ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕາມຂ່າວCRI: ວັນທີ 6 ມັງກອນນີ້, ທ່ານນໍ ຮີຊາມ, ລັດຖະມົນຕີກະຊວງສາທາລະນະສຸກມາເລເຊຍໄດ້ປະກາດວ່າ: ຈະອະນຸມັດໃຫ້ວັກຊີນຕໍ່ຕ້ານພະຍາດໂຄວິດ-19 ທີ່ຜະລິດໂດຍບໍລິສັດຄັນຊີໂນຂອງຈີນສັກເປັນເຂັມກະຕຸ້ນຕື່ມເພື່ອສັກວັກຊີນໃຫ້ມວນຊົນທີ່ມີອາຍຸຕັ້ງແຕ່ 18 ຂຶ້ນໄປແບບມີເງື່ອນໄຂ.
ທ່ານນໍ ຮີຊາມກ່າວວ່າ: ວັກຊີນຂອງບໍລິສັດຄັນຊີໂນໃນຖານະເປັນເຂັມກະຕຸ້ນຕື່ມຈະສັກໃຫ້ມວນຊົນທີ່ໄດ້ສັກວັກຊີນຂອງບໍລິສັດຄັນຊີໂນເຂັມທຳອິດແລ້ວເປັນເວລາ 3 ຫາ 6 ເດືອນ. ກ່ອນໜ້ານີ້ກະຊວງສາທາລະນະສຸກມາເລເຊຍໄດ້ອະນຸມັດໃຫ້ວັກຊີນຂອງບໍລິສັດຊິນໂນແວກເປັນເຂັມກະຕຸ້ນຕື່ມໂດຍມີເງື່ອນໄຂແລ້ວ.
ມາເລເຊຍແມ່ນໄດ້ອະນຸມັດໃຫ້ວັກຊີນຂອງບໍລິສັດຄັນຊີໂນຈົດທະບຽນໂດຍມີເງື່ອນໄຂແຕ່ເດືອນມິຖຸນາປີ 2021 ແລະນັບແຕ່ເດືອນສິງຫາປີ 2021, ວັກຊີນຂອງບໍລິສັດຄັນຊີໂນໄດ້ເລີ່ມຂົນສົ່ງໄປຮອດມາເລເຊຍ, ແລະຖືກນຳໃຊ້ຢູ່ ທ້ອງຖິ່ນຂອງມາເລເຊຍຢ່າງກວ້າງຂວາງ.
ຄຳເຫັນ
0