ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕອນຄ່ຳວັນທີ 4 ພະຈິກ 2021, ທ່ານສີຈິ້ນຜິງ ປະທານປະເທດຈີນໄດ້ກ່າວຄຳປາໄສສຳຄັນໃນພິທີເປີດງານວາງສະແດງສິນຄ້ານຳເຂົ້າສາກົນຈີນຄັ້ງທີ 4 ຜ່ານຮູບແບບວິດີໂອ.
ນັບແຕ່ກອງປະຊຸມໃຫຍ່ຂອງພັກກອມມູນິດຈີນຄັ້ງທີ 18 ເປັນຕົ້ນມາ, ທ່ານສີຈິ້ນຜິງ ເລຂາທິການໃຫຍ່ຄະນະກຳມະການສູນກາງພັກກອມມູນິດຈີນ, ປະທານປະເທດຈີນໄດ້ກ່າວເນັ້ນຢ່າງຈະແຈ້ງວ່າ, ຕ້ອງດຳເນີນ “ການເປີດປະຕູສູ່ພາຍນອກໃນລະດັບສູງ”. ຈີນໄດ້ເປີດປະຕູສູ່ພາຍນອກນັບມື້ນັບກວ້າງຂວາງກວ່າເກົ່າ, ໄດ້ຈັດງານວາງສະແດງສິນຄ້ານຳເຂົ້າສາກົນຈີນ, ກອງປະຊຸມເວທີປຶກສາຫາລືວ່າດ້ວຍການຮ່ວມມືສາກົນ “ໜຶ່ງແລວໜຶ່ງເສັ້ນທາງ”ຫຼາຍຄັ້ງ ຢ່າງສຳເລັດຜົນ, ໄດ້ຈັດຕັ້ງປະຕິບັດກົດໝາຍວ່າດ້ວຍການລົງທຶນຂອງຕ່າງປະເທດ ພ້ອມດ້ວຍລະບຽບການຈັດຕັ້ງປະຕິບັດຢ່າງຮອບດ້ານ, ປັບປຸງບັນຊີດ້ານລົບກ່ຽວກັບການເຂົ້າເຖິງຕະຫຼາດຈີນສຳລັບນັກລົງທຶນຕ່າງປະເທດໃຫ້ຫຼຸດລົງຫຼາຍເທື່ອ, ຂະຫຍາຍເຂດທົດລອງການຄ້າເສລີ, ປະກາດໃຊ້ແຜນແມ່ບົດວ່າດ້ວຍການສ້າງທ່າການຄ້າເສລີໄຫຫຼຳ ແລະອື່ນໆ, ເຊິ່ງທັງໝົດເຫຼົ່ານີ້ສະແດງໃຫ້ເຫັນວ່າ, ໃນຂະບວນການໃໝ່ເພື່ອສ້າງປະເທດສັງຄົມນິຍົມທີ່ທັນສະໄໝຮອບດ້ານ, ການເປີດປະຕູສູ່ພາຍນອກຂອງຈີນພວມກ້າວໄປສູ່ຂອບເຂດກວ້າງຂວາງກວ່າເກົ່າ, ຂົງເຂດກວ້າງຂວາງກວ່າເກົ່າ ແລະ ມີລະດັບທີ່ເລິກເຊິ່ງກວ່າເກົ່າ.
“ການເປີດປະຕູສູ່ພາຍນອກໃນລະດັບສູງ” ມີສ່ວນພົວພັນຢ່າງຈະແຈ້ງກັບພຶດຕິກຳການເປີດປະຕູສູ່ພາຍນອກໃນໄລຍະທີ່ທ່ານສີຈິ້ນຜິງເຮັດວຽກຢູ່ທ້ອງຖິ່ນ, ໃນລາຍການພາກນີ້ ພວກເຮົາຈະເລົ່າເລື່ອງນີ້ສູ່ທ່ານຟັງ.
ແຕ່ປີ 2000 ຫາປີ 2002 ເປັນເວລາລຽນຕິດ 3 ປີ, ຜູ້ອ່ານສາມາດອ່ານບົດຄວາມທີ່ຂຽນໂດຍທ່ານສີຈິ້ນຜິງ ຫຼື ບົດສຳພາດທ່ານສີຈິ້ນຜິງທີ່ລົງພິມໃນວາລະສານ, ເຊິ່ງບົດຄວາມເຫຼົ່ານີ້ລ້ວນແຕ່ປິ່ນອ້ອມຫົວຂໍ້ອັນດຽວກັນ, ຄື ງານຕະຫຼາດນັດດ້ານການຄ້າ ແລະ ການລົງທຶນຈີນ.
ວັນທີ 4 ກັນຍາປີ 2000, ສື່ມວນຊົນໄດ້ລົງພິມບົດຄວາມບົດໜຶ່ງທີ່ພາດຫົວຂໍ້ວ່າ “ເສີມຂະຫຍາຍບົດບາດໃນຖານະເປັນປ່ອງຢ້ຽມ ຊຸກຍູ້ການເປີດປະຕູສູ່ພາຍນອກ”, ເຊິ່ງຜູ້ຂຽນກໍແມ່ນທ່ານສີຈິ້ນຜິງທີ່ເປັນເຈົ້າແຂວງແຂວງຟູຈ້ຽນໃນເວລານັ້ນ.
ບົດຄວາມບົດນີ້ຂອງທ່ານສີຈິ້ນຜິງໄດ້ລະບຸວ່າ, ງານຕະຫຼາດນັດດ້ານການຄ້າ ແລະ ການລົງທຶນຈີນໄດ້ປະເຊີນກັບກາລະໂອກາດທີ່ເອື້ອອຳນວຍ 2 ຢ່າງ, ຄື: ໜຶ່ງ, ຈີນໃກ້ຈະເຂົ້າເປັນສະມາຊິກອົງການການຄ້າໂລກ, ສອງ, ລັດຖະບານຈີນປະຕິບັດແຜນຍຸດທະສາດພັດທະນາພາກຕາເວັນຕົກ, ເຊິ່ງ ກາລະໂອກາດ 2 ຢ່າງນີ້ຈະຊ່ວຍເພີ່ມແຮງດຶງດູດໃຫ້ກັບງານດັ່ງກ່າວ, ແລະເສີມຂະຫຍາຍບົດບາດເປັນຂົວຕໍ່ທີ່ສຳຄັນກວ່າເກົ່າ.
ການກຳນົດທີ່ຕັ້ງຂອງຕົນໃນແຜນແມ່ບົດແຫ່ງການພັດທະນາທົ່ວປະເທດໄດ້ຢ່າງຖືກຕ້ອງ, ເລັງສາຍຕາໄປທົ່ວໂລກເພື່ອຊອກຫາໂອກາດການພັດທະນາ, ມີສາຍຕາຍຸດທະສາດທີ່ເບິ່ງກວ້າງມອງໄກໃນລະດັບສູງ, ເຮັດໃຫ້ງານຕະຫຼາດນັດດ້ານການຄ້າ ແລະ ການລົງທຶນລະດັບເຂດແຄວ້ນທີ່ກຳເນີດເກີດຂຶ້ນຢູ່ພາກຕາເວັນອອກສຽງໃຕ້ຂອງຈີນ ໄດ້ຮັບການພັດທະນາ ແລະ ຍົກລະດັບໃຫ້ສູງຂຶ້ນເລື້ອຍໆໃນ 30 ກວ່າປີມານີ້. ປີ 2005, ງານດັ່ງກ່າວໄດ້ປ່ຽນຊື່ເປັນງານຕະຫຼາດນັດດ້ານການຄ້າ ແລະ ການລົງທຶນສາກົນຈີນ, ເຊິ່ງເປັນກິດຈະກຳສົ່ງເສີມການລົງທຶນສາກົນພຽງໜຶ່ງດຽວຂອງຈີນທີ່ມີຈຸດປະສົງສົ່ງເສີມການລົງທຶນເຊິ່ງກັນແລະກັນ.
ປີ 2020, ພາຍໃຕ້ສະພາບການທີ່ພະຍາດໂຄວິດ-19 ແຜ່ລະບາດຢ່າງຮ້າຍແຮງໃນທົ່ວໂລກ, ງານຕະຫຼາດນັດດ້ານການຄ້າ ແລະ ການລົງທຶນສາກົນຈີນໄດ້ຈັດຂຶ້ນຕາມເວລາກຳນົດ, ພາຍໃນງານດັ່ງກ່າວໄດ້ບັນລຸການເຊັນສັນຍາການຮ່ວມມື2300 ກວ່າໂຄງການ, ຍອດມູນຄ່າສັນຍາການລົງທຶນບັນລຸຫຼາຍກວ່າ 800 ຕື້ຢວນ, ເຊິ່ງໄດ້ກະຕຸກຊຸກຍູ້ຄວາມໝັ້ນໃຈໃນການຟື້ນຟູເສດຖະກິດຂອງໂລກ.
ເດືອນກັນຍາປີ 2001, ໃນໂອກາດທີ່ຈັດງານຕະຫຼາດນັດດ້ານການຄ້າ ແລະການລົງທຶນສາກົນຈີນຄັ້ງທີ 5, ສື່ມວນຊົນໄດ້ລົງພິມບົດຄວາມທີ່ພາດຫົວຂໍ້ວ່າ “ສຳພາດທ່ານສີຈິ້ນຜິງ ເຈົ້າແຂວງແຂວງຟູຈ້ຽນກ່ຽວກັບການເປີດປະຕູສູ່ພາຍນອກຄືເສັ້ນເລືອດແຫ່ງການພັດທະນາເສດຖະກິດຂອງແຂວງຟູຈ້ຽນ”. ໃນບົດສຳພາດດັ່ງກ່າວ, ທ່ານສີຈິ້ນຜິງໄດ້ແນະນຳມາດຕະການທາງຍຸດທະສາດໃນການເປີດປະຕູສູ່ພາຍນອກຂອງແຂວງຟູຈ້ຽນໃນອະນາຄົດ ໂດຍກຳນົດວ່າ, ຕ້ອງຍົກສູງຄຸນນະພາບ ແລະ ປະສິດທິຜົນຂອງການນຳໃຊ້ທຶນຕ່າງປະເທດຕື່ມອີກ. “ຖືເອົາວຽກງານການນຳໃຊ້ທຶນຕ່າງປະເທດ ປະສານສົມທົບກັບການປັບປຸງໂຄງປະກອບເສດຖະກິດຂອງແຂວງຟູຈ້ຽນ, ການສ້າງ ແລະ ບູລະນະລະບອບເສດຖະກິດຕະຫຼາດສັງຄົມນິຍົມ, ກໍຄືການພັດທະນາເສດຖະກິດແບບເປີດກວ້າງ.”
ວັນທີ 14 ຕຸລາປີ 2002, ສື່ມວນຊົນໄດ້ລົງພິມບົດສຳພາດຂອງທ່ານສີຈິ້ນຜິງ ເຈົ້າແຂວງແຂວງຟູຈ້ຽນທີ່ພາດຫົວຂໍ້ວ່າ: “ການສ້າງຊ່ອງທາງຍຸດທະສາດທີ່ເປີດປະຕູສູ່ພາຍນອກ: ປະສານງານກັນລະຫວ່າງເຂດພູດອຍ ແລະ ເຂດແຄມທະເລ, ເຊື່ອມສານກັນພາຍໃນ, ເປີດປະຕູສູ່ພາຍນອກ”. ໃນບົດສຳພາດດັ່ງກ່າວ, ທ່ານສີຈິ້ນຜິງໄດ້ແນະນຳໝາກຜົນຂອງງານຕະຫຼາດນັດດ້ານການຄ້າ ແລະການລົງທຶນສາກົນຈີນຄັ້ງທີ 6, ແລະກ່າວເຖິງແນວຄວາມຄິດລະອຽດທີ່ແຂວງຟູຈ້ຽນເປີດກວ້າງການເປີດປະຕູສູ່ພາຍນອກຕື່ມອີກ, ທ່ານໄດ້ແນະນຳນະໂຍບາຍກ່ຽວກັບການເພີ່ມທະວີການເຊື່ອມໂຍງດ້ານເສດຖະກິດລະຫວ່າງແຂວງຟູຈ້ຽນກັບເຂດແຄວ້ນອື່ນໃນທົ່ວປະເທດ, ຍົກລະດັບຄຸນນະພາບແຫ່ງການເປີດປະຕູສູ່ພາຍນອກຢ່າງຮອບດ້ານ.
ທ່ານຫວາງຢຸ້ນສາຍ ນັກຂ່າວທີ່ເຄີຍສຳພາດທ່ານສີຈິ້ນຜິງກ່ຽວກັບຫົວຂໍ້ງານຕະຫຼາດນັດດ້ານການຄ້າ ແລະການລົງທຶນສາກົນຈີນ 3 ປີລຽນຕິດກ່າວວ່າ: “ໃນຄວາມຄິດເຫັນຂອງທ່ານສີຈິ້ນຜິງ, ການເປີດປະຕູສູ່ພາຍນອກບໍ່ແມ່ນການເຄື່ອນໄຫວໄລຍະສັ້ນ, ແຮ່ງບໍ່ແມ່ນການເປີດປະຕູສູ່ພາຍນອກພຽງແຕ່ເປັນຮູບການເທົ່ານັ້ນ, ແຕ່ແມ່ນການຍົກສູງຄຸນນະພາບຂອງການເປີດປະຕູສູ່ພາຍນອກ, ເພື່ອປະຕິບັດວຽກງານຂອງຈີນເອງໃຫ້ດີ, ໂດຍໄດ້ກຳນົດທີ່ຕັ້ງຂອງການພັດທະນາຢູ່ພາຍໃນປະເທດຢ່າງສະເໝີຕົ້ນສະເໝີປາຍ.”
ຫຼັງຈາກການສຳພາດພິເສດປີ 2002 ໄດ້ບໍ່ດົນ, ທ່ານສີຈິ້ນຜິງກໍໄດ້ຖືກສັບຊ້ອນຈາກແຂວງຟູຈ້ຽນທີ່ທ່ານໄດ້ເຮັດວຽກເປັນເວລາ 17 ປີເຄິ່ງ, ເພື່ອໄປດຳລົງຕຳແໜ່ງຢູ່ແຂວງເຈີ້ຈ່ຽງ.
ຫຼັງຈາກໄດ້ດຳລົງຕຳແໜ່ງຢູ່ແຂວງເຈີ້ຈ່ຽງແລ້ວ, ບັນຫາທຳອິດທີ່ທ່ານສີຈິ້ນຜິງພິຈາລະນາກໍຄື: ເຮັດແນວໃດຈຶ່ງຈະສາມາດເປີດປະຕູຢູ່ພາຍໃນປະເທດ ແລະ ຕໍ່ພາຍນອກໄດ້, ນຳໃຊ້ຊັບພະຍາກອນຂອງຕະຫຼາດສາກົນ ແລະ ຕະຫຼາດພາຍໃນຢ່າງເຕັມສ່ວນ, ເພີ່ມແຮງຂັບເຄື່ອນທີ່ເຂັ້ມແຂງອີກຢ່າງໜຶ່ງໃຫ້ແກ່ແຂວງເຈີ້ຈ່ຽງ. ພ້ອມກັນນັ້ນ, ທ່ານໄດ້ກ່າວເນັ້ນວ່າ, ການດຶງດູດການລົງທຶນຂອງຕ່າງປະເທດບໍ່ພຽງແຕ່ແມ່ນການນຳເຂົ້າເງິນທຶນເທົ່ານັ້ນ, ສິ່ງສຳຄັນກວ່ານັ້ນກໍ່ແມ່ນການນຳເຂົ້າເຕັກໂນໂລຊີທີ່ກ້າວໜ້າ ແລະ ບົດຮຽນໃນການຄຸ້ມຄອງ, ນຳເຂົ້າທັດສະນະອັນໃໝ່, ນຳເຂົ້າຍີ່ຫໍ້ທີ່ມີຊື່ສຽງ ແລະ ເຄືອຂ່າຍທຸລະກິດການຕະຫຼາດ. ເປົ້າໝາຍໃຈກາງ ຄື ວິສາຫະກິດຈີນ ແລະ ວິສາຫະກິດທຶນຕ່າງປະເທດໃນທົ່ວແຂວງເຈີ້ຈ່ຽງຕ້ອງເຊື່ອມໂຍງເຂົ້າກັນ ຮ່ວມມືກັນ ແລະ ພັດທະນາຮ່ວມກັນ.
ເລື່ອງຕ່າງໆທີ່ເກີດຂຶ້ນໃນປະຫວັດສາດນັ້ນ, ໄດ້ເປັນສັກຂີພິຍານໃຫ້ແກ່ທິດທາງ ແລະ ຈຸດພິເສດໃນການພັດທະນາເສດຖະກິດຢ່າງວ່ອງໄວຕາມຍຸດທະສາດເປີດປະຕູສູ່ພາຍນອກໃນໄລຍະຕ່າງໆຂອງ ແຂວງຟູຈ້ຽນ ແລະ ແຂວງເຈີ້ຈ່ຽງ, ເຊິ່ງ ເປັນສອງແຂວງທີ່ທ່ານສີຈິ້ນຜິງເຄີຍເປັນຜູ້ຄຸ້ມຄອງບໍລິຫານ, ແລະໄດ້ສະແດງໃຫ້ເຫັນແນວຄວາມຄິດຂອງທ່ານສີຈິ້ນຜິງກ່ຽວກັບບັນຫາເປີດປະຕູສູ່ພາຍນອກຢູ່ບົນພື້ນຖານການກຳແໜ້ນສະພາບຄວາມເປັນຈິງຂອງປະເທດຈີນໄດ້ຢ່າງເລິກເຊິ່ງ, ທັງໄດ້ສະແດງໃຫ້ເຫັນວ່າ, ປະຈຸບັນປະເທດຈີນໄດ້ດຳເນີນ “ການເປີດປະຕູສູ່ພາຍນອກໃນລະດັບສູງ” ແມ່ນສືບທອດມູນເຊື້ອມາແຕ່ດົນນານ.
ຄຳເຫັນ
0