ວັນທີ 4 ສິງຫານີ້, ຂ່າວສານຊິນຮວາໄດ້ລົງບົດຄວາມທີ່ພາດຫົວຂໍ້ວ່າ: “ນັກການເມືອງອາເມຣິກາຢືນຢູ່ກັບຝ່າຍໃດ? ຄວາມຈິງກ່ຽວກັບອາເມຣິກາແຊກແຊງວຽກງານພາຍໃນຂອງຈີນຢ່າງປ່າເຖື່ອນ”, ໂດຍໄດ້ຍົກຕົວຢ່າງການໂຈມຕີປະເທດຈີນຢ່າງໄຮ້ເຫດຜົນພາຍຫຼັງອຳນາດການປົກຄອງເຂດບໍລິຫານພິເສດຮົງກົງຊຸດໃໝ່ເຂົ້າບໍລິຫານງານ, ແລະໄດ້ເປີດເຜີຍຄວາມຈິງດ້ວຍຫຼັກຖານຕ່າງໆ.
ບົດຄວາມຊີ້ໃຫ້ເຫັນວ່າ: ລະບຽບການເລືອກຕັ້ງຂອງເຂດບໍລິຫານພິເສດຮົງກົງຈະອອກແບບແລະບູລະນະໃຫ້ສົມບູນຂຶ້ນຄືແນວໃດນັ້ນແມ່ນວຽກງານພາຍໃນຂອງຈີນ, ອິດທິກຳລັງຕ່າງປະເທດໃດໆບໍ່ມີສິດຊີ້ໄມ້ຊີ້ມືຕໍ່ເລື່ອງນີ້. ທີ່ຈິງແລ້ວ, ອາເມຣິກາເອງກໍມີກົດໝາຍທີ່ຄົບຖ້ວນກ່ຽວກັບການປ້ອງກັນບໍ່ໃຫ້ປະເທດອື່ນເຂົ້າແຊກແຊງການເລືອກຕັ້ງຂອງຕົນ, ໃນເມື່ອບໍ່ດົນມານີ້, ສະພາຕ່ຳອາເມຣິກາຍັງໄດ້ຜ່ານການຮັບຮອງມະຕິກ່ຽວກັບການດັດແກ້ກົດໝາຍວ່າດ້ວຍການເລືອກຕັ້ງ, ເປັນຫຍັງອາເມຣິກາເອງສາມາດດັດແກ້ກົດໝາຍວ່າດ້ວຍການເລືອກຕັ້ງຂອງຕົນໃນທຸກເວລາໄດ້, ແຕ່ພັດຕຳໜິຕິຕຽນການດັດແກ້ກົດໝາຍຂອງເຂດບໍລິຫານພິເສດແຫ່ງໜຶ່ງຂອງປະເທດຈີນ?
ບົດຄວາມຂຽນວ່າ: “ເຫດວຸ້ນຍາຍໂດຍສ້າງການຄັດຄ້ານການດັດແກ້ກົດລະບຽບ” ທີ່ເກີດຂຶ້ນໃນເດືອນມິຖຸນາປີ 2019 ໄດ້ທຳລາຍເສດຖະກິດສັງຄົມຂອງຮົງກົງຢ່າງໜັກໜ່ວງ. ປີນັ້ນ, ເສດຖະກິດຂອງຮົງກົງໄດ້ຕົກຕ່ຳເປັນຄັ້ງທຳອິດໃນຮອບ 10 ປີຜ່ານມາ. ພາຍຫຼັງກົດໝາຍວ່າດ້ວຍຄວາມໝັ້ນຄົງແຫ່ງຊາດມີຜົນບັງຄັບໃຊ້ຢູ່ຮົງກົງເມື່ອທ້າຍເດືອນມິຖຸນາປີ 2020 ເປັນຕົ້ນມາກໍເປັນເວລາໜຶ່ງປີປາຍແລ້ວ, ສັງຄົມຮົງກົງໄດ້ກັບຄືນເຂົ້າສູ່ສະພາບປົກກະຕິ, ຊາວຮົງກົງສາມາດດຳລົງຊີວິດຢ່າງມີຄວາມສະຫງົບສຸກ, ເປັນການເປີດໂສມໜ້າໃໝ່ຈາກສະພາບຄວາມວຸ້ນວາຍສູ່ຄວາມເປັນລະບຽບຮຽບຮ້ອຍ. ໃນໄຕມາດທີໜຶ່ງຂອງປີນີ້, ຈຳນວນຄະດີກ່ຽວກັບການກະທຳຜິດຢູ່ຮົງກົງໄດ້ຫຼຸດລົງປະມານ 10% ເມື່ອທຽບໃສ່ໄລຍະດຽວກັນຂອງປີຜ່ານມາ. “ບົດລາຍງານການລົງທຶນຂອງໂລກປີ 2021” ທີ່ກອງປະຊຸມອົງການສປຊກ່ຽວກັບການຄ້າແລະການພັດທະນາຫຼື UNCTAD ໄດ້ເປີດເຜີຍນັ້ນໄດ້ສະແດງໃຫ້ເຫັນວ່າ, ຮົງກົງຍັງເປັນຈຸດໝາຍປາຍທາງອັນດັບ 3 ຂອງໂລກໃນການດຶງດູດການລົງທຶນໂດຍກົງຂອງຕ່າງປະເທດໃນປີ 2020.
ບົດຄວາມຊີ້ໃຫ້ເຫັນວ່າ: ການຈັດຕັ້ງປະຕິບັດມາດຕະການຂອງຈີນທີ່ປະຕິບັດເພື່ອປົກປັກຮັກສາຄວາມໝັ້ນຄົງຂອງເຂດບໍລິຫານພິເສດຮົງກົງຂອງຈີນໄດ້ຮັບການສະໜັບສະໜູນຢ່າງກວ້າງຂວາງຈາກປະຊາຄົມໂລກ. ໃນກອງປະຊຸມສະພາສິດທິມະນຸດອົງການສະຫະປະຊາຊາດສະໄໝທີ 46, ມີ 70 ກວ່າປະເທດໄດ້ອອກຖະແຫຼງການຮ່ວມ, ເຕືອນໃຫ້ຝ່າຍທີ່ກ່ຽວຂ້ອງຢຸດຕິການແຊກແຊງວຽກງານຮົງກົງກໍຄືວຽກງານພາຍໃນຂອງຈີນ. ນອກນີ້ຍັງມີ 20 ກວ່າປະເທດໄດ້ສະໜັບສະໜູນຫຼັກໝັ້ນແລະມາດຕະການຂອງຈີນກ່ຽວກັບບັນຫາຮົງກົງດວ້ຍການປະກອບຄຳເຫັນແລະວິທີອື່ນໆ.
ບົດຄວາມຍັງລະບຸວ່າ: ນັກການເມືອງອາເມຣິກາຈຳນວນໜຶ່ງບໍ່ໄດ້ສົນໃຈນຳປະຊາທິປະໄຕຂອງຮົງກົງຢ່າງແທ້ຈິງດອກ, ທີ່ຈິງແລ້ວແມ່ນມີຈຸດປະສົງອື່ນແອບແຟງນັ້ນກໍຄື: ຫວັງແຊກແຊງການເມືອງຂອງເຂດພິເສດຮົງກົງກໍຄືວຽກງານພາຍໃນຂອງຈີນ. ຄຽງຄູ່ກັບກົດໝາຍວ່າດ້ວຍຄວາມໝັ້ນຄົງແຫ່ງຊາດແລະມາດຕະການຕ່າງໆໄດ້ຮັບການຈັດຕັ້ງປະຕິບັດຢ່າງຕໍ່ເນື່ອງ, ຄວາມເປັນລະບຽບຮຽບຮ້ອຍທາງສັງຄົມຂອງຮົງກົງສາມາດຟື້ນຟູຄືນໃໝ່, ການພັດທະນາຮົງກົງກໍມີສະພາບເປັນປົກກະຕິ, ຮົງກົງມີສະຖຽນລະພາບກວ່າເກົ່າແລະຈະເລີນຮຸ່ນເຮືອງກວ່າເກົ່າ, ແນວທາງ “ປະເທດດຽວສອງລະບອບ” ໄດ້ຈັດຕັ້ງປະຕິບັດຢູ່ກົງກົງດີກວ່າເກົ່າ, ສິ່ງເຫຼົ່ານີ້ແມ່ນການຕອບໂຕ້ນັກການເມືອງອາເມຣິກາທີ່ມັກໃສ່ຮ້າຍປ້າຍສີນະໂຍບາຍຂອງຈີນກ່ຽວກັບເຂດພິເສດຮົງກົງໄດ້ດີທີ່ສຸດ. ສະນັ້ນຈຶ່ງເຫັນໄດ້ຢ່າງຈະແຈ້ງວ່າ: ນັກການເມືອງອາເມຣິກາຢືນຢູ່ຝ່າຍໃດ.
ຄຳເຫັນ
0