ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ປະຊາທິປະໄຕບໍ່ແມ່ນເຄື່ອງປະດັບເອ້, ບໍ່ແມ່ນເອົາໄວ້ສຳລັບເອ້ຍ້ອງຊື່ໆ, ຫາກແມ່ນເອົາໄວ້ເພື່ອແກ້ໄຂບັນຫາທີ່ປະຊາຊົນຕ້ອງການໃຫ້ແກ້ໄຂ.
ໃນກອງປະຊຸມວຽກງານສະພາປະຊາຊົນຂັ້ນສູນກາງທີ່ຈັດຂຶ້ນແຕ່ວັນທີ 13 – 14 ຕຸລານີ້, ທ່ານສີຈິ້ນຜິງ ປະທານປະເທດຈີນໄດ້ຕີຄວາມໝາຍຂອງປະຊາທິປະໄຕດ້ວຍຄວາມເວົ້າແບບເຂົ້າໃຈໄດ້ງ່າຍ.
ທ່ານສີຈິ້ນຜິງຊີ້ອອກວ່າ, ປະເທດໃດໜຶ່ງມີປະຊາທິປະໄຕຫຼືບໍ່, ສິ່ງສຳຄັນຂຶ້ນຢູ່ບ່ອນວ່າ ປະຊາຊົນໄດ້ເປັນເຈົ້າຂອງປະເທດຢ່າງແທ້ຈິງຫຼືບໍ່, ຕ້ອງເບິ່ງວ່າປະຊາຊົນມີສິດປ່ອນບັດຫຼືບໍ່, ຍິ່ງຕ້ອງເບິ່ງວ່າປະຊາຊົນມີສິດເຂົ້າຮ່ວມຢ່າງກວ້າງຂວາງຫຼືບໍ່; ຕ້ອງເບິ່ງວ່າ, ໃນຂະບວນການເລືອກຕັ້ງ, ປະຊາຊົນໄດ້ຮັບຄຳໝັ້ນສັນຍາທາງປາກຫຍັງແດ່, ຍິ່ງຕ້ອງເບິ່ງວ່າ ຫຼັງການເລືອກຕັ້ງ ຄຳໝັ້ນສັນຍາເຫຼົ່ານີ້ໄດ້ປາກົດຜົນເປັນຈິງຫຼາຍປານໃດແລ້ວ; ຕ້ອງເບິ່ງວ່າ ກົດໝາຍກົດລະບຽບໄດ້ກຳນົດຂັ້ນຕອນທາງການເມືອງ ແລະລະບຽບການທາງການເມືອງຫຍັງແດ່, ຍິ່ງຕ້ອງເບິ່ງວ່າ ກົດໝາຍກົດລະບຽບເຫຼົ່ານີ້ໄດ້ຮັບການປະຕິບັດຢ່າງແທ້ຈິງແລ້ວຫຼືບໍ່; ຕ້ອງເບິ່ງວ່າ ລະບຽບການ ແລະ ຂັ້ນຕອນໃນການປະຕິບັດງານຂອງສິດອຳນາດຖືກຕ້ອງກັບຫຼັກປະຊາທິປະໄຕຫຼືບໍ່, ຍິ່ງຕ້ອງເບິ່ງວ່າສິດອຳນາດໄດ້ຮັບການຕິດຕາມກວດກາ ແລະ ຈຳກັດຈາກປະຊາຊົນຢ່າງແທ້ຈິງຫຼືບໍ່. ຖ້າວ່າ ປະຊາຊົນພຽງແຕ່ຖືກປຸກໃຫ້ຕື່ນໃນເວລາປ່ອນບັດເທົ່ານັ້ນ, ຫຼັງການປ່ອນບັດແລ້ວກໍເຂົ້າສູ່ໄລຍະມິດງຽບ, ພຽງແຕ່ໄດ້ຟັງຄຳຂວັນແບບລາຍຫູລາຍຕາໃນເວລາແຂ່ງຂັນເລືອກຕັ້ງ ແຕ່ບໍ່ມີສິດປະກອບຄຳເຫັນຫຍັງເລີຍຫຼັງການເລືອກຕັ້ງ, ພຽງແຕ່ໄດ້ຮັບຄວາມເອົາໃຈໃສ່ໃນເວລາດຶງດູດຫາສຽງ ແຕ່ຖືກປະຕິບັດຕໍ່ຢ່າງຈືດຈາງຫຼັງການເລືອກຕັ້ງ, ປະຊາທິປະໄຕແບບນີ້ກໍບໍ່ແມ່ນປະຊາທິປະໄຕທີ່ແທ້ຈິງ.
ປະຊາທິປະໄຕແມ່ນສິດທິຂອງປະຊາຊົນບັນດາປະເທດ, ຫາກບໍ່ແມ່ນສິດພິເສດຂອງປະເທດສ່ວນໜ້ອຍເທົ່ານັ້ນ. ປະເທດໃດໜຶ່ງມີປະຊາທິປະໄຕຫຼືບໍ່, ຄວນໃຫ້ປະຊາຊົນຂອງປະເທດນັ້ນເປັນຜູ້ຕັດສິນ, ຫາກບໍ່ຄວນໃຫ້ຄົນສ່ວນໜ້ອຍຈາກພາຍນອກມາຊີ້ໄມ້ຊີ້ມືຕຳໜິຕິຕຽນ. ໃນປະຊາຄົມໂລກ, ປະເທດໃດໜຶ່ງມີປະຊາທິປະໄຕຫຼືບໍ່, ກໍຄວນໃຫ້ປະຊາຄົມໂລກຕີລາຄາຮ່ວມກັນ, ຫາກບໍ່ຄວນໃຫ້ປະເທດສ່ວນໜ້ອຍທີ່ຖືວ່າຕົນເອງຖືກໝົດມາເປັນຜູ້ຕີລາຄາ. ການບັນລຸປະຊາທິປະໄຕມີຫຼາກຫຼາຍຮູບແບບ, ຈະເປັນຮູບແບບດຽວກັນບໍ່ໄດ້. ຖ້າໃຊ້ມາດຕະຖານດຽວໃນການຕີລາຄາລະບອບການເມືອງທີ່ອຸດົມສົມບູນໃນໂລກ, ໃຊ້ສາຍຕາດຽວມາສັງເກດເບິ່ງຄວາມສິວິໄລທາງການເມືອງທີ່ຫຼາກຫຼາຍສີສັນຂອງມວນມະນຸດ, ໂຕມັນເອງກໍບໍ່ແມ່ນປະຊາທິປະໄຕ.
ຄຳເຫັນ
0