ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 21 ມັງກອນນີ້, ກະຊວງອຸດສາຫະກຳແລະການຄ້າສາກົນມາເລເຊຍໄດ້ປະກາດວ່າ: ມາເລເຊຍໄດ້ຍື່ນໜັງສືຮັບຮອງສັນຍາການພົວພັນຄູ່ຮ່ວມມືເສດຖະກິດຮອບດ້ານໃນພາກພື້ນ ຫຼື RCEP ໃຫ້ກອງເລຂາອາຊຽນຢ່າງເປັນທາງການແລ້ວໃນວັນທີ 17 ມັງກອນນີ້.
ໃນ RCEP ໄດ້ລະບຸໄວ້ວ່າ: RCEP ຈະມີຜົນສັກສິດຫຼັງຈາກໄດ້ຍື່ນໜັງສືຮັບຮອງ 60 ວັນ. ກະຊວງອຸດສາຫະກຳແລະການຄ້າມາເລເຊຍກ່າວວ່າ: RCEP ຈະມີຜົນສັກສິດສຳລັບປະເທດມາເລເຊຍເລີ່ມແຕ່ວັນທີ 18 ມີນາໜ້ານີ້ເປັນຕົ້ນໄປ, ເຊິ່ງຈະເປັນການເພີ່ມພະລັງຊຸກດັນທີ່ສຳຄັນໃຫ້ແກ່ການພັດທະນາເສດຖະກິດຂອງມາເລເຊຍ, ແລະກໍເປັນການເສີມສ້າງລະບົບການຄ້າຫຼາຍຝ່າຍເຊັ່ນກັນ.
ກະຊວງອຸດສາຫະກຳແລະການຄ້າສາກົນມາເລເຊຍຄາດວ່າ: ມາເລເຊຍຈະກາຍເປັນປະເທດທີ່ໄດ້ຮັບຜົນປະໂຫຍດຫຼາຍທີ່ສຸດໃນດ້ານການສົ່ງອອກສິນຄ້າຈາກ RCEP ໃນບັນດາປະເທດສະມາຊິກອາຊຽນ, ນອກນັ້ນ, ຜູ້ໃຫ້ບໍລິການຕ່າງໆລວມທັງຜູ້ໃຫ້ບໍລິການດ້ານການຄ້າເອເລັກໂຕຼນິກກໍຈະສາມາດຂະຫຍາຍຕະຫຼາດໃຫ້ກວ້າງຂວາງກວ່າເກົ່າ.
ຄຳເຫັນ
0