ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຫວ່າງມໍ່ໆມານີ້, ລົມພາຍຸ “ຣາອີ” ໄດ້ສົ່ງຜົນເຮັດໃຫ້ມີຜູ້ເສຍຊີວິດແລະສ້າງຜົນເສຍຫາຍທາງດ້ານຊັບສິນທີ່ໜັກໜ່ວງໃຫ້ກັບຟີລິບປິນ. ທ່ານ ຈ້າວລີ້ຈ່ຽນ ໂຄສົກກະຊວງການຕ່າງປະເທດຈີນກ່າວໃນເວລາຕອບຄຳຖາມໃນກອງປະຊຸມຖະແຫຼງຂ່າວວ່າ: ເພື່ອຊ່ວຍຟີລິບປິນກູ້ໄພແລະສ້າງສາເຂດປະສົບໄພຄືນໃໝ່, ລັດຖະບານຈີນໄດ້ສະໜອງເງິນຊ່ວຍເຫຼືອເພື່ອກູ້ໄພສຸກເສີນໃຫ້ກັບຝ່າຍຟີລິບປິນ.
ທ່ານ ຈ້າວລີ້ຈ່ຽນ ກ່າວວ່າ: “ສະຖານທູດຈີນປະຈຳຟີລິບປິນໄດ້ສົ່ງວັດຖຸອຸປະກອນໄປເຂດປະສົບໄພຢ່າງທັນເວລາ,ເພື່ອແກ້ໄຂສະພາບສຸກເສີນໃຫ້ກັບປະຊາຊົນຢູ່ເຂດປະສົບໄພ. ເຂົ້າຈ້າວງວດໜຶ່ງທີ່ຈີນບໍລິຈາກໃຫ້ລັດຖະບານຟີລິບປິນໃນຫວ່າງມໍ່ໆມານີ້ກໍ່ໄດ້ຖືກສົ່ງໄປຮອດເຂດປະສົບໄພແລ້ວ,ຟີລິບປິນພວມເລັ່ງຂົນສົ່ງແລະແຈກຢາຍເຄື່ອງຊ່ວຍເຫຼືອເຫຼົ່ານີ້ໃຫ້ເຂດປະສົບໄພ. ສະພາກາແດງຈີນ,ແລະແຂວງຕ່າງຂອງປະເທດຈີນໄດ້ໃຫ້ການຊ່ວຍເຫຼືອແກ່ຟີລິບປິນຢ່າງຕັ້ງໜ້າ. ຈີນເຊື່ອວ່າ: ພາຍໃຕ້ການນຳພາຂອງທ່ານ ໂຣດຣິໂກ ດູເຕີເຕ ປະທານາທິບໍດີແລະຄະນະລັດຖະບານຟີລິບປິນທ່ານອື່ນໆ, ປະຊາຊົນຟີລິບປິນຈະສາມາດເອົາຊະນະໄພພິບັດໄດ້ໂດຍໄວ ຢ່າງແນ່ນອນແລະຈະສາມາດສ້າງສາບ້ານເມືອງຄືນໃໝ່.”
ຄຳເຫັນ
0