尚艳波

ຕາລາງລາຍການ FM93Mhz

ດາວໂຫຼດ App CRI-FM93 ລະບົບ IOS

ດາວໂຫຼດ App CRI-FM93 ລະບົບ Android

FM93

ການ​ສຳ​ຫຼວດ​ຫາ​ແຫຼ່ງ​ກຳ​ເນີດ​ຂອງ​ເຊື້ອ​ພະ​ຍາດ​ໂຄວິດ-19 ທີ່​ພາກ​ສ່ວນ​ຂ່າວ​ລັບ​ຂອງ​ອາ​ເມ​ຣິ​ກາ​ເປັນ​ແກນ​ນຳຈະ​ເປັນ​ພຽງ​ເລື່ອງ​ຕະ​ຫຼົກ​​ເທົ່າ​ນັ້ນ

2021-08-30 17:05:22 cri

ການ​ສຳ​ຫຼວດ​ຫາ​ແຫຼ່ງ​ກຳ​ເນີດ​ຂອງ​ເຊື້ອ​ພະ​ຍາດ​ໂຄວິດ-19 ທີ່​ພາກ​ສ່ວນ​ຂ່າວ​ລັບ​ຂອງ​ອາ​ເມ​ຣິ​ກາ​ເປັນ​ແກນ​ນຳຈະ​ເປັນ​ພຽງ​ເລື່ອງ​ຕະ​ຫຼົກ​​ເທົ່າ​ນັ້ນ_fororder_dbb44aed2e738bd40ad2291b00a18edf267ff9d9

      ວັນ​ທີ 27 ສິງ​ຫາ​ນີ້​ຕາມ​ເວ​ລາ​ທ້ອງ​ຖິ່ນ, ຫ້ອງ​ການ​ຜູ້​ອຳ​ນວຍ​ການ​ໜ່ວຍ​ຂ່າວ​ລັບ​ແຫ່ງ​ຊາດອາ​ເມ​ຣິ​ກາ​​ຫຼື DNI ໄດ້​​ເປີດ​ເຜີຍຂໍ້​ສະ​ຫຼຸບ​ໂດຍຫຍໍ້​ຂອງ​ບົດ​ລາຍ​ງານ​ການ​ສືບ​ສວນ​ຫາ​ແຫຼ່ງ​ກຳ​ເນີດ​ຂອງ​ເຊື້ອ​ພະ​ຍາດ​ໂຄວິດ-19 ໂດຍ​ເຫັນ​ວ່າ: ປັດ​ຈຸ​ບັນ, ​ຈະ​ບໍ່​ສາ​ມາດ​ປັດ​ປ່າຍ​ຄວາມ​ອາດ​ເປັນ​ໄປ​ໄດ້​ທັງ​ສອງ​ຢ່າງ​ຄື: ເຊື້ອ​ພະ​ຍາດ​ໂຄວິດ-19 ມາ​ຈາກ​ວົງ​​ຈອນ​ທາງ​ທຳ​ມະ​ຊາດ​ແລະ​ການ​ຮົ່ວ​ອອກ​ຈາກ​ຫ້ອງ​ທົດ​ລອງ, ພ້ອມ​ທັງ​ໄດ້​ໃສ່​ຮ້າຍ​ປ້າຍ​ສີ​ວ່າຈີນ​ສະ​ກັດ​ກັ້ນ​ການກວດ​ກາ​ຂອງສາ​ກົນ,​ແລະ​ປະ​ຕິ​ເສດ​ການ​ຊົມ​ໃຊ້​ຂໍ້​ມູນ​ຂ່າວ​ສານ​ຮ່ວມ​ກັນ​​ທັງ​ຕຳ​ໜິ​ປະ​ເທ​ດ​ອື່ນ.
ການ​ສຳ​ຫຼວດ​ຫາ​ແຫຼ່ງ​ກຳ​ເນີດ​ຂອງ​ເຊື້ອ​ພະ​ຍາດ​ໂຄວິດ-19 ທີ່​ພາກ​ສ່ວນ​ຂ່າວ​ລັບ​ຂອງ​ອາ​ເມ​ຣິ​ກາ​ເປັນ​ແກນ​ນຳຈະ​ເປັນ​ພຽງ​ເລື່ອງ​ຕະ​ຫຼົກ​​ເທົ່າ​ນັ້ນ_fororder_b21bb051f8198618c25ab773e8c7277a8ad4e6d8

      ນັບ​ແຕ່​​ເກີດ​ມີການ​ແຜ່​ລະ​ບາດ​ຂອງ​ພະ​ຍາດ​ໂຄວິດ-19 ເປັນ​ຕົ້ນ​ມາ, ບັນ​ຫາ​ການ​ສຳ​ຫຼວດ​ຫາ​ແຫຼ່ງ​ກຳ​ເນີດ​ຂອງ​ເຊື້ອ​ພະ​ຍາດ​ໂຄວິດ-19 ກໍ​ໄດ້​ຮັບ​ຄວາມ​ສົນ​ໃຈ​ຢ່າງກວ້າງ​ຂວາງ​ມາ​ໂດຍ​ຕະ​ຫຼອດ, ອົງ​ການ​ຄົ້ນ​ຄວ້າ​ວິ​ທະ​ຍາ​ສາດ​ທີ່​ມີ​ອິດ​ທິ​ພົນ​ທີ່​ກ່ຽວ​ຂ້ອງ​ຂອງ​ໂລກ​ລວມ​ທັງ​ຈີນ​ໄດ້​ສຸມ​ທຸ​ກ​ຄວາມ​ພະ​ຍາ​ຍາມ​ເພື່ອ​ດຳ​ເນີນ​ການ​ສຳ​ຫຼວດ​ຄົ້ນ​ຄວ້າ,ແຕ່​ຈົນ​ມາຮອດ​ປັດ​ຈຸ​ບັນ​ນີ້​ຍັງ​ບໍ່​​ມີ​ຜົນ​ ​ສະ​ຫຼຸບ​ທີ່​ແມ່ນ​ຢຳ​ເທື່ອ. ນີ້​ໄດ້​ສະ​ແດງ​ໃຫ້​ເຫັນ​ວ່າ​ວຽກ​ງານ​​ການ​ສຳ​ຫຼວດ​ຫາ​ແຫຼ່ງ​ກຳ​ເນີດ​ຂອງ​ເຊື້ອ​ພະ​ຍາດ​ໂຄວິດ-19 ມີ​ຄວາມຫຍຸ້ງ​ຍາກ​ສັບ​ສົນ, ພາກ​ສ່ວນ​ຂ່າວ​ລັບ​ອາ​ເມ​ຣິ​ກາ​ໃຊ້​ເວ​ລາພຽງ​ແຕ່ 90 ວັນ​​ເທົ່າ​ນັ້ນຈະ​ສາ​ມາດ​ໄດ້ຂໍ້​ສະ​ຫຼຸບ​ທີ່​ໜ້າ​ເຊື່ອ​ຖື​ໄດ້​ແນວ​ໃດ? ການ​ເປີດ​ເຜີຍ​ບົດ​ລາຍ​ງານ​ແບບ​ຟ້າວ​ຟັ່ງ​​ຂອງ​ເຂົາ​ກໍ​ໄດ້​ສະ​ແດງ​ໃຫ້​ເຫັນ​ວ່າ​ນີ້​ເປັນ​ພຽງ​ເລື່ອງ​ຕະ​ຫຼົກ​ເທົ່າ​ນັ້ນ.
ການ​ສຳ​ຫຼວດ​ຫາ​ແຫຼ່ງ​ກຳ​ເນີດ​ຂອງ​ເຊື້ອ​ພະ​ຍາດ​ໂຄວິດ-19 ທີ່​ພາກ​ສ່ວນ​ຂ່າວ​ລັບ​ຂອງ​ອາ​ເມ​ຣິ​ກາ​ເປັນ​ແກນ​ນຳຈະ​ເປັນ​ພຽງ​ເລື່ອງ​ຕະ​ຫຼົກ​​ເທົ່າ​ນັ້ນ_fororder_37d3d539b6003af3465cc6f19d00cf551138b674

      ຫວ່າງ​ມໍ່ໆ​ມາ​ນີ້, ​ຢູ່​ກາ​ບູນ​ຂອງ​ອັ​ຟ​ກາ​ນິ​ສະ​ຖານ​ໄດ້​ເຮັດ​ໃຫ້​ທົ່ວ​ໂລກ​​ເຫັນ​ໄດ້​ຢ່າງ​ຈະ​ແຈ້ງວ່າ:ວົງ​ການ​ຂ່າວ​ລັບ​ຂອງ​ອາ​ເມ​ຣິ​ກາ​ບໍ່​ມີ​ຄວາມສາ​ມາດ​ພຽງ​ພໍ​ຄືແນວ​ໃດ. ອາ​ເມ​ຣິ​ກາ​ໄດ້​ຍຶດ​ຄອງ​ອັ​ຟ​ກາ​ນິ​ສະ​ຖານ​ເປັນ​ເວ​ລາ​ເກືອບ 20 ປີ, ​ແຕ່ພັດ​ບໍ່​ສາ​ມາດ​ສະ​ໜອງ​ຂ່າວ​ລັບ​ທີ່​ຖືກ​ຕ້ອງ​ແມ່ນ​ຢຳ​ໃຫ້​ແກ່​ລັດ​ຖະ​ບານ​ອາ​ເມ​ຣິ​ກາ,ໃນ​ທີ່​ສຸດ​ຈຶ່ງ​ເກີດ​ມີ​ການ​ຖອຍ​ໜີ​ຢ່າງ​ບໍ່​ເປັນ​ລະ​ບຽບທີ່​ເຮັດ​ໃຫ້​ອາ​ເມ​ຣິ​ກາ​ຮູ້​ສຶກ​ອັບ​ອາຍ​ຂາຍ​ໜ້າ,ເຮັດ​ໃຫ້​ໂລກ​ສະ​ເທືອນ​ໃຈ​ແລະ​ເຮັດ​ໃຫ້​ປະ​ເທດ​ພັນ​ທະ​ມິດ​ເສຍ​ໃຈ,ພາກ​ສ່ວນ​ຂ່າວ​ລັບ​ທີ່​ໄຮ້​ຄວາມ​ສາ​ມາດ​ແບບ​ນີ້​ພັດ​ໄດ້​ດຳ​ເນີນ​ “ການ​ສືບ​ສວນ” ​ຈີນ​ໃນ​ບັນ​ຫາ​ການ​ສຳ​ຫຼວດ​ຫາ​ແຫຼ່ງ​ກຳ​ເນີດ​ຂອງ​ເຊື້ອ​ພະ​ຍາດ​ໂຄວິດ-19, ເລື່ອງ​ນີ້​ຈະ​ເປັນ​ໜ້າ​ເຊື່ອ​ໄດ້​ຊ່ຳ​ໃດ? ເຊື່ອ​ວ່າ​ຊາວ​ໂລກ​ລ້ວນ​ແຕ່​ຮູ້​​ຢູ່​ໃນ​ໃຈ​ຢ່າງ​ຈະ​ແຈ້ງ​ແລ້ວ.
ການ​ສຳ​ຫຼວດ​ຫາ​ແຫຼ່ງ​ກຳ​ເນີດ​ຂອງ​ເຊື້ອ​ພະ​ຍາດ​ໂຄວິດ-19 ທີ່​ພາກ​ສ່ວນ​ຂ່າວ​ລັບ​ຂອງ​ອາ​ເມ​ຣິ​ກາ​ເປັນ​ແກນ​ນຳຈະ​ເປັນ​ພຽງ​ເລື່ອງ​ຕະ​ຫຼົກ​​ເທົ່າ​ນັ້ນ_fororder_a08b87d6277f9e2ff8a65881801ae02db999f358

      ຖ້າ​ຈະ​ເວົ້າ​ວ່າ​ພາກ​ສ່ວນ​ຂ່າວ​ລັບ​ຂອງ​ອາ​ເມ​ຣິ​ກາ​ບໍ່​ມີ​ຄວາມ​ສາ​ມາດ​ຫຍັງ​ເລີຍ​ກໍ່​ບໍ່ຖືກ​ຕ້ອງ​ປານ​ໃດ, ​ເພາະ​ວ່າໃນ​ດ້ານ​ການ​ປັ້ນ​ແຕ່ງ​ຂ່າວ​ປອມ​ແລະ​ທຳ​ຮ້າຍ​ຜູ້​ອື່ນ​ນັ້ນ​ເຂົາ​ເຈົ້າ​ຍັງ​ຖື​ໄດ້​ວ່າ​ເປັນ​ “ມື​ອາ​ຊີບ”ຢູ່.ທ່ານ ໄມ ພົມ​ເພວ ລັດ​ຖະ​ມົນ​ຕີ​ກະ​ຊວງ​ການ​ຕ່າງ​ປະ​ເທດ​ອາ​ເມ​ຣິ​ກາ​ທີ່​ດຳ​ລົງ​ຕຳ​ແໜ່ງ​ໃນ​ຄາວ​ນັ້ນ​ເຄີຍ​ເວົ້າ​ດ້ວຍ​ຄວາມ​ທະ​ນົງ​ໃຈໃນ​ເວ​ລາ​ກ່າວ​ຄຳ​ປາ​ໄສ​ຢູ່​ມະ​ຫາ​ວິ​ທະ​ຍາ​ໄລ​ແຫ່ງ​ໜຶ່ງ​ຢູ່​ເທັກ​ຊັ​ສ​ຂອງ​ອາ​ເມ​ຣິ​ກາ​ໃນ​ປີ 2019 ວ່າ: “ຂ້ອຍ​ເຄີຍ​ແມ່ນ​ຫົວ​ໜ້າ​ອົງ​ການ​ຂ່າວ​ລັບ​ສູນ​ກາງ​ອາ​ເມ​ຣິ​ກາ, ພວກ​ເຮົາຫຼອກ​ລວງ,ພວກ​ເຮົາ​ຕົ້ມຕົວະ,ພວກ​ເຮົາ​ໂຈ​ລະ​ກຳ​ແລະ​ອື່ນໆ,ທັງ​ໝົດ​ເຫຼົ່າ​ນີ້​ພວກເຮົາ​ມີ​​ຫຼັກ​ສູດ​ອົບ​ຮົມ​​ສະ​ເພາະ.”
ການ​ສຳ​ຫຼວດ​ຫາ​ແຫຼ່ງ​ກຳ​ເນີດ​ຂອງ​ເຊື້ອ​ພະ​ຍາດ​ໂຄວິດ-19 ທີ່​ພາກ​ສ່ວນ​ຂ່າວ​ລັບ​ຂອງ​ອາ​ເມ​ຣິ​ກາ​ເປັນ​ແກນ​ນຳຈະ​ເປັນ​ພຽງ​ເລື່ອງ​ຕະ​ຫຼົກ​​ເທົ່າ​ນັ້ນ_fororder_6f061d950a7b020855884090c3f3fbda572cc835

      ​ທີ່​ຈິງ​ແລ້ວ, ການ​ສຳ​ຫຼວດ​ຫາ​ແຫຼ່ງ​ກຳ​ເນີດ​ຂອງ​ເຊື້ອ​ພະ​ຍາດ​ໂຄວິດ-19 ໂດຍ​ພາກ​ສ່ວນ​ຂ່າວ​ລັບ​ອາ​ເມ​ຣິ​ກາ​ກໍ່​ມີ​ຈຸດ​ປະ​ສົງ​ເພື່ອ​ຢາກຄວບ​ຄຸມ​ ການ​ເມືອງ,​ຫາກ​ບໍ່​ແມ່ນ​ຢາກ​ໄດ້​ຂໍ້​ສະ​ຫຼຸບ​​ຕາ​ມ​ຫຼັກວິ​ທະ​ຍາ​ສາດ​ແທ້ໆ. ອາ​ເມ​ຣິ​ກາ​ຕຳ​ໜິ​ຈີນ​ວ່າ​ບໍ່​ມີ​ຄວາມ​ໂປ່ງ​ໃສແລະ​ບໍ່​ໃຫ້​ການ​ປະ​ສານ​ງານ​ໃນບັນ​ຫາ​ການ​ສຳ​ຫຼວດ​ຫາ​ແຫຼ່ງ​ກຳ​ເນີດ​ຂອງ​ເຊື້ອ​ພະ​ຍາດ​ໂຄວິດ-19, ​ນີ້ແມ່ນ​ການ​ໃສ່​ຮ້າຍ​ປ້າຍ​ສີ​ຈີນແທ້ໆ. ທີ່​ຈິງ​ແລ້ວ, ຈີນ​ໄດ້​ແຈ້ງ​ແລະ​​​ສະ​ໜອງ​ລຳ​ດັບ​ແຊນ​ຂອງ​ເຊື້ອ​ພະ​ຍາດ​ໂຄວິດ-19 ໃຫ້​ພາຍນອກ​ຢ່າງ​ທັນ​ເວ​ລາ​ແລະ​ສະ​ເໝີ​ຕົ້ນ​ສະ​ເໝີ​ປາຍ​ບົນ​ພື້ນ​ຖານ​ຫຼັກ​ການ​ເປີດ​ເຜີຍ,ມີ​ຄວາມ​ໂປ່ງ​ໃສ​ແລະ​ມີ​ຄວາມ​ຮັບ​ຜິດ​ຊອບ,ດຳ​ເນີນ​ການ​ຮ່ວມ​ມື​ກັບ​ສາ​ກົນ​ຕ້ານ​ກັບ​ພະ​ຍາດ​ໂຄວິດ-19, ການ​ສຳ​ຫຼວດ​ຄົ້ນ​ຄວ້າ​​ແບບ​ປະ​ສົມ​ທີ່​ອົງ​ການ​ອະ​ນາ​ໄມ​ໂລກ​ເປັນ​ແກນ​ນຳ​ໄດ້​ຮັບ​ຂໍ້​ສະ​ຫຼຸບ​ທີ່​ໜ້າ​ເຊື່ອ​ຖື​ທີ່​ສຸດ. ໃນ​ດ້ານ​ບັນ​ຫາ​ການ​ສຳ​ຫຼວດ​ຫາ​ແຫຼ່ງ​ກຳ​ເນີດ​ຂອງ​ເຊື້ອ​ພະ​ຍາດ​ໂຄວິດ-19, ຜູ້​ທີ່​ບໍ່​ມີ​ຄວາມ​ໂປ່ງ​ໃສ,ບໍ່​ມີ​ຄວາມ​ຮັບ​ຜິດ​ຊອບ​ແລະ​ບໍ່​ໃຫ້​ການ​ຮ່ວມ​ມື​​ນັ້ນ​ກໍ່​ຕັ້ງ​ແມ່ນ​ອາ​ເມ​ຣິ​ກາ​ເອງ.ຈົນ​ມາ​ຮອດ​ປັດ​ຈຸ​ບັນ​ນີ້, ອາ​ເມ​ຣິ​ກາ​ໄດ້​ປະ​ຕິ​ເສດ​ໃຫ້​ການຕອບ​ໂຕ້​ຄວາມ​ລະ​ແວງ​ສົງ​ໄສ​ທີ່​ສົມ​ເຫດ​ສົມ​ຜົນ​​ຂອງປະ​ຊາ​ຄົມ​ໂລກ​​ກ່ຽວ​ກັບ​ຫ້ອງ​ທົດ​ລອງ​ຊີ​ວະ​ພາບ​ຟອດ​ເດ​ຕ​ຣິກ​ກໍ​ຄື​ຖານ​ທົດ​ລອງ​ຊີ​ວະ​​ພາບ​ຂອງ​ອາ​ເມ​ຣິ​ກາ​ຢູ່ຕ່າງ​ປະ​ເທດ 200 ກວ່າ​ແຫ່ງ​ແລະ​ອື່ນໆ,ໂດຍ​ມີ​ເຈດ​ຕະ​ນາ​​ປິດ​ບັງ​ຄວາມ​ເປັນ​ຈິງ,ຫຼີກ​ລ່ຽງ​ຄວາມ​ຮັບ​ຜິດ​ຊອບ. ອາ​ເມ​ຣິ​ກາ​ມີ​ຄວາມ​ຮັບ​ຜິດ​ຊອບ​ແລະ​ພັນ​ທະ​ໃນ​ການ​ໃຫ້​ຄຳ​ຕອບ​ຕໍ່​​ຊາວໂລກ.
ການ​ສຳ​ຫຼວດ​ຫາ​ແຫຼ່ງ​ກຳ​ເນີດ​ຂອງ​ເຊື້ອ​ພະ​ຍາດ​ໂຄວິດ-19 ທີ່​ພາກ​ສ່ວນ​ຂ່າວ​ລັບ​ຂອງ​ອາ​ເມ​ຣິ​ກາ​ເປັນ​ແກນ​ນຳຈະ​ເປັນ​ພຽງ​ເລື່ອງ​ຕະ​ຫຼົກ​​ເທົ່າ​ນັ້ນ_fororder_微信图片_20210830170310

      ການ​ສຳ​ຫຼວດ​ຫາ​ແຫຼ່ງ​ກຳ​ເນີດ​ຂອງ​ເຊື້ອ​ພະ​ຍາດ​ໂຄວິດ-19 ແມ່ນ​ບັນ​ຫາ​ວິ​ທະ​ຍາ​ສາດ​ທີ່​​ຫຍຸ້ງ​ຍາກສັບ​ສົນ​ບັນ​ຫາ​ໜຶ່ງ, ​ສົມຄວນ​ແລະ​ມີ​ແຕ່​ໃຫ້​ນັກ​ວິ​ທະ​ຍາ​ສາດ​ຂອງ​ໂລກ​ຮ່ວມ​ມື​ກັນ​ເພື່ອ​ດຳ​ເນີນ​ການ​ຄົ້ນ​ຄວ້າ. ຫວັງ​ວ່າ​ຝ່າຍ​ອາ​ເມ​ຣິ​ກາ​ຈະ​ມີ​ຈິດ​ສຳ​ນຶກ​ໂດຍ​ເຫັນ​ວ່າ​ເຊື້ອ​ພະ​ຍາດ​ເທົ່າ​ນັ້ນ​ຈຶ່ງແມ່ນ​ສັດ​ຕູ​ຮ່ວມ​​ຂອງມວນ​ມະ​ນຸດ,​ປ່ອຍ​ໃຫ້​ການປະ​ຕິ​ບັດ​ໜ້າ​ທີ່​ການ​ສຳ​ຫຼວດ​ຫາ​ແຫຼ່ງ​ກຳ​ເນີດ​ຂອງ​ເຊື້ອ​ພະ​ຍາດ​ໂຄວິດ-19 ເປັນ​ບັນ​ຫາ​ທາງວິ​ທະ​ຍາ​ສາດ​ຢ່າງ​ແທ້ຈິງ,ສົ່ງ​ເສີມ​ໃຫ້​ນັກ​ວິ​ທະ​ຍາ​ສາດ​ຂອງ​ບັນ​ດາ​ປະ​ເທດ​ຮ່ວ​ມ​ແຮງ​ຮ່ວມ​ໃຈ​ກັນ,ສະ​ໜັບ​ສະ​ໜູນ​ແລະ​ລົງ​ເລິກ​​ການ​ຄົ້ນ​ຄວ້າ​ກ່ຽວ​ກັບ​ການ​ສຳ​ຫຼວດ​ຫາ​ແຫຼ່ງ​ກຳ​ເນີດ​ຂອງ​ເຊື້ອ​ພະ​ຍາດ​ໂຄວິດ-19​ ຢູ່​ຫຼາຍ​ປະ​ເທດ​ແລະ​ຫຼາຍ​ແຫ່ງ​ຂອງ​ໂລກ​ເຊິ່ງ​ລວມ​ທັງ​ຢູ່​ອາ​ເມ​ຣິ​ກາ,ຫາກ​ບໍ່​ແມ່ນ​ຫັນ​ບັນ​ຫາ​ການ​ສຳ​ຫຼວດ​ຫາ​ແຫຼ່ງ​ກຳ​ເນີດ​ຂອງ​ເຊື້ອ​ພະ​ຍາດ​ໂຄວິດ-19 ເປັນ​ບັນ​ຫາ​ການ​ເມືອງ​​ຢ່າງ​ດຽວ​ແລະ​ເອົາ​ວຽກ​ງານການ​ສຳ​ຫຼວດ​ຫາ​ແຫຼ່ງ​ກຳ​ເນີດ​ຂອງ​ເຊື້ອ​ພະ​ຍາດ​ໂຄວິດ-19 ເປັນ​ເຄື່ອງ​ມື​​ເພື່ອຖິ້ມ​ໂທດ​ໃສ່​ຜູ້​ອື່ນ.
ການ​ສຳ​ຫຼວດ​ຫາ​ແຫຼ່ງ​ກຳ​ເນີດ​ຂອງ​ເຊື້ອ​ພະ​ຍາດ​ໂຄວິດ-19 ທີ່​ພາກ​ສ່ວນ​ຂ່າວ​ລັບ​ຂອງ​ອາ​ເມ​ຣິ​ກາ​ເປັນ​ແກນ​ນຳຈະ​ເປັນ​ພຽງ​ເລື່ອງ​ຕະ​ຫຼົກ​​ເທົ່າ​ນັ້ນ_fororder_d009b3de9c82d15834d9d912724d10d1bd3e428f

ຄຳ​ເຫັນ

0