ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ໂດຍແນໃສ່ຖ້ອຍຄວາມຂອງນັກການເມືອງປະເທດຕາເວັນຕົກທີ່ໃສ່ຮ້າຍປ້າຍສີການບັງຄັບໃຊ້ກົດໝາຍຂອງຝ່າຍຕຳຫຼວດຮົງກົງ, ທ່ານຈ້າວລີ້ຈ່ຽນ ໂຄສົກກະຊວງການຕ່າງປະເທດຈີນໄດ້ສະແດງຄວາມບໍ່ພໍໃຈຢ່າງແຮງແລະຄັດຄ້ານເລື່ອງນີ້ຢ່າງເດັດຂາດໃນກອງປະຊຸມຖະແຫຼງຂ່າວທີ່ຈັດຂຶ້ນໃນວັນທີ9ກັນຍານີ້.
ຕາມຂ່າວແຈ້ງວ່າ,ນັກການເມືອງຂອງອາເມຣິກາແລະອັງກິດໄດ້ເວົ້າໂລເລໃນກໍລະນີທີ່ຝ່າຍຕຳຫຼວດຮົງກົງຈັບຕົວສະມາຊິກຂອງ“ສະຫະພັນຊາວຮົງກົງສະໜັບສະໜູນຂະບວນການປະຊາທິປະໄຕຮັກຊາດ”ຕາມກົດໝາຍ ແລະກົດໝາຍວ່າດ້ວຍການປ້ອງກັນຄວາມສະຫງົບແຫ່ງຊາດຢູ່ຮົງກົງ.
ກ່ຽວກັບເລື່ອງນີ້ ທ່ານຈ້າວລີ້ຈ່ຽນໄດ້ຕອບຄຳຖາມຂອງນັກຂ່າວວ່າ: ຝ່າຍຕຳຫຼວດຮົງກົງຈັບຕົວສະມາຊິກຕົ້ນຕໍຫຼາຍຄົນຂອງ“ສະຫະພັນຊາວຮົງກົງສະໜັບສະໜູນຂະບວນການປະຊາທິປະໄຕຮັກຊາດ”ທີ່ເປັນອົງການຕໍ່ຕ້ານຈີນແລະສ້າງຄວາມວຸ້ນວາຍໃຫ້ກັບຮົງກົງຕາມກົດໝາຍ,ແມ່ນອີງຕາມຫຼັກຖານຈິງ,ບຸກຄົນໃດໆທີ່ລະເມີດກົດໝາຍວ່າດ້ວຍການປ້ອງກັນຄວາມສະຫງົບແຫ່ງຊາດຢູ່ຮົງກົງແລະກົດໝາຍອື່ນໆຂອງຮົງກົງ ລ້ວນແຕ່ຈະຖືກລົງໂທດຕາມກົດໝາຍຢ່າງແນ່ນອນ. ນັບແຕ່ກົດໝາຍວ່າດ້ວຍການປ້ອງກັນຄວາມສະຫງົບແຫ່ງຊາດຢູ່ຮົງກົງເລີ່ມມີຜົນບັງຄັບໃຊ້ເປັນຕົ້ນມາ,ຄວາມສະຫງົບແຫ່ງຊາດໄດ້ຮັບການປົກປ້ອງ,ສັງຄົມຮົງກົງໄດ້ກັບຄືນເຂົ້າສູ່ສະພາບປົກກະຕິ.ການກະທຳໃດໆທີ່ໃສ່ຮ້າຍປ້າຍສີກົດໝາຍດັ່ງກ່າວຈະບໍ່ສາມາດປ່ຽນແປງຄວາມເປັນຈິງດັ່ງກ່າວນີ້ໄດ້,ທັງບໍ່ສາມາດສະກັດກັ້ນທ່ວງທ່າລວມທີ່ຮົງກົງພົ້ນຈາກສະພາບຄວາມວຸ້ນວາຍສູ່ຄວາມສະຫງົບ ແລະຈາກຄວາມສະຫງົບພັດທະນາໄປສູ່ຄວາມຈະເລີນຮຸ່ງເຮືອງ.
ຄຳເຫັນ
0