​ອຸ​ມົງ​ດ້ວຍ​ຕົນ​ເອງ​ໄດ້​ຢ່າງ​ສຳ​ເລັດ​ຜົນ, ເຊິ່ງ​ບໍ່​ພຽງ​ແຕ່​ມີ​ສະ​ມັດ​ຖະ​ນະ​ທີ່​ດີ​ເທົ່າ​ນັ້ນ, ຫາກ​ຍັງ​ໄດ້​ຈຳ​ໜ່າຍ​ໃຫ້​​ກັບບັນ​ດາ​ປະ​ເທດ​ພວມ​ພັດ​ທະ​ນາ​ດ້ວຍ​ລາ​ຄາ​ຖືກ​ທີ່​ສຸດ,ເພື່ອ​ຊ່ວຍ​ກໍ່​ສ້າງ​ພື້ນ​ຖານ​ໂຄງ​ລ່າງ​ຢູ່​ທ້ອງ​ຖິ່ນ, ຂະ​ນະ​ດຽວ​ກັນ, ການ​ພັດ​ທະ​ນາ​ຂອງ​ຈີນ​ໃນ​ຂົງ​ເຂດ​​ວິ​ທະ​ຍາ​ສາດ​ເຕັກ​ນິກ​ດີ​ຈີ​ຕອນ​ກໍ່​ໄດ້​ນຳ​ໜ້າ​ປະ​ເທດ​ຕາ​ເວັນ​ຕົກ. ຈີນ​ສາ​ມາດ​ຢູ່​ລອດ​ແລະ​​ສາ​ມາດພັດ​ທະ​ນາ​​ໄດ້ຢ່າງ​​ແຂງ​ແຮງພາຍ​ໃຕ້​ສະ​ພາບ​ການ​ປິດ​ລ້ອມ,ໄດ້​ປະ​ດິດ​ສ້າງ​ໃໝ່​ແລະ​​ສາ​ມາດບຸກ​ທະ​ລຸ​​ຂອດ​ສຳ​ຄັນ​ໄດ້ຢ່າງ​ບໍ່​ຢຸດ​ຢັ້ງ, ໄດ້​ຮັບ​​ຜົນ​ສຳ​ເລັດ​ຢ່າງ​ອັດ​ສະ​ຈັນ​ອີກ​ແລ້ວ​ອີກ​ຕື່ມ​ໃນຂົງ​ເຂດ​ເຕັກ​ນິກ​​ເສດ​ຖະ​ກິດ.

      ເມື່ອ​ກຳ​ລັງ​ຕົວ​ຈິງ​ຂອງ​ການ​ປະ​ດິດ​ສ້າງ​ໃໝ່​ດ້ານ​ວິ​ທະ​ຍາ​ສາດ​ເຕັກ​ນິກ​ຂອງ​ຈີນ​ມີ​ຄວາມ​ເຂັ້ມ​ແຂງ​​ພໍ​ສົມ​ຄວນ, ພຶດ​ຕິ​ກຳ​ທີ່​ປິດ​ລ້ອມ​ຈີນ​ຈາກ​ສະ​ຫະ​ພາບ​ເອີ​ຣົບ​ແລະ​ອາ​ເມ​ຣິ​ກາ​ລ້ວນ​ແຕ່​ຈະຈາງ​ຫາຍ​ໄປ​ເໝືອນ​ເມກ​ໝອກ. ການ​ປິດ​ລ້ອມ​ໃດໆ​ທີ່​ມີ​ຕໍ່​ຈີນ​ລ້ວນ​ແຕ່​ຈະ​ເຮັດ​ໃຫ້​ຈີນ​ມີ​ຄວາມ​ເຂັ້ມ​ແຂງ​ຫຼາຍ​ຂຶ້ນກວ່າ​ເກົ່າ.

ຄຳ​ເຫັນ

0