ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 1 ກໍລະກົດນີ້, ທ່ານສີຈິ້ນຜິງ ເລຂາທິການໃຫຍ່ຄະນະກຳມະການສູນກາງພັກກອມມູນິດຈີນ, ປະທານປະເທດຈີນ, ປະທານຄະນະກຳມະການການທະຫານສູນກາງຈີນໄດ້ກ່າວຄຳປາໄສໃນພິທີສະເຫຼີມສະຫຼອງວັນສ້າງຕັ້ງພັກກອມມູນິດຈີນຄົບຮອບ 100 ປີວ່າ: ໃນໄລຍະ 100 ປີທີ່ຜ່ານມາ, ເສັ້ນທາງອັນຍິ່ງໃຫຍ່ທີ່ໄດ້ບຸກເບີກໄວ້ ພາລະກິດອັນຍິ່ງໃຫຍ່ທີ່ໄດ້ສ້າງຂຶ້ນ, ຜົນສຳເລັດອັນຍິ່ງໃຫຍ່ທີ່ຍາດມາໄດ້ຂອງພັກກອມມູນິດຈີນ, ຈະຖືກບັນທຶກໄວ້ໃນປະຫວັດສາດແຫ່ງການພັດທະນາຂອງປະຊາຊາດຈີນ ກໍຄືປະຫວັດສາດການພັດທະນາຂອງອະລິຍະທຳມະນຸດຢ່າງແນ່ນອນ.
ທ່ານສີຈິ້ນຜິງກ່າວວ່າ: ເມື່ອພັກກອມມູນິດຈີນໄດ້ກຳເນີດເກີດຂຶ້ນກໍໄດ້ຖືເອົາການສ້າງຄວາມຜາສຸກໃຫ້ປະຊາຊົນຈີນ ແລະການຟື້ນຟູຄວາມຈະເລີນຮຸ່ງເຮືອງອັນຍິ່ງໃຫຍ່ຂອງປະຊາຊາດຈີນເປັນອຸດົມການແຕ່ຫົວທີ ແລະພາລະກຳຂອງຕົນ. ໃນໄລຍະ 100 ປີຜ່ານມາ, ພັກກອມມູນິດຈີນໄດ້ເຕົ້າໂຮມຄວາມສາມັກຄີນຳພາປຊາຊົນຈີນດຳເນີນການຕໍ່ສູ້, ເສຍສະຫຼະ ແລະປະດິດສ້າງ, ທັງໝົດນັ້ນກໍເພື່ອບັນລຸການຟື້ນຟູຄວາມຈະເລີນຮຸ່ງເຮືອງອັນຍິ່ງໃຫຍ່ຂອງປະຊາຊາດຈີນ. ໃນໄລຍະ 100 ປີທີ່ຜ່ານມາ, ພັກກອມມູນິດຈີນໄດ້ເຕົ້າໂຮມສາມັກຄີ ແລະ ນຳພາປະຊາຊົນຈີນດ້ວຍຄວາມອົງອາດກ້າຫານແບບ “ມີຜູ້ຄົນທີ່ຍິນດີເສຍສະຫຼະເພື່ອອຸດົມການສູງສົ່ງຫຼາຍປານນີ້ ຈຶ່ງສາມາດປ່ຽນແປງໂລກເກົ່າໃຫ້ເປັນໂລກໃໝ່ອ່ຽມ”, ໄດ້ຂຽນປະຫວັດສາດໜ້າໃໝ່ທີ່ສະຫງ່າຜ່າເຜີຍທີ່ສຸດໃນປະຫວັດສາດຫຼາຍພັນປີຂອງປະຊາຊົນຈີນ. ໃນໄລຍະ 100 ປີທີ່ຜ່ານມາ, ເສັ້ນທາງອັນຍິ່ງໃຫຍ່ທີ່ໄດ້ບຸກເບີກໄວ້ ພາລະກິດອັນຍິ່ງໃຫຍ່ທີ່ໄດ້ສ້າງຂຶ້ນ, ຜົນສຳເລັດອັນຍິ່ງໃຫຍ່ທີ່ຍາດມາໄດ້, ຈະຖືກບັນທຶກໄວ້ໃນປະຫວັດສາດແຫ່ງການພັດທະນາຂອງປະຊາຊາດຈີນ ກໍຄືປະຫວັດສາດການພັດທະນາຂອງອະລິຍະທຳມະນຸດຢ່າງແນ່ນອນ.
ຄຳເຫັນ
0