ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 25 ຕຸລານີ້,ຢູ່ທີ່ນະຄອນຫຼວງປັກກິ່ງ, ທ່ານສີຈິ້ນຜິງ ປະທານປະເທດຈີນໄດ້ກ່າວຄຳປາໄສສຳຄັນໃນພິທີລະນຶກການຟື້ນຟູທີ່ນັ່ງຂອງສາທາລະນະລັດປະຊາຊົນຈີນທີ່ຖືກຕ້ອງຕາມກົດໝາຍຢູ່ອົງການສະຫະປະຊາຊາດຄົບຮອບ 50 ປີ.
ທ່ານສີຈິ້ນຜິງກ່າວເນັ້ນວ່າ: ການພັດທະນາທີ່ມີຈຸດປະສົງເພື່ອປະຊາຊົນ ການພັດທະນາຈິ່ງມີຄວາມໝາຍ, ການພັດທະນາໂດຍອາໄສປະຊາຊົນ ການພັດທະນາຈິ່ງມີແຮງຂັບເຄື່ອນ. ບັນດາປະເທດໃນໂລກຄວນຍຶດໝັ້ນການຖືເອົາປະຊາຊົນເປັນໃຈກາງ, ພະຍາຍາມສູ້ຊົນເພື່ອບັນລຸການພັດທະນາທີ່ມີຄຸນນະພາບສູງກວ່າເກົ່າ,ມີປະສິດທິພາບສູງກວ່າເກົ່າ, ຍຸດຕິທຳກວ່າເກົ່າ, ຍືນຍົງກວ່າເກົ່າແລະປອດໄພກວ່າເກົ່າ. ຄວນເສີມສ້າງຄວາມສາມາດຂອງປະຊາຊົນໃນການພັດທະນາ, ສ້າງສະພາບແວດລ້ອມແຫ່ງການພັດທະນາທີ່ທຸກຄົນມີສ່ວນຮ່ວມແລະທຸກຄົນຊົມໃຊ້ຮ່ວມກັນ, ສ້າງສະພາບການພັດທະນາທີ່ເຮັດໃຫ້ໝາກຜົນຂອງການພັດທະນາສົ່ງຜົນປະໂຫຍດໃຫ້ກັບແຕ່ລະປະເທດແລະແຕ່ລະຄົນໃຫ້ຫຼາຍກວ່າເກົ່າແລະຍຸດຕິທຳກວ່າເກົ່າ.
ຄຳເຫັນ
0