尚艳波

ຕາລາງລາຍການ FM93Mhz

ດາວໂຫຼດ App CRI-FM93 ລະບົບ IOS

ດາວໂຫຼດ App CRI-FM93 ລະບົບ Android

FM93

ອາ​ເມ​ຣິ​ກາ​ສືບ​ຕໍ່​ຄິດ​ຫາ​ທຸກວິ​ທີ​ໃສ່​ຮ້າຍ​ປ້າຍ​ສີ​ຈີນເພື່ອ​ຫຼີກ​ລ່ຽງ​ຄວາມຮັບ​ຜິດ​ຊອບ​ຂອງ​ຕົນ​ທີ່​​ຫຼົ້ມ​ເຫຼວ​​ໃນການ​ຕ້ານ​ກັບ​ພະ​ຍາດ​ໂຄວິດ-19

2021-08-10 17:13:00 cri

ອາ​ເມ​ຣິ​ກາ​ສືບ​ຕໍ່​ຄິດ​ຫາ​ທຸກວິ​ທີ​ໃສ່​ຮ້າຍ​ປ້າຍ​ສີ​ຈີນເພື່ອ​ຫຼີກ​ລ່ຽງ​ຄວາມຮັບ​ຜິດ​ຊອບ​ຂອງ​ຕົນ​ທີ່​​ຫຼົ້ມ​ເຫຼວ​​ໃນການ​ຕ້ານ​ກັບ​ພະ​ຍາດ​ໂຄວິດ-19_fororder_1000

      ໃນ​ໄລ​ຍະ​ສອງ​ອາ​ທິດ​ທີ່​ຫາ​ກໍ່​ຜ່ານ​ມາ, ສະ​ພາບ​ການ​ແຜ່​ລະ​ບາດ​ຂອງ​ພະ​ຍາດ​ໂຄວິດ-19 ຢູ່​ອາ​ເມ​ຣິ​ກາ​ໄດ້​ມີ​ຄວາມ​ຮ້າຍ​ແຮງ​ຂຶ້ນ​ອີກ​ເທື່ອ​ໜຶ່ງ​ຍ້ອນ​ໄດ້​ຮັບ​ຜົນ​ກະ​ທົບ​ຈາກ​ການ​ແຜ່​ລະ​ບາດ​ຂອງ​ເຊື້ອ​ພະ​ຍາດ​ກາຍ​ພັນ​ເດວ​ຕາ.
 

      ຕົວ​ເລກ​ຂໍ້​ມູນ​ຂອງ​ມະ​ຫາ​ວິ​ທະ​ຍາ​ໄລ​ຈອນ​​ສ໌ ຮອບ​ກິນ​ສ໌​ຂອງ​ອາ​ເມ​ຣິ​ກາ​ສະ​ແດງ​ໃຫ້​ເຫັນ​ວ່າ: ຈຳ​ນວນ​ຜູ້​ຖືກ​ບົ່ງ​ມະ​ຕິ​ເປັນ​ພະ​ຍາດ​ໂຄວິດ-19 ເພີ່ມ​ໃໝ່​ໃນ​ວັນ​ທີ 30 ກໍ​ລະ​ກົດ​ຜ່ານ​ມາ​ມີ​ເຖິງ 194.608 ກໍ​ລະ​ນີ, ສ້າງ​ສະ​ຖິ​ຕິ​ໃໝ່​ນັບ​ແຕ່​ວັນ​ທີ 21 ມັງ​ກອນ​ປີ​ນີ້​ເປັນ​ຕົ້ນ​ມາ, ຂະ​ນະ​ດຽວ​ກັນ​ໃນ​ສອງ​ອາ​ທິດ​ທີ່​ຜ່ານ​ມາ, ຈຳ​ນວນ​ຜູ້​ເສຍ​ຊີ​ວິດ​ຍ້ອນ​ເປັນ​ພະ​ຍາດ​ໂຄວິດ-19 ຢູ່​ອາ​ເມ​ຣິ​ກາ​ໄດ້​ເພີ່ມ​ຂຶ້ນ 89%. ທ່ານ ອານ​ໂຕ​ນີ ຟາວ​ຊີ ຫົວ​ໜ້າ​ທີ່​ປຶກ​ສາ​ດ້ານ​ການ​ປ້ອງ​ກັນ​ພະ​ຍາດຂອງ​ລັດ​ຖະ​ບານ​ໂຈ ໄບ​ເດັນ ​ໄດ້​ຄາດ​ຄະ​ເນ​ວ່າ: ເມື່ອ​ຮອດ​ລະ​ດູ​ໃບ​ໄມ້​ຫຼົ່ນ​ຂອງ​ປີ​ນີ້, ຈຳ​ນວນ​ຜູ້​ເປັນ​ພະ​ຍາດ​ໂຄວິດ-19 ຢູ່​ອາ​ເມ​ຣິ​ກາ​ອາດ​ຈະ​ເພີ່ມ​ຂຶ້ນ​ເປັນ 2 ແສນ​ກໍ​ລະ​ນີ​ຕໍ່​ມື້.
ອາ​ເມ​ຣິ​ກາ​ສືບ​ຕໍ່​ຄິດ​ຫາ​ທຸກວິ​ທີ​ໃສ່​ຮ້າຍ​ປ້າຍ​ສີ​ຈີນເພື່ອ​ຫຼີກ​ລ່ຽງ​ຄວາມຮັບ​ຜິດ​ຊອບ​ຂອງ​ຕົນ​ທີ່​​ຫຼົ້ມ​ເຫຼວ​​ໃນການ​ຕ້ານ​ກັບ​ພະ​ຍາດ​ໂຄວິດ-19_fororder_1000 (1)

      ທີ່​ຈິງ​ແລ້ວ, ນັບ​ແຕ່​​ເກີດ​ມີ​ການ​ແຜ່​ລະ​ບາດ​ຂອງ​ພະ​ຍາດ​ໂຄວິດ-19 ເປັນ​ຕົ້ນ​ມາ, ອາ​ເມ​ຣິ​ກາ​ໄດ້​ກາຍ​ເປັນ​ປະ​ເທດ​ທີ່​ມີ​ສະ​ພາບ​ການ​ແຜ່​ລະ​ບາດ​ຂອງ​ພະ​ຍາດ​ໂຄວິດ-19 ທີ່​ໜັກ​ໜ່ວງ​ທີ່​ສຸດ​ຢູ່​ໃນ​ໂລກເປັນ​ເວ​ລາ​ເກືອບ 1 ປີ​ເຄິ່ງ​ແລ້ວ, ຈຳ​ນວນ​ຜູ້​ຖືກ​ບົ່ງ​ມະ​ຕິ​ແລະ​ຜູ້​ເສຍ​ຊີ​ວິດ​ຍ້ອນເປັນ​ພະ​ຍາດ​ໂຄວິດ-19 ຢູ່​ອາ​ເມ​ຣິ​ກາ​​ກໍ​ເປັນອັນ​ດັບ 1 ຂອງ​ໂລກ​ແລະ​ລື່ນ​ກາຍ​ປະ​ເທດ​ທີ່​ເປັນ​ອັນ​ດັບ​ສອງ​ຫຼາຍ.
 

      ໃນ 1 ປີ​ປາຍ​ຜ່ານ​ມາ, ​ເມື່ອ​ປະ​ລາ​ໄຊ​ໃນ​ການ​ຕ້ານ​ກັບ​ພະ​ຍາດ​ໂຄວິດ-19 ກໍ​​ຖິ້ມ​ຄວາມ​ຮັບ​ຜິດ​ຊອບ​ໃສ່​ຈີນ​ໂລດ​ເຊິ່ງ​ການ​ກະ​ທຳ​ແບບ​ນີ້​ໄດ້​ກາຍ​ເປັນ​ວິ​ທີທີ່​ນັກ​ການ​ເມືອງ​ອາ​ເມ​ຣິ​ກາ​ມັກ​ໃຊ້​ເລື້ອຍໆ. ໃນ​ໄລ​ຍະ​ຄອງ​ອຳ​ນາດ​ຂອງ​ທ່ານ ໂດ​ໂນ ທ​ຣຳ ປະ​ທາ​ນາ​ທິ​ບໍ​ດີ​ຊຸດ​ຜ່ານ​ມາ,ກໍ​​ມັກ​ໂຍນ​ຄວາມ​ຮັບ​ຜິດ​ຊອບ​​ທີ່​ຕົນ​ເອງ​ປະ​ລາ​ໄຊ​ໃນ​ການ​ຕ້ານ​ກັບ​ພະ​ຍາດ​ໂຄວິດ-19 ​ຢູ່​ພາຍ​ໃນ​ປະ​ເທດ​ຕົນໃຫ້​ແກ່​ຈີນ, ໂດຍ​ມີ​ເຈດ​ຕະ​ນາ​ເພື່ອ​ຫັນ​ເຫ​ຄວາມ​ສົນ​ໃຈ​ຂອງ​ຄົນ​ທັງ​ຫຼາຍ​ແລະ​ປັດ​ປ່າຍ​ຄວາມ​ຮັບ​ຜິດ​ຊອບ​ຂອງ​ຕົນ. ໃນ​ເວ​ລາ​ເກີດ​ມີ​ການ​ແຜ່​ລະ​ບາດ​ຂອງ​ພະ​ຍາດ​ໂຄວິດ-19 ຮອບ​ທີ 4 ຢ່າງ​ໜັກ​ໜ່ວງ, ລັດ​ຖະ​ບານ ໂຈ ໄບ​ເດັນ​ໄດ້​ໃຊ້​ວິ​ທີ​ປັດ​ປ່າຍ​ຄວາມ​ຮັບ​ຜິດ​ຊອບ​ທີ່​ລັດ​ຖະ​ບານ​ໂດ​ໂນ ທ​ຣຳ​​ເຄີຍ​ໃຊ້, ​​ໂດຍໂຄ​ສະ​ນາ​ຊວນ​ເຊື່ອ​ດ້ວຍ​ຖ້ອຍ​ຄວາມ “ເຊື້ອ​ພະ​ຍາດ​ຮົ່ວ​ອອກ​ຈາກ​ຫ້ອງ​ທົດ​ລອງ” “​ຈີນ​ຄວນ​ໃຫ້​ອະ​ໄພ” ແລະ​ຄຳ​ເວົ້າ​ເກົ່າ​ອື່ນໆ​ທີ່​ໄດ້​ເສກ​ສັນ​ປັ້ນ​ແຕ່ງ​​ຂຶ້ນ​ມາໃນ​ໄລ​ຍະ​ທີ່ທ່ານ ໂດ​ໂນ ທ​ຣຳ​​ຄອງ​ອຳ​ນາດ​ແລ້ວ​ນຳ​ເອົາ​ມາ​ໃຊ້​ອີກ, ອາ​ເມ​ຣິ​ກາ​ຍັງ​ໄດ້​ກົດ​ດັນ​ອົງ​ການ​ອະ​ນາ​ໄມ​ໂລກ​ໃຫ້​ດຳ​ເນີນ​ການ​ສຳ​ຫຼວດ​ຫາ​ແຫຼ່ງ​ກຳ​ເນີດ​ຂອງ​ເຊື້ອ​ພະ​ຍາດ​ໂຄວິດ-19 ​ຢູ່​ອູ​ຮັ້ນເປັນຄັ້ງ​ທີ​ສອງ​ໂດຍ​ການ​ບົງ​ການ​ທາງ​ການ​ເມືອງ.
ອາ​ເມ​ຣິ​ກາ​ສືບ​ຕໍ່​ຄິດ​ຫາ​ທຸກວິ​ທີ​ໃສ່​ຮ້າຍ​ປ້າຍ​ສີ​ຈີນເພື່ອ​ຫຼີກ​ລ່ຽງ​ຄວາມຮັບ​ຜິດ​ຊອບ​ຂອງ​ຕົນ​ທີ່​​ຫຼົ້ມ​ເຫຼວ​​ໃນການ​ຕ້ານ​ກັບ​ພະ​ຍາດ​ໂຄວິດ-19_fororder_1000 (2)

      ເມື່ອ​ບໍ່​ດົນ​ມາ​ນີ້, ຂ່າວ​ສານບ​ລຸມ​ເບີກ​ຂອງ​ອາ​ເມ​ຣິ​ກາ​ບໍ່​​ໄດ້ເອົາ​ຫົວ​ຊາ​ນຳ​ຄຳ​ເວົ້າ​ສຽດ​ສີ​ຈາກ​ຊາວ​ໂລກ,​ຈັດ​ໃຫ້ອາ​ເມ​ຣິ​ກາ​ເປັນ “ປະ​ເທດ​ທີ່​​ປະ​ສົບ​ຜົນ​ສຳ​ເລັດ​ອັນ​ດັບ​ໜຶ່ງ​ໃນ​ການ​ຕ້ານ​ກັບການ​ແຜ່​ລະ​ບາດ​ຂອງ​ພະ​ຍາດ​ໂຄວິດ-19” ຂອງ​ໂລກ​ທີ່​ຂ່າວ​ສານ​ຕົນ​ເປັນ​ຜູ້​ຈັດ​ອັນ​ດັບ​ເອງ​. ບໍ່​ວ່າ​ອາ​ເມ​ຣິ​ກາ​ຈະ​ຕໍ່​ເຕີມ​ເສີມ​ແຕ່ງ​ຄວາມ​ສວຍ​ງາມ​ໃຫ້​ກັບ​ຕົນ​ເອງແນວ​ໃດ​ກໍ​ຕາມ,ກໍ​ບໍ່​ສາ​ມາດ​ຫຼີກ​ລ່ຽງຄວາມ​ຮັບ​ຜິດ​ຊອບ​ຂອງ​ຕົນ​ທີ່​ເປັນ​ປະ​ເທດ​​ຫຼົ້ມ​ເຫຼວ​ໃນ​ການ​ຕ້ານ​ກັບ​ພະ​ຍາດ​ໂຄວິດ-19,​ທັງ​ບໍ່​ສາ​ມາດ​ປ່ຽນ​ແປງ​ຄວາມ​ຕ້ອງ​ການ​ຂອງ​ຊາວ​ໂລກ​ທີ່​ຮຽກ​ຮ້ອງ​ໃຫ້​ອົງ​ການ​ອະ​ນາ​ໄມ​ໂລກ​ດຳ​ເນີນ​ການ​ສຳ​ຫຼວດ​ຫາ​ແຫຼ່ງ​ກຳ​ເນີດ​ຂອງ​ເຊື້ອ​ພະ​ຍາດ​ໂຄວິດ-19 ຢູ່​ອາ​ເມ​ຣິ​ກາ.
ອາ​ເມ​ຣິ​ກາ​ສືບ​ຕໍ່​ຄິດ​ຫາ​ທຸກວິ​ທີ​ໃສ່​ຮ້າຍ​ປ້າຍ​ສີ​ຈີນເພື່ອ​ຫຼີກ​ລ່ຽງ​ຄວາມຮັບ​ຜິດ​ຊອບ​ຂອງ​ຕົນ​ທີ່​​ຫຼົ້ມ​ເຫຼວ​​ໃນການ​ຕ້ານ​ກັບ​ພະ​ຍາດ​ໂຄວິດ-19_fororder_1000 (3)

      ຜົນ​ການ​ຢັ່ງ​ປະ​ຊາ​ມະ​ຕິ​ທີ່ CGTN ເປີດ​ເຜີຍ​ກ່ຽວ​ກັບ​ການ​ສຳ​ຫຼວດ​ຫາແຫຼ່ງ​ກຳ​ເນີດ​ຂອງ​ເຊື້ອ​ພະ​ຍາດ​ໂຄວິດ-19 ໄດ້​ຮັບ​ຄວາມ​ສົນ​ໃຈຈາກ​ຊາວ​ເນັດ​ທົ່ວໂລກ​ຫຼາຍກວ່າ 26 ລ້ານ​​ຄົນ, ນັບ​ມາ​ຮອດ​ປັດ​ຈຸ​ບັນ​ໄດ້​ມີຊາວ​ເນັດ​ຫຼາຍກວ່າ 2,8 ແສນ​ຄົນ​ສະ​ແດງ​ຄວາມ​ເຫັນ​ຂອງ​ຕົນ​ໃນ​ຫົວ​ຂໍ້​ດຽວ​ກັນ, ເຂົາ​ເຈົ້າ​ໄດ້​ໃຊ້​ພາ​ສາທີ່​ຕ່າງ​ກັນ​ສະ​ແດງ​ທັດ​ສະ​ນະ​ໃນ​ແບບດຽວ​ກັນ​ວ່າ:“ກ່ຽວ​ກັບ​ຄຳ​ເວົ້າ​ທີ່​ວ່າ​ເຊື້ອ​ພະ​ຍາດ​ຮົ່ວ​ອອກ​ຈາກ​ຫ້ອງ​ທົດ​ລອງ​ອູ​ຮັ້ນ,ແມ່ນ​ກົນ​ອຸ​ບາຍ​ທາງ​ການ​ເມືອງ​ທີ່​ໂງ່​ຈ້າແລະ​ໄຮ້​ປະ​ໂຫຍດ​ເພື່ອ​ປົກ​ປິດ​​ເຈດ​ຕະ​ນາຮ້າຍ​ຂອງ​ອາ​ເມ​ຣິ​ກາ​ທີ່​ຢາກ​ສະ​ກັດ​ກັ້ນ​ການ​ພັດ​ທະ​ນາ​ຄວາມ​ຈະ​ເລີນ​ຮຸ່ງ​ເຮືອງ​ຂອງ​ຈີນ”.
 

      ບໍ່​ວ່າ​ແມ່ນ​ທ່ານ ໂດ​ໂນ ທ​ຣຳ​ຫຼື​ແມ່ນ​ທ່ານ ໂຈ ໄບ​ເດັນ, ໃນ​ເວ​ລາ​ອາ​ເມ​ຣິ​ກາ​​ປະ​ສົບ​ກັບ​ຄວາມ​ຫຼົ້ມ​ເຫຼວໃນ​ການ​ຕ້ານ​ກັບ​ພະ​ຍາດ​ໂຄວິດ-19, ກໍ​ມັກໂຍນ​ຄວາມ​ຮັບ​ຜິດ​ຊອບ​ໃຫ້​​ຈີນ​ແລະ​ໃສ່​ຮ້າຍ​ປ້າຍ​ສີ​​ຈີນຕາມ​ໃຈ​​​ມັກເລື້ອຍໆ​ໂດຍ​ມີ​ຈຸດ​ປະ​​ສົງ​ພື້ນ​ຖານ​ເພື່ອ​ຫັນ​ເຫ​ຄວາມ​ສົນ​ໃຈ​ຕໍ່​ປະ​ຊາ​ຊົນ​ອາ​ເມ​ຣິ​ກາ​ທີ່​ມີ​ຕໍ່​ຄວາມ​ຜິດ​ພາດ​ຂອງ​ຕົນ,​ອີກ​ດ້ານ​ໜຶ່ງ​ກໍ່​ເພື່ອໂຈມ​ຕີ​ປະ​ເທດ​ຈີນ. ທີ່​ຈິງ​ແລ້ວ, ລັດ​ຖະ​ບານອາ​ເມ​ຣິ​ກາ​ຊຸດ​ປັດ​ຈຸ​ບັນ​ບໍ່​ຄວນ​ເສຍ​ເວ​ລາ​ຮຽນ​ແບບ​ການ​ຖິ້ມ​ຄວາມ​ຮັບ​ຜິດ​ຊອບ​ໃຫ້​ຈາກ​ລັດ​ຖະ​ບານ ໂດໂນ ທ​ຣຳ​ເລີຍ, ​ຫາກ​​ແຕ່​ສົມ​ຄວນ​ຮຽນ​ເອົາ​ທ່າ​ທີ​ທີ່ຕັ້ງ​ໜ້າ​ຂອງ​ຈີນ​ໃນ​ການ​ຕ້ານ​ກັບ​ພະ​ຍາດ​ໂຄວິດ-19 ​ໃຫ້​ດີໆ, ຮັບ​ຜິດ​ຊອບ​​ຊີ​ວິດ​ຂອງ​ປະ​ຊາ​ຊົນ​ອາ​ເມ​ຣິ​ກາ,ພ້ອມ​ທັງ​ປະ​ກອບ​ສ່ວນເທົ່າ​ທີ່​ຄວນ​​​ເຂົ້າ​ໃນ​ການ​ຕ້ານ​ກັບ​ພະ​ຍາດ​ໂຄວິດ-19 ຂອງ​ໂລກ​ຈະ​ດີກວ່າ.

ຄຳ​ເຫັນ

0