ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
“ຮັດແໜ້ນຄວາມສາມັກຄິຄືກັບແກ່ນໝາກພິລາ”, ນີ້ແມ່ນຄຳປາບທຽບທີ່ມີຊີວິດຊີວາທີ່ທ່ານສີຈິ້ນຜິງ ປະທານປະເທດຈີນໃຊ້ເພື່ອປຽບທຽບຄວາມສາມັກຄີຂອງຊາດ. ຄຳປຽບທຽບນີ້ໄດ້ເຊື່ອມຊືມເຂົ້າໃນຈິດໃຈຂອງປະຊາຊົນຢ່າງເລິກເຊິ່ງ ແລະທ່ານໄດ້ເວົ້າເຖິງໃນຫຼາຍໂອກາດ.
ນັບແຕ່ກອງປະຊຸມໃຫຍ່ຂອງພັກກອມມູນິດຈີນຄັ້ງທີ 18 ເປັນຕົ້ນມາ, ທ່ານປະທານສີຈິ້ນຜິງໄດ້ໄປສຳຫຼວດກວດກາວຽກງານຢູ່ເຂດຊົນເຜົ່າຫຼາຍເທື່ອ. ໃນປີ 2021, ທ່ານໄດ້ໄປສຳຫຼວດກວດກາວຽກງານຢູ່ແຂວງກຸ້ຍໂຈ່ວ, ເຂດປົກຄອງຕົນເອງເຜົ່າຈ້ວງກວາງຊີ, ແຂວງຊີ່ງໄຫ ແລະເຂດປົກຄອງຕົນເອງຕິເບດ. ກ່ອນໜ້ານີ້ 1 ເດືອນກວ່າ, ໃນເວລາທີ່ສຳຫຼວດວຽກງານຢູ່ຕິເບດ ທ່ານໄດ້ກ່າວເນັ້ນວ່າ: 56 ຊົນເຜົ່າປະກອບເຂົ້າກັນເປັນຊົນຊາດຈີນ, ຂໍພຽງແຕ່ພວກເຮົາຮ່ວມແຮງຮ່ວມໃຈກັນ, ເສີມສ້າງຄວາມສາມັກຄີລະຫວ່າງຊົນເຜົ່າ, ໄປນຳພັກກອມມູນິດ, ຍຶດໝັ້ນເດີນຕາມເສັ້ນທາງສັງຄົມນິຍົມທີ່ມີສີສັນພິເສດຂອງຈີນ, ພວກເຮົາກໍຈະສາມາດບັນລຸເປົ້າໝາຍອັນສະຫງ່າລາສີໃນການຟື້ນຟູຄວາມຈະເລີນຮຸ່ງເຮືອງອັນຍິ່ງໃຫຍ່ຂອງຊົນຊາດຈີນຄືນໃໝ່ຕາມເວລາກຳນົດໄດ້ຢ່າງແນ່ນອນ.
ວັນທີ 10 ມີນາປີ 2017, ເວລາເຂົ້າຮ່ວມພິຈາລະນາກັບຄະນະຜູ້ແທນຊິ່ນຈ່ຽງໃນກອງປະຊຸມຄັ້ງທີ 5 ຂອງສະພາປະຊາຊົນແຫ່ງຊາດຈີນຊຸດທີ 12, ທ່ານສີຈິ້ນຜິງກ່າວວ່າ: ຕ້ອງຈັດຕັ້ງປະຕິບັດນະໂຍບາຍຊົນເຜົ່າຂອງພັກຢ່າງຮອບດ້ານ, ຍົກສູງຄັນທຸງມະຫາສາມັກຄີຂອງຊາດ, ນຳພາປະຊາຊົນບັນດາເຜົ່າເພີ່ມທະວີຄວາມຮູ້ສຶກຍອມຮັບປະເທດຊາດອັນຍິ່ງໃຫຍ່, ປະຊາຊາດຈີນ, ວັດທະນະທຳຈີນ, ພັກກອມມູນິດຈີນ ແລະສັງຄົມນິຍົມທີ່ມີສີສັນພິເສດຂອງຈີນ, ຮັກສາຄວາມສາມັກຄີຂອງຊາດໃຫ້ຄືກັບຮັກສາດວງຕາຂອງຕົນ, ທະນຸຖະໜອມຄວາມສາມັກຄີຂອງຊາດຄືກັບທະນຸຖະໜອມຊີວິດຂອງຕົນ, ຮັດແໜ້ນຄວາມສາມັກຄີຄືກັບແກ່ນໝາກພິລາ.
ຄຳເຫັນ
0