ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ກະຊວງໂຄສະນາມຽນມາລາຍງານວ່າ, ໃນເວລາປະມານ 8 ໂມງ 30 ນາທີຂອງວັນທີ 24 ທັນວານີ້, ເຮືອບິນໂດຍສານມຽນມາລຳໜຶ່ງ ທີ່ຈາກນະຄອນຢາງກຸ້ງບິນໄປສະໜາມບິນ LoiKaw ລັດຄະເຣັນນິ ຖືກຫຼອນໂຈມຕີດ້ວຍລອກແກັດຈາກກຸ່ມປະກອບອາວຸດທ້ອງຖິ່ນ. ໃນເວລາຖືກຫຼອນໂຈມຕີ, ເຮືອບິນດັ່ງກ່າວພວມກຽມລົງຈອດຢູ່ສະໜາມບິນ, ໂຊກດີຫຼາຍ ລອກແກັດດັ່ງກ່າວບໍ່ໄດ້ຍິງຖືກເປົ້າໝາຍ, ບໍ່ມີຄົນເສຍຊີວິດ ແລະ ບາດເຈັບ, ທັງບໍ່ໄດ້ທຳລາຍສິ່ງກໍ່ສ້າງແລະ ເລນຂອງເຮືອບິນ.
ຜູ້ສັນທັດກໍລະນີຂອງທ້ອງຖິ່ນກ່າວວ່າ: ຜູ້ກໍ່ການໂຈມຕີໄດ້ຍິງລອກແກັດ 4 ລູກ, ໄດ້ລະເບີດຢູ່ບ່ອນທີ່ຫ່າງຈາກສະໜາມບິນໄປທາງທິດຕາເວັນອອກ ແລະ ທາງທິດຕາເວັນອອກສຽງໃຕ້ປະມານ 2000 ແມັດ. ໃນເຮືອບິນໂດຍສານດັ່ງກ່າວມີຜູ້ໂດຍສານ 64 ຄົນ.
ນອກນີ້ຂ່າວແຈ້ງວ່າ, ກຸ່ມປະກອບອາວຸດທ້ອງຖິ່ນຂອງມຽນມາ ໄດ້ເຕືອນວ່າຈະກໍ່ການໂຈມຕີໃນເວລາ 1 ເດືອນກ່ອນ. ເຂົາເຈົ້າເຫັນວ່າ ເຮືອບິນຂອງບໍລິສັດການບິນມຽນມາ ໄດ້ໃຫ້ການຊ່ວຍເຫຼືອໃນດ້ານການຂົນສົ່ງອາວຸດຍຸດໂທປະກອນໃຫ້ແກ່ຝ່າຍທະຫານມຽນມາ.
ຄຳເຫັນ
0