ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ສະໜາມບິນລະດັບໂລກແຫ່ງໜຶ່ງທີ່ຫ່າງຈາກສະໜາມຫຼວງທ່ຽນອ່ານເມີນຂອງນະຄອນຫຼວງປັກກິ່ງໄປທາງທິດໃຕ້ 46 ກິໂລແມັດ
ໄດ້ສ້າງສຳເລັດ ແລະ ເປີດບໍລິການໃນປີ 2019
ໜັງສືພິມ “ເດີກາກດຽງ” ອັງກິດເອີ້ນມັນເປັນອັນດັບໜຶ່ງໃນ 7 ສິ່ງມະຫັດສະຈັນ ແຫ່ງໃໝ່ຂອງໂລກ
ມັນກໍຄື ສະໜາມບິນສາກົນຕ້າຊີ່ງປັກກິ່ງ, ເຊິ່ງໄດ້ສະແດງໃຫ້ເຫັນເຖິງຜົນງານໃໝ່ອີກອັນໜຶ່ງດ້ານການກໍ່ສ້າງພື້ນຖານໂຄງລ່າງຂອງຈີນ
ເບິ່ງຫຼຽວເບິ່ງຈາກທ້ອງຟ້າ ຈະສາມາດເຫັນໄດ້ວ່າ, ສະໜາມບິນແຫ່ງນີ້ ຄ້າຍຄືຮູບນົກຫົງ ເຊິ່ງເປັນນົກສິລິມຸງຄຸນໃນເທບນິຍາຍຂອງຈີນ
ທ່ານຊຸ່ນທ່າວ ອາຍຸໄດ້ 29 ປີ, ເປັນວິສະວະກອນຂອງພະແນກຄຸ້ມຄອງຂໍ້ມູນຂ່າວສານຂອງສະໜາມບິນຕ້າຊີ່ງປັກກິ່ງ
ຮອດປີ 2025, ຄາດວ່າ ສະໜາມບິນຕ້າຊີ່ງທີ່ລາວເຮັດວຽກຢູ່ນັ້ນ ຈະມີເຮືອບິນບິນຂຶ້ນ ແລະ ລົງຈອດ 6 ແສນ 2 ໝື່ນເທື່ອລຳ
ບັນລຸຈຳນວນການຂົນສົ່ງຜູ້ໂດຍສານ 72 ລ້ານເທື່ອຄົນ
ຄວາມສາມາດຮັບປະກັນການຂົນສົ່ງຜູ້ໂດຍສານ
ເປັນອັນດັບສູງສຸດໃນອາຄານຜູ້ໂດຍສານຫຼັງດຽວໃນໂລກ
ສ່ວນສິ່ງທີ່ຮັກສາໃຫ້ມີສະໜາມບິນດັ່ງກ່າວມີການໝູນເດີນຢ່າງມີປະສິດທິພາບສູງນັ້ນ
ແມ່ນລະບົບສະໜາມບິນອັດສະລິຍະທີ່ສ້າງດ້ວຍທ່ານຊຸ່ນທ່າວ ແລະ ເພື່ອນຮ່ວມງານຂອງທ່ານ
ສູນຂໍ້ມູນຂ່າວສານສະໜາມບິນຕ້າຊີ່ງ ຫຼື ITC ເປັນ “ສະໝອງ” ຂອງສະໜາມບິນອັດສະລິຍະ
ທ່ານຊຸ່ນທ່າວ ແລະ ເພື່ອນຮ່ວມງານ 75 ທ່ານເຮັດວຽກຢູ່ນີ້ຮ່ວມກັນ
ພວກວິສະວະກອນໄດ້ສ້າງ “ສະໜາມບິນຝາແຝດ” ແບບດີຈີຕອນແຫ່ງໜຶ່ງໃຫ້ກັບ ສະໜາມບິນຕົວຈິງຢູ່ແຫ່ງນີ້
ລະບົບປະຕິບັດງານ 68 ລະບົບ ລວມທັງເຕັກນິກກ້າວໜ້າຊະນິດຕ່າງໆ ເຊັ່ນ: ຂໍ້ມູນໃຫຍ່, ຄລາວຄອມພິວທິງ, 5G ແລະ ປັນຍາປະດິດເປັນຕົ້ນ
ຫັນການດຳເນີນທຸລະກິດຂອງສະໜາມບິນໃຫ້ເປັນຂໍ້ມູນ
ລະບົບຂໍ້ມູນຂ່າວສານຂອງສະໜາມບິນດັ້ງເດີມ ແມ່ນເປັນເອກະລາດໂດຍທຽບຖານ, ມັກຈະກາຍເປັນ “ເກາະໂດດດ່ຽວດ້ານຂໍ້ມູນ” ຢ່າງງ່າຍດາຍ, ຈິ່ງຍາກທີ່ຈະຮັບປະກັນໃຫ້ສະໜາມບິນໝູນເດີນຢ່າງມີປະສິດທິພາບສູງ
ເມື່ອທຽບໃສ່ສະໜາມບິນແບບດັ້ງເດີມແລ້ວ, ສະໜາມບິນອັດສະລິຍະ ໄດ້ຈັດເອົາຂໍ້ມູນທັງໝົດເຂົ້າໃນລະບົບຂໍ້ມູນຂ່າວສານ ແລ້ວດຳເນີນການແບ່ງປັນ, ຊຳລະ ແລະ ຊົມໃຊ້ຮ່ວມກັນ
ສະໜາມບິນອັດສະລິຍະສາມາດຍົກສູງປະສິດທິພາບການໝູນເດີນຂອງສະໜາມບິນໄດ້ ໂດຍຜ່ານການຄິດໄລ່ໃນຈັງຫວະດຽວກັນ ເພື່ອຮັບປະກັນການໝູນເດີນຂອງສະໜາມບິນໃຫ້ເປັນເອກະພາບກັນ
ທ່ານຊຸ່ນທ່າວຮັບຜິດຊອບລະບົບອອກຈາກສະໜາມບິນ ເຊິ່ງເປັນລະບົບສຳຄັນທີ່ສຸດລະບົບໜຶ່ງ
ມັນກ່ຽວພັນເຖິງຜູ້ໂດຍສານຈະສາມາດຂຶ້ນຍົນຢ່າງສະດວກໄດ້ຫຼືບໍ່
ໜ້າທີ່ຂອງທ່ານ ຊຸ່ນທ່າວ ແມ່ນເຮັດໃຫ້ຂໍ້ມູນຂອງບໍລິສັດການບິນ, ຜູ້ໂດຍສານ ແລະ ເຄື່ອງເດີນທາງເປັນຕົ້ນເຊື່ອມຕໍ່ກັນຢ່າງສະໜິດແໜ້ນກວ່າເກົ່າ
ເພື່ອເຮັດໃຫ້ການເດີນທາງຂອງຜູ້ໂດຍສານມີຄວາມສະດວກ ແລະ ມີປະສິດທິພາບຍິ່ງຂຶ້ນ
8 ໂມງເຊົ້າຂອງທຸກໆມື້ເຮັດວຽກ ທ່ານຊຸ່ນທ່າວຈາກຫໍພັກມາຮອດ ITC ເລິ່ມເຮັດວຽກ
ການຮັກສາໃຫ້ລະບົບປະຕິບັດງານເປັນປົກກະຕິ ແລະ ອັບເດດລະບົບຕາມເວລາກຳນົດເປັນໜ້າທີ່ຕົ້ນຕໍຂອງລາວ
ຄອມພິມເຕີຂອງລາວ ສາມາດຕິດຕໍ່ກັບຫ້ອງເສີເວີທີ່ຫ່າງໄກກັນຫຼາຍຮ້ອຍແມັດ ເພື່ອຄວບຄຸມລະບົບອອກຈາກສະໜາມບິນທັງໝົດ
ລາວຍັງຕ້ອງໄປອາຄານຜູ້ໂດຍສານເພື່ອສຳຫຼວດສະພາບການເດີນຂອງອຸປະກອນລະບົບອອກຈາກສະໜາມບິນ ແລະ ຊອກຮູ້ຄວາມຮູ້ສຶກຂອງຜູ້ໂດຍສານນັ້ນເປັນໄລຍະ
ເນື້ອທີ່ອາຄານຜູ້ໂດຍສານຂອງສະໜາມບິນສາກົນຕ້າຊີ່ງປັກກິ່ງມີ 7 ແສນຕາແມັດ ເທົ່າກັບສະໜາມບານເຕະແບບມາດຖານ 100 ແຫ່ງ
ເຄື່ອງອຸປະກອນອັດສະລິຍະຫຼາຍພັນເຄື່ອງ ແລະ ເຄື່ອງເຊັນເຊີໝື່ນກວ່າອັນແຈກຢາຍຢູ່ແຫ່ງນີ້
ການກວດ ແລະ ອັບເດດລະບົບ ແລະ ເຄື່ອງອຸປະກອນແຕ່ລະເທື່ອ ຕ້ອງຍ່າງ ໝື່ນກວ່າບາດ, ສຳລັບທ່ານຊຸ່ນທ່າວແລ້ວ ນີ້ແມ່ນເລື່ອງທຳມະດາ
ເມື່ອຜູ້ໂດຍສານມາຮອດສະໜາມບິນຕ້າຊີ່ງ, ເກືອບໝົດຂັ້ນຕອນການຂຶ້ນຍົນກໍ່ສາມາດເຮັດໄດ້ດ້ວຍຕົນເອງ ແລະ ບໍ່ຕ້ອງໃຊ້ເຈ້ຍ
ຜູ້ໂດຍສານບໍ່ຈຳເປັນພິມໂປດີງຄັດ ພຽງແຕ່ໃຊ້ບັດປະຈຳຕົວ ຫຼື ພັສໂປດ ບວກກັບການຖ່າຍໃບໜ້າກໍ່ສາມາດແຈ້ງປີ້ ແລະ ຂຶ້ນຍົນໄດ້ເລີຍ
ຢູ່ສະໜາມບິນ ທ່ານຊຸ່ນທ່າວ ແລະ ເພື່ອນຮ່ວມງານຂອງລາວ ຍັງໄດ້ຕິດຕັ້ງອຸປະກອນອັດສະລິຍະຕ່າງໆເພື່ອຮັບປະກັນໃຫ້ຜູ້ໂດຍສານເຮັດດ້ວຍຕົນເອງໃນລະດັບສູງ
ຍົກຕົວຢ່າງເຄື່ອງສະແດງການບິນແບບອັດສະລິຍະໜ່ວຍນີ້ ຖ້າລືມຂໍ້ມູນຖ້ຽວບິນຂອງຕົນ ຫຼື ນ້ຳເບີຂອງປະຕູຂຶ້ນຍົນ, ຜູ້ໂດຍສານສາມາດຊອກຮູ້ໄດ້ໂດຍຖ່າຍໃບໜ້າຂອງຕົນຜ່ານເຄື່ອງນີ້
ຜູ້ໂດຍສານທີ່ຕ້ອງການຊັ່ງເຄື່ອງຂຶ້ນຍົນ ກໍ່ສາມາດເຮັດໄດ້ໂດຍຜ່ານເຄື່ອງອຸປະກອນຊັ່ງເຄື່ອງຂຶ້ນຍົນດ້ວຍຕົນເອງ
ＲＦＩＤ ແລະ ເຕັກນິກຕິດຕາມເຄື່ອງເດີນທາງຕະຫຼອດໄລຍະທາງຂອງສະໜາມບິນອັດສະລິຍະ ສາມາດເຮັດໃຫ້ຜູ້ໂດຍສານຊອກຮູ້ບ່ອນຢູ່ຂອງເຄື່ອງເດີນທາງຂອງຕົນໂດຍຜ່ານໂທລະສັບມືຖື ເຊິ່ງສະດວກຄືການຊອກຮູ້ບ່ອນຢູ່ຂອງສິນຄ້າສົ່ງດ່ວນ
ເຮັດແນວໃດຈິ່ງສາມາດເຮັດໃຫ້ການເດີນທາງຂອງຜູ້ໂດຍສານມີຄວາມສະດວກ ແລະ ມີປະສິດທິພາບສູງຍິ່ງຂຶ້ນ ແມ່ນທິດທາງດ້ານຄວາມພະຍາຍາມຂອງທ່ານຊຸ່ນທ່າວ ແລະ ເພື່ອນຮ່ວມງານຂອງລາວ ກໍ່ແມ່ນມູນຄ່າຂອງການກໍ່ສ້າງສະໜາມບິນອັດສະລິຍະ
ເມຍຂອງທ່ານຊຸ່ນທ່າວກໍ່ເປັນພະນັກງານຂອງສະໜາມບິນຕ້າຊີ່ງເຊັ່ນກັນ, ເຂົາເຈົ້າແມ່ນເພື່ອນຮຽນໃນໂຮງຮຽນມັດທະຍົມປາຍ
ໃນມື້ທຳມະດາ ຜົວເມຍສອງຄົນກໍ່ຄາວຽກຫຼາຍ ຈິ່ງເລືອກພັກຢູ່ຫໍພັກທີ່ໃກ້ກັບສະໜາມບິນ
ຮອດຕອນຄ່ຳວັນສຸກ ສອງຄົນຈຶ່ງຂັບລົດກັບເມືອເຮືອນຂອງຕົນທີ່ຢູ່ຖະໜົນວົງແຫວນທີ 3 ໃນເທສະບານເມືອງ
ໃນທ້າຍສັບປະດາ ທ່ານຊຸ່ນທ່າວມັກຢູ່ນຳກັບເມຍຂອງຕົນເພື່ອໃຊ້ຊີວິດຄອບຄົວທີ່ຫວານຊື່ນ
ປີ 2017, ທ່ານຊຸ່ນທ່າວຮຽນຈົບຈາກມະຫາວິທະຍາໄລການບິນແລະການບິນອະວະກາດປັກກິ່ງ ແລະ ປະກອບອາຊີບຢູ່ສະໜາມບິນຕ້າຊີ່ງກັບເພື່ອນຮຽນ 172 ຄົນຮ່ວມກັນ
ຫຼັງຈາກສະໜາມບິນເລີ່ມເປີດບໍລິການຢ່າງສະດວກແລ້ວ 1 ອາທິດ, ທ່ານຊຸ່ນທ່າວ ແລະ ເມຍໄດ້ຈັດພິທີແຕ່ງງານ
ຫຼັງອາຫານ, ທ່ານຊຸ່ນທ່າວ ແລະ ເມຍມັກຍ່າງເລາະຢູ່ສວນສາທາລະນະຊາກເມືອງຫຼວງລາຊະວົງຢວນທີ່ໃກ້ກັບເຮືອນຂອງເຂົາເຈົ້າ
ລາອອກຈາກສະໜາມບິນທີ່ເປັນບ່ອນຄາວຽກຂອງຕົນ ສຳຜັດກັບຄວາມມິດງຽບຂອງທຳມະຊາດ
ຢູ່ແຫ່ງນີ້ມີຊາກປະຫວັດສາດຈຳນວນຫຼວງຫຼາຍ ເປັນສັກຂີພິຍານໃຫ້ແກ່ປະຫວັດສາດຂອງປັກກິ່ງໃນຖານະທີ່ເປັນເມືອງຫຼວງເກົ່າຂອງຫ້າລາຊະວົງ
ປັດຈຸບັນ ນະຄອນຫຼວງປັກກິ່ງເປັນສູນກາງທາງດ້ານການເມືອງ, ວັດນະນະທຳ, ການໄປມາຫາສູ່ກັນກັບສາກົນ ແລະ ການປະດິດສ້າງເຕັກໂນໂລຊີຂອງຈີນ
ການກໍ່ສ້າງສະໜາມບິນຕ້າຊີ່ງ ເປັນການຕອບສະໜອງຄວາມຕ້ອງການຂອງການເພີ່ມຂຶ້ນຂອງວຽກງານການບິນຂອງປັກກິ່ງ ເຮັດໃຫ້ປັກກິ່ງເຂົ້າສູ່ຍຸກສະໄໝທີ່ມີສະໜາມບິນສອງແຫ່ງ
ທ່ານຊຸ່ນທ່າວຫວັງຢາກເຮັດວຽກຢູ່ສະໜາມບິນຕ້າຊີ່ງຕໍ່ໄປຈົນເຖິງມື້ບຳນານ, ນີ້ແມ່ນປະຕູລັດແຫ່ງໃໝ່ຂອງຈີນ ກໍ່ແມ່ນແນວໜ້າຫຼ້າສຸດຂອງການກໍ່ສ້າງພື້ນຖານໂຄງລ່າງອັດສະລິຍະ
ຜູ້ບ່າວຫຼັງຊຸມປີ 1990 ຜູ້ນີ້ເຊື່ອວ່າ, ອັດສະລິຍະສາມາດເຮັດໃຫ້ຊີວິດການເປັນຢູ່ ສະດວກຍິ່ງຂຶ້ນ ທັງສາມາດເຮັດໃຫ້ໂລກເຊື່ອມຕໍ່ເຂົ້າກັນຢ່າງດີກວ່າເກົ່າ
ຄຳເຫັນ
0