ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 1 ກັນຍານີ້, ທ່ານສີຈິ້ນຜິງກ່າວວ່າ, ການຍຶດໝັ້ນໃນຫຼັກການແມ່ນຄຸນສົມບັດທີ່ສຳຄັນຂອງຊາວພັກກອມມູນິດ, ບໍ່ໃຫ້ມີຄວາມຄຸມເຄືອ ແລະ ບໍ່ໃຫ້ມີການຜ່ອນສັ້ນຜ່ອນຍາວຢ່າງເດັດຂາດໃນບັນຫາດ້ານຫຼັກການ, ຖ້າບໍ່ດັ່ງນັ້ນກໍເປັນການກະທຳທີ່ບໍ່ຮັບຜິດຊອບຕໍ່ພັກ ແລະ ປະຊາຊົນ, ຈົນເຖິງຂັ້ນມີການກະທຳຜິດກົດໝາຍ. ພະນັກງານຂອງພັກຕ້ອງຍຶດໝັ້ນໃນຈິດໃຈປະຕິບັດໜ້າທີ່ຕາມຫຼັກການລວມ, ຕ້ອງເນັ້ນໃນຫຼັກການ ບໍ່ຄວນໄວ້ໜ້າໄວ້ຕາ, ຕ້ອງເນັ້ນສະຕິພັກ ແຕ່ບໍ່ກະທຳຜິດໃນລັກສະນະທີ່ມີສາຍພົວພັນສ່ວນຕົວ.
ທ່ານສີຈິ້ນຜິງກ່າວເນັ້ນວ່າ, ປະຈຸບັນນີ້, ສະພາບການຂອງໂລກມີການປ່ຽນແປງແບບບໍ່ເຄີຍມີມາກ່ອນໃນຮອບຮ້ອຍປີຜ່ານມາທັງການປ່ຽນແປງມີທ່າອ່ຽງເພີ່ມຂຶ້ນໄວ, ການຟື້ນຟູຄວາມຈະເລີນຮຸ່ງເຮືອງອັນຍິ່ງໃຫຍ່ຂອງປະຊາຊາດຈີນໄດ້ເຂົ້າສູ່ໄລຍະທີ່ສຳຄັນ, ພວກເຮົາໄດ້ປະເຊີນກັບຄວາມສ່ຽງ ແລະ ສິ່ງທ້າທາຍເພີ່ມຂຶ້ນທີ່ເຫັນໄດ້ຢ່າງຈະແຈ້ງ, ຕ້ອງປະຖິ້ມຄວາມເພີ້ຝັນ, ກ້າຕໍ່ສູ້, ບໍ່ຜ່ອນສັ້ນຜ່ອນຍາວແມ່ນແຕ່ໜ້ອຍດຽວໃນບັນຫາດ້ານຫຼັກການ, ໃຊ້ມານະຈິດ ແລະ ຄຸນສົມບັດແບບບໍ່ເຄີຍມີມາກ່ອນເພື່ອປົກປັກຮັກສາຜົນປະໂຫຍດດ້ານອະທິປະໄຕ ຄວາມໝັ້ນຄົງ ແລະ ການພັດທະນາແຫ່ງຊາດ
ຄຳເຫັນ
0