尚艳波

ຕາລາງລາຍການ FM93Mhz

ດາວໂຫຼດ App CRI-FM93 ລະບົບ IOS

ດາວໂຫຼດ App CRI-FM93 ລະບົບ Android

FM93

ເປັນ​ຫຍັງ ສ.ເກົາ​ຫຼີ ຈຶ່ງຍື່ນ​ຄຳ​ຮ້ອງ​ຟ້ອງ​ຟອດ​ເດ​ຕ​ຣິກຂອງ​ອາ​ເມ​ຣິ​ກາ​ຕໍ່​ສານ

2021-09-07 17:44:51 cri

ເປັນ​ຫຍັງ ສ.ເກົາ​ຫຼີ ຈຶ່ງຍື່ນ​ຄຳ​ຮ້ອງ​ຟ້ອງ​ຟອດ​ເດ​ຕ​ຣິກຂອງ​ອາ​ເມ​ຣິ​ກາ​ຕໍ່​ສານ_fororder_下载

      ຫວ່າງ​ມໍ່ໆ​ມາ​ນີ້, ສະ​ມາ​ຄົມ​ວັດ​ທະ​ນະ​ທຳ​ແລະ​ການ​ສຶກ​ສາ​ເພື່ອຄວາມ​ປອດ​ໄພ​​ຈາກ​ອັກ​ຄີ​ໄພ​ຂອງ ສ.ເກົ​າ​ຫຼີ ໄດ້​ຍື່ນ​ຄຳ​ຮ້ອງ​ຟ້ອງ​ສູນ​ທົດ​ລອງ​ຊີ​ວະ​ພາບຟ​ອດ​ເດ​ຕ​ຣິກ​ຂອງກອງ​ທັບ​ອາ​ເມ​ຣິ​ກາ​ແລະ​ທ່ານ ປາວ ລາ​ຄາ​ເມ​ຣາ ຜູ້​ບັນ​ຊາ​ການກອງ​ທັບ​ອາ​ເມ​ຣິ​ກາ​ປະ​ຈຳ ສ.ເກົາ​ຫຼີ ຕໍ່​ສານ​ທ້ອງ​ຖິ່ນ​ຂອງນະ​ຄອນ​​ປູ​ຊານ​ໃນ​ຂໍ້​ຫາ​ທີ່​ສູນ​ທົດ​ລອງ​ຊີ​ວະ​ເຄ​ມີ​ຂອງກອງ​ທັບ​ອາ​ເມ​ຣິ​ກາ​ປະ​ຈຳ ສ.ເກົາ​ຫຼີ ໄດ້​ດຳ​ເນີນ​ການ​ເຄື່ອນ​ໄຫວ​ລະ​ເມີດ​ກົດ​ໝາຍ.
 

      ເດືອນ​ຕຸ​ລາ​ປີ 1953, ອາ​ເມ​ຣິ​ກາ​ແລະ​ສ.ເກົາ​ຫຼີ​ໄດ້​ເຊັນສົນ​ທິ​ສັນ​ຍາ​ວ່າ​ດ້ວຍ​ການ​ປ້ອງ​ກັນ​ປະ​ເທດ​ຮ່ວມ​ອາ​ເມ​ຣິ​ກາ-ສ.ເກົາ​ຫຼີ, ສອງ​ປະ​ເທດ​ໄດ້​​ຮັບ​ຮອງ​ສາຍ​ພົວ​ພັນ​ສອງ​ຝ່າຍ​ໃນ​ຖາ​ນະ​ປະ​ເທດ​ພັນ​ທະ​ມິດ​ຢ່າງ​ເປັນ​ທາງ​ກາ​ນ, ​ຫຼັງຈາກ​ນັ້ນ​ໃນ​ຫຼາຍ​ສິບ​ປີທີ່​​ຜ່ານ​ມາ, ອາ​ເມ​ຣິ​ກາ​ໄດ້​ເປັນ​ຜູ້​ປົກ​ປ້ອງ​ ສ.ເກົາ​ຫຼີ ມາ​ໂດຍ​ຕະ​ຫຼອດ, ການ​ພົວ​ພັນ​ລະ​ຫວ່າງ​ສອງ​ຝ່າຍ​ມີ​ຄວາມ​ແໜ້ນ​ແຟ້ນ​ຫຼາຍ. ສະ​ນັ້ນ, ສ.ເກົາ​ຫຼີ ຄວນ​ຟັງ​ຄວາມ​ອາ​ເມ​ຣິ​ກາ,ແຕ່​ເປັນ​ຫຍັງ​ຈຶ່ງ​ເກີດ​ມີ​ເລື່ອງ​ ສ.ເກົາ​ຫຼີ​ຟ້ອງ​ອາ​ເມ​ຣິ​ກາ?
 

      ປີ 2015, “ໜັງ​ສື​ພິມ​ຊົນ​ຊາດ​ລາຍ​ວັນ​”ຂອງ ສ.ເກົາ​ຫຼີ ແລະ​ສື່ມວນ​ຊົນ​ອື່ນໆ​ໄດ້​ລາຍ​ງານ​ຂ່າວກ່ຽວ​ກັບ​ອົງ​ກາ​ນ​ຄົ້ນ​ຄວ້າ​​ທາງການ​ທະ​ຫານ​ແຫ່ງ​ໜຶ່ງ​ຢູ່​ລັດ​ຍູ​ທາ​ຂອງ​ອາ​ເມ​ຣິ​ກາ​ໄດ້​ສົ່ງ​ຕົວ​ຢ່າງ​ເຊື້ອ​ໄວ​ຣັດ​ອັນ​ທ​ຣາ​ຊິ​ສ​ແບບ​ເປັນໆໄປ​ຖານ​ທັບ​ອາ​ກາດ​ໂອ​ຊານທີ່ ສ.ເກົາ​ຫຼີ ດ້ວຍ​ຮູບ​ແບບ​ພັດ​ສະ​ດຸ​ໄປ​ສະ​ນີ​ທຳ​ມະ​ດາ. ຫຼັງ​ຈາກ​ນັ້ນ, ກອງ​ທັບ​ອາ​ເມ​ຣິ​ກາ​ໄດ້​ດຳ​ເນີນ​ແຜນ​ການ​ຄົ້ນ​ຄວ້າ​ອາ​ວຸດ​ຊີ​ວະ​ເຄ​ມີ​​ຢ່າງ​​ລັບ​​ລັບຢູ່ ສ.ເກົາ​ຫຼີ ແຕ່​ເດືອນ​ມິ​ຖຸ​ນາ​ປີ 2013 ເປັ​ນ​ຕົ້ນ​ມາຕາມ “ແຜນ​ການ​ຈູ​ປີ​ເຕີ(Jupiter)”​ຈຶ່ງ​ປະ​ກົດ​ຂຶ້ນຢ່າງ​ເປັນ​ທາງ​ການ. ຜູ້​ຊ່ຽວ​ຊານ​ດ້ານ​ການ​ທະ​ຫານ​ຂອງ ສ.ເກົາ​ຫຼີ ກ່າວ​ວ່າ: ກອງ​ທັບ​ອາ​ເມ​ຣິ​ກາ​ໄດ້​ດຳ​ເນີນ​ການ​ທົດ​ລອງ​ເຊື້ອ​ໄວ​ຣັດ​ອັນ​ທ​ຣາ​ຊິ​ສ​ຢູ່​ຖານ​ທັບອາ​ເມ​ຣິ​ກາ​ປະ​ຈຳ ສ.ເກົາ​ຫຼີ​ແຕ່​ເດືອນ​ກັນ​ຍາ​ປີ 1998 ເປັນ​ຕົ້ນ​ມາ, ນອກ​ຈາກ​ນີ້ແລ້ວ, ຖານ​ທັບ​ຂອງອາ​ເມ​ຣິ​ກາ​ປະ​ຈຳ ສ.ເກົາ​ຫຼີ ຍັງ​ໄດ້​ດຳ​ເນີນ​ການ​ທົດ​ລອງ​ເຊື້ອ​ພະ​ຍາດ​ອີກ​ຊະ​ນິດ​ໜຶ່ງ ເຊິ່ງ​ມີ​ພິດຮ້າຍແຮງກວ່າ​ເຊື້ອ​ໄວ​ຣັດ​ອັ​ນ​ທ​ຣາຊິ​ສ 1 ແສນ​ເທົ່າ. ແຕ່​ປີ 2009 ຫາ​ປີ 2015, ກອງ​ທັບ​ອາ​ເມ​ຣິ​ກາ​ໄດ້​ສົ່ງ​ເຊື້ອ​ໄວ​ຣັດ​ອັ​ນ​ທ​ຣາຊິ​ສ​ໄປ​ຖານ​ທັບ​ຕົນ​ປະ​ຈຳ​ຢູ່ ສ.ເກົາ​ຫຼີ 15 ເທື່ອ,ແລະ​ໄດ້​ດຳ​ເນີນ​ການ​ທົດ​ລອງ 16 ເທື່ອ.
ເປັນ​ຫຍັງ ສ.ເກົາ​ຫຼີ ຈຶ່ງຍື່ນ​ຄຳ​ຮ້ອງ​ຟ້ອງ​ຟອດ​ເດ​ຕ​ຣິກຂອງ​ອາ​ເມ​ຣິ​ກາ​ຕໍ່​ສານ_fororder_下载 (2)

      ຫຼັງ​ຈາກ​ແຜນ​ການ Jupiter ​ໄດ້​ຖືກເປີດ​ເຜີຍ​ແລ້ວ,​ແຜນ​ປະ​ຕິ​ບັດ​ງານ​ທີ່ກອງ​ທັບ​ອາ​ເມ​ຣິ​ກາ​ສົ່ງ​ວັດ​ຖຸ​ຊີ​ວະ​ເຄ​ມີ​ເຂົ້າ​ໄປ​ໃນ​ແດນ ສ.ເກົາ​ຫຼີ​ຍັງ​ສືບ​ຕໍ່​ດຳ​ເນີນ​ຢູ່,ພະ​ແນກ​ຄຸ້ມ​ຄອງ​ເຊື້ອ​ພະ​ຍາດ​ຂອງ ສ.ເກົາ​ຫຼີ ໄດ້​ຍື່ນ​ຂໍ້​ມູນ​ເອ​ກະ​ສານ​ໄປ​ຍັງ​ສະ​ມາ​ຊິກ​​ລັດ​ຖະສະ​ພາໂດຍ​​ຊີ້ໃຫ້​ເຫັນ​ວ່າ: ​ໃນ​ໄລ​ຍະ​ແຕ່​ປີ 2017 ຫາ​ປີ 2019, ​ແຕ່​ລະ​ປີ, ກອງ​ທັບ​ອາ​ເມ​ຣິ​ກາ​ປະ​ຈຳ ສ.ເກົາ​ຫຼີ ລ້ວນ​ແຕ່​ໄດ້​ສົ່ງ​ຕົວ​​ຢ່າງ​ເຊື້ອ​ພະ​ຍາດ​ເພື່ອ​ທົດ​ລອງ​ອາ​ວຸດ​​ຊີ​ວະເຄ​ມີ​ໄປ​ຖານ​ທັບ​ຂອງ​ຕົນ​ປະ​ຈຳ ສ.ເກົາ​ຫຼີ. ​ສ່ວນເຊື້ອ​ພະ​ຍາດທີ່​ມີ​ຄວາມ​ສ່ຽງ​ຕໍ່​ຊີ​ວິດ​ເຫຼົ່າ​ນີ້​​ກໍ່​ແມ່ນມາ​ຈາກ​ຖານ​ຟອດ​ເດ​ຕ​ຣິກ.
 

      ກອງ​ທັບ​ອາ​ເມ​ຣິ​ກາ​ບໍ່ໄດ້​ເອົາ​ຫົວ​ຊາ​ນຳ​​ສຽງ​ຄັດ​ຄ້ານ​ຈາກ ສ.ເກົາ​ຫຼີ, ​ຍັງ​ສືບ​ຕໍ່ດຳ​ເນີນ​ການ​ທົດ​ລອງ​ຊີ​ວະ​ເຄ​ມີ​ຕໍ່​ໄປ ເຊິ່ງ​ໄດ້​ເຮັດ​ໃຫ້​ປະ​ຊາ​ຊົນ ສ.ເກົາ​ຫຼີ ມີ​ຄວາມ​ບໍ່​ພໍ​ໃຈ​ແລະ​ຄຽດ​ຊັງ​ຢ່າງ​ຮຸນ​ແຮງ, ເມື່ອ​ຄວາມ​ຮຽກ​ຮ້ອງ​ຕ້ອງ​ການ​ຂອງ​ປະ​ຊາ​ຊົນ ສ.ເກົາ​ຫຼີ ທີ່​ຮຽກ​ຮ້ອງ​ໃຫ້​ກອງ​ທັບ​ອາ​ເມ​ຣິ​ກາ​ປິດ​ສູນທົດ​ລອງ​ຊີ​ວະ​ເຄ​ມີ​ນັ້ນ​ບໍ່​ໄດ້​ຮັບ​ການ​ຕອບ​ສະ​ໜອງຈຶ່ງ​ເກີດ​ມີ​ກໍ​ລະ​ນີທີ່​ປະ​ຊາ​ຊົນ ສ.ເກົ​າ​ຫຼີ ​ຍື່ນ​ຄຳຮ້ອງ​ຟ້ອງ​ອາ​ເມ​ຣິ​ກາ​ຕໍ່​ສານ.
ເປັນ​ຫຍັງ ສ.ເກົາ​ຫຼີ ຈຶ່ງຍື່ນ​ຄຳ​ຮ້ອງ​ຟ້ອງ​ຟອດ​ເດ​ຕ​ຣິກຂອງ​ອາ​ເມ​ຣິ​ກາ​ຕໍ່​ສານ_fororder_下载 (1)

      ສ່ວນ​ຖານ​​ຟອດ​ເດ​ຕ​ຣິກ​ທີ່​ຖືກ​ກ່າວ​ຟ້ອງນັ້ນ​ກໍ​​ມີ​ຈຸດ​ທີ່​ໜ້າ​ສົງ​ໄສຕ່າງໆ​ໃນ​ສາຍ​ຕາ​ຂອງ​ຊາວ​ໂລກ,ໃນ​ໄລ​ຍະ​ມໍ່ໆ​ມາ​ນີ້​ກໍ​ໄດ້​ຮັບ​ຄວາມ​ສົນ​ໃຈ​ຈາກ​ບັນ​ດາ​ປະ​ເທດ​ໃນ​ໂລກ. ໃນ​ໄລ​ຍະ​ທີ​ສອງ​ຂອງ​ການ​ສຳ​ຫຼວດ​ຫາ​ແຫຼ່ງ​ກຳ​ເນີດ​ຂອງ​ເຊື້ອ​ພະ​ຍາດ​ໂຄວິດ-19, ຢູ່​ຈີນ​ມີ​ປະ​ຊາ​ຊົນ​ຫຼາຍກວ່າ 25 ລ້ານ​ຄົນ​ໄດ້​ລົງ​ລາຍ​ເຊັນ​ຮ່ວມ​ໂດຍ​ຮຽກ​ຮ້ອງ​ໃຫ້​ອົງ​ການ​ອະ​ນາ​ໄມ​ໂລກ​ດຳ​ເນີນ​ການ​​ສືບ​ສວນ​ແລະ​ສຳ​ຫຼວດ​ຖານ​ຟອດ​ເດ​ຕ​ຣິກ, ແຕ່​ເບິ່ງ​ຄື​ວ່າ​ອົງ​ການ​ອະ​ນາ​ໄມ​ໂລກ​ໄດ້​ຖືກ​ກັດ​ດັນ​ຈາກ​ກຳ​ລັງ​ມືດ​ໃດ​ໜຶ່ງ​ຈຶ່ງ​ບໍ່​ຕອບ​ສະ​ໜອງ​ຕາມ​ຄຳ​​ຮຽກ​ຮ້ອງ​ຂອງ​ປະ​ຊາ​ຊົນ​ຈີນ,ການ​ກະ​ທຳ​ນີ້​ຄ້າຍ​ຄື​ກັນ​ກັບ​ການ​ກະ​ທຳ​​ທີ່ສູນທົດ​ລອງ​ຊີ​ວະ​ພາບ​ຂອງຖານ​ທັບອາ​ເມ​ຣິ​ກາ​ປະ​ຈຳ ສ.ເກົາ​ຫຼີ ​ຍັງ​ສືບ​ຕໍ່ດຳ​ເນີນ​ການ​ທົດ​ລອງ​ຊີ​ວະ​ເຄ​ມີ​ຕາມ​ລຳ​ພັ​ງ​ໃຈ​ໂດຍ​ບໍ່​ສົນ​ໃຈ​ນຳ​ສຽງ​ຮຽກ​ຮ້ອງ​ຂອງ​ປະ​ຊາ​ຊົນ.
 

      ຈົນ​ມາ​ຮອດ​ປັດ​ຈຸ​ບັນ​ນີ້, ອາ​ເມ​ຣິ​ກາ​ຍັງ​ບໍ່​ໄດ້​ຢຸດ​ຕິ​ການ​ສ້າງ​ສູນທົດ​ລອງ​ຊີ​ວະ​ພາບ​ແຫ່ງ​ໃໝ່​ຢູ່​ຄື​ເກົ່າ, ການ​ຄົ້ນ​ຄວ້າ​ເຊື້ອ​ພະ​ຍາດ​ຢູ່​ໃນ​​ສູນ​ທົດ​ລອງ​ຍັງ​ພວມ​ດຳ​ເນີນ​ຢູ່​​ແບບ​ລີ້​ລັບ.  ແຕ່​ໂທດ​ກຳ​ແລະຄວາມ​ຮັບ​ຜິດ​ຊອບຕໍ່​ການ​ກະ​ທຳ​ຜິດ​ຂອງ​ອາ​ເມ​ຣິ​ກາ​ຍ່ອມ​ຈະ​ຖືກ​ໄຕ່​ສວນ​ໃນ​ທີ່​ສຸດ.

ຄຳ​ເຫັນ

0