ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ປີນີ້ແມ່ນປີທີ່ເຂດຕິເບດໄດ້ຮັບການປົດປ່ອຍໂດຍສັນຕິຄົບຮອບ 70 ປີ. ປີ 1951, ເຂດຕິເບດໄດ້ຮັບການປົດປ່ອຍໂດຍສັນຕິ, ນີ້ແມ່ນເຫດການທີ່ສຳຄັນໃນປະຫວັດຍຸກປະຈຸບັນ ແລະ ປະຫວັດສາດແຫ່ງການປະຕິວັດຂອງຈີນ, ທັງແມ່ນເຫດການທີ່ຢູ່ໃນໄລຍະຫົວລ້ຽວຫົວຕໍ່ໃນປະຫວັດສາດຂອງເຂດຕິເບດ. ຕະຫຼອດໄລຍະ 70 ປີທີ່ຜ່ານມາ, ເຂດຕິເບດໄດ້ປະສົບຜົນສຳເລັດໃນການພັດທະນາແບບກ້າວກະໂດດທີ່ໃຊ້ເວລາຫຼາຍສິບປີ ເຊິ່ງບໍ່ເຄີຍມີມາກ່ອນໃນຫຼາຍກວ່າພັນປີ.
ນັບແຕ່ກອງປະຊຸມໃຫຍ່ຂອງພັກກອມມູນິດຈີນຄັ້ງທີ 18 ເປັນຕົ້ນມາ, ເສດຖະກິດຂອງເຂດຕິເບດຈີນໄດ້ຮັບການພັດທະນາຢ່າງພົ້ນເດັ່ນ. ແຕ່ປີ 2012 – 2020, GDP ຂອງເຂດຕິເບດໄດ້ເພີ່ມຂຶ້ນຈາກ 71 ຕື້ຢວນ ເປັນ 190,3 ຕື້ຢວນ, ເມື່ອຄິດໄລ່ຕາມລາຄາປຽບທຽບ, ໄດ້ເພີ່ມຂຶ້ນ 9,8% ຕໍ່ປີ, ເປັນອັນດັບໜຶ່ງໃນ 31 ແຂວງ（ເຂດປົກຄອງຕົນເອງ,ກຳແພງນະຄອນ）ຂອງທົ່ວປະເທດຈີນ. ແຕ່ປີ 2012 – 2020, ລາຍຮັບສະເລ່ຍທີ່ຈັບຈ່າຍໄດ້ຕົວຈິງຕໍ່ຫົວຄົນຂອງພົນລະເມືອງທົ່ວເຂດຕິເບດໄດ້ເພີ່ມຂຶ້ນຈາກ 8568 ຢວນ ເປັນ 21.744 ຢວນ, ເພີ່ມຂຶ້ນ 12,3% ຕໍ່ປີ, ຈັງຫວະການເຕີບໂຕເປັນອັນດັບໜຶ່ງຂອງທົ່ວປະເທດເປັນ 6 ປີລຽນຕິດ, ຄຸນນະພາບຊີວິດການເປັນຢູ່ຂອງປະຊາຊົນໄດ້ຮັບການປັບປຸງໃຫ້ດີຂຶ້ນຢ່າງພົ້ນເດັ່ນ.
ກ່ຽວກັບການສ້າງສາພັດທະນາ, ຊີວິດການເປັນຢູ່ຂອງປະຊາຊົນ ແລະ ການອະນຸລັກສິ່ງແວດລ້ອມຢູ່ເຂດຕິເບດ, ທ່ານປະທານສີຈິ້ນຜິງໄດ້ໃຫ້ຄວາມສຳຄັນຢ່າງສູງຕະຫຼອດມາ. ທ່ານສີຈິ້ນຜິງເຄີຍໄປສຳຫຼວດກວດກາວຽກງານຢູ່ເຂດຕິເບດຫຼາຍເທື່ອ, ແລະເຄີຍກ່າວເນັ້ນມາຫຼາຍເທື່ອແລ້ວວ່າ: “ຕ້ອງບຸກເບີກເສັ້ນທາງການພັດທະນາທີ່ມີຄຸນນະພາບສູງທີ່ສອດຄ່ອງກັບສະພາບຄວາມເປັນຈິງຂອງເຂດຕິເບດ.” ໃນນັ້ນລວມທັງ: ຊຸກຍູ້ການປັບປຸງ ແລະ ເສີມຂະຫຍາຍໝາກຜົນແຫ່ງການລຶບລ້າງຄວາມທຸກຍາກໃຫ້ເຊື່ອມສານເຂົ້າກັບການຊຸກຍູ້ການພັດທະນາຊົນນະບົດຢ່າງຮອບດ້ານ; ດຳເນີນວຽກງານທີ່ພົວພັນກັບຊີວິດການເປັນຢູ່ຂອງປະຊາຊົນບັນດາເຜົ່າ, ເຊັ່ນ: ການປະກອບອາຊີບ, ການສຶກສາ, ປະກັນສັງຄົມ, ການປິ່ນປົວ, ການລ້ຽງຜູ້ເຖົ້າ, ໂຮງຮຽນອະນຸບານແລະໂຮງລ້ຽງເດັກ, ເຮືອນຢູ່ ແລະອື່ນໆ, ຈັດຕັ້ງປະຕິບັດວຽກງານທຸກຢ່າງໃຫ້ມີປະສິດທິຜົນຕົວຈິງ; ເລັ່ງລັດການສ້າງພື້ນຖານໂຄງລ່າງ ເຊິ່ງລວມທັງ ເສັ້ນທາງລົດໄຟ, ທາງຫຼວງ ແລະ ອື່ນໆ. ເຊິ່ງຄຳຮຽກຮ້ອງຂອງທ່ານສີຈິ້ນຜິງແມ່ນ ມີລັກສະນະທີ່ເປັນຮູບປະທຳ ແລະ ລະອຽດນັ້ນ, ໄດ້ເປັນທິດຊີ້ນຳພື້ນຖານໃຫ້ແກ່ວຽກງານການພັດທະນາເຂດຕິເບດ, ແລະເປີດຂະບວນການໃໝ່ແຫ່ງການພັດທະນາທີ່ມີຄຸນນະພາບສູງຢູ່ເຂດຕິເບດ.
ຄຳເຫັນ
0