ວັນ​ທີ 7 ທັນ​ວາ​ນີ້, ກະ​ຊວງ​ປ້ອງ​ກັນ​ປະ​ເທດ​ອິ​ສ​ຣາ​ແອນ​ໄດ້​ປະ​ກາດ​ວ່າ: ຜ່ານ​ການ​ກໍ່​ສ້າງ​ເປັນ​ເວ​ລາ 3 ປີ​ປາຍ, ກຳ​ແພງ​ປ້ອງ​ກັນ​​ອັດ​ສະ​ລິ​ຍະທີ່​ຢູ່ເຂດ​ກາ​ຊາ​​ໄດ້​ສ້າງ​ສຳ​ເລັດ​ແລ້ວ. ​ກຳ​ແພງ​ດັ່ງ​ກ່າວ​ຍາວ 65 ກິ​ໂລ​ແມັດ ເຊິ່ງ​ແບ່ງ​ອອກ​ເປັນ​ສອງ​ພາກ​ສ່ວນ ຄື​ພາກ​ສ່ວນ​ເທິງ​ພື້ນ​ດິນ ແລະ​ພາກ​ສ່ວນໃຕ້​ດິນ. ຢູ່​ຕາມ​​ກຳ​ແພງ​ໄດ້​ຕິດ​ຕັ້ງ​ກ້ອງ​ວົງ​ຈອນ​ປິດຫຼາບ​ຮ້ອຍ​ໜ່ວຍ, ລະ​ບົບ​ຣາ​ດາ ແລະ​ເຄື່ອງ​ສຳ​ຜັດ​ທາງ​ໄກ. ນອກ​ນີ້, ​ກຳ​ແພງ​ປ້ອງ​ກັນ​ຍັງ​ໄດ້​ຂະ​ຫຍາຍ​ຍາວ​ອອກໄປ​ຮອດ​ທະ​ເລ ເຊິ່ງ​ໄດ້​​ຕິດ​ຕັ້ງ​ລະ​ບົບ​ເຝົ້​າ​ສັງ​ເກດ​ຜູ້​ລັກ​ລອບ​ຂ້າມ​ຊາຍ​ແດນ​ທາງ​ທະ​ເລ ແລະ​ລະ​ບົບ​ອາ​ວຸດ​ທີ່​ສາ​ມາດ​ຄວບ​ຄຸມ​ຈາກ​ທາງ​ໄກ​ໄດ້.