ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຍາມນ້ອຍ ປູ່ບອກໃຫ້ຮູ້ວ່າ: ຢູ່ໃນແມ່ນ້ຳທີ່ຢູ່ຕໍ່ໜ້າເຮືອນ ມີປູ, ປາດຸກ, ເປັດປ່າ, ບາງທີກໍ່ມີເຕົ່າໂຕໃຫຍ່ສ່ຳກັບອ່າງລ້າງໜ້າ. ໝູ່ໃກ້ເຮືອນເຫຼົ່ານີ້ ຫາຍໄປດົນແລ້ວ, ແຕ່ປັດຈຸບັນ ພວກມັນ ໄດ້ຄ່ອຍໆກັບຄືນມາອີກ.
ທ່ານ ອູ່ເຈ່ຍເຫວີຍ ເປັນຄົນນະຄອນເຊີງຕູ່ແຂວງເສສວນ, ທາງພາກຕາເວັນຕົກສຽງໃຕ້ຂອງຈີນ. ອີງຕາມຄວາມສົນໃຈຂອງຕົນ, ຫຼັງຈາກຮຽນຈົບຈາກມະຫາວິທະຍາໄລແລ້ວ ລາວໄດ້ກາຍເປັນວິສະວະກອນໃນຂະແໜງການປ່າໄມ້ທີ່ເຮັດວຽກປົກປັກຮັກສາຊີວະພາບທຳມະຊາດ ພ້ອມດ້ວຍພືດແລະສັດປ່າ. ເຊີງຕູ່ເປັນເທດສະບານທີ່ໃຫຍ່ກວ່າໝູ່ຢູ່ພາກຕາເວັນຕົກສຽງໃຕ້ຂອງຈີນ, ມີປະຊາກອນເກືອບ 17 ລ້ານຄົນ, ມີເນື້ອທີ່ 14 ພັນຕາຕະລາງກິໂລແມັດ.
ເມຍຂອງທ່ານ ອູ່ເຈ່ຍເຫວີຍ ເປັນໂຄສົກຜູ້ຈັດທຳລາຍການຂ່າວຂອງສື່ທ້ອງຖິ່ນ. ທຸກໆຕອນເຊົ້າຂອງວັນເຂົ້າການ, ເຂົາເຈົ້າຕ້ອງກິນເຂົ້າເຊົ້າໃນເຮືອນກ່ອນໄປເຂົ້າການ.
ເອົາໝາກແອເບີນໜ່ວຍໜຶ່ງແລະໝາກຄາຍສອງໜ່ວຍໄດ້ບໍ່? ໄດ້.
ເຮືອນເຂົາເຈົ້າຕັ້ງຢູ່ໃຈກາງເມືອງ, ມີຫ້ອງອາຫານ ຫ້ອງຮັບແຂກ ແລະ ຫ້ອງນອນ 2 ຫ້ອງ, ເປັນຕຶກອາຄານຊັ້ນສູງທີ່ມີຢູ່ທົ່ວໄປໃນຕົວເມືອງຈີນ. ເມື່ອຢືນຢູ່ລະບຽງຕາກແດດເບິ່ງໄປທາງນອກຈະໄດ້ເຫັນວ່າ, ນອກຈາກຕຶກອາຄານເຮັດສ້າງດ້ວຍເຫຼັກເສັ້ນ ແລະ ຊີມັງຫຼາຍຫຼັງແລ້ວ, ຍັງມີສວນສາທາລະນະໃນເມືອງທີ່ມີຕົ້ນໄມ້ຂຽວອຸ່ມທຸ່ມ. ພືດລັນເຕົາທີ່ເຂົາເຈົ້າປູກຢູ່ລະບຽງນັ້ນ ໄດ້ດຶງດູດນົກ Chinese Bulbul ມາພັກຜ່ອນຢູ່ນີ້.
ການສະແກນ QR Code ດ້ວຍ APP ແລະຈ່າຍເງິນດ້ວຍຮູບການເອລັກໂຕຣິກ, ຂີ່ລົດຖີບສາທາລະນະເຂົ້າແທນຂັບລົດ, ເດືອນນີ້ ອູ່ເຈ່ຍເຫວີຍໄດ້ຂີ່ລົດຖີບທັງໝົດ 102 ກິໂລແມັດ, APP ສະແດງໃຫ້ເຫັນວ່າໄດ້ຫຼຸດການປ່ອຍກາກບອນດີອອກຊິກ 12 ກິໂລກຼາມ.
ພາຍໃຕ້ການອຸດໜູນຈາກລັດແລະວິສາຫະກິດ, ອູ່ເຈ່ຍເຫວີຍໄດ້ສ້າງຕັ້ງສູນພັດທະນາເຂດຊຸມຊົນເຊິ່ງມີຈຸດປະສົງເພື່ອໃຫ້ມວນມະນຸດແລະທຳມະຊາດຢູ່ຮ່ວມກັນຢ່າງປອງດອງກັນ. ຢູ່ໃນສູນແຫ່ງນີ້ ມີພະນັກງານ 5 ຄົນ ແລະ ອາສາສະໝັກ 20 ຄົນ.
ການດຳເນີນການສຳຫຼວດຊີວະນາໆພັນ, ຈັດກິດຈະກຳອະນຸລັກສິ່ງແວດລ້ອມຂອງອາສາສະໝັກ ແລະ ວາງແຜນອະນຸລັກໂດຍສະເພາະນັ້ນ ເປັນຈຸດໜັກໃນວຽກງານປະຈຳວັນຂອງຊາວໜຸ່ມກຸ່ມນີ້.
ຄອມພິວເຕີ, ປຶ້ມບັນທຶກ, ກ້ອງຖ່າຍຮູບ, ກ້ອງຊ່ອງ ແມ່ນເຄື່ອງໃຊ້ອັນຈຳເປັນໃນການວັດແທກຢູ່ພາກສະໜາມ.
ເມື່ອສອງເດືອນປາຍກ່ອນ, ໄດ້ຕິດຕັ້ງກ້ອງຖ່າຍຮູບແອງຟຼາຣູດຢູ່ເຂດດິນທາມຢູນຊຽວ, ມື້ນີ້ມາກວດເບິ່ງວ່າຖ່າຍໄດ້ອີ່ຫຍັງແລ້ວ.
ປີ 2008, ອູ່ເຈ່ຍເຫວີຍ ແລະ ເພື່ອນຮ່ວມງານ ໄດ້ພົບເຫັນດິນທາມແຫ່ງນີ້ທີ່ຢູ່ພາກຕາເວັນຕົກສຽງເໜືອຂອງນະຄອນເຊີງຕູ່. ໂດຍໄດ້ຮັບການມອບໝາຍຈາກອົງການປົກຄອງທ້ອງຖິ່ນ, ເຂົາເຈົ້າເລີ່ມເຮັດວຽກງານຟື້ນຟູຊີວະພາບແລະປັບປຸງສິ່ງແວດລ້ອມການດຳລົງຊີວິດໃຫ້ດີຢູ່ທີ່ນີ້.
ມາຮອດປັດຈຸບັນ, ເຂົາເຈົ້າໄດ້ເຂົ້າຮ່ວມວຽກງານພັດທະນາຂອງເຂດສະຫງວນທຳມະຊາດ 115 ແຫ່ງ, ຢູ່ແຫ່ງເຫຼົ່ານັ້ນ ແຫຼ່ງນ້ຳ ປ່າໄມ້ ແລະ ດິນຫຍ້າລ້ວນແຕ່ໄດ້ຮັກສາການໝູນເດີນແບບທຳມະຊາດເປັນຢ່າງດີ. ພາຍໃຕ້ຄວາມພະຍາຍາມຈາກຜູ້ປົກປ້ອງຊີວະພາບນັບມື້ນັບຫຼາຍຂຶ້ນ, ມາຮອດປີ 2020, ອັດຕາການປົກຫຸ້ມປ່າໄມ້ຂອງຈີນໄດ້ບັນລຸເຖິງ 22,96%, ກາຍເປັນປະເທດພຽງໜຶ່ງດຽວໃນໂລກທີ່ອັດຕາປົກຫຸ້ມປ່າໄມ້ເພີ່ມຂຶ້ນ.
ການຖ່າຍຮູບ ແລະ ບັນທຶກສັດປ່າແລະພືດປ່າ ແມ່ນວຽກງານຕົ້ນຕໍອີກຢ່າງໜຶ່ງຂອງອູ່ເຈ່ຍເຫວີຍ.ລາວໄດ້ວາງກ້ອງຖ່າຍໄວ້ຢູ່ເຂດພູດອຍທາງພາກຕາເວັນຕົກສຽງໃຕ້ທີ່ມີພູມສັນຖານພິເສດ. ເຂດນີ້ບໍ່ພຽງແຕ່ແມ່ນບ່ອນເພິ່ງພາອາໄສຂອງໝີແພນດາ, ລີງຂົນສີຄຳເສສວນ ແລະ ສັດປ່າອື່ນໆທີ່ມີໜ້ອຍທີ່ສຸດເທົ່ານັ້ນ, ຍັງມີຊົນເຜົ່າສ່ວນໜ້ອຍຂອງເຂດຕາເວັນຕົກສຽງໃຕ້ຂອງຈີນຕັ້ງຖິ່ນຖານຢູ່ທີ່ນີ້ເປັນຫຼາຍເຊັ່ນຄົນ.
ເຄີຍປີນຜ່ານພູຫິມະທີ່ສູງກວ່າລະດັບໜ້ານ້ຳທະເລ 5 ພັນແມັດ, ເຄີຍນອນຢູ່ໃນຕູບເປັນເວລາໜຶ່ງອາທິດຢ່າງຕິດຕໍ່ກັນ, ທຸກມື້ຕ້ອງຍ່າງປະມານ 3 ໝື່ນບາດກ້າວ, ນີ້ແມ່ນສະພາບການປົກກະຕິຂອງການສຳຫຼວດຄົ້ນຄວ້າຢູ່ໃນປ່າ. ອາໄສແຕ່ການຟັງສຽງຮ້ອງ, ອູ່ເຈ່ຍເຫວີຍກໍສາມາດຈຳແນກໄດ້ນົກປ່າເຖິງຫຼາຍຮ້ອຍຊະນິດ.
ເມື່ອກີ້ນີ້ ນົກ Chrysolophus pictus ຮ້ອງແລ້ວ. ນີ້ແມ່ນນົກ Pterorhinus sannio, ແຫ່ງນັ້ນ ຍັງມີນົກ Pycnonotidae ສອງສາມໂຕ.
ໃນສິບກວ່າປີມານີ້, ລາວໄດ້ຖ່າຍຮູບສັດ ແລະ ພືດ 3 ພັນກວ່າປະເພດເຖິງ 150 ພັນກວ່າໃບ, ທັງໄດ້ສະສົມຂໍ້ມູນດ້ານສຽງ ແລະ ວິດີໂອ 1000 ກວ່ານາທີ.
ສຽງ ແລະ ວິດີໂອທີ່ເກັບມາຈາກທຳມະຊາດນັ້ນ ເຮັດໃຫ້ຄົນຍິ່ງຫຼາຍໃກ້ຊິດຄວາມສວຍງາມຂອງທຳມະຊາດ ແລະ ເຂົ້າຮ່ວມຖັນແຖວປ້ອງກັນທຳມະຊາດ.
ແຫ່ງນັ້ນມັນແຫ້ງແລ້ງຫຼາຍ, ສະນັ້ນ ສິ່ງແວດລ້ອມຢູ່ບໍລິເວນນີ້ ລ້ວນແຕ່ແຫ້ງແລ້ງຫຼາຍ, Phrynocephalus ກໍມີຜິວເປັນສີເຫຼືອງເໝືອນດັ່ງຂີ້ຊາຍ ມັນເປັນສີປ້ອງກັນຕົນເອງ.
ຮູບຖ່າຍ ແລະ ວິດີໂອຈຳນວນຫຼວງຫຼາຍ ກາຍເປັນຂໍ້ມູນຊີວະພາບທຳມະຊາດທີ່ປະເສີດ.
ປີ 2012, ສຳນັກງານແຜນການພັດທະນາຂອງອົງການສະຫະປະຊາຊາດ ໄດ້ມອບ “ລາງວັນເສັ້ນສູນສູດ” ໃຫ້ທ່ານ ອູ່ເຈ່ຍເຫວີຍ ເຊິ່ງເປັນການຢືນຢັນອັນໃຫຍ່ຫຼວງຂອງປະຊາຄົມໂລກຕໍ່ວຽກງານການອະນຸລັກສິ່ງແວດລ້ອມ ແລະ ການພັດທະນາແບບຍືນຍົງຂອງຈີນ.
ແຕ່ລະຄົນລ່ວນແຕ່ເປັນຜູ້ອະນຸລັກ, ຜູ້ສ້າງສາ ແລະ ຜູ້ໄດ້ຮັບຜົນປະໂຫຍດຈາກສິ່ງແວດລ້ອມຊີວະພາບ, ຂ້າພະເຈົ້າຄຶດວ່າ: ຕົວເອງກໍ່ເປັນສ່ວນໜຶ່ງໃນພວກເຂົາເຈົ້າ.
ເມື່ອຮູ້ຈັກສັດ ແລະ ພືດເຫຼົ່ານີ້ແລ້ວ, ເຈົ້າຈຶ່ງຈະສາມາດຖະໜຸຖະໜອມພວກມັນໄດ້ຫຼາຍກວ່າ ແມ່ນບໍ? ເຈົ້າຈຶ່ງຈະຮູ້ວ່າ ຈະອະນຸລັກພວກມັນແນວໃດ, ເຮັດແນວໃດ ໃຊ້ວິທີຕາມຫຼັກວິທະຍາສາດຫຼາຍທີ່ສຸດ ແລະ ດີທີ່ສຸດ ເພື່ອເຮັດໃຫ້ພວກມັນຢູ່ຄຽງຂ້າງມະນຸດເຮົາຕະຫຼອດໄປ.
ພວກເຮົາໃຊ້ຊີວິດຢູ່ໃນໜ່ວຍໂລກດຽວກັນ, ຕ້ອງອະນຸລັກຊັບພະຍາກອນຊີວະພາບທຳມະຊາດທີ່ມີຈຳນວນຈຳກັດ, ປົກປັກຮັກສາຊີວະນານາພັນ, ມີຊາວໜຸ່ມຈີນຍິ່ງຫຼາຍ ກຳລັງເດີນຕາມເສັ້ນທາງນີ້ແລ້ວ.
ຄຳເຫັນ
0