尚艳波

ຕາລາງລາຍການ FM93Mhz

ດາວໂຫຼດ App CRI-FM93 ລະບົບ IOS

ດາວໂຫຼດ App CRI-FM93 ລະບົບ Android

FM93

ອາ​ເມ​ຣິ​ກາ​ໄດ້​ນຳ​ເອົາ​ຫຍັງ​ແດ່ມາ​ໃຫ້​ແກ່​ອັ​ຟ​ກາ​​ນີສະ​ຖານ?

2021-09-01 16:39:16 cri

ອາ​ເມ​ຣິ​ກາ​ໄດ້​ນຳ​ເອົາ​ຫຍັງ​ແດ່ມາ​ໃຫ້​ແກ່​ອັ​ຟ​ກາ​​ນີສະ​ຖານ?_fororder_728da9773912b31bf002984070874572dbb4e191

      ວັນ​ທີ 30 ສິງ​ຫາ​ນີ້​ຕາມ​ເວ​ລາ​ທ້ອງ​ຖິ່ນ, ທຳ​ນຽບ​ 5 ແຈ​ຂອງ​ອາ​ເມ​ຣິ​ກາ​ໄດ້​ປະ​ກາດ​ວ່າ: ໄດ້​ຖອນ​ທະ​ຫານອາ​ເມ​ຣິ​ກາ​ອອກ​ຈາກ​​ອັ​ຟ​ກາ​​ນີສະ​ຖານ​ໝົດ​ແລ້ວ. 20 ປີ​ກ່ອນ, ອາ​ເມ​ຣິ​ກາ​ໄດ້​ເຂົ້າ​ຮຸກ​ຮານ​ອັ​ຟ​ກາ​​ນີສະ​ຖານ​ໃນ​ຂໍ້​ອ້າງ​ຕ້ານ​ການ​ກໍ່​ການ​ຮ້າຍ; ຫຼັງ​ຈາກ 20 ປີ, ກອງ​ທັບ​ອາ​ເມ​ຣິ​ກາ​​ຟ້າວ​ໜີ​ອອກ​ຈາກ​ນະ​ຄອນ​ຫຼວງ​ກາ​ບູນ​ຢ່າງ​ກະ​ລົກ​ກະ​ລົນ​ໃນ​ຂໍ້​ອ້າງຈະ​ສິ້ນ​ສຸດ​ສົງ​ຄາມ​ຍາວ​ນານ.

      ຕະ​ຫຼອດ​ໄລ​ຍະ 20 ປີ​ຜ່ານ​ມາ, ກອງ​ທັບ​ອາ​ເມ​ຣິ​ກາ​ບໍ່​ສາ​ມາດ​ພັດ​ທະ​ນາ​ຊີ​ວິດ​ການ​ເປັນ​ຢູ່​ທີ່​ມີ​ຄວາມ​ສະ​ຫງົບ​ສຸກ​ໃຫ້​ແກ່​ປະ​ຊາ​ຊົນ​ອັ​ຟ​ກາ​​ນີສະ​ຖານ. ກົງ​ກັນ​ຂ້າມ, ​ທີ່​ສາຍ​ຕາຊາວ​ໂລກ​​ໄດ້​ເຫັນແມ່ນ​ອັ​ຟ​ກາ​​ນີສະ​ຖານ​ເຕັມ​ໄປ​ດ້ວຍຄວາມ​ຊຸດ​ໂຊມ​ຍ້ອນ​ສົງ​ຄາມ​ແລະ​ໄພ​ພິ​ບັດ​ມະ​ນຸດ​ສະ​ທຳ​ທີ່​ເຮັດ​ໃຫ້​ຄົນ​ຮູ້​ສຶກ​ສະ​ເທືອນ​ໃຈ​ຮອບ​ໜຶ່ງ.
ອາ​ເມ​ຣິ​ກາ​ໄດ້​ນຳ​ເອົາ​ຫຍັງ​ແດ່ມາ​ໃຫ້​ແກ່​ອັ​ຟ​ກາ​​ນີສະ​ຖານ?_fororder_f11f3a292df5e0fe72b75dcd8da3cfa05cdf7298

      ຕາມ​ສະ​ຖິ​ຕິ, ສົງ​ຄາມ​ອັ​ຟ​ກາ​​ນີສະ​ຖານ​ໄດ້​ສົ່ງ​ຜົນ​ເຮັດ​ໃຫ້​ຊາວ​ອັ​ຟ​ກາ​​ນີສະ​ຖານ​ລວມ​ທັງ​ໝົດ 174 ພັນ​ຄົນ​ເຊິ່ງ​ລວມ​ທັງ​ປະ​ຊາ​ຊົນ​ສາ​ມັນ​ທຳ​ມະ​ດາ 3 ໝື່ນກວ່າ​ຄົນ​ເສຍ​ຊີ​ວິດ, ​ມີ​ຜູ້​ບາດ​ເຈັບ​ຫຼາຍກວ່າ 6 ໝື່ນ​ຄົນ, ສົງ​ຄາມ​ອັ​ຟ​ກາ​​ນີສະ​ຖານ​ຍັງ​ໄດ້​ເຮັດ​ໃຫ້​ປະ​ຊາ​ຊົນ​ອັ​ຟ​ກາ​​ນີສະ​ຖານ 2,7 ລ້ານ​ຄົນ​ຈຳ​ເປັນ​ຕ້ອງ​​ອົບ​ພະ​ຍົບ​ໄປ​ຕັ້ງ​ຖິ່ນ​ຖານ​ຢູ່​ຕ່າງ​ປະ​ເທດ, ປະ​ຊາ​ຊົນ 4 ລ້ານ​ຄົນ​ຊັດ​ເຊ​ພະ​ເນ​ຈອນ​ແລະ​ຂາດ​ທີ່​ພັກ​ພາ​ອາ​ໄສ. ກອງ​ທັບ​ອາ​ເມ​ຣິ​ກາ​ໄດ້ຝືນກັບ​ຫຼັກ​ການ​ຈຳ​ແນກ​ເປົ້າ​ໝາຍ​ຫຼາຍ​ເທື່ອ​ໃນ​ການ​ເຄື່ອນ​ໄຫວ​​ທາງການ​ທະ​ຫານ,ໂຈມ​ຕີ​ປະ​ຊາ​ຊົນ​ສາ​ມັນ​ຜູ້​ທີ່​ບໍ່​ມີ​ໂທດ​ກຳ​ຫຍັງ,ສົ່ງ​ຜົນ​ເຮັດ​ໃຫ້​ມີ​ຜູ້​ເສຍ​ຊີ​ວິດ​ແລະ​ເຮັດ​ໃຫ້​ຊັບ​ສິນ​ເສຍ​ຫາຍ​ຢ່າງ​ໜັກ​ໜ່ວງ, ການ​ກະ​ທຳ​ກໍ່​ອາ​ຊະ​ຍາ​ກຳ​​ສົງ​ຄາມ​ຂອງ​ອາ​ເມ​ຣິ​ກາ​ໄດ້​ສົ່ງ​ຜົນ​ເຮັດ​ໃຫ້​ສານ​ອາ​ຍາ​ສາ​ກົນ​ຕ້ອງ​ໄດ້​ສືບ​ສວນ​ໃນ​ປີ 2017.

      ສົງ​ຄາມ​ແລະ​ຄວາມ​ວຸ້ນ​ວາຍ​ປັ່ນ​ປ່ວນ​​ຢ່າງ​ຕໍ່​ເນື່ອງ​ໄດ້​ທຳ​ລາຍ​ໂອ​ກາດ​ການ​ພັດ​ທະ​ນາ​ທີ່​ປອດ​ໃສ​ຂອງ​ສັງ​ຄົມ​ອັ​ຟ​ກາ​​ນີສະ​ຖານ​ຢ່າງ​ໜັກ​ໜ່ວງ. ​​ເຮັດ​ໃຫ້ອັ​ຟ​ກາ​​ນີສະ​ຖານ​ຕົກ​ເຂົ້າ​ສູ່​ສະ​ຖາ​ນະ​ເປັນ​ປະ​ເທດ​ດ້ອຍ​ພັດ​ທະ​ນາ​​ທີ່​ສຸດ​ຂອງ​ໂລກເປັນ​​ເວ​ລາ​ດົນ​ນານ, GDP ສະ​ເລ່ຍ​ຕໍ່​ຫົວ​ຄົນ​ຢູ່​ອັນ​ດັບ​ທີ 213 ຂອງ​ໂລກ,ມີ​ປະ​ຊາ​ຊົນ​ປະ​ມານ 72% ດຳ​ລົງ​ຊີ​ວິດ​ຢູ່​ຕ່ຳ​ກວ່າ​ເສັ້ນ​ຄວາມ​ທຸກ​ຍາກ, ອັດ​ຕາ​ການ​ຫວ່າງ​ງານ​ມີ​ເຖິງ 38%. ​ຮ້າຍ​ແຮງ​ໄປ​ກວ່າ​ນັ້ນ,ຢູ່​ທົ່ວ​ປະ​ເທດ​ອັ​ຟ​ກາ​​ນີສະ​ຖານ​ມີ​ປະ​ຊາ​ກອນ​ເກືອບ 1 ສ່ວນ 3 ​ກາຍ​ເປັນ​ຊາວ​ອົບ​ພະ​ຍົບ. ອາ​ຍຸ​​ຍືນສະ​ເລ່ຍ​ຂອງ​ຊາວ​ອັ​ຟ​ກາ​​ນີສະ​ຖານ​ແມ່ນ 53,25 ປີ, ຢູ່​ອັນ​ດັບທ້າຍ​ສຸດຂອງ​ໂລກ. ພື້ນ​ຖານ​ໂຄງ​ລ່າງ​ຕ່າງໆ​ເຊັ່ນ: ຄົມ​ມະ​ນາ​ຄົມ,ໂທ​ລະ​ຄົມ,ພະ​ລັງ​ງານ​ແລະ​ອື່ນໆ​ເພ​ພັງ​ແລະ​ມີ​ຄວາມ​ຫຼ້າ​ຫຼັງ, ການ​ພັດ​ທະ​ນາ​ເສດ​ຖະ​ກິດ​ແຫ່ງ​ຊາດ​ຕ້ອງ​ອາ​ໄສ​ການ​ຊ່ວຍ​ເຫຼືອ​ຂອງ​ສາ​ກົນ​ແລະ​ເງິນ​ບໍ​ລິ​ຈາກ​ຈາກ​ຕ່າງ​ປະ​ເທດ.
ອາ​ເມ​ຣິ​ກາ​ໄດ້​ນຳ​ເອົາ​ຫຍັງ​ແດ່ມາ​ໃຫ້​ແກ່​ອັ​ຟ​ກາ​​ນີສະ​ຖານ?_fororder_a50f4bfbfbedab648966e3c923f554cb78311eeb

      ສິ່ງ​ທີ່​ໜັກ​ໜ່ວງກວ່າ​ນັ້ນ​ແມ່ນ, ພາຍ​ໃຕ້​ການ “ຍຸ​ແຍ່”ຂອງ​ອາ​ເມ​ຣິ​ກາ, ​ອັ​ຟ​ກາ​​ນີສະ​ຖານໄດ້​ກາຍ​ເປັນ​ປະ​ເທດ​ອັນ​ດັບ​ໜຶ່ງ​ຂອງ​ໂລກ​ໃນ​ການ​ປູກ​​ຝິ່ນ​ແລະການ​ຜະ​ລິດ​ຢາ​ເສບ​ຕິດ,ການ​ຜະ​ລິດ​ຢາ​ຝິ່ນໄດ້​​ກວມ​ເອົາຫຼາຍ

ກວ່າ 85% ຂອງຍອດ​ປະ​ລິ​ມານ​ການ​ຜະ​ລິດ​ຢາ​ຝິ່ນ​ຂອງ​ໂລກ, ການ​ມີ​ຢາ​ເສບ​ຕິດ​ທົ່ວ​ທີບ​ໄດ້​ສະ​ກັດ​ກັ້ນ​ປະ​ຊາ​ຊົນ​ອັ​ຟ​ກາ​​ນີສະ​ຖານ​ໃນ​ການ​ສະ​ແຫວງ​ຫາ​ຮູບ​ແບບ​ການ​ພັດ​ທະ​ນາ​ເສດ​ຖະ​ກິດ​ແບບ​ຍືນ​ຍົງ.
ອາ​ເມ​ຣິ​ກາ​ໄດ້​ນຳ​ເອົາ​ຫຍັງ​ແດ່ມາ​ໃຫ້​ແກ່​ອັ​ຟ​ກາ​​ນີສະ​ຖານ?_fororder_810a19d8bc3eb1355ea1594a5581dbdbfc1f4401

      ກອງ​ທັບ​ອາ​ເມ​ຣິ​ກາ​ປະ​ຈຳ​ການ​ຢູ່​ອັ​ຟ​ກາ​​ນີສະ​ຖານ 20 ປີ, ຈຳ​ນວນ​ອົງ​ການ​ກໍ່​ການ​ຮ້າຍ​ພາຍ​ໃນ​ແດນ​ອັ​ຟ​ກາ​​ນີສະ​ຖານ​ບໍ່​ໄດ້​ຫຼຸດ​ລົງ​ມີ​ແຕ່​ໄດ້​ເພີ່ມ​ຂຶ້ນ, ຈາກ​ຕົວ​ເລກ​​ມີ​ພຽງ​ແຕ່​ອົງ​ກອນ​ດຽວ​ໄດ້ເພີ່ມ​ຂຶ້ນ​ເປັນ 20 ກວ່າ​​ອົງ​ກອນ, ເຮັດ​ໃຫ້​ສົງ​ຄາມ​ຕ້ານ​ການ​ກໍ່​ການ​ຮ້າຍ​ຂອງ​ອາ​ເມ​ຣິ​ກາ​ຕົກ​ເຂົ້າ​ສູ່​ສະ​ພາບ​ຍິ່ງ​ປາບ​ປາມ​ຮ້າຍ​ແຮງ​ກໍ່​ຍິ່ງ​ເພີ່ມ​ຂຶ້ນ​ຫຼາຍ​ຂຶ້ນກວ່າ​ເກົ່າ.

      ສ່ວນ​ອາ​ເມ​ຣິ​ກາ​ເອງ,ໄດ້​ໃຊ້​ງົບ​ປະ​ມານ 2 ພັນ​ຕື້​ໂດ​ລາ​ສະ​ຫະ​ລັດ​ເພື່ອ​ສົງ​ຄາມ​ຕ້ານ​ການ​ກໍ່​ການ​ຮ້າຍ​ຮອບ​ນີ້. ອາ​ເມ​ຣິ​ກາ​ຫວັງ​ຢາກ ​ໃຊ້ “​ປະ​ຊາ​ທິ​ປະ​ໄຕ​​ແບບຕາ​ເວັນ​ຕົກ” ​ນຳ​ໃຊ້​ຢູ່​ໃນ​ສັງ​ຄົມ​ອັ​ຟ​ກາ​​ນີສະ​ຖານ​​​ແບບບັງ​ຄັບ,ແຕ່​ບໍ່​ໄດ້​ສົນ​ໃຈ​ນຳ​ລັກ​ສະ​ນະ​ພິ​ເສດ​ຂອງ​ຊົນ​ເຜົ່າ​ແລະ​ກົກ​ເຫຼົ່າ​ຂອງ​ອັ​ຟ​ກາ​ນີ​ສະ​ຖານ, ເຮັດ​ໃຫ້​ສັງ​ຄົມ​ການ​ເມືອງ​ຂອງ​ອັ​ຟ​ກາ​​ນີສະ​ຖານ​ມີ​ຄວາມ​ແຕກ​ແຍກ​ຕື່ມ​ອີກ,ສະ​ພາບ​ແຫ່ງ​ຊາດ​ບໍ່​ມີ​ຄວາມ​ໝັ້ນ​ຄົງ. ແຕ່​​ການ​ໃຊ້​ງົບປະ​ມານ​ມື້​ລະ 300 ລ້ານ​ໂດ​ລາ​ສະ​ຫະ​ລັດ​ໂດຍ​ສະ​ເລ່ຍໄດ້​ເຮັດ​ໃຫ້​ອັ​ຟ​ກາ​​ນີສະ​ຖານ​ຕົກ​ເຂົ້າ​ສູ່​ສະ​ພາບ​ທີ່​ມີຄວາມ​ແຕກ​ແຍກ​​ໜັກ​ໜ່ວງແລະ​ມີ​ຄວາມ​ທຸກ​ຍາກ​ຫຼາຍກວ່າ 20 ປີ​ກ່ອນ.
ອາ​ເມ​ຣິ​ກາ​ໄດ້​ນຳ​ເອົາ​ຫຍັງ​ແດ່ມາ​ໃຫ້​ແກ່​ອັ​ຟ​ກາ​​ນີສະ​ຖານ?_fororder_c75c10385343fbf2aca0eab061bd318867388fe5

      ລັດ​ທິ​ແຊກ​ແຊງ​ໄດ້​ປະ​ລາ​ໄຊ​ລົງ​ຢູ່​ອັ​ຟ​ກາ​​ນີສະ​ຖານ​ບໍ່​ແມ່ນ​ເທື່ອ​ທຳ​ອິດ,​ແລະກໍ່​ຈະ​ບໍ່​ແມ່ນ​ເທື່ອ​ສຸດ​ທ້າຍ. ອາ​ເມ​ຣິ​ກາ​ແຊກ​ແຊງວຽກ​ງານ​ພາຍ​ໃນ​ຂອງ​ປະ​ເທດ​ອື່ນ​ໄດ້​ສະ​ແດງ​ໃຫ້​ເຫັນ​ເຖິງ​ເຈດ​ຕະ​ນາ​ແລະ​​ທາດ​ແທ້​ຈອມ​ປອມ​ຂອງ​ຕົນ​ໃນ​ການ​ແຜ່​ຂະ​ຫຍາຍ​ລັດ​ທິ​ເຈົ້າ​ອຳ​ນາດ. ທີ່​ຈິງ​ແລ້ວ, ​ການ​ເຮັດ​ສົງ​ຄາມ​ຂອງ​ອາ​ເມ​ຣິ​ກາ​ຈາກຫວຽດ​ນາມ,ຮອດ​ຊີ​ຣີ​ແລະ​​ອັ​ຟ​ກາ​​ນີສະ​ຖານ, ​ອາ​ເມ​ຣິ​ກາ​ກໍ່​ສົງ​ຄາມຈົນສຸດ​ຄວາມ​ສາ​ມາດ​ຂອງ​ຕົນ​​ຊ້ຳ​ແລ້ວ​ຊ້ຳ​ອີກ​ແຕ່​ກໍ່​ເປັນ​ພຽງການ​ຢັ້ງ​ຢືນ​ໃຫ້​ເຫັນ​ວ່າ: ກຳ​ລັ​ງ​ປະ​ກອບ​ອາ​ວຸດ​ບໍ່​ສາ​ມາດ​ແກ້​ໄຂ​ບັນ​ຫາ,ຫາກ​ຈະ​ກາຍ​ເປັນ “ຜູ້​ກໍ່​ຄວາມ​ວຸ້ນ​ວາຍ”,ເຮັດ​ໃຫ້​​ເກີດ​ມີ​ວິ​ກິດ​ການ​ສິດ​ທິ​ມະ​ນຸດ​ໃນ ໂລກ​ອີກ​ແລ້ວ​ອີກ​ຕື່ມ. ໃນ​ໂລກ​​ປັດ​ຈຸ​ບັນ, ​ກໍ​ລະ​ນີ​ທີ່ປະ​ເທດ​ໜຶ່ງ​ມີ​ຄວາມ​ສາ​ມາດ​ແລະ​ມີ​ກຳ​ລັງ​ໃນ​ການ​ຕັດ​ສິນ​ຊາ​ຕາ​ກຳ​ແລະ​ອະ​ນາ​ຄົດ​ຂອງ​​ອີກປະ​ເທດ​​ໜຶ່ງ​ພວມ​ມີ​ທ່າ​ອ່ຽງ​ຊຸດ​ໂຊມ​ລົງ​ໄປ​ເລື້ອຍໆ.

      ສ່ວນ​ປະ​ເທດ​ທີ່​ຖືເອົາ​ຈີນ​ເປັນ​ຕົວ​ແທນ​ແລະ​ເດັດ​ດ່ຽວ​ຍຶດ​ໝັ້ນ​ໃນ​ຫຼັກ​ການ​ບໍ່​ແຊກ​ແຊງ​ປະ​ເທດ​ອື່ນ​ນັ້ນ,ໄດ້​ມີ​ຈຸດ​ຢືນ​ມາ​ໂດຍ​ຕະ​ຫຼອດ​ວ່າ: ຄວນ​ແກ້​ໄຂ​ບັນ​ຫາ​ໂດຍ​ຜ່ານ​ການ​ໄກ່​ເກ່ຍ​ທາງ​ການ​ເມືອງ,ການ​ຊ່ວຍ​ເຫຼືອ​ທາງ​ເສດ​ຖະ​ກິດ,

ການ​ສ້າງ​ສາ​ສັງ​ຄົມ​ແລະ​ການ​ຕິດ​ຕໍ່​ພົວ​ພັນ​ທາງ​ດ້ານ​ວັດ​ທະ​ນະ​ທຳ​ທີ່​ຕັ້ງ​ໜ້າ​ແລະ​ມີ​ປະ​ສິດ​ທິ​ຜົນ, ການ​​ສ້າງ​ສັນ​ຕິ​ພາບ​ແລະ​ສະ​ຖຽນ​ລະ​ພາບ​ຂອງ​ພາກ​ພື້ນ​​ໃຫ້​ເພີ່ມ​ຂຶ້ນຢ່າງ​ບໍ່​ຢຸດ​ຢັ້ງ​ແລະ​ການ​ປະ​ກອບ​ສ່ວນ​ອັນ​ພົ້ນ​ເດັ່ນ​ເພື່ອ​ຄວາມ​ຄືບ​ໜ້າ​ດ້ານ​ວຽກ​ງາ​ນ​ສິດ​ທິ​ມະ​ນຸດ​ໃນ​ສາ​ກົນ​ພວມ​ໄດ້​ຮັບ​ການ​ສະ​ໜັບ​ສະ​ໜູນ​ຈາກ​​ປະ​ເທດ​ຕ່າງໆໃນ​ໂລກ​ນັບ​ມື້​ນັບ​ຫຼາຍ​ຂຶ້ນກວ່າ​ເກົ່າ.

ຄຳ​ເຫັນ

0