ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕອນເຊົ້າຂອງວັນທີ 10 ມັງກອນນີ້, ສານມຽນມາໄດ້ເປີດສານອີກຄັ້ງໜຶ່ງເພື່ອຕັດສິນຄະດີທ່ານນາງອອງຊານຊູຈີ ທີ່ປຶກສາແຫ່ງລັດມຽນມາໃນຂໍ້ຫາລະເມີດກົດໝາຍວ່າດ້ວຍການຄຸ້ມຄອງການຄ້າຂາເຂົ້າຂາອອກ ໂດຍໄດ້ຕັດສິນວ່າ ຂໍ້ກ່າວຫາ ຂອງທ່ານມີຫຼັກຖານຢືນຢັນຢ່າງຄົບຖ້ວນ ຈິ່ງໄດ້ຕັດອິດສະລະພາບທ່ານເປັນເວລາຫຼາຍກວ່າ 4 ປີ.
ວັນທີ 6 ທັນວາປີ 2021 ທີ່ຜ່ານມາ, ທ່ານນາງອອງຊານຊູຈີ ແລະທ່ານວິນມິນ ອະດີດປະທານາທິບໍດີມຽນມາຕ່າງກໍ່ໄດ້ຖືກສານຕັດສິນຕັດອິດສະລະພາບພວກທ່ານ ເປັນເວລາ 4 ປີ ດ້ວຍຂໍ້ກ່າວຫາລະເມີດມາດຕາ 505 b ໃນກົດໝາຍອາຍາ ແລະກົດໝາຍວ່າດ້ວຍການຄຸ້ມຄອງໄພພິບັດທຳມະຊາດ, ຕອນຄ່ຳມື້ດຽວກັນ, ຄະນະກຳມະການຄຸ້ມຄອງແຫ່ງຊາດມຽນມາໄດ້ປະກາດວ່າ ໄດ້ຫຼຸດເວລາຕັດອິດສະລະພາບໃຫ້ກັບສອງທ່ານ 2 ປີ ແລະຮຽກຮ້ອງໃຫ້ສອງທ່ານສືບຕໍ່ຕິດຄຸກແບບກັກບໍລິເວນຕໍ່ໄປ.
ນັບແຕ່ເດືອນກຸມພາປີ 2021 ເປັນຕົ້ນມາ, ທ່ານນາງອອງຊານຊູຈີ ຖືກກ່າວຫາ 10 ກວ່າຂໍ້, ນອກຈາກຂໍ້ກ່າວຫາ 3 ຂໍ້ທີ່ໄດ້ຕັດສິນໄປແລ້ວນັ້ນ, ຍັງມີຂໍ້ກ່າວຫາຫຼາຍຂໍ້ພວມຢູ່ໃນໄລຍະພິຈາລະນາຂອງສານ.
ຄຳເຫັນ
0