尚艳波

ຕາລາງລາຍການ FM93Mhz

ດາວໂຫຼດ App CRI-FM93 ລະບົບ IOS

ດາວໂຫຼດ App CRI-FM93 ລະບົບ Android

FM93

ສົງ​ຄາມຢູ່​ອັ​ຟ​ກາ​ນິ​ສະ​ຖານ​​ໄດ້​ບັນ​ທຶກ​ຄວາມ​ອັບ​ປະ​ຍົດ​ທີ່​ຮ້າຍ​ແຮງ​ທີ່​ສຸດ​ໃນ​ປະ​ຫວັດ​ສາດ​ການ​ທູດ​ຂອງ​ອາ​ເມ​ຣິ​ກາ

2021-08-17 17:36:31 cri

ສົງ​ຄາມຢູ່​ອັ​ຟ​ກາ​ນິ​ສະ​ຖານ​​ໄດ້​ບັນ​ທຶກ​ຄວາມ​ອັບ​ປະ​ຍົດ​ທີ່​ຮ້າຍ​ແຮງ​ທີ່​ສຸດ​ໃນ​ປະ​ຫວັດ​ສາດ​ການ​ທູດ​ຂອງ​ອາ​ເມ​ຣິ​ກາ_fororder_下载 (1)

      ຄຽງ​ຄູ່​ກັບ​ກຸ່ມ​ຕາ​ລີ​ບັນ​ໃນ​ອັ​ຟ​ກາ​ນິ​ສະ​ຖານ​ໄດ້​ເຂົ້າ​​ຍຶດ​ນະ​ຄອນ​ຫຼວງ​ກາ​ບູນ​ແລະ​ຍຶດ​​ທຳ​ນຽບ​ປະ​ທາ​ນາ​ທິ​ບໍ​ດີ​ໃນ​ວັນ​ທີ 15 ສິງ​ຫາ​ນີ້, ທ່ານ ໂມ​ຮາ​ເມັດ ກາ​ນີ ປະ​ທາ​ນາ​ທິ​ບໍ​ດີ​ອັ​ຟ​ກາ​ນິ​ສະ​ຖານ​ໄດ້​​ໜີ​ໄປ​ປະ​ເທດ​ທີ​ສາມ, ສະ​ຖາ​ນະ​ການຢູ່ອັ​ຟ​ກາ​ນິ​ສະ​ຖານ​ໄດ້​ມີ​ການ​ປ່ຽນ​ແປງ​​ຢ່າງໃຫຍ່​ແລະ​ກະ​ທັນ​ຫັນ. ມີ​ສື່ມວນ​ຊົນ​ສາ​ກົນ​ບໍ່​ໜ້ອຍ​ໄດ້​ພາ​ກັນ​ເວົ້າ​ວ່າ: ມັນ​ມີ​ສ່ວນ​ຄ້າຍ​ຄື​ກັບ​ເຫດ​ການ​ໃນ​ໄຊ​ງ່ອນຂອງ​ຫວຽດ​ນາມ.
 

      ໃນ​ຊຸມ​ປີ 1970, ຫຼັງ​ຈາກ​ອາ​ເມ​ຣິ​ກາ​ໄດ້​ຖອນ​ທະ​ຫານ​ອອກ​ຈາກ​ຫວຽດ​ນາມ​ໄດ້ບໍ່​ດົນ, ​ພັກ​ກອມ​ມູ​ນິດຫວຽດ​ນາມ​ກໍ່​ໄດ້​ປົດ​ປ່ອຍ​ໄຊ​ງ່ອນ, ໂຄ່ນ​ລົ້ມ​ອຳ​ນາດ​ການ​ປົກ​ຄອງ​ຂອງ​ຫວຽດ​ນາມ​ໃຕ້. “​ໄຊງ່ອນ​ຖືກ​ຍຶດ” ຈຶ່ງ​ໄດ້​ກາຍ​ເປັນ​ຖ້ອຍ​ຄຳ​ທີ່​ເຮັດ​ໃຫ້​ອາ​ເມ​ຣິ​ກາ​ຮູ້​ສຶກ​ອັບ​ອາຍ​ແລະ​ອັບ​ປະ​ຍົດທີ່​ສຸດ. ອັນ​ທີ່​ຄື​ກັນ​ກັບ​ກອງ​ທັບ​ອາ​ເມ​ຣິ​ກາ​ປະ​ລາ​ໄຊ​ໃນ​ສົງ​ຄາມ​ຫວຽດ​ນາມ​ໃນ​ຫຼາຍ​ສິບ​ປີ​ກ່ອນ, “ກາ​ບູນ​ຖືກ​ຍຶດ” ກໍ່​ເປັນ​ຂີດ​ໝາຍ​ທີ່​ສະ​ແດງ​ໃຫ້​ເຫັນ​ວ່າ​ສົງ​ຄາມ​ຢູ່ອັ​ຟ​ກາ​ນິ​ສະ​ຖານ​ທີ່​ອາ​ເມ​ຣິ​ກາ​​ເປັນ​ໂຕ​ຕັ້ງ​ໂຕ​ຕີງ​ນັ້ນ​ໄດ້​ປະ​ລາ​ໄຊ​ຢ່າງ​ຮາບ​ຄາບ.
 

      ນັບ​ແຕ່​ອາ​ເມ​ຣິ​ກາ​ໄດ້​ເຂົ້າ​ຮຸກ​ຮານອັ​ຟ​ກາ​ນິ​ສະ​ຖານ​ໃນ​ປີ 2001 ໃນ​ຂໍ້​ອ້າງ​ທີ່​ວ່າ​ລົ້ມ​ລ້າງ​ກຸ່​ມ​ກໍ່​ການ​ຮ້າຍ​ເປັນ​ຕົ້ນ​ມາ, ສະ​ຖາ​ນະ​ການ​ການ​ເມືອງ​​ຢູ່ອັ​ຟ​ກາ​ນິ​ສະ​ຖານ​ກໍ​ໄດ້​ຕົກ​ເຂົ້າ​ສູ່​ສະ​ພາບ​ຄວາມ​ປັ່ນ​ປ່ວນ​​ວຸ້ນ​ວາຍ​ເປັນ​ເວ​ລາ​ດົນ​ນານ. ເດືອນ​ຕຸ​ລາ​ປີ 2001, ກອງ​​ທັບ​ພັນ​ທະ​ມິດ​ທີ່​ນຳ​ໂດຍ​ອາ​ເມ​ຣິ​ກາ​ໄດ້​ດຳ​ເນີນ​ການ​ໂຈມ​ຕີ​​ອັ​ຟ​ກາ​ນີ​ສະ​ຖານທາງ​ການ​ທະ​ຫານ​, ສາ​ມາດ​ໂຄ່ນ​ລົ້ມ​ອຳ​ນາດ​ການ​​ປົກ​ຄອງ​ຂອງ​ຕາ​ລີ​ບັນ. ເດືອນ​ທັນ​ວາ​ປີ 2001, ລັດ​ຖະ​ບານ​ຊົ່ວ​ຄາວ​ຂອງອັ​ຟ​ກາ​ນິ​ສະ​ຖານ​ໄດ້​ຮັບ​ການ​ສ້າງ​ຕັ້ງ​ຂຶ້ນ.
 

      ແຕ່​​ເວ​ລາ​ຜ່ານ​ໄປ​ຫຼາຍ​ປີ, ​ສະ​ຖາ​ນະ​ການ​ຄວາມ​ໝັ້ນ​ຄົງ​ຢູ່ອັ​ຟ​ກາ​ນິ​ສະ​ຖານ​ບໍ່​ໄດ້ຮັບ​ການ​ປັບ​ປຸງ​ໃຫ້​ດີ​ຂຶ້​ນ​ຢ່າງ​ຊັດ​ເຈນ,ເຫດ​ການ​ກໍ່​ຄວາມ​ຮຸ​ນ​ແຮງ​ເກີດ​ຂຶ້ນ​ເລື້ອຍໆ ​ເຮັດ​ໃຫ້​ປະ​ຊາ​ຊົນ​ສາ​ມັນ​ເສຍ​ຊີ​ວິດ​ຈຳ​ນວນ​ຫຼວງ​ຫຼາຍ, ສ່ວນ​ການ​ເຄື່ອນ​ໄຫວ​ທາງການ​ທະ​ຫານ​ຂອງກອງ​ທັບ​ອາ​ເມ​ຣິ​ກາ​ຢູ່ອັ​ຟ​ກາ​ນິ​ສະ​ຖານ​ກໍ່​ໄດ້​ເຮັດ​ໃຫ້​ປະ​ຊາ​ຊົນ​ສາ​ມັນ​ຂອງອັ​ຟ​ກາ​ນິ​ສະ​ຖານ​ເສຍ​ຊີ​ວິດ​ແລະ​ບາດ​ເຈັບ​ຢ່າງ​ຫຼວງ​ຫຼາຍ. ຕາມ​ໂຄງ​ການ “​ຄິດ​ໄລ່​ຕົ້ນ​ທຶນ​ສົງ​ຄາມ” ຂອງ​ມະ​ຫາ​ວິ​ທະ​ຍາ​ໄລບ​ຣອນ​ຂອງ​ອາ​ເມ​ຣິ​ກາ​​ໄດ້​ຊີ້ໃຫ້​ເຫັນ​ວ່າ: ແຕ່​ປີ 2001 ຫາ​ກາງ​ເດືອນ​ເມ​ສາ​ປີ 2020, ໄດ້​ມີ​ປະ​ຊ​າ​ຊົນ​ສາ​ມັນ​ຂອງອັ​ຟ​ກາ​ນິ​ສະ​ຖານ​ຢ່າງ​ໜ້ອຍ 47.245 ຄົນ​ເສຍ​ຊີ​ວິດ​ໃນ​ສົງ​ຄາມ​ຄັ້ງ​ນີ້; ຂະ​ນະ​ດຽວ​ກັນ,ສົງ​ຄາມ​ດັ່ງ​ກ່າວ​ຍັງ​ໄດ້​ເຮັດ​ໃຫ້​ນັກ​ຮົບອັ​ຟ​ກາ​ນິ​ສະ​ຖານ​ຈຳ​ນວນ 6,6 ​ຫາ 6,9 ໝື່ນຄົນ​ເສຍ​ຊີ​ວິດ. ຕາມ​ຕົວ​ເລກ​ຂໍ້​ມູນ​ຂອງ​ອົງ​ການ​ສະ​ຫະ​ປະ​ຊາ​ຊາດ​ສະ​ແດງ​ໃຫ້​ເຫັນ​ວ່າ: ສົງ​ຄາມອັ​ຟ​ກາ​ນິ​ສະ​ຖານ​ເຮັດ​ໃຫ້​ປະ​ຊາ​ຊົນອັ​ຟ​ກາ​ນິ​ສະ​ຖານ​ຈຳ​ນວນ 2,7 ລ້ານ​ຄົນ​ຈຳ​ເປັນ​ຕ້ອງອົບ​ພະ​ຍົບ​ໜີ​ໄປ​ຕ່າງ​ປະ​ເທດ,ຍັງ​ໄດ້​ເຮັດ​ໃຫ້​ປະ​ຊາ​ຊົນອັ​ຟ​ກາ​ນິ​ສະ​ຖານ​ຈຳ​ນວນ 4 ລ້ານ​ຄົນ​ຊັດ​ເຊ​ພະ​ເນ​ຈອນ​ພາຍ​ໃນ​ປະ​ເທດ​ຕົນ​ແລະ​ບໍ່​ມີ​ບ່ອນ​ຢູ່​ອາ​ໄສ ຂະ​ນະ​ທີ່​ປະ​ຊາ​ກອນ​ທັງ​ໝົດ​ຢູ່ອັ​ຟ​ກາ​ນິ​ສະ​ຖານ​ມີ​ພຽງ​ແຕ່​ 36 ລ້ານ​ຄົນ​ເທົ່າ​ນັ້ນ.
ສົງ​ຄາມຢູ່​ອັ​ຟ​ກາ​ນິ​ສະ​ຖານ​​ໄດ້​ບັນ​ທຶກ​ຄວາມ​ອັບ​ປະ​ຍົດ​ທີ່​ຮ້າຍ​ແຮງ​ທີ່​ສຸດ​ໃນ​ປະ​ຫວັດ​ສາດ​ການ​ທູດ​ຂອງ​ອາ​ເມ​ຣິ​ກາ_fororder_0b55b319ebc4b7457510455469bd441f8b8215b1

      ນອກ​ຈາກ​ການ​ເສຍ​ຊີ​ວິດ​ແລ້ວ, ສົງ​ຄາມ​ຍັງ​ໄດ້​ສ້າງ​ຄວາມ​ທຸກ​ຍາກ​ທີ່​ໜັກ​ໜ່ວງ​ໃຫ້​ແກ່ອັ​ຟ​ກາ​ນິ​ສະ​ຖານ​ອີກ​ດ້ວຍ. ໃນ​ຖາ​ນະ​ເປັນ​ໜຶ່ງ​ໃນ​ປະ​ເທດດ້ອຍ​ພັດ​ທະ​ນາ​ຢູ່​ໃນ​ໂລກ, ໃນ​ສົກງົບ​ປະ​ມານ 2019 ຫາ 2020, ລວມຍອດ​ຜະ​ລິດ​ຕະ​ພັນ​ພາຍ​ໃນ​ຫຼື GDP ຂອງອັ​ຟ​ກາ​ນິ​ສະ​ຖານ​ມີ​ປະ​ມານ 18,89 ຕື້​ໂດ​ລາ​ສະ​ຫະ​ລັດ, GDP ສະ​ເລ່ຍ​ຕໍ່​ຫົວ​ຄົນ​ພຽງ​ແຕ່​ໄດ້ 586,6 ໂດ​ລາ​ສະ​ຫະ​ລັດ, ໃນງົບ​ປະ​ມານ​ການ​ເງິນ​ຂອງ​ລັດ​ຖະ​ບານອັ​ຟ​ກາ​ນິ​ສະ​ຖານ​​ມີ 60% ແມ່ນ​ມາ​ຈາກ​ການ​ຊ່ວຍ​ເຫຼືອ​ຂອງ​ສາ​ກົນ​. ໃນ​ຊຸມ​ປີ​ຜ່ານ​ມາ, ອັດ​ຕາ​ການ​ຫວ່າງ​ງານ​ຢູ່ອັ​ຟ​ກາ​ນິ​ສະ​ຖານ​ໄດ້​ສູງ​ຂຶ້ນ​ລຽນ​ຕິດເຊິ່ງໃນ​ປີ 2019 ໄດ້​ມີ​ເຖິງ 40%.
 

      ກ່ອນ​ເກີດ​ມີ​ສົງ​ຄາມ, ຢູ່​ໃນ​​ປະ​ເທດອັ​ຟ​ກາ​ນິ​ສະ​ຖານ​ມີ​​ພຽງແຕ່​ການ​ເຄື່ອນ​ໄຫວ​ຂອງ​​ກຸ່ມ​ອານ-ເຄ​ດາກຸ່ມ​ດຽວ,ຮອດ​ປີ 2020,ພາຍ​ໃຕ້​ສະ​ພາບ​ການ​ທີ່ກອງ​ທັບ​ຕ່າງ​ປະ​ເທດ​ຍັງ​ບໍ່​ທັນ​ໄດ້​ຖອນ​ອອກ​ດິນ​ແດນອັ​ຟ​ກາ​ນິ​ສະ​ຖານ​ໝົດ​ໄປ​ເທື່ອ,ກໍ​ໄດ້​ມີ​ກຸ່ມ​ກໍ່​ການ​ຮ້າຍ 20 ກວ່າ​​ກຸ່ມ​ເຄື່ອນ​ໄຫວ​ຢູ່​ໃນ​​ດິນ​ແດນອັ​ຟ​ກາ​ນິ​ສະ​ຖານ​ແລ້ວ, ສະ​ຖາ​ນະ​ການ​ຄວາມ​ໝັ້ນ​ຄົງ​ຢູ່ອັ​ຟ​ກາ​ນິ​ສະ​ຖານ​ໄດ້​​ຊຸດ​ໂຊມ​ລົງ​ຢ່າງ​ໜັກ​ໜ່ວງກວ່າ​ກ່ອນ​ເກີດ​ມີ​ສົງ​ຄາມ.
ສົງ​ຄາມຢູ່​ອັ​ຟ​ກາ​ນິ​ສະ​ຖານ​​ໄດ້​ບັນ​ທຶກ​ຄວາມ​ອັບ​ປະ​ຍົດ​ທີ່​ຮ້າຍ​ແຮງ​ທີ່​ສຸດ​ໃນ​ປະ​ຫວັດ​ສາດ​ການ​ທູດ​ຂອງ​ອາ​ເມ​ຣິ​ກາ_fororder_下载

      ພາຍ​ຫຼັງ​ທ່ານ ໂຈ ໄບ​ເດັນ ຂຶ້ນດຳ​ລົງ​ຕຳ​ແໜ່ງ​ປະ​ທາ​ນາ​ທິ​ບໍ​ດີ​ອາ​ເມ​ຣິ​ກາແລ້ວ, ເພື່ອ​​ຫຼີກ​ລ່ຽງ​ເລື່ອງ​ຫຍຸ້ງ​​ຍາກ​ຢູ່ອັ​ຟ​ກາ​ນິ​ສະ​ຖານ,ອາ​ເມ​ຣິ​ກາ​ໄດ້​ຕັດ​ສິນ​ໃຈ​ຖອນ​ທະ​ຫານ​ອອກ​ຈາກອັ​ຟ​ກາ​ນິ​ສະ​ຖານ​​ຢ່າງ​ຟ້າວ​ຟັ່ງ ເຊິ່ງ​ເປັນ​ການ​ສ້າງ “​ບັນ​ຫາ​ໃຫຍ່ດ້ານ​ຄວາມ​ໝັ້ນ​ຄົງ” ​ໃຫ້​ກັບອັ​ຟ​ກາ​ນິ​ສະ​ຖານ, ເຮັດ​ໃຫ້​ສະ​ຖາ​ນະ​ການ​ຊຸດ​ໂຊມ​ລົງ​ຢ່າງ​ຕໍ່​ເນື່ອງ.
 

      ສົງ​ຄາມ​ຢູ່ອັ​ຟ​ກາ​ນິ​ສະ​ຖານ​ແມ່ນ​ສົງ​ຄາມ​ທີ່​ຍືດ​ເຍື້ອ​ຍາວ​ນານ​ທີ່​ສຸດ​ໃນ​ປະ​ຫວັດ​ສາດ​ການ​ເຮັດ​ສົງ​ຄາມ​ຂອງ​ອາ​ເມ​ຣິ​ກາ ເຊິ່ງ​ໄດ້​ເຮັດ​ໃຫ້​ສະ​ຖາ​ນະ​ການ​ໃນອັ​ຟ​ກາ​ນິ​ສະ​ຖານ​ມີ​ຄວາມ​ປັ່ນ​ປ່ວນ​ວຸ້ນ​ວາຍ​ຢ່າງ​ຕໍ່​ເນື່ອງ,ຍິ່ງກວ່າ​ນັ້ນ​​ຍັງ​ຕົກ​ເຂົ້າ​ສູ່​ສະ​ພາບ​ທີ່ແຮ່ງ​ຕໍ່​ຕ້ານ​ແຮ່ງ​ເກີດ​ມີ​ການ​ກໍ່​ການ​ຮ້າຍ. ສົງ​ຄາມ​ຢູ່ອັ​ຟ​ກາ​ນິ​ສະ​ຖານ​ໄດ້​ບັນ​ທຶກ​ຄວາມ​ອັບ​ປະ​ຍົດ​ຮ້າຍ​ແຮງ​ທີ່​ສຸດ​ໃນ​ປະ​ຫວັດ​ສາດ​ການ​ທູດ​ຂອງ​ອາ​ເມ​ຣິ​ກາ​ໂດຍ​ບໍ່​ຕ້ອງ​ສົງ​ໄສ.
 

      ເມື່ອ​ສັງ​ເກດ​ເບິ່ງ​ປະ​ຫວັດ​ສາດ​, ສົງ​ຄາມ​ຕ້ານ​ການ​ກໍ່​ການ​ຮ້າ​ຍ​ຂອງ​ອາ​ເມ​ຣິ​ກາ​ສ່ວນ​ຫຼາຍ​ໄດ້​ສະ​ແຫວງ​ຫາ​ເປົ້າ​ໝາຍ​ການ​ເມືອງ​ພູ​ມິ​ພາກ​ໃນ​ນາມ​ຕ້ານ​ກາ​ນ​ກໍ່​ການ​ຮ້າຍ​ເລື້ອຍໆ, ຍິ່ງກວ່າ​ນັ້ນ​ໄດ້​ຕັດ​ຖິ້ມ​ປະ​ເທດ​ໃນ​ພາກ​ພື້ນ​ແລະ​ປະ​ເທດ​ໃຫຍ່​ທີ່​ບໍ່​ແມ່ນ​ປະ​ເທດ​ຕາ​ເວັນ​ຕົກ​ອອກນອກ​ພັນ​ທະ​ມິດ​ໃນ​ການ​ຕ້ານ​ການ​ກໍ່​ການ​ຮ້າຍ​ສາ​ກົນ. ແຕ່​ວ່າ, ທົ່ວ​ໂລກ​ຕ້ານ​ການ​ກໍ່​ການ​ຮ້າຍ​ຄວນ​ຊຸກ​ຍູ້​ການ​ປະ​ກອບ​ສ່ວນ​ຢ່າງ​ຫ້າວ​ຫັນ​ຂອງ​ປະ​ເທດ​ໃຫຍ່​ອື່ນໆ​ແລະ​ດຳ​ເນີນ​ໃນຂອບ​ອົງ​ການ​ສະ​ຫະ​ປະ​ຊາ​ຊາດ​ເພື່ອ​ສ້າງ​ກົນ​ໄກ​ຮ່ວມ​ມື​ດ້ານ​ຄວາມ​ໝັ້ນ​ຄົງ​ທີ່​ມີ​ລັກ​ສະ​ນະ​ກວມ​ລວມ. ບັນ​ດາ​ປະ​ເທດ​ສະ​ມາ​ຊິກ​ອົງ​ການ​ສະ​ຫະ​ປະ​ຊາ​ຊາດ​ມີ​ແຕ່​ຫັນ​ໜ້າເຂົ້າ​ຫາ​ກັນ,​ຜ່ານ​ການ​ຊຸກ​ຍູ້​ຄວາມ​ປອງດອງ​​ຊາດ​ແລະ​ການ​ສ້າງ​ສາ​ເສດ​ຖະ​ກິດ​ຄືນ​ໃໝ່, ຈຶ່ງ​ຈະ​ສາ​ມາດ​​​ລຶບ​ລ້າງ​ດິນ​ແດນທີ່​ເກີດ​ມີ​ລັດ​ທິ​ຫົວ​ຮຸນ​ແຮງ​ແລະ​ລັດ​ທິ​ກໍ່​ການ​ຮ້າຍໄດ້​ເປັນ​ກ້າວໆ.

ຄຳ​ເຫັນ

0