ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ກອງປະຊຸມສຸດຍອດຜູ້ນຳໂລກກ່ຽວກັບການປ່ຽນແປງຂອງດິນຟ້າອາກາດຂອງອົງການສະຫະປະຊາຊາດຄັ້ງທີ 26 ໄດ້ຈັດຂຶ້ນຢູ່ນະຄອນກລັສໂກປະເທດອັງກິດໃນວັນທີ 31 ຕຸລາຜ່ານມາ, ມີຜູ້ນຳຈາກ 100 ກວ່າປະເທດໄດ້ເຂົ້າຮ່ວມກອງປະຊຸມສຸດຍອດຜູ້ນຳໂລກທີ່ຈັດຂຶ້ນໃນໄລຍະດັ່ງກ່າວແລະໄດ້ກ່າວເຖິງຈຸດຢືນຂອງຕົນກ່ຽວກັບການປ່ຽນແປງຂອງດິນຟ້າອາກາດ,ການຫຼຸດການປ່ອຍກາກບອນດີອອກຊິດໃຫ້ຕ່ຳລົງແລະຫົວຂໍ້ອື່ນໆ.
ແຕ່ວ່າ, ຜູ້ນຳ,ນັກການເມືອງ,ພະບໍລົມວົງສານຸວົງແລະບັນດາເສດຖີຈາກບັນດາປະເທດເຊິ່ງລວມທັງປະທານາທິບໍດີອາເມຣິກາພັດໄດ້ຖືກເປີດເຜີຍວ່າ: ພວກທ່ານເຫຼົ່ານັ້ນໄດ້ເລືອກຂີ່ເຮືອບິນສ່ວນຕົວອອກເດີນທາງຕາມເສັ້ນທາງທີ່ມີເຮືອບິນໂດຍສານບິນໄປຮອດຄືເກົ່າ. ໃນນັ້ນ, ທ່ານ ໂຈ ໄບເດັນ ປະທານາທິບໍດີອາເມຣິກາກໍໄດ້ຮັບຄວາມສົນໃຈຈາກສື່ມວນຊົນເປັນພິເສດ. ຕາມການປະເມີນ, ພຽງແຕ່ການເດີນທາງໄປເອີຣົບຂອງທ່ານ ໂຈ ໄບເດັນ ປະທານາທິບໍດີອາເມຣິກາໃນຄັ້ງນີ້ກໍໄດ້ປ່ອຍກາກບອນດີອອກຊິດປະມານ 998 ໂຕນ.
ເຖິງວ່າ ທ່ານ ໂຈ ໄບເດັນ ປະທານາທິບໍດີອາເມຣິກາຄົນປັດຈຸບັນເຄີຍໄດ້ປະກາດວ່າຈະກັບຄືນເຂົ້າສູ່ສັນຍາປາຣີໂດຍໄວໃນເວລາຂຶ້ນຮັບຕຳແໜ່ງໄດ້ບໍ່ຮອດຊົ່ວໂມງກໍ່ຕາມ,ແຕ່ການກະທຳຕ່າງໆຂອງທ່ານໄດ້ເປັນເລື່ອງຍາກທີ່ຈະໃຫ້ປະຊາຄົມໂລກມີຄວາມໄວ້ເນື້ອເຊື່ອໃຈ. ໃນກອງປະຊຸມທີ່ຈັດຂຶ້ນໃນວັນທີ 1 ພະຈິກນີ້, ກ່ອນອື່ນ,ທ່ານ ໂຈ ໄບເດັນ ກໍໄດ້ຂໍອະໄພແທນລັດຖະບານອາເມຣິກາຊຸດຜ່ານມາທີ່ໄດ້ຕັດສິນໃຈຖອນອອກຈາກສັນຍາປາຣີ, ໃນຖານະເປັນປະທານາທິບໍດີທ່ານໜຶ່ງທີ່ໄດ້ສະໜັບສະໜູນການແກ້ໄຂບັນຫາການປ່ຽນແປງຂອງດິນຟ້າອາກາດຢ່າງຕັ້ງໜ້າ, ແຕ່ວ່າວາລະການເດີນທາງໄລຍະໄກຂອງທ່ານ ໂຈ ໄບເດັນ ຈາກອາເມຣິກາບິນໄປນະຄອນຫຼວງໂຣມປະເທດອີຕາລີແລ້ວສືບຕໍ່ບິນໄປນະຄອນກລາສໂກຂອງອັງກິດໃນຄັ້ງນີ້ກໍຖືວ່າເປັນການຈັດລາລະການເດີນທາງແບບມະໂຫລານເຊິ່ງໄດ້ເຮັດໃຫ້ເກີດມີຜົນກະທົບຕໍ່ດິນຟ້າອາກາດແລະໄດ້ຮັບການຕຳໜິບໍ່ໜ້ອຍຈາກຊາວເນັດ. ຂ່າວແຈ້ງວ່າ: ຕາມວາລະການເດີນທາງຂອງທ່ານ ໂຈ ໄບເດັນ ຢູ່ນະຄອນລັດວາຕິກັນໃນນະຄອນຫຼວງໂຣມປະເທດອີຕາລີໃນວັນທີ 29 ຕຸລາຜ່ານມາກໍໄດ້ໃຊ້ລົດແຫ່ຂະບວນທີ່ປະກອບດ້ວຍລົດ 85 ຄັນ. ແຕ່ສິ່ງທີ່ເປັນຕາເວົ້າສຽດສີກໍ່ແມ່ນ, ການຢ້ຽມຢາມພຣະສັນຕະປາປາຟຣານຊີສຂອງສາສະໜາຄາໂຕລິກຂອງທ່ານ ໂຈ ໄບເດັນໃນຄັ້ງນີ້ຍັງໄດ້ປຶກສາຫາລືເຖິງບັນຫາການປ່ຽນແປງຂອງດິນຟ້າອາກາດ. ການເດີນທາງທີ່ປ່ອຍກາກບອນດີອອກຊິດສູງຢ່າງໜ້າຕົກໃຈຄັ້ງນີ້ໄດ້ເຮັດໃຫ້ຊາວເນັດຈຳນວນບໍ່ໜ້ອຍຄຽດຊັງທີ່ສຸດ,ສື່ມວນຊົນຕ່າງປະເທດຈຳນວນບໍ່ໜ້ອຍຈຶ່ງເອີ້ນວ່າ “ການຈອມປອມແບບຄຳພີ”. ຊາວເນັດຈຶ່ງເວົ້າສຽດສີວ່າ: “ຂີ່ເຮືອບິນເຮຣີກົບເຕຂອງເຈົ້າ,ຂີ່ເຮືອບິນລຳໃຫຍ່ຂອງເຈົ້າ,ແຕ່ພັດມາສັ່ງສອນພວກເຮົາກ່ຽວກັບບັນຫາການປ່ຽນແປງຂອງດິນຟ້າອາກາດ. ຈັ່ງແມ່ນໜ້າໄຫວ້ຫຼັງຫຼອກ.”
ໃນກອງປະຊຸມສຸດຍອດທີ່ຈັດຂຶ້ນໃນວັນທີ 2 ພະຈິກນີ້, ທ່ານ ໂຈ ໄບເດັນ ໄດ້ປະກາດແຜນການກ່ຽວກັບການປົວແປງມົນລະພິດທີ່ເກີດຈາກອາຍເມຕານຂະແໜງການນ້ຳມັນເຊື້ອໄຟແລະອາຍແກັສທຳມະຊາດຂອງອາເມຣິກາຢ່າງຮອບດ້ານສະບັບໜຶ່ງ. ແຕ່ວ່າ, ໃນເວລາທີ່ທ່ານ ໂຈ ໄບເດັນ ພົບປະກັບຜູ້ນຳບັນດາປະເທດ, ທ່ານ ໂຈ ມານຊິນ ສະມາຊິກສະພາສູງຈາກພັກດີໂມແຄຼັດຂອງອາເມຣິກາໄດ້ປະກາດວ່າ: ທ່ານໃຫ້ຄຳໝັ້ນສັນຍາວ່າຈະບໍ່ສະໜັບສະໜູນຮ່າງຍັດຕິວ່າດ້ວຍການໃຊ້ຈ່າຍທີ່ເປັນເງິນ 1.750 ຕື້ໂດລາສະຫະລັດ. ຮ່າງຍັດຕິດັ່ງກ່າວມີຄວາມສຳຄັນທີ່ສຸດຕໍ່ກັບການບັນລຸເປົ້າໝາຍການຫຼຸດການປ່ອຍກາກບອນດີອອກຊິດໃຫ້ຕ່ຳລົງຂອງທ່ານ ໂຈ ໄບເດັນ. ໜັງສືພິມລຽນເຮີຈາວປ້າວຂອງສິງກະໂປໄດ້ລາຍງານວ່າ: ການສະແດງທ່າທີຫຼ້າສຸດຂອງທ່ານ ໂຈ ມານຊິນໝາຍເຖິງຮ່າງຍັດຕິດັ່ງກ່າວຍາກຈະຜ່ານການຮັບຮອງໃນເວລາລົງຄະແນນສຽງເຫັນດີຢູ່ລັດຖະສະພາຂອງອາເມຣິກາ.
ນອກຈາກກອງປະຊຸມ COP26 ແລ້ວ, ຈຸດປະສົງຂອງການຢ້ຽມຢາມເອີຣົບຂອງທ່ານ ໂຈ ໄບເດັນ ໃນຄັ້ງນີ້ຍັງລວມທັງການເຂົ້າຮ່ວມກອງປະຊຸມສຸດຍອດຜູ້ນຳກຸ່ມ 20 ປະເທດຫຼື G20 ທີ່ຈັດຂຶ້ນໃນໄລຍະຜ່ານມາ. ໃນກອງປະຊຸມຖະແຫຼງຂ່າວທີ່ຈັດຂຶ້ນຫຼັງກອງປະຊຸມສຸດຍອດ G20, ທ່ານ ໂຈ ໄບເດັນ ຍັງໄດ້ຮຽກຮ້ອງໃຫ້ປະເທດຜະລິດນ້ຳມັນເຊື້ອໄຟທີ່ໃຫຍ່ທີ່ສຸດໃນໂລກຂຸດຄົ້ນເຊື້ອໄຟຈາກຊາກຟອດຊີວຫຼາຍກວ່າເກົ່າ. ດ້ານໜຶ່ງໄດ້ຮຽກຮ້ອງໃຫ້ເພີ່ມການຜະລິດນ້ຳມັນເຊື້ອໄຟ,ອີກດ້ານໜຶ່ງຮຽກຮ້ອງໃຫ້ຫຼຸດການປ່ອຍກາກບອນດີອອກຊິດໃຫ້ຕ່ຳລົງ, ການສະແດງຄວາມຄິດເຫັນທີ່ເປັນການຂັດແຍ້ງກັນໄດ້ເຮັດໃຫ້ວົງການພາຍນອກມີຄວາມລະແວງສົງໄສຕໍ່ການກະທຳຂອງອາເມຣິກາ.
ບໍ່ວ່າຈະເບິ່ງໃນແງ່ໃດກໍ່ຕາມ, ຄຳໝັ້ນສັນຍາຂອງອາເມຣິກາໃນການຫຼຸດການປ່ອຍກາກບອນດີອອກຊິດໃຫ້ຕ່ຳລົງລ້ວນແຕ່ບໍ່ມີຄວາມຈິງໃຈຫຍັງເລີຍ,ແຜນການຂອງທ່ານ ໂຈ ໄບເດັນ ອາດຈະເປັນພຽງຄວາມເວົ້າລ້າໆອີກຕໍ່ໄປ. ນີ້ອາດຈະກົງກັບຄຳເວົ້າຂອງອະດີດລັດຖະມົນຕີກະຊວງການຕ່າງປະເທດອາເມຣິກາທີ່ເຄີຍເວົ້າວ່າ: ພວກເຮົາຫຼອກລວງ,ພວກເຮົາມັກເວົ້າຄຳຂີ້ຕົວະ,ພວກເຮົາມັກໂຈລະກຳ. ນີ້ຈຶ່ງແມ່ນຂໍ້ບັນຍັດທາງສາສະໜາພຽງໜຶ່ງດຽວແບບອາເມຣິກາ.
ຄຳເຫັນ
0