ວັນທີ 14 ທັນວານີ້ ສື່ມວນຊົນໄທລາຍງານວ່າ, ໃນການກວດເຊື້ອພະຍາດໂຄວິດ-19 ແບບໄວຕໍ່ນັກໂທດໃນຄຸກແຂວງພິດສະນຸໂລກ ພາກເໜືອຂອງໄທ, ຈຳນວນຜູ້ທີ່ຜົນເປັນບວກເພີ່ມຂຶ້ນຮອດ 1.599 ກໍລະນີ. ໃນຄຸກແຫ່ງດັ່ງກ່າວລວມມີນັກໂທດ 2.190 ຄົນ, ມີແຕ່ 691 ຄົນໄດ້ຮັບຜົນການກວດເປັນລົບເທົ່ານັ້ນ.

     ເຈົ້າແຂວງພິດສະນຸໂລກກ່າວວ່າ, ພາກສ່ວນທີ່ກ່ຽວຂ້ອງພວມດຳເນີນການກວດກາຕື່ມອີກ. ຜູ້ຕິດເຊື້ອພະຍາດສ່ວນຫຼາຍບໍ່ມີອາການ ຫຼື ມີອາການເບົາ, ມີແຕ່ຄົນດຽວມີອາການໜັກ ແລະ ໄດ້ຖືກສົ່ງຮອດໂຮງໝໍທ້ອງຖິ່ນ.

     ຕາມຄາດຄະເນຂັ້ນເບື້ອງຕົ້ນ, ແຫຼ່ງເຊື້ອພະຍາດມາຈາກພະນັກງານຂອງຄຸກ, ຜູ້ສົ່ງສິນຄ້າຈາກທາງນອກ ຫຼື ທ່ານໝໍພະແນກແຂ້ວທີ່ເຄີຍໄປປິ່ນປົວໃຫ້ນັກໂທດໃນຄຸກພາຍໃນເວລາ 2 ອາທິດ.