尚艳波

ຕາລາງລາຍການ FM93Mhz

ດາວໂຫຼດ App CRI-FM93 ລະບົບ IOS

ດາວໂຫຼດ App CRI-FM93 ລະບົບ Android

FM93

ການ​ຄັດ​ຄ້ານ​ການ​ຫັນ​ບັນ​ຫາ​ການ​ສຳ​ຫຼວດ​ຫາ​ແຫຼ່ງ​ກຳ​ເນີດ​ຂອງ​ເຊື້ອພະ​ຍາດ​ໂຄວິດ-19 ເປັນ​ບັນ​ຫາ​ການ​ເມືອງ​ຈຶ່ງ​ແມ່ນ​ສຽງ​ສະ​ທ້ອນ​ຈາກດວງ​ໃຈ​ຂອງ​ຄົນ​ສ່ວນ​ຫຼາຍ​ໃນ​ໂລກ

2021-07-28 18:02:26 cri

ການ​ຄັດ​ຄ້ານ​ການ​ຫັນ​ບັນ​ຫາ​ການ​ສຳ​ຫຼວດ​ຫາ​ແຫຼ່ງ​ກຳ​ເນີດ​ຂອງ​ເຊື້ອພະ​ຍາດ​ໂຄວິດ-19 ເປັນ​ບັນ​ຫາ​ການ​ເມືອງ​ຈຶ່ງ​ແມ່ນ​ສຽງ​ສະ​ທ້ອນ​ຈາກດວງ​ໃຈ​ຂອງ​ຄົນ​ສ່ວນ​ຫຼາຍ​ໃນ​ໂລກ_fororder_微信图片_20210728175951

      ວັນ​ທີ 24 ກໍ​ລະ​ກົດ​ນີ້, ຄັງ​ປັນ​ຍາ CGTN ໄດ້​ດຳ​ເນີນ​ການ​ຢັ່ງ​ປະ​ຊາ​ມະ​ຕິ​​ໃນ​ຂອບ​ເຂດ​ທົ່ວ​ໂລກ​ກ່ຽວ​ກັບ “ການ​ຫັນ​ບັນ​ຫາ​ການ​ສຳ​ຫຼວດ​ຫາ​ແຫຼ່ງ​ກຳ​ເນີດ​ຂອງ​ເຊື້ອພະ​ຍາດ​ໂຄວິດ-19 ເປັນ​ບັນ​ຫາ​ການ​ເມືອງ” ​ດ້ວຍ​ 6 ພາ​ສາ​ທາງ​ການຂອງອົງ​ການ​ສະ​ຫະ​ປະ​ຊາ​ຊາດ​ໂດຍ​ຜ່ານ​ເວ​ທີສື່​ສັງ​ຄົມ​ອອນ​ລາຍ​ຫຼາຍ​ແຫ່ງ.

ການ​ຄັດ​ຄ້ານ​ການ​ຫັນ​ບັນ​ຫາ​ການ​ສຳ​ຫຼວດ​ຫາ​ແຫຼ່ງ​ກຳ​ເນີດ​ຂອງ​ເຊື້ອພະ​ຍາດ​ໂຄວິດ-19 ເປັນ​ບັນ​ຫາ​ການ​ເມືອງ​ຈຶ່ງ​ແມ່ນ​ສຽງ​ສະ​ທ້ອນ​ຈາກດວງ​ໃຈ​ຂອງ​ຄົນ​ສ່ວນ​ຫຼາຍ​ໃນ​ໂລກ_fororder_微信图片_20210728175952

      ຄັງ​ປັນ​ຍາ CGTN ໄດ້​ເປີດ​ເຜີຍ​ຜົນ​ການ​ຢັ່ງ​ປະ​ຊາ​ມະ​ຕິ​ຄັ້ງ​ນີ້, ນັບ​ມາ​ຮອດ​ເວ​ລາ 22 ໂມງ​ຂອງວັນ​ທີ 25 ກໍ​ລະ​ກົດ​ນີ້, ​ຜູ້​ເຂົ້າ​ຮ່ວມ​ການ​ຢັ່ງ​ປະ​ຊາ​ມະ​ຕິຈາກ​ເວ​ທີ​ສື່​ສັງ​ຄົມ​ອອນ​ລາຍ​ຕ່າງໆ​ແລະ​ພາ​ສາ​ຕ່າງໆ​, ມີ​ຊາວ​ເນັດ 83%ລ້ວນ​ແຕ່​ເຫັນ​ວ່າ​ບັນ​ຫາ​ການ​ສຳ​ຫຼວດ​ຫາ​ແຫຼ່ງ​ກຳ​ເນີດ​ຂອງເຊື້ອ​ພະ​ຍາດ​ໂຄວິດ-19 ໄດ້​ຖືກ​ຫັນ​ເປັນ​ບັນ​ຫາ​ການ​ເມືອງ. ​ໃນ​​ຄຳວິ​ເຄາະ​ຂອງຊາວ​ເນັ​ດ​ໃນ​ໂລກ, ມີ​ຫຼາ​ຍ​ຄົນ​ລ້ວນ​ແຕ່​ໄດ້ເວົ້າ​ເຖິງ​ການ​ຫັນ​ບັນ​ຫາ​ການ​ສຳ​ຫຼວດ​ຫາ​ແຫຼ່ງ​ກຳ​ເນີດ​ຂອງ​ເຊື້ອ​ພະ​ຍາດໂຄວິດ-19​ເປັນ​ບັນ​ຫາ​ການ​ເມືອງ​ມີ​ສ່ວນ​ພົວ​ພັນກັບ​ປັດ​ໄຈ “ການ​ຂວ້ຳ​ບາດ​ຈາກ​ອາ​ເມ​ຣິ​ກາ” “ການ​ຄວບ​ຄຸມ​​ສື່ມວນ​ຊົນ” “ການ​ຂັດ​ຂວາງ​ການ​ພັດ​ທະ​ນາ​ຂອງ​ຈີນ”ແລະ​ປັດ​ໄຈ​ອື່ນໆ.

ການ​ຄັດ​ຄ້ານ​ການ​ຫັນ​ບັນ​ຫາ​ການ​ສຳ​ຫຼວດ​ຫາ​ແຫຼ່ງ​ກຳ​ເນີດ​ຂອງ​ເຊື້ອພະ​ຍາດ​ໂຄວິດ-19 ເປັນ​ບັນ​ຫາ​ການ​ເມືອງ​ຈຶ່ງ​ແມ່ນ​ສຽງ​ສະ​ທ້ອນ​ຈາກດວງ​ໃຈ​ຂອງ​ຄົນ​ສ່ວນ​ຫຼາຍ​ໃນ​ໂລກ_fororder_微信图片_202107281759511

ຊາວ​ເນັດ​ທັງ​ຫຼາຍ​ທີ່​ເຂົ້າ​ຮ່ວມການ​ຢັ່ງ​ປະ​ຊາ​ມະ​ຕິ​ຢູ່​ແຫ່ງ​ຕ່າງ​ໆ​ໃນ​ໂລກ​ໄດ້​ສະ​​ທ້ອນສຽງ​ໃນ​ໃຈ​​ທີ່​ເປັນ​ເອ​ກະ​ພາບ​ກັນ​ດ້ວຍ​ພາ​ສາ​ທີ່​ຕ່າງ​ກັນ, ​ເຊັ່ນ:​“ການ​ສຳ​ຫຼວດ​ຫາ​ແຫຼ່ງ​ກຳ​ເນີດ​ຂອງ​ເຊື້ອ​ພະ​ຍາດໂຄວິດ-19​ ແມ່ນ​ຍຸດ​ທະ​ສາດ​ທາງ​ການ​ເມືອງ​ທີ່​ໄຮ້​ປັນ​ຍາ​ແລະໄຮ້​ປະ​ໂຫຍດ​ທີ່​ປົກ​ປິດ​ເຈດ​ຕະ​ນາ​ຂອງ​ອາ​ເມ​ຣິ​ກາ​ໃນ​ການ​ສະ​ກັດ​ກັ້ນ​​ການ​ພັດ​ທະ​ນາ​ແລະ​ການ​ສ້າງຄວາມ​ຈະ​ເລີນ​​ຮຸ່ງ​ເຮືອງຂອງ​ຈີນ”. “​ວຽກ​ງານ​ອັນ​ຮີບ​ດ່ວນ​ທີ່​ສຸດ​ໃນການ​ເອົາ​ຊະ​ນະ​ການ​ແຜ່​ລະ​ບາດ​ຂອງ​ພະ​ຍາດ​ໂຄວິດ-19 ກໍ່ແມ່ນ​ການ​ເພີ່ມ​ທະ​ວີ​ການກວດ​ຫາ​ເຊື້ອ​ແລະ​ການ​ສັກ​ວັກ​ຊີນ​ໂຄວິດ-19ແລະ​ການ​ສະ​ໜອງ​ຢາ​ປິ່ນ​ປົວ​ພະ​ຍາດ​ຢ່າງ​ພຽງ​ພໍ.”

ການ​ຄັດ​ຄ້ານ​ການ​ຫັນ​ບັນ​ຫາ​ການ​ສຳ​ຫຼວດ​ຫາ​ແຫຼ່ງ​ກຳ​ເນີດ​ຂອງ​ເຊື້ອພະ​ຍາດ​ໂຄວິດ-19 ເປັນ​ບັນ​ຫາ​ການ​ເມືອງ​ຈຶ່ງ​ແມ່ນ​ສຽງ​ສະ​ທ້ອນ​ຈາກດວງ​ໃຈ​ຂອງ​ຄົນ​ສ່ວນ​ຫຼາຍ​ໃນ​ໂລກ_fororder_微信图片_202107281759521

ຊາ​ວ​ເນັດ​ຂອງ​ລາວ​ໄດ້​ລົງ​​ຄຳ​ເຫັນ​ຢູ່​ລຸ່ມ​ຜົນ​ການ​ຢັ່ງ​ປະ​ຊາ​ມະ​ຕິ​ທີ່​ຄັງ​ປັນ​ຍາ CGTN ເປີດ​ເຜີຍ​ນັ້ນ​ວ່າ: “ເຊື້ອ​ພະ​ຍາດ​ພຽງ​ແຕ່​ແມ່ນ​ເຊື້ອ​ພະ​ຍາດ​ເທົ່າ​ນັ້ນ, ອາ​ເມ​ຣິ​ກາ​ປະ​ລາ​ໄຊ​ໃນ​ການ​ຕ້ານ​ກັບ​ພະ​ຍາດ​ໂຄວິດ-19 ​ກໍ່​ບໍ່​ຄວນ​ຖື​ເອົາ​ການ​ປະ​ລາ​ໄຊ​ຂອງ​ຕົນເປັນ​ສາ​ເຫດ​ທີ່​ຫັນ​ບັນ​ຫາ​ການ​ສຳ​ຫຼວດ​ຫາ​ແຫຼ່ງ​ກຳ​ເນີດ​ຂອງ​ເຊື້ອ​ພະ​ຍາດໂຄວິດ-19​ເປັນ​ບັນ​ຫາ​ການ​ເມືອງ​.”

ການ​ຄັດ​ຄ້ານ​ການ​ຫັນ​ບັນ​ຫາ​ການ​ສຳ​ຫຼວດ​ຫາ​ແຫຼ່ງ​ກຳ​ເນີດ​ຂອງ​ເຊື້ອພະ​ຍາດ​ໂຄວິດ-19 ເປັນ​ບັນ​ຫາ​ການ​ເມືອງ​ຈຶ່ງ​ແມ່ນ​ສຽງ​ສະ​ທ້ອນ​ຈາກດວງ​ໃຈ​ຂອງ​ຄົນ​ສ່ວນ​ຫຼາຍ​ໃນ​ໂລກ_fororder_微信图片_202107281800181

ໃນ​ຂະ​ນະ​ທີ່​ປະ​ເທດ​ຕາ​ເວັນ​ຕົກ​ຈຳ​ນວນ​ໜ້ອຍ​ໄດ້​ຫັນ​ບັນ​ຫາ​ການ​ສຳ​ຫຼວດ​ຫາ​ແຫຼ່ງ​ກຳ​ເນີດ​ຂອງ​ເຊື້ອ​ພະ​ຍາດໂຄວິດ-19​ເປັນ​ບັນ​ຫາ​ການ​ເມືອງ​, ມີ​ເຈດ​ຕະ​ນາ​ບິດ​ເບືອນ​ຄວາມ​ຈິງ,​ແລະ​ໂຍນ​ຄວາມ​ຮັບ​ຜິດ​ຊອບ​ໃຫ້​ແກ່​ຈີນ, ກະ​ຊວງ​ການ​ຕ່າງ​ປະ​ເທດ​​ລາວໄດ້​ອອກ​ຖະ​ແຫຼງ​ການ​ກ່ຽວ​ກັບ​ບັນ​ຫາ​ການ​ສຳ​ຫຼວດ​ຫາ​ແຫຼ່ງ​ກຳ​ເນີດ​ຂອງ​ເຊື້ອ​ພະ​ຍາດໂຄວິດ-19​ ໃນ​ວັນ​ທີ 22 ກໍ​ລະ​ກົດ​ນີ້​ວ່າ: ລາວ​ຄັດ​ຄ້ານ​ການ​ຫັນ​ບັນ​ຫາ​ການ​ສຳ​ຫຼວດ​ຫາ​ແຫຼ່ງ​ກຳ​ເນີດ​ຂອງ​ເຊື້ອ​ພະ​ຍາດໂຄວິດ-19​ເປັນ​ບັນ​ຫາ​ການ​ເມືອງ​,ພ້ອມ​ທັງ​ກ່າວ​ວ່າ​ປະ​ຊາ​ຄົມ​ໂລກ​ຄວນ​ ​ປຶກ​ສາ​ຫາ​ລື​ແລະ​​ຮ່ວມ​ມືກັນ​ຢ່າງ​ຈິງ​ໃຈ​ແລະ​ຜ່ານ​ຜ່າ​ຄວາມ​ຫຍຸ້ງ​ຍາກ​ຮ່ວມ​ກັນ. ມີ​ແຕ່​ເພີ່ມ​ທະ​ວີ​ການ​ຮ່ວມ​ມື​ຫຼາຍ​ຝ່າຍ,​ບັນ​ດາປະ​ເທດໂດຍ​ສະ​ເພາະ​ແມ່ນ​ປະ​ເທດ​ພວມ​ພັດ​ທະ​ນາ​ຈຶ່ງ​ຈະ​ສາ​ມາດ​ໄດ້​ຮັບ​ວັກ​ຊີນ​ໂຄວິດ-19 ແລະ​​ຢາ​ປິ່ນ​ປົວ​ພະ​ຍາດຢ່າງ​ສະ​ເໝີ​ພາບ​ກັນ​, ບັນ​ດາ​ປະ​ເທດ​ຈຶ່ງ​ຈະ​ສາ​ມາດ​ເອົາ​ຊະ​ນະ​ການ​ແຜ່​ລະ​ບາດ​ຂອງ​ພະ​ຍາດ​ໂຄວິດ-19ໄດ້​ໃນ​ສຸດ​ທ້າຍ.
ການ​ຄັດ​ຄ້ານ​ການ​ຫັນ​ບັນ​ຫາ​ການ​ສຳ​ຫຼວດ​ຫາ​ແຫຼ່ງ​ກຳ​ເນີດ​ຂອງ​ເຊື້ອພະ​ຍາດ​ໂຄວິດ-19 ເປັນ​ບັນ​ຫາ​ການ​ເມືອງ​ຈຶ່ງ​ແມ່ນ​ສຽງ​ສະ​ທ້ອນ​ຈາກດວງ​ໃຈ​ຂອງ​ຄົນ​ສ່ວນ​ຫຼາຍ​ໃນ​ໂລກ_fororder_下载

ທ່ານ ​ຊີ ມູ​ນີ​ຣິ​ສ ປະ​ທານ​ສະ​ມາ​ຄົມ​ສົ່ງ​ເສີມ​ການ​ພົວ​ພັນ​ກຳ​ປູ​ເຈຍ-ຈີນ​ຂອງ​ກຳ​ປູ​ເຈຍ​ໄດ້​ກ່າວ​ຢ່າງ​ຈະ​ແຈ້ງ​ໃນ​ເວ​ລາ​ໃຫ້​ສຳ​ພາດ​ຕໍ່​ນັກ​ຂ່າວ​ວ່າ: “​ກຳ​ປູ​ເຈຍເດັດ​ດ່ຽວ​ຄັດ​ຄ້ານ​ການ​ຫັນ​ບັນ​ຫາ​ການ​ສຳ​ຫຼວດ​ຫາ​ແຫຼ່ງ​ກຳ​ເນີດ​ຂອງ​ເຊື້ອ​ພະ​ຍາດໂຄວິດ-19​ ເປັນ​ບັນ​ຫາ​ການ​ເມືອງ, ສະ​ໜັບ​ສະ​ໜູນ​ແລະ​ຊີ້​ນຳ​ນຳ​ພາ​ວຽກ​ງານ​ດ້ານ​ການ​ຕ້ານ​ພະ​ຍາດ​ໂຄວິດ-19 ແລະ​ການ​ສຳ​ຫຼວດ​ຫາ​ແຫຼ່ງ​ກຳ​ເນີດ​ຂອງ​ເຊື້ອ​ພະ​ຍາດ​ໂຄວິດ-19 ໃນ​ໂລກ​ໃຫ້​ກ້າວ​ໜ້າ​ໄປ​ຕາມ​ທິດ​ທາງ​ທີ່​ຖືກ​ຕ້ອງ.​”

ການ​ຄັດ​ຄ້ານ​ການ​ຫັນ​ບັນ​ຫາ​ການ​ສຳ​ຫຼວດ​ຫາ​ແຫຼ່ງ​ກຳ​ເນີດ​ຂອງ​ເຊື້ອພະ​ຍາດ​ໂຄວິດ-19 ເປັນ​ບັນ​ຫາ​ການ​ເມືອງ​ຈຶ່ງ​ແມ່ນ​ສຽງ​ສະ​ທ້ອນ​ຈາກດວງ​ໃຈ​ຂອງ​ຄົນ​ສ່ວນ​ຫຼາຍ​ໃນ​ໂລກ_fororder_微信图片_20210728180018

ບໍ່​ວ່າ​ປະ​ເທດ​ຕາ​ເວັນ​ຕົກ​ຈຳ​ນວນ​ໜ້ອຍ​​ຈະ​ເສກ​ສັນ​ປັ້ນ​ແຕ່ງ​ຄຳ​ຫຼອກ​ລວງ​ແບບ​ໃດ​ກໍ​ຕາມ, ການ​ຫັນ​ບັນ​ຫາ​ການ​ສຳ​ຫຼວດ​ຫາ​ແຫຼ່ງ​ກຳ​ເນີດ​ຂອງ​ເຊື້ອ​ພະ​ຍາດໂຄວິດ-19 ​ເປັນ​ບັນ​ຫາ​ການ​ເມືອງ​ແລະ​ສ້າງກົນ​ອຸ​ບາຍ​​ເພື່ອ​ລົບ​ກວນ​ແລະ​​ທຳ​ລາຍ​ການ​ຮ່ວມ​ມື​ດ້ານ​ການ​ຄົ້ນ​ຄວ້າ​ກ່ຽວ​ກັບ​ການສຳ​ຫຼວດ​ຫາ​ແຫຼ່ງ​ກຳ​ເນີດ​ຂອງ​ເຊື້ອ​ພະ​ຍາດໂຄວິດ-19 ໃນ​ສາ​ກົນ​ຂອງ​ເຂົາ​ຈະ​ປະ​ສົບ​ຄວາມຫຼົ້ມ​ເຫຼວ​ຢ່າງ​ແນ່ນອນ.

ຄຳ​ເຫັນ

0