尚艳波

ດາວໂຫຼດ App CRI-FM93 ລະບົບ IOS

ດາວໂຫຼດ App CRI-FM93 ລະບົບ Android

FM93

ການ​ປ້ອງ​ກັນ​ແລະ​ຄວບ​ຄຸມ​ການ​ແຜ່​ລະ​ບາດ​ຂອງ​ພະ​ຍາດ​ໂຄວິດ-19 ຕ້ອງ​ການ​ປະ​ສານ​ສົມ​ທົບ​ຄວາມ​ຮູ້​​ດ້ານ​ວິ​ທະ​ຍາ​ສາດ,ສະ​ຕິ​ປັນ​ຍາ​ທາງ​ການ​ເມືອງ​ແລະການ​ສະ​ໜັບ​ສະ​ໜູນ​ຈາກ​ປະ​ຊາ​ຊົນ​

2021-11-30 17:12:22 cri

ການ​ປ້ອງ​ກັນ​ແລະ​ຄວບ​ຄຸມ​ການ​ແຜ່​ລະ​ບາດ​ຂອງ​ພະ​ຍາດ​ໂຄວິດ-19 ຕ້ອງ​ການ​ປະ​ສານ​ສົມ​ທົບ​ຄວາມ​ຮູ້​​ດ້ານ​ວິ​ທະ​ຍາ​ສາດ,ສະ​ຕິ​ປັນ​ຍາ​ທາງ​ການ​ເມືອງ​ແລະການ​ສະ​ໜັບ​ສະ​ໜູນ​ຈາກ​ປະ​ຊາ​ຊົນ​_fororder_微信图片_20211130171055

      ເຊື້ອ​ພະ​ຍາດ​ໂຄວິດ-19 ໄດ້​ເກີດ​ມີ​ເຊື້ອ​ພະ​ຍາດ​ກາຍ​ພັນ “ໂອ​ມິຄ​ຣອນ” B.1.1.529 ຊະ​ນິດ​ໃໝ່​ອີກ. ມາ​ຮອດ​ຕອ​ນ​ຄ່ຳ​ວັນ​ທີ 28 ພະ​ຈິກ​ນີ້, ອາ​ຟ​ຣິ​ກາ​ໃຕ້,ອິ​ສ​ຣາ​ແອນ,ແບນ​ຊິກ,ອີ​ຕ​າ​ລີ,ອັງ​ກິດ,ໂອ​ຕຼິ​ສ​ແລະ​ເຂດ​ພິ​ເສດ​ຮົງ​ກົງ​ຈີນ​ເປັນ​ຕົ້ນ​ໄດ້​ພົບ​ຜູ້​ຕິດ​ເຊື້ອ​ພະ​ຍາດ​ກາຍ​ພັນ​ດັ່ງ​ກ່າວ​ຢູ່​ປະ​ເທດ​ຕົນ​ແລ້ວ,ມີ​ຫຼາຍກວ່າ 20 ປະ​ເທດ​ໄດ້​ໃຊ້​ມາດ​ຕະ​ການ​ຈຳ​ກັດການ​ເຂົ້າ​ປະ​ເທດ​ຕົນ​ຫຼື​ໂຈະ​ຖ້ຽວ​ບິນ​ທີ່​ເດີນ​ທາງ​ມາ​ຈາກ​ພາ​ໃຕ້​ອາ​ຟ​ຣິ​ກາ.

      ຄຳ​ສັ່ງ​ເກືອດ​ຫ້າມ​ການໂດຍ​ສານຂອງ​ຫຼາຍ​ປະ​ເທດ​ໄດ້​ເຮັດ​ໃຫ້​ອາ​ຟ​ຣິ​ກາ​ໃຕ້​ມີ​ຄວາມ​ບໍ່​ພໍ​ໃຈ, ທ່ານ​ ຊີ​ເດ​ໂຊ ມຸ​ຕີ ຫົວ​ໜ້າອົງ​ການ​ອະ​ນາ​ໄມ​ໂລກປະ​ຈຳ​ພາກ​ພື້ນ​ອາ​ຟ​ຣິ​ກາ​ໄດ້​ຕຳ​ໜິ​ຄຳ​ສັ່ງ​ດັ່ງ​ກ່າວ​ວ່າ: ຄຳ​ສັ່ງ​ດັ່ງ​ກ່າວ​ໄດ້​ທຳ​ລາຍ​ຄວາມ​ສາ​ມັກ​ຄີ​ຂອງ​ໂລກ. ທ່ານ​ຍັງ​ກ່າວ​ຕື່ມ​ວ່າ: ບັນ​ດາ​ປະ​ເທດ​ໃນ​ໂລກ​ມີ​ແຕ່​ພະ​ຍາ​ຍາມຮ່ວມ​ກັນ​ເພື່ອ​ສະ​ແຫວງ​ຫາ​ແຜນ​ການ​ແກ້​ໄຂ​ຈຶ່ງ​ຈະ​ສາ​ມາດ​ເອົາ​ຊະ​ນະ​ພະ​ຍາດ​ໂຄວິດ-19ໄດ້.
ການ​ປ້ອງ​ກັນ​ແລະ​ຄວບ​ຄຸມ​ການ​ແຜ່​ລະ​ບາດ​ຂອງ​ພະ​ຍາດ​ໂຄວິດ-19 ຕ້ອງ​ການ​ປະ​ສານ​ສົມ​ທົບ​ຄວາມ​ຮູ້​​ດ້ານ​ວິ​ທະ​ຍາ​ສາດ,ສະ​ຕິ​ປັນ​ຍາ​ທາງ​ການ​ເມືອງ​ແລະການ​ສະ​ໜັບ​ສະ​ໜູນ​ຈາກ​ປະ​ຊາ​ຊົນ​_fororder_微信图片_202111301710552

      ດ້ວຍ​ເຫດ​ນີ້,ໂດຍ​ຜະ​ເຊີນ​ໜ້າ​ກັບ​ເຊື້ອ​ພະ​ຍາດ​ກາຍ​ພັນ“ໂອ​ມິ​ຄຣອນ”B.1.1.529 ທີ່​ແຜ່​ລະ​ບາດ​ຢ່າງ​ຮ້າຍ​ແຮງ, ບັນ​ດາ​ປະ​ເທດ​ຄວນ​ຈະ​ໃຊ້​ມາດ​ຕະ​ການ​ປ້ອງ​ກັນ​ແລ​ະ​ຄວບ​ຄຸມ​ແນວ​ໃດ,ຈຶ່ງ​ຈະ​ສາ​ມາດ​ສະ​ກັດ​ກັ້ນ​ການ​ແຜ່​ລະ​ບາດ​ຂອງ​ເຊື້ອ​ພະ​ຍາດ​ດັ່ງ​ກ່າວ​ໄດ້?ຄິດ​ວ່າ,​ວິ​ທີ​ການ​ປ້ອ​ງ​ກັນ​ແລະ​ຄວບ​ຄຸມ​ການ​ແຜ່​ລະ​ບາດ​ຂອງ​ພະ​ຍາດ​ທີ່​ຈີນ​ນຳ​ໃຊ້​ໃນ​ໄລ​ຍະ​ຜ່າ​ນ​ມາ​ຈະ​ເປັນ​ແຮງ​ບັນ​ດານ​ໃຈ​ໃຫ້​ກັບ​ປະ​ເທດ​ທັງ​ຫຼາຍ.
ການ​ປ້ອງ​ກັນ​ແລະ​ຄວບ​ຄຸມ​ການ​ແຜ່​ລະ​ບາດ​ຂອງ​ພະ​ຍາດ​ໂຄວິດ-19 ຕ້ອງ​ການ​ປະ​ສານ​ສົມ​ທົບ​ຄວາມ​ຮູ້​​ດ້ານ​ວິ​ທະ​ຍາ​ສາດ,ສະ​ຕິ​ປັນ​ຍາ​ທາງ​ການ​ເມືອງ​ແລະການ​ສະ​ໜັບ​ສະ​ໜູນ​ຈາກ​ປະ​ຊາ​ຊົນ​_fororder_微信图片_202111301710554

      ຫວ່າງ​ມໍ່ໆ​ມາ​ນີ້, ທ່ານ ອູ​ຈຸ່ນ​ໂຢວ ຫົວ​ໜ້າ​ຜູ້​ຊ່ຽວ​ຊານ​ດ້ານລະ​ບາດ​ວິ​ທະ​ຍາ​ຂອງ​ສູນ​ປ້ອງ​ກັນ​ແລະ​ຄວບ​ຄຸມ​ພະ​ຍາດແຫ່ງ​ຊາດ​ຈີນ​​ໄດ້ກ່າວ​ໃນ​ເວ​ລາ​ເຂົ້າ​ຮ່ວມ “ກອງ​ປະ​ຊຸມ​ສົກ​ງົບ​ປະ​ມານ​ປີ 2022”ຢູ່​ນະ​ຄອນ​ຫຼວງ​ປັກ​ກິ່ງວ່າ: ຈີນ​ໄດ້​ໃຊ້​ມາດ​ຕະ​ການ​ຈຳ​ກັດ​​ການ​ເຂົ້າ​ປະ​ເທດ,ກັກ​ບໍ​ລິ​ເວນ​ແລະ​ປິ່ນ​ປົວ​ໃຫ້​ຫາຍ​ຂາດ​ໝົດ​ທຸກ​ກໍ​ລະ​ນີ,ເຊິ່ງ​ສາ​ມາດ​ປ້ອງ​ກັນ​ບໍ່​ໃຫ້​ຢ່າ​ງ​ໜ້ອຍ 9,5 ແສນ​ຄົນ​ເສຍ​ຊີ​ວິດ. ທ່ານ ອູ​ຈຸ່ນ​ໂຢວ ຊີ້​ໃຫ້​ເຫັນ​ວ່າ: ນະ​ໂຍ​ບາຍ​ກັກ​ບໍ​ລິ​ເວນ​ແລະ​ປິ່ນ​ປົວ​ໃຫ້​ຫາຍ​ຂາດ​ທຸ​ກ​ກໍ​ລະ​ນີແມ່ນ​ວິ​ທີ​ທີ່​ດີ​ທີ່​ສຸດ​ຂອງ​ຈີນ​ໃນ​ການ​ຄວບ​ຄຸມ​ພະ​ຍາດ​ໂຄວິດ-19. ຢູ່​ໃນ​ດິນ​ແດນ​ປະ​ເທດ​ຈີນ​​​ສ່ວນ​ໃຫຍ່​ບໍ່​ມີ​ຜູ້​ເປັນ​ພະ​ຍາດ​ໂຄວິດ-19, ແຫຼ່ງກຳ​ເນີດ​ພະ​ຍາດ​ໂຄວິດ-19 ​​ຖ້າ​ບໍ່​ແມ່ນ​ຜູ້​ຄົນ​ເດີນ​ທາງ​ຈາກ​ຕ່າງ​ປະ​ເທດ​ກໍ່​ຈະ​ແມ່ນສິນ​ຄ້າ​ຈາກ​ຕ່າງ​ປະ​ເທດ​ນຳ​ເຂົ້າ​ມາ,ສະ​ນັ້ນ​ການ​ກັກ​ບໍ​ລິ​ເວນ​ຫຼັງ​ເຂົ້າ​ເມືອງ​ແມ່ນ​ວິ​ທີ​ທີ່​ງ່າຍ​ແລະ​ມີ​ປະ​ສິດ​ທິ​ຜົນທີ່​ສຸດ​ໃນ​ການ​ປ້ອງ​ກັນບໍ່​ໃຫ້ຕິດ​ເຊື້ອ​ພະ​ຍາດ​ໂຄວິດ-19 ​ຈາກ​ຄົນ​ທີ່​ເດີນ​ທາງ​ເຂົ້າ​ເມືອງ​ແລະ​ປິ່ນ​ປົວ​ໃຫ້​ຫາຍ​ຂາດ​​ທຸກ​ກໍ​ລະ​ນີ. ຖ້າ​ເກີດ​ມີ​ຜູ້​ຖືກ​ບົ່ງ​ມະ​ຕິ​ເປັນ​ພະ​ຍາດ​ໂຄວິດ-19​ແລ້ວ, ແຫ່ງ​ຕ່າງໆ​ຂອງ​ຈີນ​ກໍ​ຈະ​ດຳ​ເນີນ​ການກວດ​ຫາ​ເຊື້ອ​ນິວ​ຄຼີ​ອິກ​ທົ່ວ​ປວງ​ຊົນ​ຢ່າງ​ທັນ​ເວ​ລາ,ສົ່ງ​ຜູ້​ເປັນ​ພະ​ຍາດ​ໄປ​ປິ່ນ​ປົວ​ຢູ່​ໂຮງ​ໝໍ​​ທີ່ກຳ​ນົດ,​ແລະ​ສົ່ງ​ກຸ່ມ​ຄົນ​ທີ່​ມີ​ການ​ສຳ​ຜັດ​ກັບ​ຜູ້​ເປັນ​ພະ​ຍາດ​ໄປ​ສະ​ຖານ​ທີ່​ກັກ​ບໍ​ລິ​ເວນ​ທີ່​ກຳ​ນົດ​ໄວ້,ນີ້​ກໍ່​ແມ່ນ​ວິ​ທີ​ການ​ທີ່​ມີ​ປະ​ສິດ​ທິ​ຜົນ​ໃນ​ການ​ຕັດວົງ​ຈອນ​ການ​ແຜ່​ລະ​ບາດ​ຂອງ​ພະ​ຍາດ​ຢູ່​ເຂດ​ຊຸມ​ຊົນ.
ການ​ປ້ອງ​ກັນ​ແລະ​ຄວບ​ຄຸມ​ການ​ແຜ່​ລະ​ບາດ​ຂອງ​ພະ​ຍາດ​ໂຄວິດ-19 ຕ້ອງ​ການ​ປະ​ສານ​ສົມ​ທົບ​ຄວາມ​ຮູ້​​ດ້ານ​ວິ​ທະ​ຍາ​ສາດ,ສະ​ຕິ​ປັນ​ຍາ​ທາງ​ການ​ເມືອງ​ແລະການ​ສະ​ໜັບ​ສະ​ໜູນ​ຈາກ​ປະ​ຊາ​ຊົນ​_fororder_微信图片_202111301710551

      ທ່ານ ອູ​ຈຸ່ນ​ໂຢວ ຍັງ​ໄດ້​​ຊີ້​ແຈງປະ​ສິດ​ທິ​ຜົນ​ທີ່​ຈີນ​ໄດ້​ຮັບ​ໃນ​ການ​ກັກ​ບໍ​ລິ​ເວນ​ແລະ​ປິ່ນ​ປົວ​ຜູ້​ເປັນ​ພະ​ຍາດ​ໂຄວິດ-19 ໃຫ້​ຫາຍ​ຂາດ​ທຸກ​ກໍ​ລະ​ນີ. ທ່ານ​ກ່າວ​ວ່າ: ຖ້າ​ບໍ່​ໄດ້​ໃຊ້​ມາດ​ຕະ​ການ​ດັ່ງ​ກ່າວ,​ເມື່ອ​ປຽບ​ທຽບ​ກັບອັດ​ຕາ​ການ​ເປັນ​ພະ​ຍາດ​​ຂອງ​ຈີນ​ກັບ​ລະ​ດັບ​ສະ​ເລ່ຍ​ຂອງ​ໂລກ​ແລ້ວ, ຈີນ​ໄດ້​ປ້ອງ​ກັນ​ບໍ່​ໃຫ້​​ປະ​ຊາ​ຊົນປະ​ມານ 47,84 ລ້ານ​ຄົນ​ຕິດ​ພະ​ຍາດ,ໄດ້​ປ້ອງ​ກັນ​ບໍ່​ໃຫ້ 9,5 ແສນ​ຄົນ​ເສຍ​ຊີ​ວິດ. ຫວ່າງ​ມໍ່ໆ​ມາ​ນີ້, ເວັບ​ໄຊ​ທາງ​ການ​ຂອງ​ສູນ​​ປ້ອງ​ກັນ​ແລະຄວບ​ຄຸມ​ພະ​ຍາດ​ແຫ່ງ​ຊາດ​ຈີນ​ໄດ້​ເປີດ​ເຜີຍ​ບົດ​ສະ​ຫຼຸບ​ປະ​ຈຳ​ສັບ​ປະ​ດາພາຍ​ໃຕ້​ຫົວ​ຂໍ້ “ຢູ່​ຮ່ວມ​ກັນ​ກັບ​ໂຄວິດ-19: ການ​ປະ​ເມີນແລະ​ການ​ຈ້ອງ​ເບິ່ງ”ໂດຍ​ຄາດ​ຄະ​ເນ​ວ່າ: ຖ້າ​ຈີນ​ໃຊ້​ມາດ​ຕະ​ການ​ປ້ອງ​ກັນ​ພະ​ຍາດ​ໂຄວິດ-19 ​ແບບອາ​ເມ​ຣິ​ກາ,ອັງ​ກິດ, ອິ​ສ​ຣາ​ແອນ,ແອັ​ສ​ປາຍ,ຝ​ຣັ່ງ​ແລະ​ປະ​ເທດ​ຕາ​ເວັນ​ຕົກ​ອື່ນໆ, ຜູ້​ຖືກ​ບົ່ງ​ມະ​ຕິ​ເປັນ​ພະ​ຍາດ​ໂຄວິດ-19 ເພີ່ມ​ໃໝ່​ຕໍ່​ມື້​​ຢູ່ຈີນ​ອາດ​ຈະ​ມີ​ເຖິງ​ຫຼາຍ​ແສນ​​ກໍ​ລະ​ນີ, ໃນ​ນັ້ນ, ມີ​ປະ​ມານ 10 ພັນ​ກໍ​ລະ​ນີ​ຈະ​ເກີດ​ມີ​ອາ​ການ​ໜັກ​ໜ່ວງ. ອາດ​ເວົ້າ​ໄດ້​ວ່າ: ປັດ​ຈຸ​ບັນ, ຈີນ​ໄດ້​ໃຊ້​ມາດ​ຕະ​ການ​ປ້ອງ​ກັນ​ແລະ​ຄວບ​ຄຸມ​ພະ​ຍາດ​ໂຄວິດ-19 ທີ່​ສອດ​ຄ່ອງ​ກັບ​ສະ​ພາບ​ຕົວ​ຈິງ​ຂອງ​ປະ​ເທດ​ຕົນ​ຫຼາຍ​ທີ່​ສຸດ.
ການ​ປ້ອງ​ກັນ​ແລະ​ຄວບ​ຄຸມ​ການ​ແຜ່​ລະ​ບາດ​ຂອງ​ພະ​ຍາດ​ໂຄວິດ-19 ຕ້ອງ​ການ​ປະ​ສານ​ສົມ​ທົບ​ຄວາມ​ຮູ້​​ດ້ານ​ວິ​ທະ​ຍາ​ສາດ,ສະ​ຕິ​ປັນ​ຍາ​ທາງ​ການ​ເມືອງ​ແລະການ​ສະ​ໜັບ​ສະ​ໜູນ​ຈາກ​ປະ​ຊາ​ຊົນ​_fororder_微信图片_202111301710553

      ແນວ​ໃດ​ກໍ​ຕາມ, ມວນ​ມະ​ນຸດ​ລ້ວນ​ແຕ່​ຕ້ອງ​ຜະ​ເຊີນ​ໜ້າ​ກັບການ​ປ້ອງ​ກັນ​ແລະ​ຄວບ​ຄຸມ​ພະ​ຍາດ​ໂຄວິດ-19,ບໍ່​ມີ​ໃຜ​ຈະ​ສາ​ມາດ​ຫຼີກ​​ລ່ຽງ​ໄດ້. ສະ​ນັ້ນ, ບັນ​ດາ​ປະ​ເທດ​ໃນ​ໂລກ​ຄວນ​ເຮັດ​ແນວ​ໃດ​ຈຶ່ງ​ຈະ​ສາ​ມາດ​ເອົາ​ຊະ​ນະ​ໃນ​ການ​ຕໍ່​ສູ້​ກັບ​ພະ​ຍາດ​ບັ້ນ​ນີ້​ໄດ້? ອີງ​ຕາມ​ບົດ​ຮຽນ​ສຳ​ເລັດ​ຜົນ​ຂອງ​ຈີນ​ໃນ​ເມື່ອ​ກ່ອນ,​ຄວນ​ປະ​ສານ​ສົມ​ທົບ​ຄວາມ​ຮູ້​ທາງ​ດ້ານ​ວິ​ທະ​ຍາ​ສາດ,ສະ​ຕິ​ປັນ​ຍາ​ທາງ​ການ​ເມືອງ​ແລະ​ການ​ສະ​ໜັບ​ສະ​ໜູນ​ຈາກປະ​ຊາ​ຊົນ,ພວກ​ເຮົາ​ຄົງ​ຈະ​ສາ​ມາດ​​ຊອກ​ໄດ້​​ມາດ​ຕະ​ການ​ປ້ອງ​ກັນ​ແລະ​ຄວບ​ຄຸມ​ພະ​ຍາດ​ໂຄວິດ-19 ທີ່​ດີ​ທີ່​ສຸດ​ທີ່​ສ້າງ​ຄວາມ​ດຸນ​ດ່ຽງ​ໃຫ້​ແກ່ການ​ຄວບ​ຄຸມ​​ການ​ແຜ່​ລະ​ບາດ​ຂອງພະ​ຍາດ​ໂຄວິດ-19 ແລະ​ການ​ພັດ​ທະ​ນາ​ເສດ​ຖະ​ກິດ​ສັງ​ຄົມ​ໄດ້​ເປັນ​ຢ່າງ​ດີ.

ຄຳ​ເຫັນ

0