ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ13ທັນວານີ້,ທ່ານ ປະຢຸດ ຈັນໂອຊາ ນາຍົກລັດຖະມົນຕີໄທໄດ້ເປັນປະທານຈັດກອງປະຊຸມຄະນະລັດຖະບານໂດຍຕົກລົງວ່າ:ຈະອະນຸຍາດໃຫ້ຮ້ານອາຫານແລະຮ້ານເຫຼົ້າຕ່າງໆຢູ່ໄທເປີດຮ້ານໄດ້ໃນຄ່ຳຄືນຂອງວັນຕ້ອນຮັບປີໃໝ່ທີ່ຈະໝູນວຽນມາເຖິງ ຄືເລີ່ມແຕ່ຕອນຄ່ຳຂອງວັນທີ31ທັນວາ ຈົນຮອດຕອນຂ້ອນແຈ້ງຂອງວັນທີ1ມັງກອນຂອງປີໃໝ່. ສຳລັບລູກຄ້າສາມາດດື່ມເຫຼົ້າໄດ້ໃນໄລຍະດັ່ງກ່າວ, ແຕ່ກໍ່ມີເງື່ອນໄຂເບື້ອງຕົ້ນ ຄື ຮ້ານອາຫານຮ້ານເຫຼົ້າຕ້ອງລະບາຍອາກາດໃຫ້ສະອາດ. ສ່ວນຂໍ້ກຳນົດໃນປັດຈຸບັນແມ່ນ,ເວລາຂາຍເຫຼົ້າແລະເວລາດື່ມເຫຼົ້າໃນຮ້ານອາຫານ ບໍ່ໃຫ້ກາຍ23ໂມງ.
ນອກນີ້ແລ້ວ ກອງປະຊຸມຍັງໄດ້ຕົກລົງວ່າ:ໃຫ້ສາມາດຈັດກິດຈະກຳສະເຫຼີມສະຫຼອງວັນຕ້ອນຮັບປີໃໝ່ທີ່ມີຜູ້ເຂົ້າຮ່ວມໄດ້1ພັນກວ່າຄົນ,ແຕ່ຜູ້ທີ່ເຂົ້າຮ່ວມຕ້ອງມີໃບຢືນຢັນການສັກວັກຊີນແລ້ວ2ເຂັມ, ແລະຕ້ອງໄດ້ຮັບການກວດຫາເຊື້ອໂຄວິດ-19. ທ່ານປະຢຸດກ່າວວ່າ: ຈະປະເມີນຜົນການຈັດກິດຈະກຳຕ້ອນຮັບປີໃໝ່ພາຍໃຕ້ສະພາບພະຍາດໂຄວິດ-19ໃນປັດຈຸບັນນີ້,ເພື່ອເປັນບົດຮຽນວ່າຈະສາມາດຈັດກິດຈະກຳຂະໜາດໃຫຍ່ປະເພດອື່ນໆໄດ້ຫຼືບໍ່ໃນຕໍ່ໜ້າ.
ຄຳເຫັນ
0