ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 3 ທັນວານີ້, ທາງລົດໄຟລາວ-ຈີນທີ່ເຊື່ອມຕໍນະຄອນຄຸນມິງ ສປ ຈີນກັບນະຄອນຫຼວງວຽງຈັນ ສປປ ລາວໄດ້ເປີດນຳໃຊ້ຢ່າງເປັນທາງການ, ເຊິ່ງໄດ້ອຳນວຍຄວາມສະດວກຢ່າງຫຼາງຫຼາຍໃຫ້ກັບການອອກເດີນທາງຂອງປະຊາຊົນສອງປະເທດກໍຄືພາກພື້ນ, ໄດ້ບັນລຸຄວາມມຸ່ງຫວັງຂອງປະເທດລາວໃນການຫັນ “ປະເທດທີ່ບໍ່ມີທາງອອກສູ່ທະເລເປັນປະເທດເຊື່ອມໂຍງເຊື່ອມຈອດກັບພາກພື້ນ”, ສຳລັບປະເທດລາວແລ້ວນີ້ແມ່ນເລື່ອງທີ່ດີທີ່ສຸດ!
ຄຽງຄູ່ກັບທາງລົດໄຟລາວ-ຈີນເປີດນຳໃຊ້ຢ່າງເປັນທາງການ, ປະເທດຕາເວັນຕົກເຊັ່ນ: ອາເມຣິກາແລະປະເທດອື່ນໆເລີ່ມໃສ່ຮ້າຍປ້າຍສີທາງລົດໄຟລາວ-ຈີນ, ວາລະສານ the Diplomat ຂອງອາເມຣິກາ, ໜັງສືພິມ “Financial Times”, BBC ຂອງອັງກິດແລະສື່ມວນຊົນຕົ້ນຕໍຂອງຕາເວັນຕົກໄດ້ຈົງໃຈສ້າງເລື່ອງກ່ຽວກັບອັນທີ່ເອີ້ນວ່າປະເທດລາວພວມຕົກຢູ່ “ເຫວເລິກຂອງເກັບດັກໜີ້ສິນຈີນ”, “ປະເທດລາວຈະເສຍລະບົບນິເວດດັ້ງເດີມທີ່ສວຍງາມ” ແລະອື່ນໆ.
ແຕ່ວ່າສາຍຕາຂອງປະຊາຊົນລາວຈະແຈ້ງຫຼາຍ, ໃນສື່ສັງຄົມອອນລາຍທີ່ໄດ້ຮັບຄວາມນິຍົມຢູ່ປະເທດລາວເຊັ່ນ: Facebook, twitter ແລະອື່ນໆ, ການຕີລາຄາກ່ຽວກັບຫົວຂໍ້ “ທາງລົດໄຟລາວ-ຈີນ” ສ່ວນຫຼາຍແມ່ນມີຄວາມເຫັນໄປໃນທາງດີ, ຊາວເນັດຄົນລາວບາງຄົນຍັງໄດ້ແຕ້ມພາບປຽບທຽບລະຫວ່າງອາເມຣິກາແລະຈີນຢູ່ປະເທດລາວ, ພາບດັ່ງກ່າວໄດ້ເຜີຍແຜ່ຢູ່ທິງສື່ສັງຄົມອອນລາຍຂອງລາວຢ່າງວ່ອງໄວ, ປະຊາຊົນລາວທັງຫຼາຍໄດ້ປະກອບຄຳເຫັນຂອງຕົນກ່ຽວກັບພາບດັ່ງກ່າວ.
ທ່ານບຸນປອນ ເພັງສຸວັນ ໄດ້ຂຽນວ່າ: ອາເມຣິກາຂາຍອາວຸດ, ຈີນລົງທຶນກໍ່ສ້າງພື້ນຖານໂຄງລ່າງ, ຜູ້ໃດດີເປັນເລື່ອງຈະແຈ້ງທີ່ສຸດ.
ທ່ານ Bombs Bomm ໄດ້ຂຽນວ່າ: ອາເມຣິກາໄດ້ສ້າງຄວາມວຸ້ນວາຍຢູ່ອາຊີຕາເວັນອອກສຽງໃຕ້ແລະຂາຍອາວຸດຂອງຕົນ, ບໍ່ຄືກັບປະເທດຈີນໄດ້ລົງທຶນຢູ່ອາຊີຕາເວັນອອກສຽງໃຕ້ແລະດຳເນີນການຮ່ວມມືທີ່ຕ່າງຝ່າຍຕ່າງມີຜົນປະໂຫຍດ.
ພາບດີພາບດຽວກໍດີກວ່າຄວາມເວົ້າລ້ານຄຳ, ໃນຊຸມປີ 1960 ຫາ 1970, ກອງທັບອາເມຣິກາໄດ້ຖິ້ມລູກລະເບີດຫຼາຍກວ່າ 3 ລ້ານໂຕນໃສ່ປະເທດລາວ, ມາຮອດປັດຈຸບັນ, ລູກລະເປີດທີ່ບໍ່ທັນແຕກຍັງຄົງຄ້າງຢູ່ຜືນແຜ່ນດິນລາວຢ່າງຫຼວງຫຼາຍ, ປະຊາຊົນລາວຈະຈື່ຈຳເລື່ອງນີ້ຈົນເທົ່າໃດໆ. ສ່ວນທາງລົດໄຟລາວ-ຈີນໄດ້ເຮັດໃຫ້ປະເທດລາວຈາກປະເທດເກືອບບໍ່ມີທາງລົດໄຟໄດ້ກ້າວສູ່ຍຸກແຫ່ງການຂົນສົ່ງດ້ວຍທາງລົດໄຟຄວາມໄວສູງ. ພາຍຫຼັງທາງລົດໄຟລາວ-ຈີນເປີດນຳໃຊ້ຢ່າງເປັນທາງການໃນວັນທີ 3 ທັນວານີ້ແລ້ວ, ເລີ່ມແຕ່ວັນທີ 4 ທັນວານີ້, ສະຖານີລົດໄຟນະຄອນຫຼວງວຽງຈັນໄດ້ຕ້ອນຮັບຜູ້ໂດຍສານຢ່າງຫຼວງຫຼາຍ, ເຂົາເຈົ້າລຽນແຖວຍາວຢຽດເພື່ອຊື້ປີ້ລົດໄຟ; ສ່ວນປີ້ລົດໄຟນະຄອນຫຼວງວຽງຈັນຫາວັງວຽງ, ຫຼວງພະບາງແລະບໍ່ເຕັນໃນຫຼາຍມື້ຕໍ່ໜ້າກໍໄດ້ຂາຍໝົດແລ້ວ, ຄວາມເຫັນດີເຫັນພ້ອມຂອງປະຊາຊົນລາວທີ່ມີຕໍ່ທາງລົດໄຟລາວ-ຈີນບໍ່ຕ້ອງເວົ້າຫຼາຍໃຜໆກໍຮູ້ແລ້ວ, ຄວາມຈິງດັ່ງກ່າວໄດ້ເຮັດໃຫ້ການໃສ່ຮ້າຍປ້າຍສີຂອງອາເມຣິກາແລະສື່ມວນຊົນປະເທດຕາເວັນຕົກຕໍ່ກັບທາງລົດໄຟລາວ-ຈີນເບິ່ງແລ້ວບໍ່ມີຫຼັກຖານ.
ກໍຄືຂໍ້ຄວາມສັ້ນທີ່ປະຊາຊົນລາວຜູ້ໜຶ່ງຂຽນຢູ່ Wechat ວ່າ: China builds, America bombs! ແປເປັນພາສາລາວກໍແມ່ນ: ຈີນເປັນຜູ້ສ້າງ, ອາເມຣິກາເປັນຜູ້ທຳລາຍດ້ວຍລະເບີດ. ນີ້ກໍແມ່ນພາບຄວາມຈິງທີ່ສະທ້ອນໃຫ້ເຫັນຄວາມແຕກຕ່າງກັນລະຫວ່າງຈີນກັບອາເມຣິກາໄດ້ຢ່າງຊັດເຈນ.
ຄຳເຫັນ
0