ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 25 ຕຸລານີ້, ທ່ານສີຈິ້ນຜິງ ປະທານປະເທດຈີນໄດ້ເຂົ້າຮ່ວມພິທີລະນຶກການຟື້ນຟູທີ່ນັ່ງຂອງສປຈີນທີ່ຖືກຕ້ອງຕາມກົດໝາຍຢູ່ອົງການສະຫະປະຊາຊາດຄົບຮອບ 50 ປີ ທັງໄດ້ກ່າວຄຳປາໄສທີ່ສຳຄັນ.
ທ່ານສີຈິ້ນຜິງກ່າວເນັ້ນວ່າ, ພວກເຮົາຄວນອອກແຮງເຊີດຊູ ຄ່ານິຍົມຮ່ວມຂອງມວນມະນຸດ ຄື: ສັນຕິພາບ, ການພັດທະນາ, ຄວາມຍຸຕິທຳ, ຄວາມເປັນທຳ, ປະຊາທິປະໄຕ ແລະ ເສລີພາບ, ຮ່ວມກັນກຳນົດທັດສະນະທີ່ເປັນທິດນຳທີ່ຖືກຕ້ອງໃຫ້ກັບການສ້າງໂລກທີ່ສວຍງາມກວ່າເກົ່າ. ສັນຕິພາບ ແລະ ການພັດທະນາແມ່ນພາລະກິດຮ່ວມຂອງພວກເຮົາ, ຄວາມຍຸຕິທຳ ແລະຄວາມເປັນທຳແມ່ນອຸດົມການຮ່ວມຂອງພວກເຮົາ, ປະຊາທິປະໄຕ ແລະ ເສລີພາບແມ່ນເປົ້າໝາຍຮ່ວມຂອງພວກເຮົາ. ຄວາມຫຼາກຫຼາຍແມ່ນມົນສະເໜ່ອະລິຍະທຳຂອງມວນມະນຸດ,ທັງເປັນແຫຼ່ງພະລັງຊີວິດ ແລະ ແຮງຂັບເຄື່ອນການພັດທະນາໂລກ. ອະລິຍະທຳບໍ່ໄດ້ຈຳແນກວ່າສູງຕ່ຳ ຫຼື ດີຊົ່ວ, ມີແຕ່ຄວາມແຕກຕ່າງດ້ານຈຸດພິເສດ ແລະ ພາກພື້ນ, ມີແຕ່ການແລກປ່ຽນຈຶ່ງຈະສາມາດເຊື່ອມໂຍງເຂົ້າກັນໄດ້, ມີແຕ່ເຊື່ອມໂຍງເຂົ້າກັນຈຶ່ງຈະສາມາດກ້າວໄປໜ້າໄດ້.
ຄຳເຫັນ
0