ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ໃນເວລາກ່າວຄຳປາໄສໃນພິທີເປີດຊຸດຝຶກອົບຮົມພະນັກງານໜຸ່ມແລະໄວກາງຄົນຂອງໂຮງຮຽນທິດສະດີພັກກອມມູນິດຈີນຂັ້ນສູນກາງຫຼືສະຖາບັນການປົກຄອງແຫ່ງຊາດໃນ ວັນທີ 1 ກັນຍານີ້, ທ່ານສີຈິ້ນຜິງ ເລຂາທິການໃຫຍ່ຄະນະກຳມະການສູນກາງພັກກອມມູນິດຈີນໄດ້ກ່າວເນັ້ນວ່າ: ພະນັກງານໜຸ່ມຂອງພັກກອມມູນິດຈີນຕ້ອງຍຶດໝັ້ນໃນການສະແຫວງຫາສັດຈະທຳຈາກຄວາມເປັນຈິງ, ຍຶດໝັ້ນໃນການລົງຮາກຖານເພື່ອຮັບຟັງຄວາມຈິງ,ສຳຫຼວດກວດກາສະພາບຄວາມເປັນຈິງ, ຄົ້ນຄວ້າບັນຫາຢ່າງແທ້ຈິງ,ແລະຄົ້ນຄວ້າບັນຫາທີ່ແທ້ຈິງ, ຕ້ອງຮູ້ວິທີຄົ້ນຄິດບັນຫາຢ່າງເປັນອິດສະຫຼະ, ຍຶດໝັ້ນໃນຫຼັກການຕິດແທດຕົວຈິງ.
ໃນຂະນະດຽວກັນ, ທ່ານສີຈິ້ນຜິງຍັງກ່າວເນັ້ນວ່າ: ສະມາຊິກພັກ-ພະນັກງານຕ້ອງມີຄວາມຮັບຜິດຊອບແລະເຮັດແທ້ທຳຈິງ, ແຕ່ບໍ່ແມ່ນເປັນເຈົ້ານາຍທີ່ສະເຫວີຍສຸກ. ຂໍພຽງແຕ່ສິ່ງທີ່ມີຜົນດີຕໍ່ພັກແລະປະຊາຊົນກໍຕ້ອງເຮັດຢ່າງກ້າຫານແລະເດັດດ່ຽວ.
ຄຳເຫັນ
0