ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕອນບ່າຍວັນທີ 12 ຕຸລານີ້, ທ່ານສີຈິ້ນຜິງ ປະທານປະເທດຈີນໄດ້ເຂົ້າຮ່ວມກອງປະຊຸມສຸດຍອດຜູ້ນຳຂອງປະເທດພາຄີໃນສົນທິສັນຍາວ່າດ້ວຍຊີວະນານາພັນຄັ້ງທີ 15 ທີ່ຈັດຂຶ້ນຢູ່ນະຄອນຄຸນໝິງແຂວງຢຸນນານຈີນ ຜ່ານທາງວີດີໂອ ແລະກ່າວຄຳປາໄສທີ່ສຳຄັນ.
ທ່ານສີຈິ້ນຜິງກ່າວວ່າ: “ຊີວະນານາພັນກຳເນີດເກີດຂຶ້ນຈາກຄວາມກົມກຽວກັນຂອງທຳມະຊາດ ແລະເຕີບໃຫຍ່ຂຶ້ນຍ້ອນມີທາດບຳລຸງສາເພາະຂອງໃຜມັນ. ຄວາມຫຼາກຫຼາຍສີສັນຂອງຊີວະນານາພັນໄດ້ເຮັດໃຫ້ໜ່ວຍໂລກມີຊີວິດຊີວາ ທັງເປັນພື້ນຖານການຢູ່ລອດແລະການພັດທະນາຂອງມວນມະນຸດ. ເມື່ອມວນມະນຸດສາມາດປົກປັກຮັກສາທຳມະຊາດດ້ວຍຄວາມເປັນມິດ, ທຳມະຊາດຈະຕອບບຸນແທນຄຸນດ້ວຍຈິດໃຈເມດຕາ; ເມື່ອມວນມະນຸດຂຸດຄົ້ນທຳມະຊາດຢ່າງຢ່າເຖື່ອນ, ທຳມະຊາດກໍຈະລົງໂທດແບບໄຮ້ຄວາມປານີ. ພວກເຮົາຄວນມີຈິດໃຈເຄົາລົບທຳມະຊາດ, ພັດທະນາຕາມກົດເກນທຳມະຊາດ, ປົກປັກຮັກສາທຳມະຊາດ ເພື່ອສ້າງສາບ້ານເມືອງຮ່ວມຂອງໜ່ວຍໂລກທີ່ມະນຸດແລະທຳມະຊາດຢູ່ຮ່ວມກັນໄດ້ຢ່າງກົມກຽວ.”
ຄຳເຫັນ
0