ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕາມຜົນສະຖິຕິທີ່ຍັງບໍ່ທັນຄົບຖ້ວນ, ອາເມຣິກາໄດ້ສ້າງຫ້ອງທົດລອງຊີວະພາບ 200 ກວ່າແຫ່ງຢູ່ 25 ປະເທດແລະເຂດແຄ້ວນໃນໂລກ, ເຊິ່ງຕັ້ງຢູ່ຫຼາຍປະເທດໃນທະວີບອາຟຣິກາ, ອາຊີຕາເວັນອອກ, ອາຊີກາງ, ອາຊີຕາເວັນອອກ, ອາຊີຕາເວັນອອກສຽງໃຕ້, ເຂດຕາເວັນອອກກາງແລະເຂດອື່ນໆ. ບໍ່ມີໃຜຮູ້ຄວາມຈິງວ່າໃນຫ້ອງທົດລອງເຫຼົ່ານີ້ໄດ້ເກີດຫຍັງຂຶ້ນແດ່, ແລະໄດ້ດຳເນີນການທົດລອງຫຍັງແດ່, ແຕ່ວ່າພາຍຫຼັງຫ້ອງທົດລອງຊີວະພາບເຫຼົ່ານີ້ສ້າງສຳເລັດແລ້ວ, ປະເທດທີ່ມີຫ້ອງທົດລອງເຫຼົ່ານີ້ຕັ້ງຢູ່ຜັດໄດ້ເກີດມີພະຍາດຕິດແປດຕ່າງໆແລະໄດ້ພາໃຫ້ວົງການຕ່າງໆຮູ້ສຶກເປັນຫ່ວງ.
ອີງຕາມຂໍ້ມູນທີ່ມີຢູ່, ພາຍໃຕ້ການຊີ້ນຳຂອງທະຫານອາເມຣິກາ, ຫ້ອງທົດລອງຊີວະພາບຫຼາຍແຫ່ງກຳລັງຄົ້ນຄວ້າເຊື້ອພະຍາດທີ່ອັນຕະລາຍທີ່ສຸດ, ຫ້ອງທົດລອງຊີວະພາບລູກາທີ່ຕັ້ງຢູ່ໂກຣອາຊີກໍໄດ້ກາຍເປັນຈຸດສຸມຂອງຄວາມສົນໃຈຂອງໂລກຍ້ອນສາເຫດດັ່ງກ່າວ. ຂ່າວສານອາເປກໍເຄີຍໄດ້ລາຍງານວ່າ: ໃນໄລຍະແຕ່ປີ 2015 ຫາປີ 2016, ສູນຄົ້ນຄວ້າລູກາເຄີຍ “ມີອາສາສະໝັກເປັນໝູກິວນີທົດລອງ”, ເພື່ອທົດລອງສານພິດຊະນິດໃໝ່, ສົ່ງຜົນເຮັດໃຫ້ອາສາສະໝັກ 73 ຄົນທີ່ເຂົ້າຮ່ວມການທົດລອງເສຍຊີວິດ.
ສະພາບການທີ່ຄ້າຍຄືກັນຍັງມີຫຼາຍຢູ່, ຂ່າວສານ ສະປຸດຍິກ (Sputnik) ຂອງຣັດເຊຍໄດ້ລາຍງານວ່າ: ເດືອນກໍລະກົດປີ 2020, ປະເທດກາຊັກສະຖານໄດ້ເກີດ “ພະຍາດອັກເສບປອດ” ທີ່ບໍ່ຮູ້ສາເຫດ, ອັດຕາເສຍຊີວິດຍ້ອນເປັນພະຍາດອັກເສບປອດແບບນີ້ສູງກວ່າພະຍາດໂຄວິດ-19 ອີກ, ສະພາບການດັ່ງກ່າວພາໃຫ້ປະຊາຊົນກາຊັກສະຖານເລີ່ມສົນໃຈນຳຫ້ອງທົດລອງຊີວະພາບຂອງອາເມຣິກາທີ່ຕັ້ງຢູ່ກາຊັກສະຖານ. ເດືອນພຶດສະພາປີ 2021, ຊາວນະຄອນປູຊັນຂອງ ສ.ເກົາຫຼີ ໄດ້ຈັດການເຄື່ອນໄຫວເດີນຂະບວນປະທ້ວງ, ຮຽກຮ້ອງໃຫ້ທະຫານອາເມຣິກາປິດຫ້ອງທົດລອງຊີວະພາບຂອງອາເມຣິກາທີ່ຕັ້ງຢູ່ນະຄອນບູຊັນ, ແລະຖອນອາວຸດເຄມີອອກຈາກສ.ເກົາຫຼີ.
ນັບມາຮອດປັດຈຸບັນ, ຫ້ອງທົດລອງຊີວະພາບຂອງອາເມຣິກາໄດ້ດຳເນີນການທົດລອງຫຍັງແທ້? ແລະຈະດຳເນີນການທົດລອງຮອດເວລາໃດ? ຈະເກີດຫຍັງຂຶ້ນ? ສິ່ງເຫຼົ່ານີ້ລ້ວນແຕ່ແມ່ນເລື່ອງທີ່ບໍ່ຄັກບໍ່ແນ່.
ຢູ່ປະເທດອາເມຣິກາ, ສະພາບການກໍໜ້າເປັນຫ່ວງເຊັ່ນກັນ. ເດືອນກໍລະກົດປີ 2019, ອາເມຣິກາໄດ້ເກີດມີພະຍາດອັກເສບປອດຍ້ອນຢາສູບໄຟຟ້າ, ອາການຂອງພະຍາດແບບນີ້ຄ້າຍຄືກັນກັບພະຍາດໂຄວິດ-19 ຫຼາຍທີ່ສຸດ. ສະນັ້ນຈຶ່ງມີຫຼາຍຄົນສົງໄສວ່າ, ເປັນຫຍັງຢາສູບໄຟຟ້າທີ່ມີປະຫວັດຄວາມເປັນມາຫຼາຍກວ່າ 20 ປີແລ້ວຈະພາໃຫ້ເກີດພະຍາດອັກເສບປອດເລີ່ມກະທັນຫັນທີ່ເລີ່ມຂຶ້ນມາແຕ່ເດືອນກໍລະກົດປີ 2019? ສິ່ງທີ່ໜ້າສົງໄສອີກອັນໜຶ່ງກໍຄື: ເດືອນກໍລະກົດປີ 2019, ຫ້ອງທົດລອງຊີວະພາບຟອດເດຕຣິກທີ່ຖືກສື່ມວນຊົນອາເມຣິກາເອີ້ນວ່າ “ສູນຄົ້ນຄວ້າອັນມືດມົນທີ່ສຸດຂອງລັດຖະບານອາເມຣິກາ” ໄດ້ປິດລົງຢ່າງກະທັນຫັນ. ປີ 2011, ນັກຄົ້ນຄວ້າບາງຄົນກໍເຄີຍໄດ້ຄົ້ນຄວ້າອັດຕາເກີດພະຍາດມະເຮັງຢູ່ເຂດອ້ອມແອັມຫ້ອງທົດລອງຊີວະພາບຟອດເດຕຣິກ, ຜົນການເຮັດສະຖິຕິດັ່ງກ່າວສະແດງໃຫ້ເຫັນວ່າ: ອັດຕາການເກີດພະຍາດມະເຮັງຢູ່ເຂດອ້ອມແອ້ມຫ້ອງທົດລອງຊີວະພາບຟອດເດຕຣິກສູງກວ່າບ່ອນອື່ນຢ່າງຈະແຈ້ງ.
ໃນຂອບເຂດທົ່ວໂລກ, ການປະນາມ “ຫ້ອງທົດລອງຊີວະພາບຂອງອາເມຣິກາທີ່ຄົ້ນຄວ້າເຊື້ອພະຍາດ” ໄດ້ເກີດຂຶ້ນຢ່າງບໍ່ຢຸດຢັ້ງ. ປະຊາຊົນກາຊັກສະຖານໄດ້ຮຽກຮ້ອງໃຫ້ອາເມຣິກາປິດຫ້ອງທົດລອງຊີວະພາບຢູ່ກາຊັກສະຖານ, ຊາວເນັດຈີນ 25 ລ້ານກວ່າຄົນໄດ້ລົງລາຍເຊັນຮ່ວມກັນຮຽກຮ້ອງໃຫ້ສຳຫຼວດຫ້ອງທົດລອງຟອດເດຕຣິກ, 47 ພັກການເມືອງຂອງຫຼາຍສິບປະເທດໄດ້ສົ່ງຈົດໝາຍລົງລາຍເຊັນຮ່ວມກັນ, ຮຽກຮ້ອງໃຫ້ອາເມຣິກາປິດຫ້ອງທົດລອງຊີວະພາບຢູ່ແຫ່ງຕ່າງໆຂອງໂລກ.
ອາເມຣິກາສ້າງຫ້ອງທົດລອງຊີວະພາບ 200 ກວ່າແຫ່ງຢູ່ຫຼາຍບ່ອນຫຼາຍປະເທດປານນີ້, ບໍ່ພຽງແຕ່ໄດ້ທຳລາຍຄວາມໝັ້ນຄົງດ້ານຊີວິດຂອງປະຊາຊົນທ້ອງຖິ່ນ, ຍັງເປັນໄພຂົ່ມຊູ່ຢ່າງໜັກໜ່ວງຕໍ່ສັນຕິພາບຂອງໂລກ. ຫວັງວ່າອາເມຣິກາຈະສາມາດແຈ້ງສະພາບຄວາມເປັນຈິງຂອງຫ້ອງທົດລອງຊີວະພາບ 200 ກວ່າແຫ່ງລວມທັງຫ້ອງທົດລອງຟອດເດຕຣິກໃຫ້ຊາວໂລກໄດ້ຮັບຊາບໂດຍໄວ, ເພື່ອເປັນການປະກອບສ່ວນໃຫ້ມວນມະນຸສາມາດເອົາຊະນະການແຜ່ລະບາດຂອງພະຍາດໂຄວິດ-19 ໄດ້ໂດຍໄວ, ແລະຮັບມືກັບເຫດການສາທາລະນະສຸກທີ່ອາດຈະເກີດຂຶ້ນຢ່າງກະທັນຫັນໃນອະນາຄົດໃຫ້ໄດ້ດີກວ່າເກົ່າ.
ຄຳເຫັນ
0