ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ໃນການແຂ່ງຂັນຮອບຊີງຊະນະເລີດຍົກນ້ຳໜັກເພດຊາຍລຸ້ນ 61 ກິໂລໃນງານກິລາໂອລິມປິກໂຕກຽວທີ່ຈັດຂຶ້ນໃນວັນທີ 25 ກໍລະກົດນີ້, ທ້າວ ຫຼີຟ່າປິ່ນ ນັກກິລາຈີນສາມາດຍົກນ້ຳໜັກໄດ້ 166 ກິໂລ, ແລະສະແດງທ່າຢືນຂາດຽວ,ເຊິ່ງຍາກທີ່ຈະຄາດຄິດວ່າລາວສາມາດເຮັດທ່າຍາກແບບນີ້ໄດ້ແນວໃດ. ຫຼັງຈາກນັ້ນ,ທ້າວ ຫຼີຟ່າປິ່ນ ນັກກິລາຈີນກໍຊະນະເລີດດ້ວຍຄະແນນລວມ 313 ກິໂລ,ຊີງໄດ້ຫຼຽນຄຳຫຼຽນທີ 5 ໃຫ້ກັບຄະນະນັກກິລາຂອງຈີນ,ເຊິ່ງກໍເປັນຫຼຽນຄຳທີ່ນັກກິລາເພດຊາຍຂອງຈີນໄດ້ຮັບຫຼຽນທຳອິດໃນງານກິລາໂອລິມປິກໂຕກຽວຄັ້ງນີ້.
ທ່າຢືນຂາດຽວຂອງທ້າວ ຫຼີຟ່າປິ່ນ ແມ່ນຈຸດສົນໃຈສຳລັບການແຂ່ງຂັນຄັ້ງນີ້, ທັງກາຍເປັນທ່າອຳມະຕະຂອງງານກິລາໂອລິມປິກ. ກຳລັງກາຍຂອງທ້າວ ຫຼີຟ່າປິ່ນ ເຂັ້ມແຂງຫຼາຍ, ລາວໄດ້ບອກວ່າທ່າຢືນຂາດຽວໃນການແຂ່ງຂັນຄັ້ງນີ້ແມ່ນທ່າຍົກນ້ຳໜັກທີ່ຜິດພາດ,ແຕ່ວ່າຕົນສາມາດປັບຮ່າງກາຍໄດ້ດ້ວຍກຳລັງແຮງທັງໝົດຂອງຕົນ. ການທີ່ເຮັດທ່າຜິດພາດແບບນີ້ໃນງານກິລາໂອລິມປິກແມ່ນອັນຕະລາຍຫຼາຍ. ລາວໄດ້ກ່າວເຕືອນນັກກິລາທັງຫຼາຍວ່າ: “ທ່າກິລາຍົກນ້ຳໜັກທີ່ຜິດພາດແບບນີ້ບໍ່ຄວນຮຽນນຳ.”
ຄຳເຫັນ
0