尚艳波

ຕາລາງລາຍການ FM93Mhz

ດາວໂຫຼດ App CRI-FM93 ລະບົບ IOS

ດາວໂຫຼດ App CRI-FM93 ລະບົບ Android

FM93

​ຍາມ​ໃດ​ອາ​ເມ​ຣິ​ກາຈຶ່ງຈະ​ສາ​ມາດ​​ເຮັດ​ແທ້​ທຳ​ຈິງ​ເພື່ອ​ການ​ປອດ​ການ​ປ່ອຍກາກບອນ​ດີ​ອອກ​ຊິດ

2021-10-12 17:16:15 cri

​ຍາມ​ໃດ​ອາ​ເມ​ຣິ​ກາຈຶ່ງຈະ​ສາ​ມາດ​​ເຮັດ​ແທ້​ທຳ​ຈິງ​ເພື່ອ​ການ​ປອດ​ການ​ປ່ອຍກາກບອນ​ດີ​ອອກ​ຊິດ_fororder_5366d0160924ab185d6b96cad50115ca79890bd5

      ວັນ​ທີ 4 ພະ​ຈິກ 2016 ນີ້, ສັນ​ຍາ​ປາ​ຣີ​ວ່າ​ດ້ວຍ​ການ​ຮັບ​ມື​ກັບ​ການ​ປ່ຽນ​ແປງ​ຂອງ​ດິນ​ຟ້າ​ອາ​ກາດ​ທີ່​ 178 ປະ​ເທດ​ໄດ້​ຮ່ວມ​ລົງ​ນາມ​ໄດ້​​ຈັດ​ຕັ້ງປະ​ຕິ​ບັດ​ຢ່າງ​ເປັນ​ທາງ​ການ.
 

      ໃນ​ສະ​ມັດ​ຊາ​ໃຫຍ່​ຂອງ​ອົງ​ການ​ສະ​ຫະ​ປະ​ຊາ​ຊາດ​ຄັ້ງ​ທີ 75 ທີ່​ຈັດ​ຂຶ້ນ​ໃນ​ເດືອນ​ກັນ​ຍາ​ປີ 2020, ທ່ານ ສີ​ຈິ້ນ​ຜິງ ປະ​ທານ​ປະ​ເທດ​ຈີນ​ໄດ້​ໃຫ້​ຄຳ​ໝັ້ນ​ສັນ​ຍາ​ຕໍ່​ໂລກວ່າ: ຈີນ​ຈະ​ສຸມ​ທຸກ​ກຳ​ລັງ​ເພື່ອ​ໃຫ້ປະ​ລິ​ມານ​ການປ່ອຍ​ກາກບອນ​ດີ​ອອກ​ຊິດ​ເຖິງ​ຈຸດ​ສູງ​ສຸດ​ເມື່ອ​ຮອດ​ປີ 2030 ແລະ​ຈະ​ບັນ​ລຸ​ເປົ້າ​ໝາຍ​ການປອດ​ການ​ປ່ອຍ​ກາກບອນ​ດີ​ອອກ​ຊິດ​ກ່ອນ​ປີ 2060. ຫຼັງ​ຈາກ​ນັ້ນ 1 ປີ, ໃນ​ວັນ​ທີ 21 ກັນ​ຍາ​ປີ​ນີ້, ທ່ານ ສີ​ຈິ້ນ​ຜິງ ໄດ້​ປະ​ກາດ​ໃນ​ເວ​ລາ​ເຂົ້າ​ຮ່ວມກອງ​ປະ​ຊຸມ​ອະ​ພິ​ປາຍ​ທົ່ວ​ໄປ​ຂອງ​ສະ​ມັ​ດ​ຊາ​ໃຫຍ່​ອົງ​ການ​ສະ​ຫະ​ປະ​ຊາ​ຊາດຄັ້ງ​ທີ 76 ຜ່າ​ນ​ທາງວິ​ດີ​ໂອ​ວ່າ: ຈີນ​ຈະ​ບໍ່​​ລົງ​ທຶນ​ສ້າງ​ໂຮງ​ຜະ​ລິດ​ໄຟ​ຟ້າ​ດ້ວຍ​ຖ່ານ​ຫີນ​ຢູ່​ຕ່າງ​ປະ​ເທດ​ອີກ. ​ນີ້ໄດ້​ສະ​ແດງ​ໃຫ້​ເຫັນ​ເຖິງ​ທັດ​ສະ​ນະ​ຂອງ​ຈີນ​ໃນ​ການ​ສະ​ໜັບ​ສະ​ໜູນ​ການ​ພັດ​ທະ​ນາ​ສີ​ຂຽວ​ແລະ​ສຸມ​ກຳ​ລັງ​ເຂົ້າ​ໃນ​ການ​ຈັດ​ຕັ້ງ​ປະ​ຕິ​ບັດ​ສັນ​ຍາ​ປາ​ຣີ​ເພື່ອ​ຮັບ​ມື​ກັບ​ການ​ປ່ຽນ​ແປງ​ຂອ​ງ​ດິນ​ຟ້າ​ອາ​ກາດ.
 

     ກະ​ຊວງ​ສິ່ງ​ແວດ​ລ້ອມ​ແລະ​ນິ​ເວດ​​ວິ​ທະ​ຍາຂອງ​ຈີນ​ໄດ້​ແຈ້ງ​ໃຫ້​ຮູ້​ວ່າ: ປະ​ລິ​ມານ​ການ​​ປ່ອຍກາກບອນ​ດີ​ອອກ​ຊິດ​ຂອງ​ຈີນ​ໃນ​ປີ 2020 ໄດ້​ຫຼຸດ​ລົງ 18,8% ເມື່ອ​ທຽບ​ໃສ່​ປີ 2015, ​ໃນຂະ​ນະ​ດຽວ​ກັນ, ພະ​ລັງ​ງານ​ທີ່​ບໍ່​ແມ່ນ​ຊາກ​ຟອດ​ຊີວ​ຂອງ​ຈີນ​ກໍ່ກວມ​ການ​ບໍ​ລິ​ໂພກ​ພະ​ລັງ​ງານ​ໄດ້​ເຖິງ 15,9%, ນີ້ລ້ວນ​ແຕ່​ໄດ້​ບັນ​ລຸ​ເປົ້າ​ໝາຍ​ປີ 2020 ທີ່​ຈີນ​​ໄດ້ໃຫ້​ຄຳ​ໝັ້ນ​ສັນ​ຍາ​​ກັບ​ປະ​ຊາ​ຄົ​ມ​ໂລກ​​ເກີນ​ຄາ​ດ​ໝາຍ.
 

      ໃນ​ເວ​ລາ​​ທີ່​ຫຼາຍ​ປະ​ເທດ​ໃນ​ໂລກໄດ້​ຮ່ວມ​ແຮງ​ຮ່ວມ​ໃຈ​ກັນ​ສຸມຄວາມ​ພະ​ຍາ​ຍາມ​ເພື່ອ​ຮັບ​ມື​ກັບ​ການ​ປ່ຽນ​ແປງ​ຂອງ​ດິນ​ຟ້າ​ອາ​ກາດ, ອາ​ເມ​ຣິ​ກາ​ພັດ​ໄດ້​ຖ​ອນ​ອອກ​ຈາກ​ສັນ​ຍາ​ປາ​ຣີ​ຢ່າງ​ເປັນ​ທາງ​ການ​ໃນ​ວັນ​ທີ 4 ພະ​ຈິກ​ປີ 2020 ໃນ​ຂໍ້​ອ້າງ​​ທີ່​ວ່າການ​ປ່ຽນ​ແປງ​ຂອງ​ດິນ​ຟ້າ​ອາ​ກາດ​ແມ່ນ​ກົນ​ອຸ​ບາຍ​ຫຼອກ​ລວງ, ກາຍ​ເປັນ​ປະ​ເທດ​​ພາ​ຄີ​ໃນ​ສັນ​ຍາຂອງ​ໂລກ​ທີ່​ຖອນ​ອອກ​ຈາກ​ສັນ​ຍາ​ປາ​​ຣີ​ແຕ່​ຝ່າຍ​ດຽວ​​ຈົນ​ຮອດ​ປັດ​ຈຸ​ບັນ​ນີ້, ເຊິ່ງ​ເປັນ​ການຝືນ​ກັບ​ທັດ​ສະ​ນະ​ທີ່​ປະ​ຢັດ​ພະ​ລັງ​ງານ​ແລະ​ຫຼຸດ​ການ​ປ່ອຍກາກບອນ​ດີ​ອອກ​ຊິດ. ການ​ທີ່​ອາ​ເມ​ຣິ​ກາ​ຖອນ​ອອກ​​ຈາກ​ສັນ​ຍາ​ປາ​ຣີ​ໄດ້​ຍົກ​ເລີກ​ຂໍ້ຈຳ​ກັດ​ດ້ານ​ການ​ປ່ອຍກາກບອນ​ດີ​ອອກ​ຊິດ​ຂອງ​ອາ​ເມ​ຣິ​ກາ,ນອກ​ຈາກ​ໄດ້​ກະ​ທົບ​ຕໍ່​ແຜນ​ການ​ລະ​ບາຍ​ກາກບອນ​ດີ​ອອກ​ຊິດ​ຂອງ​ປະ​ເທດ​ອື່ນ​ອື່ນ​ໃນ​ໂລກ​ໂດຍ​ກົງ​ແລ້ວ,ຍັງ​ໄດ້​ເຮັດ​ໃຫ້​ການ​ຮ່ວມ​ມື​ດ້ານ​ການ​ຫຼຸດ​ປະ​ລິ​ມານ​ການ​ປ່ອຍກາກບອນ​ດີ​ອອກ​ຊິດ​ໃຫ້​ໜ້ອຍ​ລົງ​ລະ​ຫວ່າງ​ປະ​ເທດ​ຕ່າງໆ​ກັບ​ອາ​ເມ​ຣິ​ກາ​ບໍ່​ມີ​ຜົນ​ສັກ​ສິດ.
​ຍາມ​ໃດ​ອາ​ເມ​ຣິ​ກາຈຶ່ງຈະ​ສາ​ມາດ​​ເຮັດ​ແທ້​ທຳ​ຈິງ​ເພື່ອ​ການ​ປອດ​ການ​ປ່ອຍກາກບອນ​ດີ​ອອກ​ຊິດ_fororder_d6ca7bcb0a46f21f5054eec728df98670e33aec2

      ເຖິງວ່າ​ທ່ານ ໂຈ ໄບ​ເດັນ ປະ​ທາ​ນາ​ທິ​ບໍ​ດີ​ຊຸ​ດ​ໃໝ່​ຂອງ​ອາ​ເມ​ຣິ​ກາ​ໄດ້​ປະ​ກາດ​ວ່າ​ອາ​ເມ​ຣິ​ກາ​ຈະ​ເຂົ້າ​ຮ່ວ​ມ​ສັນ​ຍາ​ປາ​ຣີ​ຄືນ​ໃໝ່​ກໍ​ຕາມ, ຈົນເຖິງ​ຂັ້ນໄດ້​ສະ​ເໜີ​ແຜນ​ການ​ກ່ຽວ​ກັບ​ການ​ຫຼຸດ​ການ​​ປ່ອຍກາກບອນ​ດີ​ອອກ​ຊິດ​ທີ່​ມີ​ມູນ​ຄ່າ 1.700 ຕື້​ໂດ​ລາ​ສະ​ຫະ​ລັດ​ສະ​ບັບ​ໜຶ່ງ​ອີກ​ດ້ວຍ,ເພື່ອ​ເຮັດ​ໃຫ້​ອາ​ເມ​ຣິ​ກາ​ທີ່​ເປັນ​ປະ​ເທດ​ອັນ​ດັບ​ສອງ​ຂອງ​ໂລກ​ໃນ​ການ​ປ່ອຍ​ກາກບອນ​ດີ​ອອກ​ຊິດ​ບັນ​ລຸ​ເປົ້າ​ໝາຍ​ການ​ປອດ​ການ​ລະ​ບາຍ​​ກາກບອນ​ດີ​ອອກ​ຊິດ​ເພື່ອຮອດ​ປີ 2050. ແຕ່​ທີ່​ຈິງ​ແລ້ວ, ອາ​ເມ​ຣິ​ກາ​ພຽງ​ແຕ່​​ໃຫ້​ຄຳ​ໝັ້ນ​ສັນ​ຍາ​ແບບ​ປາກ​ເປົ່າ​ລ້າໆໃນ​ການ​ຫຼຸດ​​ປະ​ລິ​ມານ​ການ​ປ່ອຍ​ກາກບອນ​ດີ​ອອກ​ຊິດ​ໃຫ້​ໜ້ອຍ​ລົງ.
 

      ແຕ່​ປີ 2012 ເປັນ​ຕົ້ນ​ມາ, ຢູ່​ລັດ​ຄາລີ​ຟໍ​ເນຍ​ຂອງ​ອາ​ເມ​ຣິ​ກາ​ເກືອບ​​ວ່າ​ຕັ້ງ​ແຕ່ເດືອນ​ກໍ​ລະ​ກົດ​​ຫາ​ເດືອນ​ກັນ​ຍາ​ຂອງ​ແຕ່​ລະ​ປີ​ລ້ວນ​ແຕ່​ຈະ​ເກີດ​ໄຟ​ໄໝ້​ປ່າ​ຂະ​ໜາດໃຫຍ່. ໄຟ​ໄໝ້​ພູຢູ່​ລັດ​ຄາ​ລີ​ຟໍ​ເນຍ​ທີ່​ເລີ່ມ​ຕົ້ນ​ໃນ​ວັນ​ທີ 4 ທັນ​ວາ​ຂອ​ງ​ປີ 2017 ໄດ້​ໄໝ້​​ຍາວ​ນານເກືອບ 6 ເດືອນ. ຕາມ​ສະ​ຖິ​ຕິ, ປີ 2020, ປ​ະ​ລິ​ມານ​ການ​​ປ່ອຍ​ກາກບອນ​ດີ​ອອກ​ຊິດ​ຍ້ອນ​ໄຟ​ໄໝ້​ພູ​ຢູ່ອາ​ເມ​ຣິ​ກາໄດ້​​ມີຫຼາຍກວ່າ 35 ລ້ານ​ໂຕນ, ເກືອບ​ເທົ່າ​ກັບຍອດ​ປະ​ລິ​ມານ​ການ​ປ່ອຍ​ກາກບອນ​ດີ​ອອກ​ຊິດ​​ທັງ​ໝົດໃນ​ 1 ປີ​ຢູ່​ອາ​ເມ​ຣິ​ກາ. ສ່ວນ​ໄຟ​ໄໝ້​ພູ​ຢູ່​ລັດ​ຄາ​ລີ​ຟໍ​ເນຍ​ທີ່​ເລີ່ມ​ຕົ້ນ​ໃນ​ເດືອນ​ມິ​ຖຸ​ນາ​ປີ 2021 ຈົນ​ຮອດ​ປັດ​ຈຸ​ບັນ​ໄດ້​ໄໝ້​ຍາວ​ນານ​ເກືອບ 4 ເດືອນ​ແລ້ວ​ຍັງ​ບໍ່​​ທັນ​ດັບ​ມອດ​​ໝົດ​ເທື່ອ. ​ໄຟ​ໄໝ້​ພູ​ຢ່າງ​ຕໍ່​ເນື່ອງ​ໄດ້​ປ່ອຍກາກບອນ​ໂມ​ໂນ​ຊິດ,ນີ​ຕ​ຣິກ​ອອກ​ຊິດ​,ເກີດ​ມີ​ຂີ້​ຝຸ່ນ​ແລະ​ອາຍ​ພິດ​ອື່ນໆ​ຢ່າງ​ຫຼວງ​ຫຼາຍ​ຂຶ້ນ​ສູ່​ຊັ້ນອາ​ກາດ,ເຊິ່ງ​ໄດ້​ທຳ​ລາຍ​ສິ່ງ​ແວດ​ລ້ອມ​ນິ​ເວດ​ຢ່າງ​ຫຼວງ​ຫຼາຍ.
 

      ໂດຍ​ຜະ​ເຊີນ​ໜ້າ​ກັບ​ໄຟ​ໄໝ້​ພູ​ທີ່​ເກີດ​ຂຶ້ນ​ຫຼາຍ​ປີ​ຕິດ​ຕໍ່​ກັນ, ທ່ານ ກາ​ວິນ ນິວ​ຊອນ ເຈົ້າ​ໜ້າ​ທີ່​ລັດ​​ຄາ​ລີ​ຟໍ​ເນຍ​ໄດ້​ກ່າວ​ຖ້ອຍ​ຄວາມ​ວ່າ: “ໂລກ​ພວມ​ອຸ່ນ​ຂຶ້ນ,ເຈົ້າ​ຍັງ​ຕ້ອງ​ການ​ຫຼັກ​ອ້າງ​ອີງ​ຫຍັງ​ອີກ?” ໄຟ​ໄໝ້​ພູ​ທີ່​ເກີດ​ຂຶ້ນ​ຢູ່​ລັດ​​ຄາລີ​ຟໍ​ເນຍ​ຢ່າງ​ຕໍ່​ເນື່ອງ​ເປັນ​ເວ​ລາຫຼາຍ​​ປີ​ຕິດ​ຕໍ່​ກັນ​ໄດ້​ສ່ອງ​ແສງ​ໃຫ້​ເຫັນ​ອີກ​ດ້ານ​ໜຶ່ງ​ເຖິງ​ຄວາມ​ປ່ອຍ​ປະ​ລະ​ເລີຍ​ແລະ​ບໍ່​ເອົາ​ໃຈ​ໃສ່​ຂອງ​ອາ​ເມ​ຣິ​ກາ​ໃນ​ການ​ຫຼຸດ​ການ​ລະ​ບາຍ​ກາກບອນ​ດີ​ອອກ​ຊິດ​ໃຫ້​ໜ້ອຍ​ລົງ. ພວກ​ເຮົາ​ຢາກ​ຖາມ​ວ່າ: ​ຍາມ​ໃດອາ​ເມ​ຣິ​ກາ​​ຈຶ່ງ​ຈະ​ສາ​ມາດເຮັດ​ແທ້​ທຳ​ຈິງ​ເພື່ອປອດ​ການ​ປ່ອຍ​ກາກບອນ​ດີ​ອອກ​ຊິດ.

ຄຳ​ເຫັນ

0